Vom Erſten.

VNd alſo fuͤrs erſte zu erklaͤren / Ob vnd wie denn der HErr ſeine Heiligen wunderlich fuͤhre: ſo wird durch das an jhm ſelbſt kurtze kleine Woͤrt - lein HERR verſtanden der groͤſte vnd hoͤchſte in aller welt / von welchem all vnſer Gebeine muſſen ſagen: HErr wer iſt deines gleichen. Pſalm. 83. 35. Nemlich GOtt der Ewige Koͤnig / der vnvergengliche / vnſichtbare vnd allein weiſe / ei - nig im Weſen / vnd dreyfaltig in Perſonen / Vater / Sohn vnd Heiliger Geiſt. 1. Timoth. 1. Deut. 6. Matth. 28. der alles mit Maß / Zahl vnd Gewichte geordnet / Sap. 11. Von welchem / durch welchen vnd in welchem ſind alle ding Rom. 11. Er huͤttet vnd wacht / es ſteht alles in ſeiner macht.

Mit dem Woͤrtlein Heiligen aber werden gemeinet alle ware Chriſten / ſie ſind Mañes oder Weibes Perſonen / reich oder arm / jung oder alt / gelehrt oder vngelehrt / dem Kir - chen / Regenten oder Hausſtande zugehoͤrig. Nicht das ſie ſolche von natur weren: Denn nach derſelben werden auſ - ſer Chriſto alle in Suͤnden empfangen / vnd Fleiſch vom Fleiſch gebohren / Pſal. 51. Joh. 3. Auch nicht das ſie ſol - che durch eigen Werckheiligkeit vnd Froͤmigkeit wuͤrden: Denn dißfals iſt auch all vnſer Gerechtigkeit wie ein vnflaͤ - tig Kleid / die gleich alles gethan haben / ſind doch vnnuͤtzeA iijKnechte[6]Knechte / Eſai. 64. Luc. 17. Sondern Heiligen ſein vñ heiſ - ſen die lieben Chriſten ein jeder in ſeinem ſtande darumb / das ſie mit David vnd Paulo jhre eigene Vnheiligkeit erkennen vnd beſeufftzen / Pſal. 51. Rom. 7. mit warem Glauben an die aller Heiligſten Bluttstroͤpflein JEſu Chriſti / welcher vns von GOtt zur Heiligung gemacht iſt / ſich halten / 1. Joh. 1. 1. Cor. 1. Vnd durch anregung vnd huͤlffe des in - wohnenden Heiligen Geiſtes ſich befleiſſen Gotte zu dienen in Heiligkeit vnd Gerechtigkeit / die jm gefellig iſt. 1. Cor. 3. Luc. 1. Eben in dieſem verſtande werden ſie auch ſonſt in GOttes Wort genant gutte Baͤume / gepflantzet an die Waſſerbaͤchen / Pſal. 1. gutte Weitzenkoͤrnlein Matth. 13. das Heilige Volck / ein Volck des Eigenthumbs / das aus - erwehlte Geſchlecht / das Koͤnigliche Prieſterthumb 1. Pet. 2. Item Kinder des Lichtes / Kinder der Verheiſſung / Kin - der des lebendigen Gottes / des Himliſchen Vaters / Chri - ſti Schaͤflein / Chriſti Freunde / Bruͤder vnd Gliedmaſſen / Werckzeuge des Heiligen Geiſtes / Tempel vnd Wohnun - gen der H. Dreyfaltigkeit / (Luc. 16. Galat. 4. Hoſ. 2. Matth. 5. Joh. 10. 15. 20. 1. Cor. 6. Marc. 13. Joh. 14.) Vnd was ſolcher herrlicher Ehrentittel / ſchoͤner troͤſtlicher Namen mehr ſein.

Nu von ſolchen heiligen gleubigen Chriſtenleuten ſagt vnſer Pſalter Spruͤchlein / das ſie der HErr der getreue Gott jhr hertzfromer lieber Vater wunderlich fuͤhre / nicht allein in vnvermeinteoͤrter / aͤmpter / Heyrahten vnd der - gleichen / wie bey ander gelegenheit gehandelt wird; ſon - dern auch durch mancherley Creutz / Truͤbſal vnd ſonſten der vernunfft ſeltzame zufaͤlle / vnd davon iſt hier vornem - lich die rede. Ach freylich wunderlich machts der liebe GOtt dißfals mit den ſeinen. Wunderlich im leben / wun - derlich im ſterben. Das nicht allein die vberſichtige Weltſeltzam[7]ſeltzam davon vrtheilet / vñ ſich beduͤncken leſſet / es ſey vmb - ſonſt das man GOtt diene: ſondern auch ſie ſelbſt die ge - dachten Heiligen offt nicht wenig druͤber beſtuͤrtzet werden. Malach. 3. Pſal. 73. Man forſche in der Schrifft / die zeuget von ſolcher wunderfuhre in vielen klaren ausdruͤckli - chen Spruͤchen Altes vnd Neues Teſtaments / welche ein - hellig ſtimmen / das der HErr zuvor toͤdte / ehe er lebendig mache / zuvor erniedrige / ehe er erhoͤhet / 1. Sam. 2. Das er zuvor verletze / ehe denn er verbindet / zuſchmeiſſe / ehe ſei - ne hand heilet / Job. 5. Das der Gerechte muſſe viel leiden Pſal. 34. Das der HErr ſein Volck ſpeiſe mit Thraͤnen / vnd traͤncke ſie mit groſſem mas vol thraͤnen / Pſal. 80. das er in der ſtadt anfahe zu plagen / die nach ſeinem namen ge - nennet iſt / Jerem 25. Wer Gottes Diener ſein wolle / ſolle ſich ſchicken zur anfechtung Sir. 2. Welche Gott lieb ſein / mit denen muſſe es ſo ſein / muſten ohne anfechtung nicht bleiben / Tob. 12. Die Pforte ſey enge / vnd der weg ſey ſchmal der zum leben fuͤhre Matth. 7. Wer Chriſto folgen wolle / ſolle ſich ſelbſt verleugnen / ſein Creutz auff ſich nemen vnd jhm nachfolgen / Luc. 9. Das Gerichte fa - he am Hauſe des HErren an / 1. Pet. 4. In ſumma das wir durch viel truͤbſal muſſen in das Reich GOttes eingehen. Actor. 14. Vnd alle die Gottſelig leben wollen in Chriſto JEſu muſſen verfolgung leiden. 2. Timoth. 3. Lieber was iſt diß alles anders / als ein bewehrung vnd erklerung deſſen / das der HErr ſeine heiligen wunderlich fuͤhre[?]Man ſehe aber auch an die Exempel der Alten vnd mercke ſie / die werdens gleichfals krefftiglich darthun vnd beweiſen. Da - vid dem Koͤniglichen Propheten giebt Gott ſelbſt das zeug - nis / er ſey ein Man nach ſeinem hertzen / vnd fuͤhret jhn gleichwol offt vnd viel ſo wunderliche elendswege / vber vn - gluͤcksſteine vnd Creutzſtoͤcke / das offt kaum ein ſchrit zwi -ſchen[8]ſchen jhm vnd dem Tode / 1. Sam. 20. Daher er denn auch vnſer heutigs Spruͤchlein nicht von hoͤren ſagen / ſondern aus eigener erfahrung geſtellet. Pſal. 4. Alſo / Noha war ein heiliger fromer Man / vnd ohne wandel fuͤr der Welt / vnd fuͤhret ein Goͤttlich leben zu ſeinen zeiten: Dennoch fuͤhret jhn GOtt in der Archen durch die Flutten ein gutte zeit ſo wunderlich herumb / das er offt nicht wuſte ob er im Himmel oder in der Hellen wer. Gen. 7. Abraham den Patriarchen nennt die Schrifft mit Namen einen geliebten Gottes / einen freund Gottes / Vater der Heiligen oder gleubigen: Vnd O wie fuͤhret jhn Gott doch ſo wunderlich jtzt aus Vr Chaldea ſeinem Vaterlande / bald in Egypten / denn vnter die Philiſter / da er manchmahl in gefahr Leibs vnd lebens gerahten; ja endlich fuͤhret er jhn auch ins Land Moria / mit befehl / das er ſeinen einigen Sohn daſelbſt mit eigener Hand ſchlachten ſolte vnd auffopffern. Gen. 12. 15. 22. Iſaac vnd Jacob treten in jhres fromen Vaters vnd Grosvaters Fusſtapffen an Gottſeligkeit vnd heiligkeit: Ich meine / ich meine / ſie muſſen jhm auch nachfolgen in Creutz vnd truͤbſal Gen. 26. &c. Joſeph der liebſte vnd gehorſamſte Sohn ſeines Vaters / hatte ſeine beſondere Traͤume vnd Geſichte: Aber das hette er jhm nimmer - mehr laſſen treumen / das er ſo wunderlich vnd erbaͤrmlich ſolte gefuͤhret werden in die Gruben / in die frembde vnd ins drey Jaͤhrige Gefaͤngnis / Gen. 37. 39. Job hatte ſeines glei - chen im Lande nicht an Gottſeligkeit: Aber an wunderba - rem Creutz vnd hertzeleid auch nicht / Job. 1. 6. Moſes der treue Knecht hat in die drey vñ ſiebentzig vnterſchiedene mal mit Gott ſeinem HErren geredet / vnd funfftzig vnerhoͤrte Wunderwerck gethan; Das darnach kein Prophet in Jſra - ël auffſtund wie er: Vnd doch O wie wunderlich fuͤhret jhn Gott / das er ein ſehr geplagter Menſch war vber alleMenſchen[9]Menſchen auff Erden. Num. 12. Wie wunderlich fuͤhret auch GOtt die Iſraëliten Viertzig Jahr in der Wuͤſten[?]Num. 14. Wie wunderlich Eliam / Jeremiam vnd die an - dern Geiſtreichen Propheten[?]1. Reg. 19. Jerem. 38. Ach Johannem den Teuffer vñ vorleuffer Chriſti wie wun - derlich[?]Das jhm auch eine leichtfertige Taͤntzerin das Haͤupt abſpielet[?]Matth. 14. O auch Paulum den aus - erwehlten Ruͤſtzeug / ſambt den andern heiligen Apoſteln; vnd ſonſten viel hundert teure Zeugen vnd Bekenner / viel tauſent ſelige Maͤrterer Chriſti / O wie wunderlich? 1. Cor. 4. Heb. 11. Doch / was halten wir vns ſo lange auff in den Exempeln: Man erkuͤndige ſich endlich bey der taͤglichen erfahrung / vnd gebe nur ein wenig auffachtung / wie es noch allenthalben mit gleubigen Chriſten bewand ſey / ich meine man wirds hoͤren / man wirds ſehen / wie dieſe Wun - derfuhre Gottes noch heut zu tage im gange vnd ſchwange ſey. Was duͤncket euch / jhr Chriſtlichen hertzen / ſolts auch wol von noͤthen ſein weitleufftiger darzuthun vnd zubewei - ſen / das Gott der HErr ſeine heiligen gleubigen wunder - lich fuͤhre[]Solts nicht dem meiſten theil ſelbſt zu hauſe / zu hofe vnd zu hertzen kommen[?]O wie offte werden auch frome Leute gefuͤhret in die Wuͤſten / da die traurige ſtim - me gehet / Wo nemen wir Brot / das dieſe hungrige eſſen[?]Das iſt ins armut / welches wehe thut. Marc. 8. Andere werden offt gefuͤhret zum Siechbette / muſſen faſt Jaͤhrlich eine / auch wol etliche ſtarcke niederlagen an Heupt / Fuͤſſen / Hertz / Seiten vñ anderm wehe ausſtehen: Vnd heiſſet deñ wie die Schweſtern Lazari jhrem Hertzfreund Chriſto ſa - gen laſſen: Herr / ſihe / den du lieb haſt / der lieget kranck. Joh. 11. Nicht ſelten werden frome vnerzogene Kinder - lein gefuͤhret in den Wayſenſtand / darinn ſie das Pſalter - ſeufftzerlein tieff holen vnd ſagen muſſen: Mein VaterBvnd[10]vnd meine Mutter verlaſſen mich / Pſal. 37. Frome Gott - fuͤrchtige Eheleute / derer hertz mit hertz / lieb mit lieb alſo verknuͤpffet vnd verbunden ſein / das ſie wie zwey holdſeli - ge Engelein bey einander leben / werden offt vnverſehens gefuͤhret in Witwen vnd Witwerſtand / darinnen denn dem hinderbleibenden theil / dem betruͤbten Turturtaͤublein von hertzen angſt vnd bange iſt / als elende / troſtlos vnd verlaſ - ſen / alle Wetter mus vber ſich ergehen laſſen Eſa. 54. Ach bey manchem triefft neben euſerlichem Truͤbſal auch zu - gleich mit ein das beſondere Pauls Creutze / jnnerliche Geiſt - liche Wehemut / traurigkeit vnd anfechtung / vmb derer ab - wendung ſie dem HErren dreymal flehen / das iſt / ohn vn - terlas ſeufftzen / bitten vnd mit Threnen anhalten; vnd be - kommen zur antwort / ſie ſollen jhn laſſen an der Genade des HErren genuͤgen. 2. Cor. 12. Viel verſtehen wol nicht was das ſey: aber welche dieſe Wunderſtraſſe nur ein we - nig gezogen / dieſe Noht nur ein wenig gekoſtet / werden ſich wol fuͤhlen; beſeufftzen werden ſie es / wenn ſie nur ein wenig daran gedencken. Vnd wie kan mans in ſolcher kuͤrtze al - les erzehlen? Jeglicher ſagts jhm am beſten ſelbeſt; dieſer weis auf welchem Kummerwege er ſey / ein ander fuͤhlet das ſeine. Ob ſich aber je bey etlichen dieſe erfahrung etwas verzuͤge / ſo kans doch ehe kommen / als man vermeinet. Niemand weis was morgen ſein wird / Jacob. 4. was heute ſich begeben mag Prov. 27. es kan vor abends wol anders werden Sir. 18. Nach den ſchoͤnſten Sommertagen folgen offt die groͤſten Wetter. Der Wunderwagen Gottes ruͤ - cket doch endlich fuͤr die Thuͤren / da Chriſten Leute wohnen / fuͤhret jetzt eines / bald das ander / das es die andern alle / wo nicht am Leibe / doch am hertzen gewar werden. Sonderlich aber Ambtsperſonen / vnd vnter denſelben abermal ſonder - lich treue gewishaffte Prediger / die ſich in die Heuchelkap -pen[11]pen nicht ſchicken koͤnnen / O wie viel muſſen ſie bey dieſer Wunderfuhr des HErren ſich genitten vnd ausſtehen. Da der gemeine Hauffe meinet ſie giengen auff eitel Roſen / het - ten nur gutte geruhige tage / iſt nicht allein wegen Ampts - arbeit / ſondern auch wegen vielfaltiger verachtung jhrer treuen Warnungen / wegen vndanck / boͤſer Meuler vnd anderm ſolch muͤhſeligkeit bey jhnen / das es niemand gleu - ben kan / als wer es ſelbeſt erfehret; wie Prediger Salomon ſaget cap. 1. Wer viel lehret / der mus viel leiden. Auffs kuͤrtzte zu ſagen / es bleibet bey den bekandten Reimlein: Der ſchmale Weg iſt truͤbſal vol / Den man zum Himmel wan - deln ſol. Jtem / Es iſt kein Haus ſo gros oder klein / Es tregt ſein eigen Creutzelein. Das heiſt wunderlich im Le - ben. Wunderlich aber gehets auch vielmal im Sterben. Denn allein zweene Heiligen / nemlich der Ertzvater Enoch vor / vnd der Prophet Elias nach der Suͤndflut ſein leben - dig aus dieſem Leben abgefuͤhret worden / Gen. 5. 2. Reg. 2. die andern alle muſſen eben ſo wol als die Vnheiligen zeit - lich ſterben / vnd nach dem Gerechten Vrtheil Gottes wie - der zuErden werden / davon ſie genom̃en ſein / Alles Fleiſch / Eſa. 40. Jn ſolchem ſterben werden etliche zuvor heimge - ſucht mit einer Leibesſchwachheit / die helt ſie aber nicht lan - ge auff / bleiben bey gutter vernunfft / behalten jhre Spra - che / koͤnnen jhr Haus fein ordentlich beſchicken / jhres Glau - bens bekentnis thun / jhr Seelichen mit verſtendlichen wor - ten Gott befehlen / neigen darauff jhr Haͤupt / ſchlaffen ſanft vnd ſelig ein: Jn welche art des Todes oder Sterbens ſich Menſchliche bloͤdigkeit am beſten kan finden / am leichſten damit zufriede geben. Manchmal aber muſſen auch frome rechtgleubige Chriſten gar lange zeit / Jahr vnd tag / mehr vnd weniger ſiechen; koͤnnen / wie man pflegt zu ſagen / we - der ſterben noch geneſen: Den thaͤte der Tod ſehr wol /B ijHertz -[12]Hertzlich thut ſie verlangen nach einem ſeligen End; beten vnd flehen drumb / ſeufftzen vnd ſagen: O ruͤttele das Sei - gerlein lieber Himliſcher Vater / fuͤhre heim / ſpanne aus / lade abe; kom HErr Chriſt / kom du treuer Gott / vnd machs einmal ein ende. Harren auch / vnd jhre Seele wartet von einer Morgenwache biß zur andern / auf endliche Erloͤſung: bilden jhn ein / daß / das wirds Stuͤndlein ſein / jetzt / jetzt wirds Ende ſein: Vnd der liebe GOtt zeucht ſie doch denn (nach ſeiner Wunderfuhre) bißweilen lenger auff / vnd leſ - ſet jnen der elenden naͤchte noch viel werden. Welchs traun nicht ein kleines Wunder in Menſchlichen Augen. Ande - re hinwiederumb fuͤhret er offt gar ploͤtzlich / ſchnell vnd ge - ſchwinde aus dieſem Leben: bisweilen zwar durch ſchlechte geringe mittel / da man nimmermehr gemeinet hette / das ſie ſolten zum tode ſein: bißweilen aber durch gar ſeltzame / vn - verſehene faͤlle: wie alte vnd neue Exempel hiervon ſo be - kandt / das vnnoͤtig dieſelben weitleufftig zu erzehlen. Son - derlich aber wie viel Gottfuͤrchtige Leute gehen dahin durch den Schlag[?]Wie denn die Kirchen Hiſtorien zeugen / der Juͤnger den JEſus lieb hatte / der H. Evangeliſt vnd Apo - ſtel Johannes ſey zu Epheſo im Tempel vom Schlage ge - troffen worden / vnd daran geſtorben: Vnd wie noch heu - te an treuen Lehrern vnd Ampts Perſonen / welche durch wachen / nachſinnen / vnd andere Haͤuptarbeit das Ge - hirn ſchwechen / nicht vngemein iſt. Das ſcheinet denn vor der vernunfft ja ſo ſehr / oder wol mehr ſeltzam / als mit lang - wirigen Kranckheiten. Wird alſo Koͤnig David mit ſeiner auſſage von der Wunderfuhre GOttes nur recht bleiben; vnd alle frome Hertzen werden jhm muſſen beyfall geben.

Ja ſo gar hat der liebe Gott in ſeinem weiſen vnſtraͤfli - chen Raht vnd Willen beſchloſſen / die Seinen wunderlich zu fuͤhren / das ſolches auch hat muſſen vollzogen vnd erfuͤl -let[13]let werden an ſeinem Einigen allerliebſten Sohne JEſu Chriſto. Denn als Derſelbe in der fuͤlle der Zeit in vnſer Fleiſch vnd Blutt verkleidet / zur Welt geboren / hette es Menſchlicher vernunfft vnd gedancken nach / alles von der erſten Geburtsſtunde an / vnd folgends ohn auffhoͤren aufs herrlichſte / praͤchtigſte vnd ſtatlichſte ſollen zugehen / fuͤr Silber vnd Gold / Perlen vnd Edelgeſtein alles fuͤnckeln vñ glaͤntzen: Er hette keinen Fus vnſanffte ſetzen / ſondern auff einem guͤldenen Wagen gefuͤhret / oder Senften getragen / mit eitel Fuͤrſtlichem / Koͤniglichem / ja Engeliſchem Dien - ſte vnd geleite verſehen ſein ſollen: Summa / alles was zu groſſem anſehen gelangen moͤchte / hette da genung vnd v - berfluͤſſig ſein muſſen. Aber O wie kehret ſich ſolches alles vmb! Wie fuͤhret jhn ſein lieber Vater ſo gar viel anders / ſo gar wunderlich! Noch vnter Mutterlichem hertzen fuͤh - ret er jhn den ſchweren weiten weg von Nazareth gen Beth - lehem: bald in der Geburt in finſtern Stall / in die harte Krippen: nicht wol zweyer Jahr alt in Egypten vnter ſteinfrembde Leute. Luc. 2. Matth. 2. Noch wunderli - cher fuͤhret Er jhn im dreyſſigſten Jahr ſeines Alters nach empfangener Tauffe / in die Wuͤſten / allda er Hunger vnd kummer leiden / noch dazu vom Teuffel mus verſuchet / gehoͤnet / geſpottet / vnd folgends die vierdehalb Jahr ſei - nes Predigambts fuͤr alle Treue von boͤſen / vndanckbaren Leuten vbel geplaget / geſcholten vnd offte zum tode ge - ſucht werden. Matth. 4. Joh. 8. Am aller wunderlichſten aber fuͤhret er jhn in der Marterwochen: Denn da das frome heilige Kind jtzt gebetet hatte vnd geſprochen: Ver - klere mich Vater bey dir ſelbſt mit der klarheit / die ich bey dir hatte ehe die Welt war / Joh. 17. Da verkleret er jhn ſo jaͤmmerlich / erbaͤrmlich ding / dergleichen nicht gehoͤret: ſtackte jhn in ſolche ſchmach vnd verachtung / die auch demB iijergſten[14]ergſten Menſchen nicht wiederfahren / den der Erdbodem getragen. Leſt jhn in ſo hefftigen Todeskampff vnd See - lenangſt gerahten / das er daruͤber trauret / zittert vnd za - get / hin vnd her leuffet / wie ein armes Wuͤrmlein auff ſei - nem Angeſichte lieget / winſelt vnd weheklaget / auch blutti - gen Schweis daruͤber ſchwitzet. Matth. 24. Luc. 22. Leſt jhn gefangen gefuͤhret / in ſein heiliges Angeſichte mit Feu - ſten geſchlagen vnd vnflaͤtigem Speichel verſpeiet / an ſei - nem gantzen Leibe zuſchmiſſen / ſein heiliges Heupt mit Dor - nen zuriſſen werden. Matth. 27. Joh. 18. Endlich leſt er Ihn nackend vnd blos an Haͤnden vnd Fuͤſſen mit eiſern Naͤgeln an ein vngeheures verfluchtes Creutz ſchlagen / vnd wie er da voller Bluttſpeichel / Striemen vnd Wunden ſeu - get vnd treuffet / zwiſchen zweyen Moͤrdern auffhengen: Darob er ſolche Marter angſt vnd ſpot leidet / das er ſelbſt ſchreiet: Mein GOtt / wie haſtu mich verlaſſen! Das die Sonne jhren ſchein daruͤber verbuͤrget / als koͤnte ſie ſolchem jammer nicht lenger zuſehen: Das die harten Steinfelſen druͤber zuſpringen / als wenn ſie ein mitleiden vber ſolchem elende truͤgen. Matth. 27. Luc. 23. O ſchauet vnd ſehet ob jrgend ein ſchmertz ſey / wie dieſer ſchmertz / jrgend eine ſo gar wunderbahre fuhre / als dieſe fuhre / die den Sohn Got - tes vnſern Seligmacher betroffen hat. Ach wie hat es doch der Himliſche Vater vber ſein liebreiches hertze bringen koͤnnen! Aber ſihe / da dieſer elende rieff / hoͤret jn der HErr / vnd halff jhm aus allen ſeinen noͤthen / da die noth am groͤ - ſten iſt / ſich anſehen leſſet der Wagen ſey nu gar verfuͤhret / Chriſtus werde bleiben ſtecken vnd gar vmbkommen: Da fuͤhret es der allgewaltige GOtt herrlich hinaus / er hoͤret ſeines Sohnes Gebet vnd flehen / lencket auff die Seiten / reiſſet ſeinen heiligen aus aller angſt vnd gerichte / Eſai. 53. bringet jhn durch den zeitlichen tod zur ewigen herrligkeit /Luc. [15]Luc. 24. Kroͤnet jhn mit ſchmuck vnd ehren / Pſal. 8. Setzt jhn zu ſeiner rechten / Pſal. 110. Macht jhn zu einem HEr - ren vnd Chriſt / Act. 2. giebt jhm einen Namen vber alle Namen Phil. 2. Vnd folget alſo auff die traurige kurtze Marterwoche ein ſchoͤner / heiliger / herrlicher / froͤlicher / ewiger Oſtertag. Vnd eben einen ſolchen ausgang ſol es mit andern heiligen vnd Genadenkindern Gottes auch ge - winnen: Er wil ſie gleichsfals durch alle Creutzwege / Noth - berge vnd Todesthaͤle / wie wunderlich ſie auch heiſſen vnd ſcheinen moͤchten / hindurch fuͤhren vnd erledigen. Er legt eine Laſt auff / vnd hilfft auch wieder; iſt getrew vnd leſt niemanden verſucht werden vber ſein vermoͤgen / Pſal. 68. 1. Cor. 10. Im leben wil er den hungrigen ein Verſorger / den Krancken ein Artzt / den Wayſen ein Vater / den Wid - wen ein Richter / den angefochtenen ein heilſamer Troſt / vnd nach erheiſchung aller truͤbſal ein treue huͤlffe ſein. Im ſterben / ſo er mit langwiriger Lagerhafftigkeit fehret / wil er gleichwol niemandes heil verſeumen: fehret er gleich geſchwinde / wil er niemanden vmbwerffen / verwarloſen oder beleidigen. Vnd vber diß alles wil er noch eine wun - derfuhre halten / das beſte zu letzte. Vnſer HErr JEſus Chriſtus wil kom̃en in groſſer pracht vnd herrligkeit ſambt ſeinen Engeln / alle Heiligen zuſammen bringen / die tod - ten erwecken / die vnverklaͤrten verklaͤren / vnd mit ſich zur ewigen freud vnd ſeligkeit einfuͤhren. O Jhme dem getreu - en Gotte ſey es jtzt vnd jmmerdar vnd in ewigkeit gedancket / der ſolche Wunderfuhre nicht allein in ſeinem weiſen raht geſchloſſen / ſondern auch in ſeinem heiligen Worte geof - fenbaret. Vnd ſo viel vom Erſten. Der liebe GOtt mit den ſeinen machts wunderlich / aber ſeliglich.

Vom Andern.

FOlget die treuhertzige Vermahnung / was man vber ſolcher wunderfuhre thun ſolle. Die iſt in abgeleſenem Spruche gar kurtz gefaſſet / vnd gleichſam wie auff ein kleulein zuſammen gewunden / in dem Woͤrtlein Erkennets. Erkeñets ſagt David / das der HErr ſeine Heiligen wunderlich fuͤhre: Vnd mags wol fuͤr ſich auff gewiſſe Perſonen reden: Jn vnſer gemeinen erklaͤ - rung aber gehets auf alle Menſchen / vnd koͤndte ſo viel heiſ - ſen / als / Der lebendige nimbts zu hertzen / Eccleſ. 7. Wer Ohren hat zu hoͤren der hoͤre / Luc. 8. Wer es lieſet der mercke drauff / Matth. 24. &c. Wenn es in Predigten wird angezogen / wenn mans in Buͤchern findet / wie es hei - ligen Leuten noch oberzehlten Exempeln oder ſonſten ſo wunder ſeltzam ergangen: Jtem wenn die neuen zeitun - gen kommen / oder man ſihets mit ſichtigen Augen / wie hie / wie dort / im leben vnd ſterben mit gleubigen fromen Chri - ſten ſich eines vnd das ander wunderlich zutregt / oder man empfindets an jhm vnd den ſeinen ſelbſt / ſol mans nicht bald aus dem ſiñ ſchlagen / nicht fuͤr einen bloſſen zufall des blin - den geluͤcks oder vngeluͤcks halten: ſondern man ſols be - wegen / behertzigen / demſelben fein vernuͤnfftig vnd Chriſt - lich nachſinnen; Man ſols erkennen / das es der HErr ſey der es ſo wunderlich fuͤhre vnd regiere; ſintemahl ohne ſei - nen willen vnd zulaſſen nichts geſchehen / auch nicht ein Sperling oder Heupthaͤrlin dahin fallen kan. Es ſtehet auch das Woͤrtlein Erkennet nicht alleine / ſondern noch ein anders dabey / welches einen beſondern nachdruck in ſich helt / nemlich / Doch: Erkennets doch / heiſt es: iſt gleich ein treues ermahnen vnd anhalten / wie eine freundliche bit - te / als wenn der H. Geiſt (der durch den Mund Davids geredet 2. Sam. 23.) ſelbſt heraus breche vnd ſpreche:O lie -[17]O lieben Menſchen / thut es ja das jhr jhm nachſinnet / vn - terlaſſets ja nicht zu erkeñen vnd zu bedencken / das der HErr ſeine Heiligen wunderlich fuͤhret. Daraus denn leicht zu ſchlieſſen / das aus ſolchem erkennen viel guttes vnd nuͤtzli - ches muſſe erfolgen. Freilich viel. Denn damit wir nur et - was von ſolcher Nutzbarkeit erzehlen:

So dienet das Erkeñen vnd bedencken der Wun - derfuhre Gottes einmal zu einer heilſamen Lehre / oder er - innerung deſſen / was beim Propheten Eſaia cap. 45. ſte - het / das Gott ein verborgen Gott ſey / vnd was er der Ewige Allmechtige / eben beim ſelben Propheten / cap. 55. ſelbſt ſa - get: Meine gedancken ſind nicht euer gedancken / vnd mei - ne Wege ſind nicht euer wege: ſondern ſo viel der Himmel hoͤher iſt denn die Erde / ſo ſind auch meine Wege hoͤher deñ eure wege / vnd meine gedancken denn euer gedancken. Das nemlich vnſer HErre GOtt viel ordne vnd thue / darein ſich Menſchlicher verſtand nicht finden koͤnne / drumb ſolle er ſich auch vber ſein vermoͤgen nichts vnterfahen: ſondern wie Moſes die Schue hat muſſen ausziehen / da er auff dem heiligen Ort geſtanden / an welchem er hat geſehen den Puſch brennen / vnd doch nicht verzehret werden / Exod. 3. Vnd wie Abraham den Knecht vnd Eſel vnter dem Berge gelaſ - ſen / darauff er GOtt das Wunderopffer ſeines Sohnes thun ſollen: alſo ſol in Goͤttlichen Sachen vnd Regierun - gen der vorwitz eigener vernunfft abgeleget / oder vnter den gehorſam des Glaubens gefangen genommen werden. 2. Cor. 10.

Darnach dienet ſolch Erkennen auch zur War - nung fuͤr dem vnbedechtigen vnzeitigen Vrtheil vnd ſpott / ſo frome Gleubigen offt zu jhrem ſchaden vnd truͤbſal ha - ben / vnd von hoͤniſchen Kluͤgeln vber ſich muſſen ergehen laſſen. Denn nicht allein Davids Ehre iſt vnter ſeinemCCreutze[18]Creutze geſchendet worden von Leuten / die das eitel ſo lieb / vnd die Luͤgenvrthel ſo gerne gehabt. Pſalm. 4. Nicht nur der vielgeplagte Job hat hoͤren muſſen den Hohn Spruch / ob er noch feſt an ſeiner Froͤmigkeit halte; Vnd die falſche Schlusrede / es were jrgend noch ein heimlich Stuͤcke bey jhm / er muſte es ja mit etwa beſonderen vbertretungen ver - ſchuldet haben / das jhm ſo viel vngluͤck vnter handen ſtoſſe / Job. 2. 15. 22. Chriſto dem HErren ſelbſt iſt vom Teuffel vnd ſeiner Braut vorgeworffen worden / Er were ein ſchoͤ - ner Sohn Gottes / wenn er muſte hunger leiden / vnd wol - te nicht ſprechen / das Steine Brot wuͤrden; wenn er muſte am Creutze hangen / vnd ſtiege nicht herab Matth. 4. 27. Vnd zu allen zeiten iſt ſolches Splitterrichten vnd vbeldeu - ten gemein geweſen / da man wieder den Gerechten geredet ſteiff ſtoltz vnd hoͤhniſch: Wil vornemlich jtzt vmb den kuͤ - len Abend der Welt / ſehr vberhand nehmen / da die Liebe nach Chriſti Weiſſagung / in der Menſchen hertzen ſo erkal - tet. Da hoͤren jhr viel das Gras wachſen / wiſſen auff alles was andern Leuten im Leben vnd Sterben wunderlich be - gegnet / ein vrtel zu fellen / vnd jhres gefallens etwas daraus zu ſchlieſſen. Haben auch wol jhr freud vnd luſt daran; das ſehen / das hoͤren ſie gerne / da wuͤrden ſie gerochen; ſchade das nicht mehr iſt: Vnd laſſen ſich gleich beduͤncken / als weñ ſie von ander Leute vngeluͤck oder betruͤbnis ſchoͤn vnd fett werden. O ein ſchaͤdliches / ſchendliches Laſter! Wer den Armen ſpottet / der leſtert ſeinen Schoͤpffer / Prov. 14. Da behuͤtt vns fuͤr lieber Himliſcher Vater. Ja ein jeder huͤtte ſich auch ſelber / ſitze nicht da die Spoͤtter ſitzen / bewahre ſei - ne Zunge fuͤr boͤſem / vnd ſeine Lippen das ſie nicht falch re - den / gebe nicht raum dem Leſterer / Pſalm. 1. 34. Jac. 4. vnd bedencke je wol / das der HErr ſeine Heiligen wunder - lich fuͤhre. Wenn das ſolte gelten / das es hieſſe / dem gehetszeitlich[19]zeitlich wol / drumb mus er from / vnd Gott jhm huld / herge - gen aber dem gehets zeitlich betruͤbt vnd wunderlich / drumb mus er boͤs vnd Gott jhm feind ſein: ſo muſte folgen / das Cain / welcher mit ſeinen Nachkommen wechſt vnd gewaltig wird / viel froͤmer vnd Heiliger geweſen als Abel / welcher jaͤmmerlich wird erſchlagen. Nu nennet aber die Schrifft den Abel ausdruͤcklich nach ſeinem Tode einen Gerechten / meldet auch / das GOtt ſelbſt ſein Blutt gerochen / vnd das erſte ernſte Zetergeſchrey vber den Moͤrder Cain hab laſſen ergehen. War iſt es wol / das auch frome Kinder die Zucht - Rutte GOttes verdienen / vnd vber ſich bringen koͤnnen: doch iſt dieſelbe allezeit mit genaden gebunden: Vnd ſind auch ſonſten viel andere vrſachen mehr / der Goͤttlichen heim - ſuchungen vnd verhengniſſe: Drumb richtet nicht fuͤr der zeit / biß der HErr komme / welcher auch wird ins licht brin - gen / was im verborgen iſt / vnd den Raht der Hertzen offen - baren / als denn wird einem jeglichen von Gott lob wieder - fahren. 1. Cor. 4.

Vber diß giebet auch das Erkennen Goͤttlicher Wunderfuhre gar eine treue ermanung zu Chriſtlicher ſte - ter bereitſchafft auff eine ſelige hinfahrt. Weils offt ſchnell vnd ploͤtzlich mit derſelben zugehet / ſol man bey zeite ſehen das man in der Zahl der Heiligen ſtehe / vnd alle wege in ſol - chem Zuſtande angetroffen werde / darinne man getraue Selig zu werden. Am ende / am ende iſts alles gelegen. Dem Menſchen iſt geſetzt nur einmal zu ſterben / darnach das Gerichte / Heb. 9. Vnd auff welchen ort der Baum fellet / da wird er liegen. Eccl. 11. Der Tod iſt eine vnwie - derbringliche Schantze: Da thut man den letzten Sprung in die Ewigkeit hinein / vnd gielt entweder mit Gott vnd ſei - nen Heiligen Engeln ewig lachen vnd freuen / ſo man wol fehret; oder mit dem Teuffel vnd ſeinem vermaledeytenC ijHauf -[20]Hauffen das lange ewige Ach vnd Wehe ſchreyen / wo man vbel fehret.

Was du thuſt / ſo bedencke das Ende Sir. 7. gedenck an dei - nen Schoͤpfer in deiner Jugend / Eccl. 12. Verzeuch nicht dich zum HErren zu bekehren / vnd ſchieb es nicht von einem tage auf den andern. Spare deine buſſe nicht biß du kranck werdeſt / verzeuch nicht from zu werden / vnd harre nicht mit der beſſerung deines Lebens biß in den Tod / Sir. 5. 18. Heute ſo jhr die Stimme des HErren hoͤret / verſtocket eu - er Hertzen nicht. Pſalm. 95. Jetzt wenn jr Exempel fuͤr au - gen ſehet / bildets euch tieff ein / das es nimmer aus euren Gemuͤttern komme. Vnd vielleicht hat der wunder guͤttige Gott auch darinne ſein gantz genaͤdiges bedencken vnd wol - meinen / das er hin vnd wieder viel treue Seelſorger ſchnell vnd vnverſehens aus dieſer Welt abfodert: damit jhr viel - faltiges vermahnen zur Chriſtlichen Sterbensbereitſchafft bey den Zuhoͤrern deſto mehr nachdruck haben moͤchte / wenn es durch jhr eigen Exempel wird beſtetiget. Sie ſolln ein Exempel der Regel ſein / damit es andere deſto beſſer faſſen / verſtehen vñ behalten; das ſie jr ende anſchauen vnd folgen jhrem Glauben. Wol nu denen / die auch in dieſem ſtuͤcke das trewe Vaterhertz Gottes erkennen / gehorſamlich fol - gen / das ende jhnen taͤglich fuͤrbilden / viel vnd offte ſeuff - tzen / dencken oder ſagen: Ach du Heilige Dreyfaltigkeit / bereit mich hie in dieſer zeit / wie Du mich dort wilt haben in der Ewigen Seligkeit.

Jnſonderheit aber giebet das erkennen vnd be - dencken der offtgedachten wunderfuͤhrung vnd regierung Gottes den allerheilſambſten krefftigſten troſt / den man jmmer haben vnd brauchen kan in den groͤſten geſchwinde -ſten[21]ſten Noths - vnd Todsfaͤllen. Wie das Eiſen von Natur vnterſincket / alſo iſts vmb Menſchliche hertzen vnterm Creutz ein verzagt ding / 2. Reg. 6. Jerem. 17. Auch die Heiligen rechtgleubigen haben nicht allzeit einen Helden - mut: ſondern wenn ſie in jhrem Chriſtenthumb vnd be - ruff daher wallen / glauben vnd gutt gewiſſen ſo viel moͤg - lich bewahret / vnd gleichwol daruͤber in wunder ſeltzame betruͤbte muͤhſelige Creutzwege gerahten / auch vber alles beten vnd hoffen jmmer weiter darein kommen: oder ſon - ſten von eigenem erkendnis jhrer hinterſtelligen ſuͤnden / o - der von anfechtungen des Satans betroffen werden / vnd alſo in hoͤchſten noͤthen ſein / vnd wiſſen nicht wo aus noch ein: So wil ſich traun Menſchliche bloͤdigkeit auch regen. Es giebet bey jhnen traurige Geberden; ſitzen in der aſchen / verhuͤllen das Angeſicht / Job. 2. 2. Sam. 15. Hengen den Kopff / ſtuͤtzen die Sorgeſeule vnter: Kuͤmmerliche gedan - cken / Jhre Gebeine ſind erſchrocken / vnd jhre Seele iſt ſehr erſchrocken / Jhr Geiſt iſt in jhnen geengſtet / jhr hertz wird in jhrem Leibe verzehret: Pſal. 6. 143. Klaͤgliche reden / Jſt der HERR vnter vns / wie gehets vns denn ſo vbel; Wird denn der HErr ewiglich verſtoſſen / vnd keine genade mehr erzeigen[?]Sion ſpricht / der HErr hat mich verlaſſen / Der HErr hat mein vergeſſen / Judic. 6. Pſal. 77. Eſa. 49. Hat mich denn das vngluͤck gar erſehen[?]ꝛc. Ach der mutt ſelber wil vnmuttig / die geduld ſelber wil vngeduldig wer - den. Da iſt kein beſſer naͤher vnd geſchwinder rath als diß erkennen / das es der HErr der liebe Himliſche Vater ſey / der aus weiſem rath alſo fuͤhre; das man in der langen Proceſſion vnd in dem groſſen Zuge aller wahren heiligen gleubigen Gottes daher ziehe / darinn Chriſtus der HErr ſelbſt das Panier auffwirffet oder den Fahn fuͤhret; Das es eben darumb ein guttes Zeichen ſey / weil es Fleiſch vndC iijBlut -[22]Blutte vnbekandt vnd frembde vorkoͤmbt. Gewis der we - hemut wird ſich durch ſolche gedancken allgemach legen / Glauben / Gebet / Geduld vnd Hoffnung wird ſich im Gei - ſte wieder erheben / die Gebeine werden wieder froͤlich wer - den / die zerſchlagen geweſen / man wird ſich mit David ſel - ber anſprechen: Was betruͤbſtu dich meine Seele / vnd biſt ſo vnruhig in mir[?]Harre auff GOtt / denn ich werde Ihm noch dancken / das er meines Geſichtes huͤlffe vnd mein Gott iſt: mit Paulo wird man ſich der Truͤbſal ruͤhmen / vnd mit Jacobo allerley anfechtung fuͤr eitele Freude achten. Pſal. 42. Rom. 5. Jac. 1. Duͤrffte auch endlich wol darzu kom - men / wenn das liebe Creutz ein andermal etwas lange wolt auſſen bleiben / das mans fuͤr ein zeichen Goͤttliches Zornes erkeñete / vnd ſich derhalben ſelbeſt darnach lieſſe verlangen.