Mon Pere il ſeroit difficile & preſ­que impoſſible de parler comme il faut de la connoiſſance de nous meſ­mes, ſi nous n'auions appris à con­noiſtre Dieu: Mais comme vous m'auez inſtruit en l'vn & en l'autre de ces deux points, je taſcheray de vous ſatisfaire. A cét effet je prie Dieu qu'il me donne les lumieres neceſſaires, & la langue des bien appris, afin que je ne die choſe aucune, qui ne ſoit con­uenable à ſa gloire, & propre à noſtre edification.

Ie ſuis donc vn pauure petit garçon iſſu de la race corrompuë d'Adam par la generation naturelle, dénué de toute juſtice; Et comme Dauid par­lant de ſoy, diſoit au Pſeau. 51. verſ. 7. Qu'il auoit eſté formé en iniquité & échauffé en peché, je le dis auſſi de moy: De ſorte que comme le peché eſt entré au monde par la transgreſ­ſion4 d'Adam, & par le peché la mort, je ſuis naturellement ſous maledi­ction, & en la mort: car la mort eſt paruenuë ſur tous hommes, d'autant que tous ont peché en Adam. Rom. 5. verſ. 12.

Comment cela eſt-il arriué, veu que Moyſe nous apprend que Dieu crea Adam à ſon image & ſem­blance, qu'il le benit, & que Dieu vit que tout ce qu'il auoit fait, eſtoit tres-bon, Geneſ. 1. verſ. 27. & 31.

Le meſme Prophete nous ap­prend auſſi au chapitre ſuiuant du meſme liure, que Dieu ayant creé l'homme de la poudre de la terre, le fit en ame viuante, qu'il planta vn jar­din en Heden, qu'il y mit Adam pour le cultiuer, & qu'il luy permit de manger du fruit de tous les arbres du jardin, ſauf & excepté de l'arbre de Science de bien & de mal, duquel il luy parla en cette ſorte au verſ. 17. quant à l'arbre de Science de bien &5 de mal, tu n'en mengeras point: car dés le jour que tu en mengeras, tu mourras de mort; Comme s'il luy euſt dit, dés le moment que tu te détour­neras de mon obeïſſance, & que tu tranſgreſſeras mon commandement tu tomberas en mon indignation, & de ma colere en la mort eternelle. Et au chap. 3. il nous apprend, qu'Adam adherant à ſa femme qui auoit eſté ſeduite par le Diable ſous la forme du Serpent, tranſgreſſa le comman­dement de Dieu, mangea du fruit defendu, croyant par ce moyen par­uenir à vne plus haute connoiſſance, & ſe rendre égal à Dieu, que par ſa tranſgreſſion il attira ſur ſoy & ſur ſa poſterité, la mort corporelle & eter­nelle, & toutes les autres miſeres & calamitez, qui trauaillent l'homme pendant le cours de ſa vie, & que Dieu le chaſſa du Paradis terreſtre, & mit des Anges ſur le paſſage auec vne lame d'eſpée, ſe tournant çà & là6 pour luy en empeſcher l'entrée: de ſorte qu'au lieu de la communica­tion familiere qu'il auoit auec Dieu: Au lieu de la lumiere de l'entende­ment dont Dieu l'auoit honoré, & de la pureté en laquelle il auoit eſté creé, il s'éloigna de Dieu, & le Diable prompt & ſubtil s'empara de luy, ſe logea dans ſon coeur, luy creua l'oeil de l'entendement, l'enueloppa des tenebres d'erreur & d'ignorance, le lia des liens du peché, infecta de ce poiſon mortel toutes les parties de ſon corps & de ſon ame; En telle ſor­te que le coeur de l'homme a eſté du depuis vn repaire de Demons, & ſa malice eſt ſi grande que toute l'ima­gination des penſées de ſon coeur n'eſt autre choſe que mal en tout temps. Geneſ. 6. verſ. 5. Et partant je conclus comme en ma réponſe pre­cedente, que l'homme eſtant tel il eſt naturellement ſous malediction, & en la mort; puis que la mort a reigné7 depuis Adam; meſmes ſur les petits enfans; combien qu'ils n'ayent pe­ché à la façon de la tranſgreſſion d'Adam; parce qu'ils eſtoient en Adam, & que le peché d'Adam leur eſt imputé, comme s'ils l'auoient commis, Rom. 5. verſ. 12. & 14.

Certes il y a dequoy s'eſton­ner de ce que noſtre premier pere, ri­che & heureux qu'il eſtoit, en ce qu'il poſſedoit celuy qui poſſede tout, s'eſt laiſſé ſeduire ſous vne ap­parence vaine & trompeuſe; Et d'au­tant plus qu'il n'ignoroit pas l'arreſt de mort que Dieu auoit prononcé contre luy en cas de rebellion.

C'eſt vne marque infaillible du renuerſement de ſon eſprit, car s'il euſt connû l'eſtat heureux auquel il eſtoit, la felicité qu'il poſſedoit, & le malheur auquel il ſe precipitoit, il n'euſt eu garde d'écouter ſes enne­mis, ny de ſe reuolter contre ſon Createur: Mais ſi nous entrons en8 nous meſmes, nous trouuerons qu'il y a plus de ſujet de s'eſtonner de no­ſtre conduite: Car combien que nous ſoyons enuelopez ſous vne meſme ruïne, & que d'ailleurs nous enten­dions la Loy, qui foudroye vne ſe­conde condamnation à l'encontre de nous, nous ne laiſſons pas d'aller à trauers champs, comme ſi nous eſtions forcenez, de nous liguer auec le Diable pour faire la guerre à Dieu: Et ainſi deuons nous reconnoiſtre, & auouër que les enfans ont comblé la meſure de leurs peres, que nous ſom­mes plus méchans qu'eux, & en plus mauuais eſtat; puis que outre la tranſ­greſſion d'Adam, de laquelle nous ſommes coupables dés le ventre de nos meres, Eſaye 48. verſ. 8. nous ſom­mes encore ſous la malediction de la Loy par noſtre propre deſobeïſſance & par nos rebellions.

Nous ſommes donc en vn mauuais eſtat: Mais noſtre mal eſt-il9 ſans remede?

Ouy, du coſté des hommes; car puis que nous ſommes tous ſous malediction, & en la mort, il n'y a en nous ny vie, ny mouuement pour les choſes ſpirituelles; & par conſequent incapables de nous redreſſer: Mais Dieu qui eſt pitoyable, & miſericor­dieux, tardif à colere, abondant en gratuiré, conſola noſtre premier pe­re, & ſa poſterité par la promeſſe de la ſemence de la femme, qui deuoit briſer la teſte du Serpent, contenuë au chapitre 3. de la Geneſe verſ. 15. & nous deliurer de la tyrannie du Dia­ble, du peché, & de la mort, comme il l'a du depuis accomply.

Cette doctrine concernant la redemption des hommes merite d'e­ſtre traittée plus au long, puis qu'il y10 va de la gloire de Dieu, & de noſtre ſalut, & c'eſt ce que nous ferons cy­apres, moyennant ſon aſſiſtance: Mais à preſent ſuiuons le but que nous nous ſommes propoſez. Et puis que vous auez parlé de l'eſtat de l'homme apres la creation, & de ſa cheute, venons à la ſeconde partie de noſtre premier poinct, qui eſt de la connoiſſance de Dieu. Et dites moy ce que vous croyez de Dieu?

Ie n'entens pas que nous puiſ­ſions comprendre ou enueloper ſous nos ſens la Majeſté infinie de Dieu, il faudroit eſtre hors du ſens pour auoir12 vne telle penſée. Mais je veux dire que Dieu eſtant comme il eſt tout-Puiſſant & tout Sage, ſe manifeſte, ſe donne à connoiſtré aux hommes par ſes oeuures; Car les choſes inuiſibles d'iceluy, à ſçauoir ſa Puiſſance eter­nelle, & ſa Diuinité ſe voyent comme à l'oeil par la creation du monde, eſtant conſiderées en ſes ouurages. Rom. 1. verſ. 20.

Il ſemble pourtant que les oeuures de la creation, quoy que grandes & admirables, ne peuuent pas donner aux-hommes vne vraye connoiſſance de Dieu, telle que nous la deuons auoir pour l'aymer, l'hono­rer & ſeruir. Et de fait l'Apoſtre S. Paul nous apprend au meſme chapi­tre que vous venez d'alleguer aux quatre verſets ſuiuans, que combien que les hommes ayent connu Dieu par ſes oeuures, ils ne l'ont pas glorifié13 comme Dieu, & ne luy ont pas ren­du l'honneur, le ſeruice & l'obeïſ­ſance qui luy eſt deuë; ains ſont de­uenus vains en leurs diſcours, & leurs coeurs deſtituez d'intelligence ont eſté remplis de tenebres: ſe diſans eſtre ſages ſont deuenus fols, ont changé la gloire de Dieu incorrupti­ble à la reſſemblance & image de l'homme corruptible, & des oyſeaux, des beſtes à quatre pieds, & des repti­les; A raiſon dequoy auſſi Dieu les a liurez aux conuoitiſes de leurs coeurs: Il faut donc qu'il y ait quelque autre reuelation plus efficacieuſe.

I'auouë que nous ne pouuons paruenir à la droite connoiſſance de de Dieu par les oeuures de la creation ſeulement: A cauſe de l'ignorance en laquelle nous ſommes tombez par la reuolte de noſtre premier Père. C'eſt pourquoy Dieu auſſi s'eſt mani­feſté aux Peres qui ont veſcu ſous la Loy de nature par diuerſes reuela­tions,14 & apparitions; Et du depuis il a ajouſté ſa Parole, par laquelle il nous fait connoiſtre, non ſeulement ce qu'il eſt en ſoy; mais auſſi ce qu'il nous eſt, ce qu'il a fait pour nous, & ce qu'il veut que nous faſſions pour luy eſtre agreables. Or cette Parole nous eſt abſolument neceſſaire pour nous amener à la droite connoiſſance de Dieu. Et de fait le Prophete Roy l'a bien jugé ainſi; Car apres nous auoir propoſé le liure de la nature au Pſeaume dix-neuf, & particuliere­ment les Cieux qui racontent la gloi­re de Dieu, l'ordre continuel des jours & des nuits qui preſchent ſa Majeſté, nous amene à la Parole de Dieu qu'il compare à vne lumiere, à vn guide: Et de vray la Parole de Dieu eſt vne lumiere qui nous conduit en noſtre pelerinage terrien. Ta Parole dit le Prophete au Pſeau. 119. verſ. 5. ſert de lampe à mon pié, & de lumie­re pour mon ſentier. Eſclairez donc15 par la Parole de Dieu, & conduits par le S. Eſprit, qui eſt le guide appro­priant les choſes ſpirituelles à ceux qui ſont ſpirituels, comme l'Apoſtre S. Paul nous l'apprend en ſa premiere aux Corinth. chap. 2. verſ. 13. les oeu­ures de la creation nous ſeruent pour nous amener à la connoiſſance de cét excellent ouurier, & nous font voir comme à l'oeil ſa Puiſſance eter­nelle, ſa Diuinité, ſa Sageſſe admira­ble, & ſa Bonté infinie.

Puis que les oeuures de la crea­tion ne ſont pas ſuffiſantes pour nous amener à la droite connoiſſance de Dieu, & que ſa Parole nous eſt neceſ­ſaire; Voyons ce qu'elle nous enſei­gne de Dieu?

Ce que vous venez de dire eſt veritable, & doit eſtre tenu pour conſtant; Mais ſi nous n'auions d'au­tres lumieres que celles que les liures de Moyſe nous apportent, la connoiſ­ſance que nous aurions de Dieu par ſes eſcrits, nous donneroit plus de trouble que de conſolation. Car ſi d'vne part ils nous apprennent que Dieu eſt pitoyable, & miſericordieux: En meſme temps, au meſme chapitre23 & aux meſmes verſets que vous venez d'alleguer; Il ajoûte, que Dieu ne tient nullement le coulpable pour innocent, & qu'il punit ſeuerement les tranſgreſſeurs de ſes Loix, d'où s'enſuit que Dieu eſtant, comme il eſt, tout Puiſſant & tout-Iuſte, & nous pecheurs; Il faut neceſſairement que ſa Iuſtice ſoit ſatisfaite, & que la mort des pecheurs entreuienne: Car la juſtice de Dieu eſt vne volonté conſtante & eternelle de recompen­ſer les bons & punir les méchans qui luy eſt ſi naturelle, qu'elle eſt ce qu'il eſt, laquelle il ne peut par conſequent relaſcher, non plus que ceſſer d'eſtre ce qu'il eſt.

Les liures de Moyſe ne nous apprennent pas ſeulement, que Dieu24 eſt tout-Puiſſant & tout Iuſte; Mais auſſi qu'il eſt Pitoyable & Miſericor­dieux, qu'il oſte le forfait & l'iniquité, comme je viens de dire: Mais la do­ctrine Euangelique nous a apporté vne plus grande lumiere: Car elle nous fait voir, que la juſtice de Dieu a eſté pleinement ſatisfaite, que Dieu a puny l'homme, qu'il a exigé de luy vne ſatisfaction entiere, & neant­moins qu'il a exercé ſa miſericorde enuers les pauures pecheurs.

Comment cela peut-il auoir eſté fait, veu que punir & pardonner ſont choſes contraires?

Dieu a trouué en ſoy meſme par ſa Sageſſe infinie le moyen d'ac­corder ces contraires: Et de fait il les a accordez par des moyens admira­bles & incomprehenſibles à nos ſens: Mais il nous les a reuelez par la do­ctrine Euangelique. Car l'Euangile nous apprend que Dieu nous a tirez des abyſmes d'ombre de mort par25 l'homme qu'il auoit ordonné aupa­uant les ſiecles; Sçauoir par Ieſus Chriſt, lequel eſtant venu en chair au temps determiné par le Pere; s'eſt mis en noſtre place, s'eſt chargé de nos pechez, s'eſt exposé volontaire­ment pour nous, s'eſt offert ſoy meſ­me en ſacrifice viuant ſur la Croix pour faire l'expiation de nos pe­chez: Et Dieu le conſiderant comme noſtre pleige & garand, l'a froiſſé, l'a mis en langueur, a déployé ſur luy le coup effroyable de ſon ire, qui de­uoit tomber ſur nous: Et à nous, il nous impute ſon obeïſſance, le meri­te de ſon ſacrifice; & pour l'amour de luy nous a pardonné nos pechez: Et c'eſt en cette maniere qu'il a accordé ces contraires, puniſſant les pecheurs en la perſonne de celuy qui s'eſt fait homme pour ſauuer les hommes, toutesfois ſans participer à leur cor­ruption; & nous imputant à nous le merite de ſon ſacrifice par lequel il26 nous a acquis vne redemption eter­nelle; Et voila la lumiere que vous demandez & la ſatisfaction pour nos pechez.

Comment ſe peut-il faire que nos pechez qui ſont grands & en grand nombre ayent eſté expiez par vn ſeul ſacrifice, & la Iuſtice de Dieu ſatisfaite, veu que pour produire vn tel effet, Dieu en auoit ordonné plu­ſieurs ſous l'Ancien Teſtament, & commandé de le reïterer, Exod. 29. verſ. 39. & 41.

Si noſtre Seigneur Ieſus Chriſt n'eſt point nommé dans les liures de Moyſe, il y eſt ſi bien deſigné, & ſon ſacrifice auſſi, qu'il eſt facile à le diſ­cerner:31 quoy qu'il en ſoit il appert par pluſieurs témoignages, que noſtre Souuerain Sacrificateur ne s'eſt point ingeré. Celuy qui luy auoit dit au Pſeau. 2. verſ. 7. C'eſt toy qui es mon Fils je t'ay aujourd'huy engendré, l'a appellé à la Sacrificature, lors qu'il luy a dit au Pſeau. 110. Le Seigneur a juré & ne s'en repentira point, Tu es Sacrificateur eternellement à la façon de Melchiſedec; Et ainſi vous voyez que c'eſt le Pere qui l'a appellé & eſtably, pour exercer la Sacrifica­ture, non à la façon d'Aaron, parce que Aaron & ſes ſucceſſeurs eſtoient pris d'entre les fils de Leuy, & par conſequent pecheurs & mortels obli­gez d'offrir premierement pour eux, & apres pour le peuple, comme je viens de dire: Mais à la façon de Mel­chiſedec, la plus illuſtre figure de Ieſus Chriſt qui ait eſté miſe en auant ſous le premier Teſtament repreſen­té d'vne façon admirable & extraor­dinaire32 en qualité de Roy, & de Sa­crificateur, non ſeulement comme vn Roy ordinaire, mais extraordinai­re; Sçauoir, Roy de Iuſtice & Roy de paix, Grand Sacrificateur, ſans pere, ſans mere, ſans genealogie, ſans commencement de vie & ſans fin de jours, & comme enuoyé de Dieu pour eſtre figure, & pour re­preſenter l'Eternité, la Sainteté de noſtre grand Sacrificateur, Iuſte, Saint, Innocent, ſans macule, ſeparé des pecheurs, & qui par conſequent n'auoit nul beſoin d'offrir pour ſoy; ains ſeulement pour nous, pour faire noſtre paix, & nous reünir auec Dieu; ce qui ſe rapporte fort bien à la Pro­phetie de Daniel contenuë au 26. verſ. du chap. 9. cy-deuant allegué, que le Chriſt ſeroit retranché, non pour ſoy, donc pour nous qui croyons en luy. De ſa part il a accepté & ac­comply la charge de Sacrificateur; Et de fait lors que le S. Eſprit l'introduit33 venant au monde, il le fait parler en cette ſorte à ſon Pere au Pſeau. 40. rapporté & interpreté par S. Paul au chap. 10. de l'Epiſtre aux Hebreux verſ. 5.6.7. & 8. Tu n'as point voulu ſacrifice, ny offrande, ny holocauſte pour le peché, & n'y as point pris plai­ſir; Mais tu m'as approprié vn corps, Me voicy, je viens pour faire, ô Dieu, ta volonté. Or la volonté de Dieu eſtoit de ſauuer les hommes pecheurs par vn homme ſans peché: pour cét effet il falloit former cét homme d'v­ne façon extraordinaire. Car comme tous les deſcendans d'Adam par la voye ordinaire ſont ſoüillez, à cau­ſe de la corruption generale qui a infecté toute la nature, ils ne pou­uoient eſtre employez à ce grand Oeuure: C'eſt pourquoy auſſi Dieu à fait & formé cét Homme de la ſub­ſtance d'vne Vierge par l'operation du S. Eſprit ſuiuant la Parole adreſſée par le miniſtere de l'Ange à la Vierge34 Marie au chapiſtre premier de l'E­uangile ſelon S. Luc Verſ. 35. Le ſaint Eſprit, dit l'Ange à la ſainte Vierge, ſuruiendra en toy, & la vertu du Sou­uerain t'enombrera, dont cela auſſi qui naiſtra de toi, ſaint, ſera appellé le Fils de Dieu. Le ſaint Eſprit eſt donc interuenu; Mais d'vne façō ſpirituelle conuenable à ſa nature Diuine, & a formé ce corps de la ſubſtance de la ſainte Vierge, apres l'auoir purifiée & ſantifiée, Et dans ce corps Dieu a logé vne ame toute ſainte qu'il a en­richie de tous les dons ſpirituels: De ſorte que cét Homme celeſte a eſté fait le Temple de la Diuinité; Car le Fils eternel de Dieu, la Sageſſe eter­nelle du Pere l'a vny à ſa nature Diui­ne, ſans aucune confuſion de ſub­ſtances; En telle ſorte que Dieu eſt demeuré Dieu, & l'homme eſt de­meuré homme: Mais par cette vnion Dieu s'eſt fait homme, & l'homme eſt deuenu Dieu: Et de fait l'Apoſtre35 S. Paul au chap. premier de l'Epiſtre aux Coloſ. Verſ. 19 dit, Que le bon plaiſir du Pere a eſté que toute pleni­tude habitaſt en luy, plenitude d'hu­manité, plenitude de Diuinité; com­me il ſ'en explique au chap. ſecond de la meſme Epiſtre verſ. 9. quand il dit, que toute plenitude de Duini té a habité en luy corporellement. Or cet homme ſaint a eſté offert a Dieu par le S. Eſprit, comme vne victime tres-ſainte, & lui meſme s'eſt preſenté volontairemēt pour nous, & en noſtre nō cōme noſtre frere aiſné, pour faire l'expiation de nos pechez par le ſacri­fice de ſon Corps, qu'il a offert à Dieu ſon Pere ſur la Croix; Acauſe dequoy auſſi il a eſté dit au chap. 9 de l'Epiſtre aux Hebre. v. 14. Qu'il s'eſt offert ſoy meſme ſans aucune tache par l'Eſprit eternel. Et Dieu le conſiderant, non comme ſon Fils, ſaint & bien aymé, mais comme noſtre pleige & garand, chargé de nos pechez, l'a froiſſé, l'a36 mis en langueur ſuiuant la Prophetie d'Eſaye contenuë au 53 de ſes Reuela­tions verſ. 10 afin qu'apres auoir mis ſon ame en oblation pour le peché, il ſe viſt vne grande poſterité, vn grand nombre de r'achettez, cette belle aſ­ſemblée d'Eſſeus dont l'Egliſe eſt compoſée, Et en ce combat penible & langoureux, la Diuinité n'a jamais abandonné l'humanité; Mais la toû­jours ſoûtenuë comme il l'auoit pro­mis au Pſeau 110. verſ. 5. Le Seigneur eſt à ta dextre il froiſſera tes ennemis au jour de ſa colere; Et de fait il a rom­pu les liens de la mort, s'eſt redreſſé ſoy meſme, a ſurmonté & deffait le Diable, le peché & la mort, les a me­nez en triomphe, & c'eſt en cette ma­niere & par le ſacrifice de ſon corps, qui eſt d'vn prix & d'vne valeur infinie comme j'ay dit qu'il a fait l'expiation de nos pechez, qu'il a pleinement ſatisfait la Iuſtice de Dieu, qu'il nous a deliurez tant de la malediction de37 la Loy, d'autāt qu'il l'a portée ſur ſoy, ſuiuant le paſſage du 3. des Galates verſ. 13. que de la tyrannie du Diable, du peché & de la mort, nous a ac quis vne Redemption eternelle, & nous a reconciliez auec Dieu; Car le bon plaiſir du Pere á eſté de reconcilier par luy toutes choſes à ſoy, ayant fait la paix par le ſang de la Croix d'iceluy Coloſs. 1. verſ. 19. & 20. Et Dieu a eu ſon obeïſſāce & ſon ſacrifice ſi agrea­bles, qu'il l'a ſouuerainement exalté, l'a couronné de gloire & d'honneur, l'a éleué ſur ſon trône, l'a fait ſeoir à ſa dextre és lieux Celeſtes pardeſſus toute Principauté & puiſſance, vertu & ſeigneurie, & pardeſſus tout nom qui ſe nomme, non ſeulement en ce ſiecle, mais auſſi en celuy qui eſt à venir, a aſſujetty toutes choſes ſous ſes pieds, luy a donné toute puiſſance au Ciel & en Terre, & l'a conſtitué ou donné pour eſtre Chef de l'Egliſe Ephez. 1 verſ. 20.21. & 22: Et pour l'a­mour38 de luy nous a pardonné nos tranſgreſſions, & nous communique ſes graces, comme j'ay dit cy-deuant, & ainſi voyons-nous que le Pere a ordonné & eſtably ſon Fils bien-aimé auec ſerment pour eſtre le Sacrifica­teur de la nouuelle alliance, & que le Fils aimant & aimé, eſt interuenu volontairement entre Dieu & nous, qu'il s'eſt aneanty, qu'il a reſpādu ſon ſang ſur la Croix pour nous, qu'il nous a reconciliez à Dieu ſon Pere par le ſang de la Croix, & nous a ouuert le Paradis: De ſorte qu'au lieu que l'en­trée des lieux ſaints eſtoit interdite au peuple qui viuoit ſous la Loy, & s'ils auoient veu quelque repreſentation extraordinaire de la Majeſté de Dieu ils en eſtoient effrayez & diſoient, comme Manoach au 13. des Iuges verſ. 22. Nous mourrons, car nous auons veu Dieu: Nous au contrai­re allons auec aſſeurance au trône de ſa grace, afin de trouuer grace,39 obtenir miſericorde, & pour eſtre aidez en temps opportun. Heb 4. v 16.