Diß iſt der Freudenreiche tag /Pſal. 118.
An welchem GOtt ſeine zuſag
Erfuͤllet hat / die Er gethan /Geneſ. 3.
Vnſern GroßEltern / vnd vns alln /
Daß Er wol ſenden den Schilo,Geneſ. 49.
Welcher vnſer Heyland ſein ſoll /
Vnd helffen von des Teuffels macht /
Darein wir durch ſein Liſt gebracht.
Nun iſt der werdte Gottes Sohn /
Jn dieſe Welt worden geborn /
Vor Ein Tauſendt Sechs hundert Jahr1618.
Vnd Achzehen / nemt deſſen war
Da ſich denn groſſe Wunderwerck
Begeben haben in der Welt /
Am Himmel / deßgleichen auff Erdn /
Wie kuͤrtzlich ſoll berichtet werdn.
Chryſoſtomus ein glerter Mann /1. Wunder. Chryſoſto - mus ſuper Mattheum.
Jn ſeinem Buche zeiget an /
Das den Weiſen im Morgenland /
Ein Stern erſchienen gantz behend /
Welche gegeben hellen ſchein /
Darinn geſehn ein Kindlein klein.
Welches ein Creutz uͤbr ſeinem Haupt
Getragen / vnd geſaget hat.
HeutHagg. 2.
Heut iſt geborn im Juͤdſchen Land / Der Heyden Troſt / vnd jhr Heyland.
Machet euch eilend auff die Bahn /
Zieht hin / thut Jhm rechte Ehre an.
Bedeutung.
Solches das erſte Wunder gut Jſt / vnd vns alle leren thut /
Das nun erfuͤllet worden ſey
Gottes zuſag / im Paradeiß /
Geneſ. 3.
Die Er gethan hat nach dem Fall / Vns armen Menſchen allzumal /
Von Oben aus des Himmels Thron /
Der ſolt des Weibes Samen ſein /
Vns helffen aus der Noth vnd Pein /
Darein vns gebracht gar geſchwind
Der Teuffel das Helliſche Kind /
Vnd alſo dem Gottloſen Tropff
Treten auff ſeinen Schlangen Kopff.
2. Wunder.
Keyſer Auguſts der tapffer Heldt / So baldt ein ſolch hell Nach gefelt /
Spazieret er in Garten ſein /
Siehet am Him̃l ein Jungfraͤwlein /
Die gar ein ſchoͤnes Kindlein trug /
Auff jhren Armen wolgemuth.
Das hat ein Apffl vnd Creutzelein /
Jn ſeinen zarten Haͤndelein.
Sag /Sag / wer das ſchoͤne Kindlein iſt? Bedeutung.
Niemand / als der Herr Jeſus Chriſt /
Welcher durch Creutz vnd Leyden ſein /
Helffen ſolt / von Ewiger Pein.
So dancket nun dem lieben GOtt /
Der ſich vnſer erbarmet hat /
Vns geſandt ſeinen lieben Sohn /
Seines Hertzen luſt vnd freuden Cron /
Damit Er vnſer Heyland wuͤrd /
Vnd freyet von der Suͤnden Buͤrd /
Vnd druch ſeine Gnad vnd Warheit
Fuͤhret zur Ewigen Klarheit.
Zum dritten ſchreibet Plinius,1. Wunder. Plin. lib. 15. cap. 30.
Deſſen ich auch gedencken muß /
Das eben in derſelben Nacht /
Keyſer Auguſtus wolbedacht /
Setzen ſich thet aus muͤdigkeit /
Jm Luſtgarten / der jhm bereit /
Bald ein ſchloßweiſſes Hennelein /
Fleuget in ſeinen Schoß hienein /
Welches mit ſich auch brachte fein /
Jm Schnabel ein ſchoͤn Zweigelein.
Was bedeutet das Hennlein weiß /
Das allezeit behelt den preiß?
Maria das weiß Hennlein iſt /Bedeutung.
Die bringt den Herren Jeſum Chriſt /
BDasDas ſchoͤne Lorberzweigelein /
Welchs vns krafft gibt / vnd kroͤnet fein /
Zu rechten Himmels Fuͤrſten ſchon /
Dafuͤr wir Gott all dancken ſolln.
4. Wunder. Oraculum Apollinis teſte Suida.
Auguſtus bald nach Delphis ſchickt / Vnd da die Goͤtter fragen thut /
Wer nach jhme regieren ſolt /
Weil er ſolchs gerne wiſſen wolt.
Die Goͤtter antworten geſchwind /
Es wuͤrd ſein ein Hebraͤiſch Kind /
Welches nach jhme kommen werd /
Sey ein Herr Himmels vnd der Erd /
Wuͤrde kommen gantz ſtill vnd fein /
Heiſſen das ſchoͤne Jeſulein /
Gottes vnd auch Marien Kind /
Deßgleichen man gar nirgend find.
Auguſtus hierauff gantz behendt /
Einen Altar bawt vnd jhn nent /
Des Erſtgebornen Gottes Sohn /
Welcher nach mir wird kommen ſchon /
Eſai. 9.
Daher das Kindlein Wunderbar Genennet wird / ſag ich fuͤrwar.
Luc. 1.
Wunderbar ſein Empfaͤngnuͤs iſt / Wie du beym Luca leſen thuſt.
Luc 2.
Wunderbar iſt ſeine Geburt / Wunderbar auch ſein Name gut /
Wunder -Wunderbar ſindt all ſeine Werck /
Wunderbar ſein Reich / Macht vnd ſterck
Ach Jeſu wunderſchoͤnes Kind /
Der du vns erloͤſeſt von Suͤnd /
Regiere vns durch deinem Geiſt /
Daß wir dir folgen allermeiſt /
Wir vns dermal vorwundern gleich /
Wenn wir dich dort in deinem Reich /
Schawen ſampt Vater vnd dem Geiſt /
Welchen ſey ewig Lob vnd Preiß.
Jn der Chriſtnacht eben zu Rom /5. Wunder.
Als Chriſtus iſt geboren wordn.
Entſtund daſelbſt ein koͤſtlich Brunn /
Daraus reichlichen Oel gerunn /
Auch Palmen Baͤum in ſolcher Nacht /1. Reg. 24.
Dieſes bedeutet Jeſum Chriſt /Bedeutung.
Welcher der recht Hohprieſter iſt /
Gekroͤnt nach weiß Melchiſedech /
Wie er denn wird genennet recht /
Ein ſtarcker Held vnd Friedefuͤrſt /Eſai. 9.
Der vns ſchuͤtz widers Teuffels liſt.
Die Roͤmer hoͤrten gar geſchwind /6. Wunder.
Das ein ſolch wunderbares Kind /
Solt werden in die Welt gebracht /
Daher ſie ſich anders bedacht /
B ijAlsAls ſie bezwungen jhre Feind /
Vnd Fried gemacht mit groſſer freud /
Innocen - tius.
Dachten / es muͤſt nun Ewig ſein / Daß ſie in Fried lebten allein /
Bawten ein Tempel gantz behendt /
Templum pacis.
Welcher Templum pacis genent. Satzten kuͤnſtlich / artig vnd fein /
Des Romuli Bildnuͤs hienein.
Oraculum Apollinis.
Vnd fragten das Oraculum Zu Delphis, wie lang ſtehen ſolt /
Suidas.
Dieſer Tempel / den ſie erbawt / Oraculum drauff ſagen that /
So lang biß das ein Jungfraͤwlein /
Geberen wird ein Kindelein /
Vnd bliebe eine Jungfraw gut /
Vor / in / vnd nach jhrer Geburt.
Die Roͤmer hieltens fuͤr ein ſchertz /
Gleubten es nicht in jhrem Hertz /
Meinten es wer vnmoͤglich ding /
Das ein Jungfraw gebuͤr ein Kind.
Jn verletzung jhrr Jungfrawſchafft /
Darumb ſie ſich anders bedacht /
Templum pacis æter - nitatis.
Daß ſie ſolchen Tempel behendt / Des Ewigen Friedes genent.
Hofften er ſolt nun Ewig ſtehn /
Vnd nicht koͤnnen zu boden gehn.
AberAber jhr hoffnung hat ſie zwar /
Durchaus betrogen gantz vnd gar.
Denn eben in derſelben Nacht /
Als ſolch Kindlein zur Welt gebracht /
Jn Armut groß / doch zart vnd fein /
Jſt ſolch Tempel gefallen ein.
Vnd ob ſchon davon blieben iſt /
Wie man in der Hiſtori liſt /
Ein ſtuͤck Mawer / ſoll was davon /
Alle Chriſtnacht einfallen thun.
Auch haben all Oracula,
Verſtummen muͤſſen uͤberall.
Vnd alle Goͤtzen groß vnd klein /
Sind in Egypten gfallen ein.
Sag was dieſes bedeutet hat? Bedeutung.
Chriſtus ſey Allmechtiger GOtt /
Der alle Macht vnd auch Gewaldt /
Jm Himmel vnd Erden behelt /
Drumb Jhn all Goͤtzen weichen thun /
Als dem Ewigen Gottes Sohn.
Es haben auch drey Sonnen ſchon /7. Wunder.
Jn der Chriſtnacht hell ſcheinen thun.
Gleich wer es heller liechter Tag /Chryſoſto - mus.
Solchs ſeine bedeutung auch hat.
Das vnſer Heyland Jeſus Chriſt /Bedeutung.
Die Sonn der Gerechtigkeit iſt /
B iijDerMal. 4.
Der rechte helle Morgenſtern /Apoc. 22.
Der ſeinem glantz ſtrecket von fern /2. Petr. 1.
Vnd in vnſern Hertzen auffgeht / Vns ins Ewige Leben fuͤhrt /
Da Er mit ſeinem Schein vnd Glantz /
All gleubige vernewret gantz /
Auch ſie mit feiner Herrligkeit /
Schmuͤcken wird dort in Ewigkeit.
Daher die Kirch recht ſingen thut /
Auff dieſe zeit in freuden gut.
Das Ewig Liecht geht da herein /
Giebt / der Welt ein newen ſchein /
Es leucht wol mitten in der Nacht /
Vnd vns des Liechtes Kinder macht.
8. Wunder. Innocen - tius.
So ſchreibet auch Innocentius, Das alle Brunn vnd Waſſer groß /
Sich verwandelt in ſuͤſſen Wein /
Als geborn iſt diß Kindelein.
Bedeutung.
Solches bedeutet eben nun / Gottes vnd auch Marien Sohn /
Der ſolchen Namen fuͤhret recht /
Syr. 24.
Wie von Jhme geſchrieben ſteht / Das dieſes ſchoͤne Kindelein
Heiſſe das ſuͤſſe Jeſulein /
Weil es ſpricht Troſt in vnſer Hertz /
Wenn wir liegen in Todes ſchmertz.
Ach ſuͤſſes liebes Jeſulein /
Mach dir ein rein ſanfft Bettelein /
Zu ruhen in meins Hertzen ſchrein /
Das ich nimmer vergeſſe dein.
Endlich ſchreibt ein Gelerter auch /9. Wunder. Theophi - lactus.
Das wider allen Natur Lauff /
Dieſelbe Nacht am Himmel frey /
Ein heller Stern erſchienen ſey /
Der angezeigt ſchnell vnd geſchwindt /Bedeutung.
Siebnzig Jahrwochn erfuͤllet ſindt /
Wie Daniel der Gottes Mann /Daniel. 29.
Darvon ſoll Prophezeiet han /
Das alß denn werd kommen behendt /
Der Heyden Liecht in dieſe Welt /
Wie nun ſolches erfuͤllet iſt /
Gott lob vnd danck zu aller friſt.
ALſo ſindt diß die Wunderwerck /Beſchluß.
Die ſich begeben in der Welt /
Als Jeſus Chriſtus Gottes Sohn /
Von Maria geboren wordn.
Aber noch viel groͤſſer Geſchicht /
Der Engel Gottes vns bericht /
Welcher koͤmpt aus des Himmels Sahl /
Zu vns in dieſem Jammerthal /
Vnd bringt vns gutte Newe Meer /Bona nova.
Die vns ſollen erfrewen ſehr.
Spricht:Luc. 2.
Spricht: Euch iſt heut ein Kind geborn /Eſai. 9.
Von einer Jungfraw außerkorn. Maria das keuſch Jungfraͤwlein
Iſt Mutter wordn / vnd blieben rein /
Vor / in / vnd nach jhrer Geburt /
Welches niemals iſt worden erhort.
Alſo die lieben Engelein /
Froͤlich vnd gutter dinge ſein.
Das Jeſus Chriſtus Gottes Sohn /
Vnſer Fleiſch vnd Blutt iſt gewordn /
Wil unſer Heyland ſelber ſein /
Von allen Suͤnden machen rein.
Er bringt vns alle Seligkeit /
Die GOtt der Vater hat bereit /
Daß wir mit jhm im Himmelreich
Solln leben nun vnd Ewiglich.
Chriſti Ge - burt dreyer - ley.
Chriſti Geburt doch ferner iſt Dreyerley / merckt zu dieſer friſt.
1. Ewig Ge - burt
Erſtlich iſt die Ewig Geburt / Davon Gott ſelben ſagen thut.
Du biſt mein Sohn / heut habe Jch
Gezeuget / vnd geboren dich
Pſal. 2.
Von Ewigkeit / das du ſolt ſein / Das weſendlich Ebenbild mein /
Pſal. 110.
Ehe all Stern erſchaffen ſindt / Wareſt du mein Ewiges Kindt.
Lucas vns auch berichten thut /2. Zeitlich Ge - burt.
Von Chriſti anderer Geburt.
Als Er ein kleines Kindlein zart
Geborn / von einer reinen Magdt /Luc. 2.
Vnd Fleiſch vnd Blutt genommen an /Eſai. 9.
Wie wir jtzunder alle han /
Doch / daß Er iſt ohn alle Suͤnd /
Gottes vnd auch Marien Kind /
Durch des heyligen Geiſtes krafft /Luc. 1.
GOtt ſolches Werck verrichtet hat.
Die dritt iſt die Geiſtlich Geburt /3. Geiſtlich Geburt.
Welche noch heut geſchehen thut /
Da Chriſtus durch ſein Wort gar rein /Johan. 14.
Jn vnſre Hertzen kehret ein.
Darumb O Menſch ſchaw das du heut /
Mit der gleubigen Chriſtenheit /
Bitteſt vmb dieſen Gaſt allein /
Moͤchteſt werden ein Wohnung ſein.
Sag / biß wollkom̃n du Edler Gaſt /
Den Suͤnder nicht verſchmehet haſt /
Vnd koͤmpſt ins Elend her zu mir /
Wie ſoll ich jmmer dancken Dir.
Es wird geborn diß Kindlein klein /
Zu Bethlehem im Staͤdtelein /
Jn Armut / Froſt vnd Kelte groß /
Nicht auff einm Koͤniglichen Schloß /
CSondernSondern beym Ochſſn vnd Eſelein /
Muß liegn das ſchoͤne Jeſulein /
Darzu in einer Krippen hart /
Jhn doch ſolchs nicht verdriſſen that.
Der Sammet vnd die Seiden ſein /
Waren grob Hew vnd Windelein /
Darauff Er als ein Koͤnig reich /
Pranget als wers ſein Himmelreich.
Alſo muß nun Marien Sohn /
Seine boͤſe Sechswochen han /
Vnd muß das zarte Kindelein /
Alß bald vnter dem Creutze ſein.
Wie Er denn fuͤhrt in ſeiner Handt /
Die Creutzfahn ſeinen wolbekant /
Weil Er der rechte CreutzHerr iſt /
Der vns hilfft von der Feinde liſt.
Drumb nim O Menſch dein Creutz auf dich
Trage es Jhm nach williglich /
Jmfall du dermahl ſeliglich /
Sein Andtlitz wilt ſchawn Ewiglich.
Nutz der Ge - burt Chriſti.
Letzlich hoͤrt was Chriſti Geburt / Vns Menſchen fuͤr Nutz bringen thut.
1.
Erſtlich ſindt wir erloͤſet frey / Von Suͤnd / Teuffel / vnd Hellen Pein /
Darein vns Adam ſampt ſein Weib
Gebracht / in ſolches Hertzeleid /
HettenHetten auch Leib vnd Seel zugleich /
Verlieren muͤſſen Ewiglich /
Wenn Chriſtus nicht wordn vnſer Freud /
Vnd geholffen aus ſolchem Leid /
Durch ſeine heilſame Geburt /
Wie jtzundt iſt worden gehort.
Doher jhn der Prophet recht nent /Hagg. 2.
Der Heyden Troſt / vnd jhr Heyland /
Auff welchen der Alt Simeon /
Mit verlangen ſehr warten thun. Luc. 2
Als er auch dieſes Kindlein klein /Simeon ve - tus, ample - xatur letus, hoc Saluta - re Dei.
Nimmet auff ſeine Arme fein /
Siehets mit ſeinen Augen an /
Wird bald aus jhm ein ander Man /
Fuͤhlt er im Hertzen wonn vnd freud /
Leſt fahren alle trawrigkeit /
Wil nun willig ſcheiden von hin /
Weil er geſehn Marien Kind
Jm Fried / wenn es nur Gott gefelt /
Denn er nu mehr war worden Alt.
Der ander Nutz Chriſti Geburt2. Nutz Chriſti Geburt.
Jſt / daß er vns von der Armut
Die Ewig iſt / erloͤſet hat /
Dargegen Ewig Reichthumb bracht /
Das wir nicht mit dem Reichen Mann /
Leiden moͤchten ohn vnterlahn /
C ijPein /Pein / Angſt / Marter an Seel vnd Leib /
Darfuͤr vns GOtt in Ewigkeit /
Behuͤtten wolt durch ſeinen Sohn /
Der fuͤr vns hat genug gethan /
Darumb wir ſingen dieſe zeit /
Mit Hertzen / Mund / vnd groſſer Freud.
Er iſt auff Erden kommen Arm /
Damit Er vnſer ſich erbarm /
Vnd in dem Himmel machet reich /
Vns ſeinen lieben Englein gleich.
3. Nutz der Ge - burt Chriſti.
Endlich iſt das der dritte Nutz / Wie vns die Schrifft berichten thut /
Das Chriſtus kommen in die Welt /
Matth. 18.
Selig zu machen als ein Heldt /Luc. 9. 19.
Alle die / ſo da gleuben thun /Johan. 3.
An Jeſum Chriſtum Gottes Sohn / Die ſollen nicht verdammet ſein /
Sondern loß werden aller Pein.
Was kan vns thun die Suͤnd vnd Todt /
Wir habn mit vns den wahren GOtt /
Laß zuͤrnen Teuffel vnd die Hell /
Chriſtus iſt worden vnſer Gſell.
Er will vnd kann vns laſſen nicht /
Setzt nur auff Jhn ewr zuverſicht /
Es moͤgen vns viel fechten an /
Trotz dem der es nicht laſſen kan.
ZuZu letzt muͤſſn wir doch haben recht /
Wir ſindt nu worden Gottes Gſchlecht /
Dancken es GOtt in Ewigkeit /
Geduͤltig froͤlich allezeit.