Vid: adpoſuit.
Σμὺ Θεῶ Chriſtliches Ehrengedaͤchtnuͤß vnd Leich - begaͤngnuͤß / Fr. Mariæ Steudnerin / geweſener Elteren Fr. Burgermeiſterin in Greyffenberg / gehalten Ao. 1641. den 28. A - prilis, am Sontag Cantate.
MEin Kind / verwirff die Zuchtv. 11. deß HERREN nicht / vnd ſey nicht vngedůldig vber ſeiner Straffe.
Denn welchen der HErr liebet / denv. 12. ſtraffet Er / vñ hat wolgefallen an jhm / wie ein Vater an ſeinem Sohn.
Sey nun wider zu frieden meine Seele / denn der HErr thut dir guts. Denn du haſt meine See - le auß dem Tode geriſſen / meine Augen von den Thraͤnen / meinen Fuß vom gleiten. Jch wil wan - deln fuͤr dem HERRN im Lande der Lebendigen. Pſal. 116. v. 7.
Wenn vor zeiten die Roͤmiſchen Krieges-Helden in einer gefaͤhrlichen Schlacht den Sieg erhalten / begien[-]gen ſie darauff jhren Tryumphs-Tag / zogen mit groſſer Pompa vnnd Herꝛligkeit ins Capitolium vnnd Haupt - Kirchen / vnd ward nach außgeſtandener Gefahr / ſolch jhr Ehren - vnd Frewden-Feſt / mit groſſen jubiliren / ſchoͤ - nen Tryumphs-Liedern vnd allerhand praͤchtigen Solen - niteten celebriret vnnd gehalten. Eben alſo gehets auch mit Chriſtglaͤubigen Kindern Gottes her / die muͤſſen jmmer im Streit ſein auff Erden / Job. 7. ꝟ. 1. muͤſ - ſen jmmerdar jhre Ritterſchafft uͤben / 1. Tim. 1. ꝟ. 19. vnd ſolches ſo Geiſtlicher / ſo Leiblicher weiſe. Vid. Bec - mannum de orig. Welcher Ritterſchafft ſich nicht allein die Mannes - Perſonen fleiſſen / ſo in der Lateiniſchen Sprache Viri,â viribus[5]â viribus & virtute, von der Staͤrcke vnd Tugend ge -ling. lat. p. m. 528. & 300. nennet werden: Sondern auch die Weihes-Perſonen / da doch ein Weib bey den Roͤmern Mulier, quaſi mol - lis aër / vmb derer Schwachheit willen / ſo wol deß Lei - bes / alß deß Gemuͤths / genennt worden. Mulieres q. mollities. Sie ſind ſchwache Werckzeuge / ſagt S Petrus 1. Ep. 3. ꝟ. 7. Dennoch haben derer viel ſich mit ſonderlichen Helden-Thaten beruͤhmbt gemacht / Leiblich / alß die Jaël, Debora vnd Judith bey den E - breern: die Pentheſilea bey den Amazonern: die Cle - opatra bey den Egyptiern: die Lybußa bey den Boͤh - men / die alle ein Heroiſch Gemuͤth vnd Maͤnnliche Tha - ten an jhnen ſpuͤren laſſen. Geiſtlich / alß da ſich das Cananeiſche Weiblein zur Chriſt-Ritterin gemacht / vnd daher von den Kirchen Lehrern genennt wird Victrix fi - dei, eine Glaubens-Heldin / quia vicit invincibi - lem, wie Tertullianus ſagt / Sie hat den vnuͤberwind - lichen Held vnd HErꝛen vberwunden. Matth. 15. ꝟ. 28. Welcher wir nicht allein die ſtandhaffte Maccabeerin / 2. Maccab. 7. nicht allein die andaͤchtige Monicam, Auguſtini Mutter / die Gottſelige Agatham vnd S. Cla - ram an die Seiten ſetzen: ſondern jhr auch zuordnen vn - ſere nunmehr ſeelige Eltere Fr. Burgermeiſterin / die Weiland / Erbare Wol - vnd Viel-Ehrentugend - reiche Fr. Mariam / (Titul) Herꝛen Melchior Steudners J. U. C. vnnd Wolverdienten Eltern Herꝛ Burgermeiſters / auch Vornehmẽ Handelßman - nes allhier geweſene liebe Haußfraw. O welch eine ſchwere Ritterſchafft hat dieſelbe uͤben vñ veruͤben muͤſſen!
A iijIhre[6]Jhre Ritterſchafft hat ſie geuͤbet Generaliter, da ſie zugleich mit vns / vnter ſchwebender vielfaltiger Angſt vnd Noth geſtanden / vnd gar manche groſſe Ge - fahr / an Krieg / Brand / Verfolgung vnd derglei - chen mit außgeſtanden.
Jhre Ritterſchafft hat ſie geuͤbet Specialiter, da die liebe ſeel: Fr. Burgermeiſterin jhre ſonderliche groſſe Leibes beſchwer / Schmertzen vnd Kranckheit in die 13. Jahr mit Chriſtlicher Gedult vertragen.
Jhre Ritterſchafft hat ſie geuͤbet Spiritualiter, hat eineGeiſtliche vñ gutte Ritterſchafft geuͤbet / Glau - ben vnd gut Gewiſſen behalten / 1. Tim. 1. ꝟ. 19. Jſt alſo durch den Glauben an Chriſtum / recht geworden Victrix fidei, eine Edle Glaubens-Heldin / hat Suͤnde / Todt vnd Teuffel vberwunden / vnd nun am Sontage Ju - bilate beydes jhren Siegs - vnd Tryumhps-Tag gehal - ten. Da ſie durch einen ſanfften ſeeligen Todt alle jhre Noth vberwunden; vnd alß eine Geiſtliche Chriſt-Ritte - rin jhre Seele mit groſſem Tryumph in die Himmliſche Schloß-Kirche geſchickt / daſelbſt ein ewiges Jubilate vnd Cantate zuhalten.
Jhr Tryumphß Liedlein iſt:
Damit wir nun bey dieſem Chriſtlichen vnd Volck - reichen Leichenbegaͤngnuͤß was fruchtbarliches mit ein - ander auß Gottes Wort betrachten moͤgen / bitten wir / ꝛc.
Es ſchreibt Laërtius l. 2. de antiquitatibus Græ -vid. etiã Horolog Princ. Guev. l. 1. c. 21. p. m. 73. corum[/]daß ſich die Griechen ſehr hochgeruͤhmet / wie ſie fuͤr allen andern Nationen vnnd Voͤlckern vnter jhnen ſonderliche vortreffliche Leute gehabt / alß nemlich:
Die Edelen Deutſchen koͤnnen eben ſo wol ſolchen Ruhm / alß die Edlen Grichen / fuͤhren / denn die Deut - ſche Nation vnnd Laͤnder viel Vornehme ſtadliche vnnd Tapffere Leute / an Koͤniglichen / Fuͤrſtlichen / vnd an - deren Standes Perſonen gehabt / deren nicht nur Sie - ben / ſondern wol vielmal Sieben koͤnten gerechnet vnd hergezehlet werden.
Ruͤhmen koͤnnen ſich die Edlen Deutſchen / daß ſiein vnd[8]in vnd vnter jhrer Nation gehabt / multos Philoſophos doctisſimos. Ja ruͤhmen koͤnnen auch wir vns diß Orts / daß vnſer geringes Greyffenberg / dennoch man - chen feinen Gelehrten / Geſchickten / vnd Verſtaͤndigen Mann gehabt. Vnter welchen wir nicht fuͤr den we - nigſten laſſen geachtet werden / den Ehrenveſten / Wol - weiſen / Großachtbaren / Wolgelahrten vnd Wol - benambten Herꝛen Melchior Steudenern J. U. C. Conſulem emeritum, vnd Vornehmen Handelß - mann allhier / ſo vnſerer Stadt vnd Rathſtul ſehr wol an - ſtehet / auch gemeiner Stad / Kirchen vnd Schulen nun mehr eine geraume zeit Wol vnd Lobwuͤrdig fuͤr geſtandẽ.
Drumb wie er einem jeden vnter vns bißauhero mit trewem Rathe beygewohnet: alſo wohnen wir jhm auch anjtzo billich in ſeinem groſſen trawrẽ mit hertzlicher con - dolentz bey / vnſere zu jhm tragende gutte affection, Liebe vnd Trew / hierdurch im Wercke zubezeigen vnd zu - bezeugen.
Alß ich denn meines theils hertzlich von Gott wuͤn - ſche / daß auch ich jhme mit kraͤfftigem Troſte anjtzo ſuc - curriren moͤge / welches gnaͤdig verleyhen wolle der Gott alles Troſtes / der vns troͤſtet in allem vnſer[m]Truͤbſal / daß auch wir troͤſten koͤnnen / die ſo da ſind in allerley Truͤbſal / 2. Cor. 1. ꝟ. 4.
Gott wolle denſelbigen auch alß eine columnam Reipublicæ / vnnd alß einen Ruhm vnd Zierde vnſerer Stad / noch lange zeit Geſund vnd Lebendig erhalten.
Ruͤhmen koͤnnen wir auch / daß die Edle Deutſche Nation gehabt / Foeminas Sapientisſimas, ſehr Ver -nuͤnfftige[9]nuͤnfftige vnd Weiſe Weibes Perſonen / nicht nur Sie - ben / ſondern viel viel Tugendſame Ehren Matronen / deren auch wir deß orts vns in Warheit zu ruͤhmen haben.
Wie wir denn anjtzo an der ſeeligen Fr. Steudne - rin / zum Grabe vnd Ruhebetlein bringen vnnd vnter die Erde legen muͤſſen Foeminam honeſtisſimam, eine rechte Ehren Matron / eines Ehrlichen Geſchlechts vnd ehrlichen Verhaltens Foeminam pientisſimam, eine recht Chriſtliche vnnd Gottſelige Ehren-Matron. Foeminam ſapientisſimam, eine recht Vernuͤnfftige vnd Verſtaͤndige Ehren-Matron. Foeminam ſva - visſimam, eine recht Leutſeelige vnd freundliche Ehren - Matron. Foeminam caſtisſimam, eine recht Er - bare vnd Zuͤchtige Ehren Matron. Foeminam pati - entisſimam, eine recht Sanfftmuͤttige vnnd Geduldige Ehren-Matron. Die da geweſen Speculum foemi - nei ſexûs & flos omnium matronalium virtutum, wie Doct: Mirus ſeine Landes Fuͤrſtin in exequiis be - ſchreibet.
Die geweſen ein Weib das den HErꝛen gefuͤrchtet / vnd das man loben ſol / Proꝟ. 31. ꝟ. 29. Die lieblich wie eine Huͤndin / vnd holdſelig wie ein Rehe / Proꝟ. 5. ꝟ. 19. Die jhrem Herꝛen liebes vnd kein leides ge - than jhr gantzes Leben lang. Proꝟ. 31. ꝟ. 12.
Da Koͤnig Cyrus ein trefflich ſchoͤn Kleynoth be -vid. Her - berg. Po - ſtil. part. 2 f. 558 Brautfackl Herberg. lib. 1. p. 67. kam / wolt er es ſeiner Gemahlin anhengen / vnnd ſprach zu jhr: Kompt doch her mein Hertz / ich muß euch ein we - nig ziehren vnd ſchoͤne machen. Da ſprach ſie: Ach Hertzlieber Herꝛ / gebts nur ewer Fr. Mutter / die iſt nunBalt[10]alt vnd bedarff Schmuck. Jch aber bin noch jung / wil mich auch ſo mit Tugend ſchmuͤcken / daß ich euch wol ohn diß gefallen werde. Fuͤrwar vnſere ſeelige Fraw Bur - germeiſterin hat eben derogleichen gethan / ſich mit Tu - gend / Froͤmigkeit vnnd Gottſeeligkeit alſo geſchmuͤckt / daß alle vnſere Frawen an jhr einen rechten allgemeinen ornat gehabt / vnnd nun an jhr einen ſchoͤnen Tugend - Spiegel verlohren: derer Schmuck nicht beſtanden in Kleider anlegen / Haar flechten[/]Gold anhengen / ſon - dern der verborgene Menſch deß Hertzen vnverruckt / mit ſanfftem ſtillem Geiſt / daß iſt bey jhr vnd koͤſtlich fuͤr Gottvid. Her - berg. Po - ſtil. part. 2. f. 551. geweſen / 1. Pet. 3. ꝟ. 4.
So nun die Weibes Perſonen zu Mentz / den Hein - rich Frawen lob / welcher / alß ein Deutſcher Poet / viel ſchoͤnes dinges den Weibern zu ehren getichtet / mit Leide beſungen / vnd jhm zu dienſt vnn danck das Grab mit Wei - ne begoſſen: alß betrawren wir auch billich vnd gebuͤhr - lich vnſere ſeelige Fraw Steudnerin / vnd begiſſen gleich jhr Grab mit Liebes-Threnen / alß der / die ein rechtes Frawenlob verdienet hat. Zu welchem Ehrenpreiß wolverdienter Leute vns der Weiſe Syrach. cap. 44. ꝟ. 1. anmahnet vnd ſpricht: Laſt vns loben die beruͤhmbten Leute.
Vnd was ſol ich ſagen? Wenn gleich bey der ſeel: Fr. Burgermeiſterin ſonſten aller andern Tugenden ge[-]ſchwigen wuͤrde / koͤnte doch deroſelben groſſe Gedult / in dem langwirigen 13. Jaͤhrigen Creutz vnd Kranckheit ge - tragen / nicht genungſam gelobet werden. Nun aber hat ſie ſich ja gar zu reichlich vmb vns alle durch jhr wol -verhalten[11]verhalten meritiret. Wol verdienet hat ſie ſich / vmb jhren Herren / mit Ehelicher Liebe vnd Trew: vmb jhre Kinder / mit Muͤtterlicher Liebe vnd Trew: vmb jhren Nechſten / mit Chriſtlicher Liebe vnd Trew: vmb arme Leute / mit milter Liebe vnd Trew.
Drumb wollen wir jhr nun auch erzeigen / waß wir jhr alß einer wolverdienten Perſon hierumb ſchuldig wor - den. Siedemnach Ehren vnd Verehren.
Ehren / alſo / daß / wie allbereit geſchehen / wir jhr / jhr wolverdientes Ehrenlob ferner geben.
Verehren alſo / daß wir auß den Worten Salomo - ni[s]vnd vnſerm verleſenen Text zuſammen ſetzen wollen.
Einen Geiſtlichen Denckring / mit zweyen zuſam - men geſchloſſenen Haͤnden / da die Eine ſchlaͤgt: die ander die Schlaͤge traͤgt.
Vnd dieſelbigen gleich vnſerer ſeelig verſtorbenen Frawen Burgermeiſterm Steudnerin mit ins Grab geben / vnnd fuͤr vnſer Perſon vnſere Chriſtliche Andacht vnd Gedancken daruͤber haben vnd halten.
Gott regiere vnd ruͤhre vns mit dem Finger ſeines H. Geiſtes / vnd laſſe es fruchtbarlich geſchehen / Amen.
WOlverdiente Leute im Tode ehren / iſt eine alte loͤb - liche Gewonheit. Alß Eliſæus den Eliam ſa -B ijhe gen[12]he gen Himmel fahren / warff er jhm dieſes Ehren-Lob hernach vnd ſprach: O mein Vater / mein Vater / Wagen Jſrael vnd ſeine Reuter / 2. Reg. 2. ꝟ. 12. Damit anzeigende / daß er jhnen ein trewer Vater / vnd mehr nutz geweſen / alß ein Reiſiger Zeug an Wagen vnd Reutern.
Alß der frome Koͤnig Ezechias geſtorben / klagt vnd ruͤmbt jhn der Prophet Eſaias oͤffentlich mit einer ſolchen Leich ſermon vñ Ehren-Zeugnuͤß Eſaiæ 56 ꝟ. 1. ſect. 2. Der Gerechte koͤmpt vmb vnd iſt niemand / der es zu Hertzen nehme / vnd heilige Leute werden auffge - rafft / vnd niemand achtet drauff. Vnd alſo gibt auch Jeremias dem fromen Koͤnige Joſia ſein Ehren-Lob / wie zu leſen / 2. Chron. 35. ꝟ. 25. Vid. Ca - mer. hor. ſucciſ. l. 1. c. 97. f. m. 452.So hat man auch vorzeiten / vnd ſonderlich bey den Jndianiſchen Voͤlckern / den Verſtorbenen ſonderliche Gaben mit gegeben vnd beygelegt / wie Hieron. Benzo l. 3. ſchreibt / welches auch hernacher bey den Deutſchen in brauch kommen. Weil aber damit violatio Sepul - chrorum, da die Geldgierigen Weltſaͤw in Graͤbern ge - wuͤhlet / vervrſachet worden / auch den Leuten mitlerzeit das Vermoͤgen ſehr entgangen / hat man ſolche vergeb - liche Vnkoſten eingezogen / vnd in nachzeiten die Verſtor - benen mit einem Sarg vnnd Sterbe-Kittel abgeſtattet. vid Zinc - greff. de Apopht. German. p. 1. f. 323.Daher ein Buͤrger zu Roſtock der viel Muͤhe vnd Arbeit angewendet / Geld vnnd Gut zuerwerben / bey ſeinem ab - ſterben geſagt:
Philippus Melanchthon hat pro lectione erzeh -vid. Lau - rent. in l. 1. Sam. f. m. 29. let / von einer Adelichen Frawen / ſo ſchwangers Leibes geweſen / vnd am Tage Mariæ Kraͤuterwey vom ſtarcken Geruch der Kraͤuter in eine Ohnmacht gefallen / alſo daß man ſie gantz vor todt gehalten. Jhr Mann hat ſie auch nicht wollen von dannen tragen / ſondern an dem ort laſſen begraben werden / wo ſie jhren Abſchied genommen: Alß man jhn gefragt / wie er es mit den koͤſtlichen Guͤlde - nen Ringen ſo ſie angeſteckt gehabt / machen wolle / er ge - antwortet: ſie ſolten jhr mit ins Grab gegeben werden[.]
Alß nun bey Nacht ein Dieb koͤmpt / ſie ſolcher Guͤl - denen Ringe zuberauben / iſt ſie wieder zu jhr ſelbſt kom - men / lebendig funden / vnnd der Dieb dadurch in groß ſchrecken gejaget worden. Denn wer auch nur gedenckt ſich an den Todten zuvergreiffen / wird der Straffe nicht entgehen.
Nun wolan / wir wollen vnſerer ſeeligen Frawen Steudnerin nicht einen ſolchen Denckring mit ins Grab geben den Roſt vnd Motten freſſen / vnd die Diebe nach - graben vnd ſtehlen koͤnnen / Matth. 6. ꝟ. 19. ſondern den - ſelbigen Geiſtlich auß den abgeleſenen Worten Salomo - nis zuſammen ſchmeltzen / denn das Wort Gottes iſt koͤſtlicher denn Gold / vnd viel feines Goldes Pſal. 19. ꝟ. 13. Denſelbigen wollen wir jhr zum Ehren-Ge - daͤchtnuͤß bey legen / vnd jhn auch vnſers theils zur heilſa - men Lehre vnd vnterricht anſchawen vnd gebrauchen.
Dieſer Guͤldene Denckring nun / iſt mit zweyen Haͤnden zuſammen geſchloſſen.
B iijDie[14]Nemlich:
Davon vnſer Text alſo ſagt: Mein Kind / verwirff die Zucht deß HErren nicht / vnd ſey nicht vngeduldig vnter ſeiner Straffe / ꝛc. Damit Sa - lomo anzeigt / daß wenn wir mit Creutz vnd Truͤbſal be - leget werden / wir fein dencken vnd bedencken ſollen.
1. Erſtlich nun ſollen wir in vnſerm Creutz darauff ſehen / Weß die Hand ſey / die vns ſchlaͤgt. Sa - lomo ſagt / es ſey Manus Domini, Gottes deß Allmaͤch - tigen Hand. Er nennts / diſciplinam Domini, deß HErren Zucht. Denn Gott der HErr iſts der dazuͤchtiget / der HErr / der Gewalt hat vber Leben vnd vber Todt / Sap. 16. ꝟ. 13.
Zeigt alſo Salomo damit an / daß es nicht in deß Teuffels / auch nicht in boͤſer Leute willen vnd gefallen ſte - he / vns in Creutz vnd Truͤbſal zuſtuͤrtzen / ſondern GOtt hat vns in ſeinen Haͤnden / damit regieret vnnd fuͤhret Er vns / damit ſchlaͤgt vnd zuͤchtiget Er vns. Die Hey - den haben wunderbarliche Opiniones, vnd jrrige Mei - nungen vom Creutze vnd Vngluͤcke gehabt. Homerus gibt fuͤr / der Jupiter / ſo ſie fuͤr den Hoͤchſten GOtt ge -halten /[15]halten / der ſitze im Himmel / vnnd habe zwey groſſe Faſſe vor ſich / eines mit Gluͤcke / das ander mit Vngluͤcke an - gefuͤllt. Wenn Er nun einem Menſchen eine Hand - voll Gl[uͤ]cks zugetheilet / ſo werffe er jhm auch zwo Hand - volln Vngluͤcks auff den Halß / vnd daher komme es / daß jmmer mehr Vngluͤcks alß Gluͤcks in der Welt ſey. He - ſiodus ſchreibt / daß in pixide Pandoræ alles Vngluͤck geweſen / daſſelbe ſey vom Epimetheo auß vnnd in die Welt vnter die Leute gelaſſen worden. Ach die armen Heyden / ſie haben wol hoͤren leuten / aber nicht zuſam - men ſchlagen. Der groſſe Jehova / der ewige Gott iſts / der Gluͤck vnd Vngluͤck / Leben vnd Tod / Armuth vnd Reichthum in ſeinen Haͤnden hat / wie Syrac. 11. ꝟ. 14. ſagt.
Drumb da der Sathan ſich an Job machen wolte / muſte er vorhin von Gott Erlaub bitten / vnd vber deſſen Zulaß durffte er nicht ſchreiten / Job. 1. & 2. Da La[-]ban jhm fuͤr genommen hatte Jacob zuerwuͤrgen / muſte er doch inne halten / vnd nichts alß freundlich mit jhm reden / weil es der HErꝛ alſo wolt / vnnd jhn in ſeinen Haͤnden hilt / Gen. 31. ꝟ. 24.
Darauß wir zuerſehen haben / daß Gott das dire - ctorium im Creutze behelt / alſo / daß / ob wir gleich offt in Noth vnd Vngluͤcke ſtehen / wir dennoch auch zu ſolcher zeit nicht auß ſeinen Haͤnden gelaſſen vnd vbergeben wer - den. Gleich wie wir nun der Wehre vnd dem Eiſen nicht die ſchuld geben / damit wir gehawen vnd geſtochen worden / ſondern deme / der es gefuͤhret: alſo muͤſſen wir bey vnſerm Creutze nicht bloß auff die cauſas externas ſehen / auff die inſtrument vnd mittel / dadurch wir zurZuͤchtigung[16]Zuͤchtigung gezogen werden / vnnd demnach nicht thun / wie die zornigen Hunde / die in den Stein beiſſen / damit ſie geworffen werden ſondern bedenckẽ ſollen wir im Creutz daß der HErr vns ſchlaͤgt / Job. 5. ꝟ. 18. Daß er die Laſt aufflegt / Pſal. 68. ꝟ. 21. daß ſeine Hand vns druͤckt / Pſal. 38. ꝟ. 3. Wie es denn Job nicht dem Teuffel vnd den Chaldeern zuſchreiben wil / ſondern er ſagt cap. 19. ꝟ. 21. Erbarmet euch mein jhr meine Freunde / denn die Hand Gottes hat mich geruͤhret.
Das gereicht nun armen Creutz-traͤgern deſtomehr zum Troſte.
Thuts Gottes Hand die vns ſchlaͤget / ſo wird ſie vns doch nicht gar erſchlagen / denn Er keñt am beſten was fuͤr ein Gemechte wir ſind / Pſal. 103. ꝟ. 14. drumb zuͤchtiget er wol / vbergiebt vns aber dem Tode nicht Pſal. 118. ꝟ. 18.
Thuts Gottes Hand / ſo thuts die rechte Vaterhand / voller Vaͤterlichen Gnade und Barmhertzigkeit / dem ſein Hertze gegen vns bricht Jerem. 31. ꝟ. 20. Dieſe lieb - reiche Vaterhand ſollen wir nun kuͤſſen / vnd mit Augu - ſtino ſagen: Hic ure, tunde, ſeca, modò in æter - num parce.
Dieſe Goͤttliche Vaterhand nun / ſo wir an deß wei - ſen Salomonis Geiſtlichem Denckringe finden / hat vn - ſere ſeelige Fr. Steudnerin auch mit ſonderlichem fleiſſe in acht genommen. Denn in jhrem Creutze ſahe ſie dem lieben Gott auff ſeine Haͤnde / vnd erkante / daß es jhr vonjhm[17]jhm zu geſchicket wehre; rechnete ſich demnach auch vnter ſeine Kinder / die Er zu ſtraffen vnd zuͤchtigen gutte macht hette. O ſeelige Creutz[-]traͤger / die ſich nicht mit dem Teuffel vnd der argen Welt ſchlagen vnd plagen / ſondern jhr Creutz alß ein heiliges Gottes-Creutz anſehen / die wer - den ſich auch deſto Heiliger vnd Chriſtlicher darunter ver - halten.
2. Vors Ander / ſollen wir in vnſerm Creutz auch darauff ſehen / wie vnd warumb vns denn Gott alſo mit ſeiner Hand druͤcke vnd ſchlage? Nemlich / dar - umb / daß er vns zuͤchtige vnd ſtraffe / wie ſolches Salomo in vnſerm Text anzeigt da er ſpricht: Mein Kind / ver - wirff die Zucht deß HErꝛen nicht / vnd ſey nicht vn - geduldig vnter ſeiner Straffe.
1. Einmal ſo nennet Salomo allhier vnſer Creutz eine Straffe / vnd wil / daß wir nur ſollen dencken / wie wir taͤglich viel ſuͤndigen / vnd wol eitel Straffe verdienen: Drumb muß vns Gott auch ſolche Suͤnden-ſtraffen laſ - ſen fuͤhlen / vnd mit einer ſo harten πιμωρία an vns kom̃en / damit wir vns in den Sůnden erkennen / vnd fuͤr der ewi - gen Straffe huͤtten lernen. Das meint auch Hanna 1. Sam. 2. ꝟ. 6. vnd Salomo Sap. 16. ꝟ. 14. / ſagend: der HERR fuͤhret in die Helle vnd wieder herauß. Welches im Creutze geſchieht / denn da leſt Er vns gleich wie einen blick in die Helle ſehen / vnd einen præguſtum dolorum infernalium empfindẽ / daß ein Menſch denckt; Ach iſts ein elende ding / keine friſche Stunde in der Welt haben / was wird dann fuͤr Noth ſein / wann die Gottlo -Cſen[18]ſen ewig werden auff dem Siech-Bette liegen muͤſſen / ſte - tig ſterben / vnd doch nicht erſterben / Eſa 66. ꝟ. 24.
O wie mancher Menſch / wird bey dieſen faͤhrlichen Zeiten / vnter den Beſtialiſchen Mord-haͤnden / der vber - auß vnbarmhertzigen Krieges-Gurgeln gedacht haben: Ewiger Gott / kan ein Menſch ſo grauſam handeln / ei - nen ſo ſchrecklich torquiren vnd ſo crudeliter tractiren! Was wird wol vom Sathan in der Hellen geſchehen / welcher in dieſen ſeinen mancipiis erweiſet / daß er einen groſſen Zorn wieder die Menſchen habe / Apoc. 12. ꝟ. 12. Drumb wilſtu dich huͤtten / daß du nicht in ſeine vnd vn - ter ſeine execution gegeben werdeſt.
Alſo hat dißfals loͤblich gethan vnſere ſeelige Fr. Buͤrgermeiſterin / welche bey jhrem Chriſtlichen vnnd Erbaren wandel / ſich dennoch fuͤr keinen Engel vnd vn - befleckten Heiligen gehalten / ſondern ſich alß einen duͤrff - tigen Menſchen / allerley Schwachheiten vnterworffen / erkennet / ſich dannenher zum oͤfftern mit Gott vnd Men - ſchen verſoͤhnet: Auch Gottes gerechten Zorn vnd Straf - fe gern vñ geduldig in dieſer Gnaden Zeit getragen / hertz - lich ſeufftzend / nur mit dem ewigen Jammer zuverſcho - nen. Summa / Sie hat den Zorn deß HErren ge - tragen / weil ſie an jhm geſuͤndiget / der nun jhre ſache auß - gefuͤhret / vnd wie Er ſie hier ans Licht bracht vnd getroͤ - ſtet / alſo wird Er ſie auch am Juͤngſten Tage ans Licht bringen / vnnd ewig erfrewen / daß ſie jhre Luſt an ſeiner Gnade ſehe / wie Micha redet cap. 7. ꝟ. 9.
2. Nachmaln / ſo nennt Salomo allhier vnſer Creutz eine Zuͤchtigung. Vnd entlehnet hierzu im - plicitè ein Gleichnuͤß von denen Vernuͤnfftigen Eltern /die[19]die jhre Kinder in gutter Zucht halten / vnd das alles vmb der Kinder beſtes willen / wie Syrach 30. ꝟ. 1. ſaget: Wer ſein Kind lieb hat / der helt es ſtets vnter der Rutten / daß er hernach Frewde an jhm erlebe.
So thut nun auch Gott / wil Salomo ſagen / denn er weiß daß vnſer tichten boͤſe / Gen. 8. ꝟ. 22. Daß wir boͤſe ſchaͤdliche Kinder ſind / Eſa. 1. ꝟ. 4. Darumb ſolchen zu ſtewren / muß er friſch vnd riſch mit ſeiner Va - ter-rutten hinter vns her ſein. Vnd da hat nun der e - wige Gott mancherley Rutten / Angſt / Noth vnd Pla - gen / damit Er vns zuͤchtiget.
Offt bindet Er eine kleine Rutte / vnd verlaͤſt vns nur einen kleinen Augenblick / Eſa. 54. ꝟ. 7. Da das wei - nen nur den Abendlang wehret / aber deß Morgens bald wieder die Frewde angehet / Pſal. 30. ꝟ. 6.
Offt aber bindet Er eine groſſe Rutte / nimbt viel vnd langwieriges Creutz zuſammen / laͤſt vns erfahren viel vnd groſſe Angſt / Pſal. 71. ꝟ. 20. Eine ſolche groſſe Rutte ſind die vnterſchiedene Fewersbruͤnſte ge - weſen / da vnſer Stad jnner 30. Jahren dreymal gantz außgebrennt / da dann die ſeelige Fraw Burgermeiſte - rin auch zweymal mit herhalten muͤſſen. Eine ſolche groſſe Rutte iſt die Kriegesnoth / darunter die ſeelige Fr. Steudnerin nun in die 23. Jahr nicht ohne vielfal - tige außgeſtandene Angſt / Fahr vnd Verterb ſampt vns geſtecket.
Vnd dergleichen groſſe Noth haben auch viel ande - re / vnd zwar Heilige HErr-Gotts-Leute außſtehen muͤſ - ſen. David hat vnter der Verfolgung im exilio in dieC ij10. Jahr:[20]10. Jahr: vnd Job in ſeinem Elend vber die 7. Jahr ge - ſchwebt. Der arme Menſch Joh. 5. ꝟ. 5. hat vber die 38. Jahr kranck vnd elend ſeyn muͤſſen. Vnd alſo auch vnſere ſeelige Fraw Steudnerin / die in Dreyzehen Jahren gar wenig friſcher Stunden gehabt / vnd dannen - her mit David daruͤber vnd darunter ſeufftzen / klagen vnd ſagen muͤſſen: Ach du HErr wie lange / Pſal. 6. ꝟ. 4. Der Herr Matheſius in ſeinem Siracide ſchreibt: Jch habe eine Vornehme Matron gekennt / die offt wuͤntſchte / daß ſie fuͤr jhre Kranckheit doch nur eine Buͤrde Holtz tragen ſolte / ſo koͤnte ſie ja zuweilen die Buͤrde nieder[l]e - gen vnd ruhen; aber nun bey jhrer ſtethwehrender Kranck - heit hette ſie keine ruhe / weder Tag noch Nacht. Wel - ches vnſere Fr. Steudnerin auch wol erfahren hat.
O Geſundheit / Geſundheit / welch ein Edler Schatz! wird doch von den wenigſten recht bedacht vnd betracht. Vide Apopht. Eraſm. l. 7. f. m. 600.Alß der Weiſe Thales gefraget worden: Quis esſet in vita felicisſimus? Welcher Menſch wol in der Welt fuͤr den gluͤckſeeligſten zu achten? hat er geantwortet: Qui corpore ſanus, animo autem eruditus, daß iſt: der beydes Geſund / vnd auch Weiſe wehre: Anzeigend / die Geſundheit / ſey eine groſſe Gluͤckſeeligkeit. Wie ſol -Vid. Ca - mer. hor. ſubci. cent. 3. c. 92. p. 361. ches auch wol erkant vnd an ſich ſelbſten befunden / Kayſer Fridericus IV. welcher / alß jhm zu Lintz ein Schenckel muͤſſen abgeloͤſet werden / geſagt: Ein geſunder Bawer habe es beſſer denn ein krancker Kayſer. Drumb ſagt der Weiſe Syrach. cap. 30. ꝟ. 17. der Todt ſey beſſer / denn ein Siech-Leben vnd ſtete Kranckheit. Ja er verwirfft alles Gluͤck vnd Reichthumb / vñ zeucht jhnendie[21]die Geſundheit fuͤr / cap. 30. ꝟ. 14. vnd ſpricht: Es iſt beſſer einer ſey Arm vnnd dabey friſch vnd geſund / denn Reich vnd vngeſund. Geſund vnd Friſch ſein iſt beſſer dem Gold / vnnd ein geſuͤnder Leib iſt beſſer denn groß Gut. Es iſt kein Reichthumb zuvergleichen einem geſunden Leibe. Eben wie auch der Weiſe Heyde Plato, Geſundheit vnd Freyheit / fuͤrVid. Ho - rol. Princ Gueva. f. m. 591. die beſten Schaͤtze dieſes Lebens gehalten.
Ein geſunder Menſch iſt zu allen dingen frewdig: a - ber einem vngeſunden iſt alles verdruͤßlich.
Eim Geſunden ſchmecket alle Speiſe wol: aber ei - nem Krancken iſt auch das niedlichſte bißlichen alß eſſe er Stroh.
Ach ſo denckt doch nun / was iſt Kranckheit fuͤr eine Beſchwerligkeit! Muß dennoch manch Menſch / ja mancher frommer Menſch / dieſe harte Zuͤchtigung deß Herꝛen ſeines Gottes fuͤhlen. Hiskia der vnter die froͤmmeſten Koͤnige in Iſrael gerechnet wird / muß doch vnter groſſen Schmertzen vnnd Kranckheiten leben vnnd ſchweben / Eſa. 38. ꝟ. 1.
Es werden auch offt Krancke Leute vnter ſolchem Noth-ſtande lange auffgehalten / wie wir von einem Man - ne Johann. 5. ꝟ. 5. leſen / daß er 38. Jahr / Kranck gelegen.
Ja / ob die Weibes Perſonen ſchwache Werckzeu - ge / dennoch laͤſt ſie Gott auch offtmalen ſolche Zuͤchti - gung zimlich hart vnd lange fuͤhlen / wie denn das Weib - lein Matth. 9. ꝟ. 20. Zwoͤlff Jaͤhr jhre Kranckheit er - litten.
C iijVnſere[22]Vnſere ſeel: Fr: Buͤrgermeiſterin aber / noch ein Jahr laͤnger / nemlich in 13. Jahr Siech vnd vnpaͤß - lich ſein muͤſſen / welches fuͤrwar nicht fuͤr eine geringe Zuͤchtigung zu halten iſt. Moͤchte hier Fleiſch vnnd Blut dencken vnd ſagen: Ach das kan ja nicht Liebe ſein / ſo hart vnd lange zuͤchtigen!
Wieder ſolche Gedancken protestiret nun Salomo ſtrack in vnſerm Text / wenn er ſpricht: Welchen der HErꝛ lieb hat / den zuͤchtiget Er / vnd hat wolgefal - len an jhm / wie ein Vater an ſeinem Sohne.
Nimbt alſo ein Gleichnuͤß von Eltern vnd Kindern. So lange ein Kind vnter Vaͤterlicher Gewalt iſt / ſo lan - ge iſt es auch vnter der Straffe vnnd Zuͤchtigung: ſind wir denn nun nicht alle / vnd allezeit vnter Gottes Gewalt / Drumb ſols nun auch mit vns allen heiſſen: Demuͤtti - get euch vnter die Gewaltige Hand Gottes / 1. Pet. 5. ꝟ. 6.
Darzu / ſolte das nicht Liebe ſein / was dem Fleiſch vnd Blut ein wenig wiederwertig fuͤrkompt?
Ein Medicus gibt ſeinem Patienten offt bittere vnd wiederwertige Artzneyen vnd doch auß Liebe vnnd vmb ſei - nes beſten willen. Nun iſt das Creutz ein heilſame Artz - ney. Denn gleich wie die bittere Fiſchgalle dem Tobiæ die Augen außklaͤrete Tob. 11. ꝟ. 13. Alſo macht das Creutze / daß wir vns nach Gott vnd nach dem Himmli - ſchen vmbſehen.
Es kuͤſt vnd druͤckt ein Vater offt ſein Kind ſo hart / daß jhm die Augen vbergehn / aber ſolches anders nicht denn auß Liebe. Eben alſo machts auch vnſer Himm - liſcher Vater / welches die Chriſtliche Kirche andeut / da ſie ſagt: Cant. 2. ꝟ. 6. c. 8. ꝟ. 3. Seine Lincke lieget vnter meinem Haͤupt / vnd ſeine Rechte hertzet mich. Alß wenn ſie ſagen wolt / mit ſeiner Rechten wolgemei - neten Hand / hertzt vnnd druͤckt Er mich: Aber mit ſeiner Lincken / die Er vnter mein Haͤupt geleget / richtet Er mich wieder auff. Denn der HErꝛ ſchlaͤgt / vnd ſeine Hand heilet / Job. 5. ꝟ. 18. Wie Er denn vnſerer Fr. Steudnerin nicht allein eine Wunden an die ander geſchlagen / Job. 16. ꝟ. 14. vnnd eine Leibes Be - ſchwer der andern die Hand bitten laſſen / ſondern jhr auch noch jmmerdar Troſt eingeſprochen / Gnade bewieſen / vnd auff jhrem Siech-Bette erquicket / ſie im Glauben vnd Gedult geſtaͤrcket / vnd nun endlichen mit Fried vnd Freu - den / ſanfft vnd ſeelig von hinnen fahren laſſen.
Das alles heiſt / welchen der HErr lieb hat / den zuͤch - tiget Er. Summa / vnd mit einem Wort zu ſagen / es bleibt dabey / daß es die Schlaͤge deß Liebhabers recht gutt meinen Proverb. 27. ꝟ. 6. Drumb ſagt Salo - mo hier / er zuͤchtige wie ein Vater / dem auch der Sohn vnter der Zuͤchtigung dennoch wolgefaͤllt.
Jſt aber das nicht troͤſtlich / daß Gott wolgefallen an vns hat / wie ein Vater an ſeinem Sohne; vnd daswir[24]wir ſingen koͤnnen: Ein wolgefallen GOTT an vns hat.
Ein Vater der wolgefallen an ſeinem Sohne hat / der ſorget Vaͤterlich fuͤr ſeinen Sohn. O wie ſorgete Jacob fuͤr ſeinen Joſeph / Gen. 37. ꝟ. 3. Wie ſorgten Tobiæ Eltern / Tob. 10. ꝟ. 1. Vnd alſo hat Gott auch fuͤr vnſere Fr. Buͤrgermeiſterin geſorget / ſie wol verſorget daß ſie nicht kuͤmmerlich leben duͤrffen / ſon - dern bey guttem Vermoͤgen vnnd reichem Vnterhalt ge - ſtanden.
Ein Vater der woͤlgefallen an ſeinem Sohne hat / der Ehret auch ſeinen Sohn / gleich wie David den Salomo / den er noch bey ſeinem Leben auff den Koͤ - niglichen Stul ſetzen / kroͤnen / vnd mit Koͤniglicher Wuͤr - de verehren liß / 1. Reg. 10. ꝟ. 35. Vnd alſo hat auch Gott vnſere ſeelige Fraw Steudnerin nicht allein von ſondern geehrten Eltern / deß loͤblichen Rathſtuls vnnd Burgermeiſter Ampts in Buntzlaw laſſen gebohren wer - den / ſondern ſie auch zu derogleichen Ehren allhier durch jhren lieben Ehe-Herrn / der ſein Burgermeiſter Ampt biß ans 19. Jahr loͤblichen verwaltet / erhoben vnd gefoͤ - dert. Aber gleich wie Paulus ſagt 2. Cor. 12. ꝟ. 7. daß ich mich der hohen Offenbahrung nicht vberhe - be / iſt mir gegeben ein Pfahl ins Fleiſch: Alſo hat Gott auch vnſerer Fraw Buͤrgermeiſterin durch die ſte - tige Leibes Beſchwer / allen Muth genommen / vnnd ſie dadurch bey jhrem Ehrenſtande in tieffſter Demuth erhal - ten / daß es recht geheiſſen / wie David ſagt Pſ. 18. ꝟ. 35. Wenn[25]Wenn du mich demuͤttigeſt / machſtu mich groß. Alß ſie denn durch jhre Demuth nicht allein bey maͤnnigli - chen groſſen Ruhm vnd Gunſt erlanget: Sondern auch bewogen worden / ſich deß jrdiſchen zuverzeihen / vnnd nach den Himmliſchen digniteten zu ſtreben.
Ein Vater der wolgefallen an ſeinem Sohne hat / der ſetzet jhn auch ein zum Erben ſeiner Guͤtter / gleich wie Abraham dem Jſaac all ſein Gut gab / Gen. 25. ꝟ. 5.
Alſo thut Gott auch ſeinen gleubigen Kindern / die ſollen empfangen von ſeiner Hand ein herrliches Reich / Sap. 5. ꝟ. 17. In welches nun Gott auch vnſere ſeel: Fraw Steudnerin zu ſeinem ewigen Vorſorg auff vnd angenommen hat.
Alſo iſt ſeine Hand / damit Er ſie gezuͤchtiget hat / geweſen / eine rechte Vaterhand / eine liebreiche Hand / damit Er ſie der Welt vnnd Weltluſt entzogen / vnd ſie an ſich vnd zuſich in ſein him̃liſches Ehren-Reich gezogen.
Nemlich: Manus hominis Chriſtiani crucem pati - enter ſuſcipientis. Die Kindliche Hand fromer Chriſten vnd gedul - diger Creutz-traͤger.
Denn hie weiſet vns Salomo im Text / wie wir es machen ſollen / wenn vns Gott ſeine Hand bitten vnd et - was harte damit zugreiffen thut.
DNicht[26]Nicht ſollen wir thun wie die vngehorſamen Kinder / welche wiederſchlagen wenn ſie geſtraffet werden. Es gedenckt Zvvingerus in ſeinem Theatro eines Sohnes / der ſeinen Vater / alß er von jhm geſtrafft worden / wie - der geſchlagen: Alß aber der Sohn ſtirbt vnd begraben wird / wil jhm die Hand / damit er den Vater geſchlagen / nicht im Grabe bleiben / biß der Vater dieſelbige mit Rut - ten biß auffs milde Blut geſtrichen / nach welcher empfan - gener Straffe / er die Hand wieder zu ſich ins Grab hie - nein gezogen hat. Vnd da Jerobeam ſeine Hand wie - der den Mann Gottes auffhub / verdorrte ſie jhm / 1. Reg. 3. ꝟ. 4. So nun Gott ſo ernſtlich geſtrafft / die ſich wieder jhre Eltern vnd ſeine Diener auffgelehnet! Was ſolte Er wol denen nicht thun / die wieder ſeine Goͤttliche Majeſtaͤt trotzig handlen vnd fahren wollen?
Drumb vermahnet Salomo / wir ſollen vns ſeiner Zuͤchtigung nicht wegern / vnd ſollen nicht vn - geduldig ſein vnter ſeiner Straffe.
Denn gleich wie Jonas da er Gott entlauffen / vnnd die Niniviter nicht erzoͤrnen wollen / jhm nur groͤſſere Ge - fahr vnd Noth vervrſachet / Jonæ 1. ꝟ. 3. Alſo wenn der Menſch Gott im Creutze nicht ſtille halten wil / ſo ge - hets mit jhm nach dem Sprichwort:
Drumb ſollen wir das von Gott zugeſchickte Creu - tze mit demuͤttigen Haͤnden annehmen / vnd thun wie ein Kind / das ſich den Vater gerne zuͤchtigen laͤſt. WieDavid[27]David thut / der ſich willig in Gottes Zuchthand giebet / vnd ſpricht: 2. Sam. 15. ꝟ. 26. Hie bin ich / Er machs mit mir / wie es jhm wolgefaͤllt.
So muͤſſen wir nun im Creutz vnnd vnter der Zuͤchtigung Gottes drey ſtuͤcke uͤben / ſo Er wolge - fallen an vns haben ſol / wie ein Vater an ſeinem Sohne.
Das I. iſt Pœnitentia. Wir muͤſſen Got - tes Zucht-Rutte mit gewaſchenen Haͤnden angreif - fen / vnd fuͤr allen dingen im Creutze Gott die Suͤn - de abbitten. Denn wenn keine Suͤnde wehre / ſo wehre auch kein Creutze: Aber nun wohnet die Suͤnde in allen Landen / daher wohnet auch vberal Noth vnd Tod / vnd du muſteſt weit lauffen / ſo du an einen Ort kommen wolteſt / da kein Vngluͤck vnd Hoſpital zufinden wehre / wie Mantuanus lib. 5. ſylv. ſchreibt:
Jch weiß gar wol daß ichs von der ſeel: Fraw Buͤrgermeiſterin gehoͤrt / wenn man im Vngluͤck / vom wegziehen vnnd weglauffen redete / ſie dazu ſagte: Nun lieber Gott wo ſol man hinlauffen / daß man der Straffe vnd dem Zorn Gottes entlauffe / wil Er vns ſtraffen / Er kan vns an einem andern Orte ſo wol alß hier finden. Ja freylich / denn vnmoͤglich iſts / ſeiner Hand zuentfliehen / Sap. 16. ꝟ. 12 Drumb iſts fein Chriſtlich gehandelt / wenn man ſein Creutze / alß eine wolverdiente Suͤnden - Straffe / anſiehet. Herod. l. 5. c. 4. Tung. in Prompt. l. 3. p. 917.Die alten Roͤmer haben die Volupiam die Goͤttin der Wolluſt / vnd die Angeroniam die Goͤttin deß Angſt vnnd Vngluͤcks in eine Kirchen neben einander geſetzt / vnd damit anzeigen wollen / daß die Angores à volupta - te, Angſt vnd Creutz von der Wolluſt herkeme. Wel - ches wir auch wol bedencken moͤgen / vnd Gott demnach die Suͤnde abbitten / der vns auch vnter andern darumb zuͤchtiget / daß wir vns nicht fuͤr vnſchuldig halten / Jer. 30. ꝟ. 11. Ja auch eben darumb laͤſt Gott offt frome Leute ziemlich tieff ins Creutze wathen vnd gerathen / da - mit ſich andere grobe Suͤnden-Knechte daran ſpiegeln vñ dencken ſollen / geſchicht das am gruͤnen Holtze / was wil am duͤrren werden / Luc. 23. ꝟ. 31.
Welche Gedancken auch wol bey vns einbrechen moͤ - gen. Denn hat Gott der ſeel: lieben Fraw Steud - nerin / einer ſo Gottfuͤrchtigen / Erbaren vnnd Fromen Frawen nicht geſchonet / der die Tugend vnd Froͤmigkeit auß den Augen herauß geſehen / vnd die da geweſen vivum pietatis ſimulachrum, ein rechtes lebendiges Tugend -bild /[29]bild / Er wird gewiß anderer uͤppiſchen Suͤnden-Knechte noch weniger ſchonen:
Das II. iſt Confidentia, Wir muͤſſen das lie - be Creutz angreiffen mit heiligen Glaubens-Haͤndẽ.
Je mehr offt der Vater an das Kind ſchlaͤgt / je mehr es zu jhm laͤufft vnnd ſich an den Vater helt / denn es hat doch ſein Kindliches Vertrawen / daß es der Vater nicht gar verſtoſſen werde. Alſo ſollen auch Chriſt - glaͤubi - ge Kinder Gottes thun / im Creutz vnd Truͤbſal Gott jh - rem Vater vertrawen vnnd im Glauben anhangen / wie Jacob thet / der ſich auch durch ein ernſtes ringen / nicht von Gott wolte abſchrecken laſſen / Gen. 32. ꝟ. 24. Der - gleichen auch gethan Fraw Catharina / die loͤbliche Her - tzogin / Hertzogs Auguſti von Sachſen liebſte Fr. Mut - ter / die vnter jhrem Nothſtande an Gott / ſeine Gnade / Huͤlffe vnd Rettung gewieſen wurde / vnd darauff ſagte:
Eben diß fuͤhret auch S. Auguſtinus an / erweiſet ſei - nen Glauben vnd Vertrawen zu Gott / mit dieſen ſchoͤnen Worten: Cum blandiris Pater es, & cum cædis Pa - ter es. Das iſt:
D iijVnd[30]Vnd ſolche Zuverſicht wil nun Salomo in vns er - wecken / wenn er von Gott hier ſagt / daß er mit vns wie ein Vater handle / auff daß wir auch im Creutze ein kind - lich Vertrawen auff Ihn ſetzen ſollen.
Darzu ſo iſt das Creutze ſolcher Eigenſchafft / daß es das Vertrawen zu Gott in vns erweckt / vnd vns zu Gott vnſerm Vater treibt / wie der alte Beda ſagt: Mala quæ nos premunt, ad Deum ire compellunt:
Denn gleich wie der Magnetſtein Stal vnnd Eiſen an ſich zeucht: Alſo iſts auch mit dem Creutze beſchaffen / daß / ob vnſere Hertzen offt wie Stal vnd Eyſen ſind / vñ ſich durch keine Erinnerung wollen bewegen vnd erweichẽ laſſen / ſo macht doch das Creutze dieſelbigen mild vnnd muͤrbe / daß ſie dadurch an Gott vnd zu Gott getrieben vnd gezogen werden / vnd denn im Creutze vntereinander ſa - gen: kompt laſt vns zum HErꝛn gehen / Er hat vns zuriſſen vnnd geſchlagen / Er wird vns auch wieder verbinden vnd heilen / Hoſ. 6. ꝟ. 2.
Da denn ſolch Vertrawen / das die Gleubigen zu Gott tragen / vnd jhr Gebeth das ſie fuͤr jhn bringen / vonPlutarch in vita Demetrii Gott nicht verſchmehet wird. Koͤnig Demetrius warff die Supplicationes ſeiner armen Leute in den Fluß Axūm: Aber das geſchiehet nicht von dem trewen vnnd fromen Gott / ſondern das verlangen der Elenden hoͤ - ret der HErꝛ / jhr Hertz iſt gewiß / daß ſein Ohr da - rauff mercket / Pſal. 10. ꝟ. 17.
Vnd[31]Vnd wie ſolte Er es nicht gerne hoͤren vnd gnaͤdig er - hoͤren / weil Er eben zu dem ende die ſeinigen zuͤchtiget / daß Er ſie dadurch alß Kinder zu ſich ziehen moͤge. Jn betrachtung deſſen / ſaget Hoſeas c. 11. ꝟ. 4. Er laſſe vns in Seilen der Liebe gehen. Solche Liebes Sei - le / ſind nun die Bande deß Creutzes vnd Truͤbſals / damit Er auch die ſeel: Fraw Steudnerin an ſich gezogen / daß ſie mit fleiſſigem Gebet bey jhm vmb Troſt vnd Huͤlf - fe angehalten. Mit dieſen Seilen der Liebe / hat Er ſie auch in die Kirchen gezogen / daß ſie ſich daſelbſt Lehre vnd Troſtes erholet: Dadurch hat Er ſie auch auß der Welt gezogen / daß ſie ſich deß jrꝛdiſchen verzeihen / vnd allermeiſt nach dem Reiche Gottes vnnd nach ſeiner Ge - rechtigkeit getrachtet. O wol nun alle denen die jhre Haͤnde im Gebeth vnd Glauben zu Gott auffheben / Jhn ergreiffen vñ ſich ſeiner troͤſten / die werden nicht zu ſchan - den / Pſal. 22. ꝟ. 6. Ja wol allen die auff Ihn trau - en / Pſal. 2. ꝟ. 12.
Das III. iſt Patientia / Wir muͤſſen das Creutz mit geduldigen vnd ſanfftmuͤttigen Haͤnden halten.
Drumb ermahnet Salomo / daß wir nicht ſollen vn - geduldig ſein vnter ſeiner Straffe. Denn die Gedult iſt den Chriſten Noth / Ebre. 10. ꝟ. 35.
Am Helleſpont wohnen Voͤlcker genant die Abſyn -Ovid. l. 5. Triſt. thii, von der bitteren Wermuth die ſie eſſen. Die Chriſten ſind auch rechte Abſynthii, O wie wird jhnen dieſes Leben vergaͤllet. Chriſtiani ſunt cruciani,vnd[32]vnnd werden billich alſo genant à cruce vom Creutz vnnd Truͤbſal / dem ſie vnterworffen ſein. Denn ſie ſtehen in Chriſti Creutzorden / drum̃ ſie auch jhrem Obriſten Creutz - Herꝛen in Sanfftmuth vnnd Gedult nachfolgen ſollen. Aber da geht es wie Nazianzenus von etlichen Leuten / ſo zu Baſilii Zeiten gelebt / ſchreibt: Multi ſpecietenus viſi ſunt Baſilii, daß viel ſich zum ſchein geſtellet / nach den Sitten vnd Geberden deß Baſilii. Alſo ruͤhmen ſich jhr viel Chriſti vnd ſeines Creutzes / aber wenn es da - zu koͤmpt / daß ſie Jhm das Creutze nur ein wenig ſollen tragen helffen / ſo befindet man / daß ſie nur ſpeciete - nus Chriſten geweſen zum ſchein. Nur nomine aber nicht re: Nur Chriſten ſecundum dici, nicht a - ber ſecundum esſe, die den ſchein gehabt eines Gottſee - ligen weſens / aber ſeine Krafft verleugnet / 2. Tim. 3. ꝟ. 5.
Drumb lieben Leute wer ein Chriſt ſein wil / der thue auch Chriſti Werck / vnnd wie Chriſtus das Creutze von ſeinem Himmliſchen Vater mit geduldigen Haͤnden angenommen / alſo thut jhrs auch / zuerfuͤllen was S. Paulus fodert Eph. 5. ꝟ. 1. da er ſagt: So ſeid nun Gottes Nachfolger.
Welcher Gedult ſich denn auch ſonderlich Chriſt - liche Weibs Perſonen befleiſſigen ſollen. Drumb Er zu ſeiner Creutz-fahrt auch die lieben Weiberlein mit ſich genommen / Luc. 23. ꝟ. 27. Vnd ſie vnter ſein Creutze geſtellet / Joh. 19. ꝟ. 25. ſie damit zuerin - nern / daß auch ſie von ſeinem Creutz-Orden nicht ſolten außgeſchloſſen werden. Wie denn vnſere ſeeligeFraw[33]Fraw Steudnerin in ſolchem Creutz-Orden wol geuͤ - bet worden / alß jhr Chriſtlicher Tauff-Nahm Maria ſol - ches gleich mit gebracht / der ſo viel heiſt alß Bitterkeit.
O wie bitter vnnd ſawer iſt jhr diß zeitliche Leben worden / iſt jhr ein rechtes Mara geweſen / denn der All - maͤchtige hat ſie ſehr betruͤbet / Ruth. 1. ꝟ. 20.
Gleich wie aber der Cajus Mævius, deß KayſersVid. Flo - ril. Lang. de Con - ſtant. f. 132. Auguſti Krieges-Hauptmann / ſich durch keine Gewalt von ſeines Kayſers Dienſten wollen abhalten laſſen / al - ſo iſt die ſeelige Fraw Buͤrgermeiſterin beſtaͤndig an Gott blieben / vnd ſein Joch mit geduldigen Haͤnden er - grieffen vnd getragen. Nun iſt alles vertragen / ab vnd bey ſeite gelegt / vnnd Chriſti Wort an jhr erfuͤllet / Joh. 6. ꝟ. 20. Ewer Trawrigkeit ſol in Frewdever - kehret werden.
O wie hat ſich alles bey jhr wol geendet vnnd ver - endert.
Bißher hat ſie fuͤr jhrem Himmliſchen Vater geweinet: Hinfuͤro aber ſol jhr Mund voll lachens / vnd jhre Zunge voll ruͤhmens ſein / Pſal. 126. ꝟ. 2.
Bißher hat ſie viel klagen vnd lamentieren muͤſſen: Hinfuͤro aber wird ſie mit den erloͤſeten deß HErꝛen gen Zion kommen mit jauchtzen / ewige Frewde wird vber jhrem Haͤupte ſein / Eſa. 35. ꝟ. 10.
Bißher hat ſie auff dem Siech-Bette gele - gen vnter vielen Schmertzen / Angſt vnnd Vnruh: Nun aber liegt ſie ſanfft vnd wol in der Alten Mutter derEErden -[34]Erden-Schos / gantz mit frieden / vnnd fuͤrcht ſich nicht fuͤr viel Hundert-Tauſenden / Pſal 3. ꝟ. 6.
Bißher iſt ſie in der Frembde geweſen: Nun aber
Wie ſie denn offt mit hertzlicher Begierde hiernach gewuͤntſchet / vnd mit Hertzens ſeufftzen geſaget:
Vnd dahin verhelff auch vns Gott auß Gnaden / durch JEſum Chriſtum vnſern Heyland vnd HErren / Amen.
Honeſta familia, vita inculpata, patientia lau - data & mors perfectè beata.
ANlangend nun vnſeren Elterer Frawen Buͤrgermeiſterin Steudnerin Ankunfft / Leben / Wandel vnd Tod / verhelt ſichs damit alſo. Anno Chriſti 1603. den 28. Octob. iſt ſie zur Welt gebohren. Jhr Herr Vater iſt ge - weſen / der Weiland Ehrenveſte / Wolweiſe / Wol - gelahrte vnd Wolbenambte Herꝛ Zacharias Prel - ler / Wolverdienter Stadt-Voigt vnd Buͤrgermei - ſter zum Buntzlaw / Seel: Jhre Fr. Mutter aber iſt / die Erbare / Vielehrentugendreiche Fraw Bar - bara gebohrne Scholtzin / (Titul) Herꝛen Bur - germeiſter Scholtzens zum Buntzlaw ſeel: nachge - laſſene Tochter annoch lebend / vnnd ſich anjtzo bey (Titul) Herꝛn Matthæo Ruttardo der Fuͤrſtli - chen Stadt Luͤben / im Liegnitzſchen / vnnd deſſen Weichbildes Wolverordneten Decano vnd Paſto - re Primario, alß jhrem Herꝛen Eydam ſich auff - haltend. Von ſolchen jhren Chriſtlichen lieben Eltern iſt ſie fleiſſig zur Schulen gehalten worden /E ijfein[36]fein ſchreiben vnd rechnen lernen / daß ſie auch in ab - weſenheit jhres Herrn / ſeine Factorien vnd Hand - lungs-Regiſter richtig halten koͤnnen.
Jngleichem iſt ſie auch zu aller pietet / Zucht / Tugend vnd Erbarkeit erzogen worden / alſo / daß alle / ſo mit ihr vmbgangen / ſolche gutte Aufferzie - hung wol an jhr mercken vnd ſpuͤren koͤnnen.
Jm 17. Jahre jhres Alters / hat ſie ſich Anno 1621. den 13. Januarii mit jhrer lieben Eltern Rath vnnd Conſens in den H. Eheſtand begeben / mit (Titul) Herrn Melchior Steudenern J. U. C. vñ Wolverdienten Buͤrgermeiſtern allhier / mit Jhme eine friedliche / zuͤchtige vnd geſegnete Ehe gefuͤhret / darinnen ſie einander das langwirige Creutze trew - lich vnnd geduldig biß ins 20. Jahr tragen helffen. Durch Gottes Segen haben ſie erzeuget 5. Kinder / 2. Soͤhne vnd 3. Toͤchter / ſo alle vorangeſchickt / biß auff eine eintzige Tochter / welche der Getrewe GOtt dem betruͤbten Herren Vater zu Troſt vnnd Frewde in aller pietet, Zucht / Tugend vnnd Er - barkeit langezeit friſten vnd erhalten wolle / vnd ver - leyhen / daß ſie in der lieben Fraw Mutter Seel: Fußſtapffentreten / vnd derſelbigen nachahnen moͤ - ge / ſo wird ſie gewiß wolgerathen ſein.
Jhr Chriſtenthum belangend / hat ſie ſich alß eine rechte Chriſtliche Matron erwieſen / jhre Seel -ſorger[37]ſorger geliebet vnd geehret / das Armuth trewlich in acht genommen / vnd bey jhrem vbelem auffſein / den - ſelbigen milde Gaben zureichen offt vnnd fleiſſig be - fohlen.
Zur anhoͤrung Goͤttliches Worts / vnd den taͤglichen Gebethſtunden / hat ſie ſich / wenn ſie nur Vnpaßligkeit halben fort gekundt / fleiſſig vnnd mit groſſer Andacht gehalten / vnnd gewieß nichts am Gottesdienſt vorſetzlich verſeumet: So jhr auch hernach gantz ſchmertzlich gefallen / da ſie wegen zu - geſchlagener continuirlicher Vnpaͤßligkeit nicht wie vormahlen dazu gelangen koͤnnen. Zum gebrauch deß Hochwuͤrdigen Abendmals / hat ſie ſich mit jhrem lieben Eheherꝛn vnd den jhrigen fleiſſig gefun - den / auch bey anhaltender Vnpaͤßligkeit / ſich zu Hauſe mit dieſem tewren Schatze andaͤchtiglich ver - ſehen. Daneben auch alß ein gehorſames Kind Gottes / ſich nach ſeinem H. Worte in jhrem thun vnd laſſen reguliret / alle fleiſchliche affecten Lob - wuͤrdig in jhr gedaͤmpffet / mit gutten Freunden ver - trewlich / vnd mit jedermaͤnniglich friedlich gelebet / auch alle jhre Menſchliche Fehltriete vnd Schwach - heiten / mit feſtem Glauben in Chriſti Verdienſt / Tod vnnd Wunden eingeſchloſſen / vnnd ſich alſo von langerzeit her / auff ein ſeeliges ſterben wol vnnd Chriſtlich bereitet.
E iijIhre[38]Jhre Kranckheit belangende iſt ſie von Anno 1628. hero / nach damahligen jhren vollendeten Sechswochen / niemalß recht wolauff geweſen / vn - terſchiedentlich lagerhafft worden / groß reiſſen vnd vndewligkeit deß Magens empfundẽ / daß jhr auch dabey alle Kraͤfften entgangen / vnd faſt kein Medi - cus ſie beſtaͤndiglich curiren koͤnnen / deren man doch nebens anderer erfahener Leute Rath vnd gut - achten vnterſchiedentliche gebraucht / alß Herrn D. Hartigium zur Zittaw / Herrn D. Cruſium zu Hirſchberg / Herrn D. Stiglitzen zum Lauben / Herrn D. Gerſtmann zum Buntzlaw / Herrn D. Stiglitz zu Lemberg / Herrn D. Zeulern zu Luͤben in Laußnitz / ꝛc. Derer Cura aber / wie trew - lich vnd fleiſſig ſie geweſen / dennoch wenig fruchten wollen.
Nach dem ſie nun durch ſo langwierige Vn - paͤßligkeit gantz abgemattet / vnnd deß elenden Le - bens gantz vberdruͤſſig gemacht worden / hat Sie mehr von jhrem lieben GOTT vmb eine gnaͤdige Auffloͤſung / alß laͤngere Friſtung deß ſiechen Le - bens gebeten / vnd alß ſie ſich am Sontage Jubi - late ſehr vbel befunden / hat ſie ſich nicht allein mit jhrem lieben Herren vernuͤnfftig vnd beſcheidentlichgeletzet /[39]geletzet / jhn geſegnet / vnnd jhre eintzige Tochter zu ſeiner Vaͤterlichen trewen Vorſorge / nechſt Gott / befohlen.
Drauff ſich mit vielen ſchoͤnen Spruͤchen vnd Seufftzerlein getroͤſtet / GOtt vmb ein ſeeliges En - de mit den Vmbſtehenden jhrigen angeruffen. Auch deſſen gnaͤdige Erhoͤrung bey jhrem liebe GOtte er - langet / der jhr alſobald hierauff ein ſanfftes / ver - nuͤnfftiges vnnd ſeeliges Ende beſcheret / den armen krancken vnd ſiechen Leib von allen Schmertzen ent - bunden / vnnd jhre Seele mit Gnaden zu ſich in den Himmel genommen / nach dem Sie gelebet in jhrer
deren Alter ſich erleuffet auff 37. Jahr vnnd 16. Wochen.
Jn deſſen verleyhe vns der getrewe Gott Troſt vnd Gedult. Vnd weil wir an der ſeeligen Fraw Steudnerin verlohren / die vor den Rieß ſtehen helf - fen / vnd mit der es geheiſſen:
So bitten wir Gott Er wolle vnter vns erwe - cken frome vnd andaͤchtige Hertzen / die jhre ſtelle ge - buͤhrlich mit Gottſeeligkeit / Andacht vnnd Gebeth moͤgen erſetzen: Auch verleyhen / daß nach voll - brachtem Chriſtlichem Wandel wir ſeeliglich moͤgen hienach fahren / vnd am Juͤngſten Tage:
Welches alles Gott auß Gnaden verleyhen wolle durch JEſum Chriſtum vnſern HErren / Amen.
So nach vollendeter Leichbeſtattung gehalten / vnd auff Freundliches begehren zum Druck vbergeben worden / von M. Melchiore Exnero, Gryphor. Ec - cleſ. Patriæ, h. t. Miniſtro.
MOlEdle / Geſtrenge / Hoch - vnd Wol - benambte / Hoch - vnd Wolgelahrte / Ehrwuͤrdige / Ehrenveſte / Wolweiſe / Fuͤrnehme / auch Erbare / Ehren-Wolgeachte / Allerſeits Hochgeehrte vnnd Großguͤnſtige Herꝛen / Patroni vnd Freunde.
Wie auch Erbare / Wol-Ehrenreiche vnd Viel-Tu - gendſame Frawen vnd Jungfrawen:
Wir haben nun erſt dieſe Woche zum Grabe vnd Ruhebett - lein comitiret vnd begleitet / eine feine Chriſtliche vnd Gottſeelige Ehren-Matron / nemlich / vnſere liebe Fr. Schulmeiſterin / vnd ſehet / jetzund haben wir ſchon wieder zuſammen kommen / vnd a - bermal auch zum Grabe vnd Ruhebettlein comitiren vnnd beglei - ten muͤſſen / eine andere / auch feine Chriſtliche vnd Gottſeelige Eh - ren-Matron / nemlich / die Weiland Erbare / Wol-Ehren - reiche vnd Viel-Tugendſame Fraw Mariam / deß Wey - land Ehrenveſten / Wolweiſen vnd Wolgelahrten / Herꝛn Zachariæ Prellers / Wolverdienten Stadtvogts vnnd Burger - meiſters zum Buntzlaw / Seeliger Gedaͤchtnuͤß / hinterlaſſene Eh - leibliche Tochter / deß Ehrenveſten / Wolweiſen / Großacht - baren / Wolgelahrten vnd Wolbenambten / Herrn Mel -Fchioris[42]chioris Steudneri J. U. C. / vnd viel Jahr bey vnſer Stad Wol - verdienten Herrn Buͤrgermeiſters Hertz-geliebte Hauß - vnd Ehe - Fraw:
Welche vnſere liebe ſeelige Fr. Buͤrgermeiſterin / vnſer ſeeli - gen Fr. Schulmeiſterin flugs in dreyen Tagen auff der Todten-rei - ſe gefolget.
Was vnſer lieber Gott damit andeuten vnd weiſen moͤge / daß Er flugs in dreyen Tagen zwey ſo feiner Chriſtlicher vnnd Gottſeli - ger Ehren-Matronen auffeinander / bey vns ſterben laſſen / koͤnnen wir nicht wiſſen;
Aber zweiffels ohne / werden ſolches viel Vernuͤnfftige Leute fuͤr ein ſonderliches Ominos - vnd bedeutend es Werck achten vnnd halten.
Da dem Koͤnige in Egypten Pharao flugs zwey Traͤume nach einander vorkamen / die beyde einerley Deutung hatten / vnd auff ein groſſes Vngeluͤcke / nemlich / auff die Sieben-Jaͤhrige Thew - rung Egypti deuteten / legete es der frome Joſeph alſo auß / daß er ſprach: Daß aber dem Pharao zum andern mal getraͤumet hat / bedeutet daß Gott ſolches gewiß vnd eilend thun wird / Gen. 41. 32.
Nu wir ſind wol dem Hocherlauchten Joſeph am Geiſt vnnd Gaben gar nicht gleich / wir koͤnnen / vnd begehren auch nichts ge - wiſſes namhafftig zumachen / was etwan auff ſolche beyde Todes - faͤlle folgen moͤchte. Aber moͤchten wir auch groß jrren? Wenn wir nach deß lieben Joſephs Guttachten / auß dieſen beyden Todes - faͤllen / ſo flugs auff einander gefolget / muthmaſſeten vnd ſprechen: Daß jnnerhalb dreyen Tagen faſt einerley Todesfaͤlle / an zweyen Chriſtlichen vnd Gottſeeligen Ehren-Matronen bey vns ſich bege - ben / duͤrffte vielleichte ein Vorbote ſein / daß gewiß vnd eilend vber vns kommen moͤchte / was der Tod Fromer vnd Gottſeeliger Leute anzudeuten pfleget / nemlich / groſſes Vngeluͤcke.
Wir wiſſen / wie es vns vorm Jahre gangen. Alß damals / den erſten Sontag nach Oſtern / die liebe ſeelige Fr. Buͤrgermei - ſter-Herfarthin begraben ward / bekamen wir flugs den nechſten Sonnabend drauff / alß heint 8. Tage Jaͤhrig / ein ſchrecklich groſ - ſes Vngeluͤcke / in dem dieſelbe Nacht eine groſſe SchwediſcheParty[43]Party vns vberfiel / vnd alſo hauſete / daß etliche vnſerer Buͤrger bald jhr Leben / jhr viel jhre Geſundheit / vnd noch mehr ein groſ - ſes theil jhres Vermoͤgens einbuͤſſeten.
O fuͤrwar der Tod Fromer vnd Gottſeeliger Leute / Maͤnnli - ches vnd Weibliches Geſchlechts iſt nicht in Wind zuſchlagen / vnd liederlich zuachten / ſondern er iſt & pars calamitatis, & ſignum venturarum pœnarum, beydes ein Vngeluͤcke vnnd denn auch ein Zeichen zukuͤnfftigen Vngeluͤcks / wie Herr Philippus auß Er - fahrung geſaget / vnd der alte Kirchen-Biſchoff Ambroſius ſpricht:Ambroſ. l. 2. deCa - in & A - bel c. 3. Perituræ Urbis, aut malorum imminentium, vel futuræ la bis hoc primum indicium eſt, ſi decedant Viri Conſulares, vel etiam graviores Fœminæ, hinc primùm ingruentium por - ta aperitur malorum. Wenn eine Stadt vntergehen ſol / o - der andere Vngeluͤcke verhanden ſein / iſt dieſes das erſte Zeichen / wenn Verſtaͤndige Maͤnner oder Frawen mit tode abgehen / das iſt gleichſam die erſte Thuͤr zu allem Vngeluͤcke: Vnd ein Hoch - gelehrter Mann zu vnſern Zeiten ſchreibet auch gar ſchoͤn vnnd nachdencklich alſo:
Jn ſolcher Erwegung vnd Betrachtung / koͤnnen wir es an jtzo nicht verargen den Hochbetruͤbten vnnd Leidtragenden / dem Herren Witwer / den Kindern / Fr. Mutter / Geſchwi - ſter / vnd andern Freunden vnd Anverwandten / daß ſie ſich vber den Toͤdlichen Hintrit / der ſeeligen Fr Buͤrgermeiſterin hoͤchlichen betruͤben.
F ijDenn[44]Denn was anlanget /
I. Den Hochbetruͤbten Herren Witwer / ſo be - truͤbet denſelben hoͤchlichen / daß er nu an ſeiner Hertz-geliebeten Hauß - vnd Ehe Frawen / ſeinen / nechſt Gott vnd ſeinem Wor - te / hoͤchſten vnd groͤſten Schatz auff dieſer Welt verlohren / vnnd daß er ſich auch noch bey ſolchem jhrem Toͤdlichen Hintrit beſor - gen vnd befahren muß / daß derſelbe jhme vnd den lieben ſeinigen ein groſſes Vngluͤcke deuten vnd draͤwen moͤchte.
Der Weiſe Hauß-Lehrer Syrach ſaget am 37 / 26: Wer ei - ne Hauß-Fraw habe / der habe einen trewẽ Gehuͤlffen / vnd ei - ne Seule / der er ſich troͤſten koͤnne.
Einen ſolchen trewen Gehuͤlffen / vnnd eine ſolche Seule / der er ſich troͤſten koͤnnen / hat vnſer Hochgeehr - ter vnd Hochbetruͤbter Herr Witwer an ſeiner Hertz-ge - liebten Hauß - vnd Ehe-Frawen auch gehabt / vnnd nu durch dero Toͤdtlichen Hintrit verlohren.
Einen trewen Gehuͤlffen / vnnd eine Seule / der er ſich troͤſten koͤnnen / hat vnſer Hochgeehrter vnd Hoch - betruͤbter Herr Witwer an ſeiner Hertz-geliebten Hauß - vnd Ehe-Frawen gehabt.
Jn dem wahren Gottes-Dienſt / den ſie jhme trew - lich / vnd mit rechter Hertzens-Andacht fuͤhren vnd beſtel - len helffen.
GLeich wie die Gottſeelige Hanna / mit jhrem Herren Elka - na fleiſſig zur Kirchen gangen / 1. Sam. 1: Alſo iſt auch die ſeelige Fr. Buͤrgermeiſterin mit jhrem Hochgeehrten Herrn vnd Kindern fleiſſig zur Kirchen gegangen / vnd weil ſie fort gekunt / nicht leichtlich eine Predigt verſeumet: So hat ſie jhme auch die Hauß-Kirchen fleiſſig beſtellen helffen / Kinder vnd Ge -ſinde zur[45]ſinde zur wahren Gottes-Furcht vnd fleiſſigem Gebeth trewlich ge - halten / auch ſelber jhr Gebeth mit groſſer Andacht fleiſſig verrich - tet / vnd alſo freylich / wie jhr Hochbetruͤbter Herr Witwer / in jh - rem Lebens-Lauff auffgezeichnet man[c]h Vngluͤcke von jhme / vnd den lieben Seinigen weggebetet. Plus enim valet unus ſan - ctus orando, quàm multi peccatores præliando.
Oratio eſt murus in confractione, ein ernſtes andaͤchtiges vnd glaͤubiges Gebeth / iſt eine Mauer wieder den Rieß / wie Pſalm 106 / 23. von Moſe geſaget wird / daß er den Rieß auffgehalten / vnnd den Grimm deß Herren abgewendet habe / auff daß er ſein Volck nicht gar verterbete.
Vnd alſo iſt auch freylich biß anhero die ſeelige Fr. Buͤrger - germeiſterin mit jhrem hertzlichen vnd mit heiſſen Thraͤnen genetz - tem Gebeth getrewlich fuͤr den Rieß getreten / vnnd hat alſo auch zweiffels ohne auch manch Vngluͤck / von den lieben jhrigen / auch von vns allen weggebetet / dieweil es doch heiſſet wie David ſaget / Pſalm 145 / 18: Der Herr iſt nahe allen / die jhn anruffen / die jhn mit ernſt anruffen / Er thut was die Gottfuͤrchtigen begehren / vnd hoͤret jhr ſchreyen / vnd huͤlffet jhnen.
Einen Trewen Gehuͤlffen / vnd eine Seule / der er ſich troͤſten koͤnnen / hat vnſer Hochgeehrter vnd Hoch - betruͤbter Herr Witwer an ſeiner Hertz-geliebten Hauß - vnd Ehe-Fraw auch gehabt /
Jn rechtſchaffener Kinderzucht / daß ſie die von Gott beſcherte Kinder jhrem Hochgeehrten Herrn wolauffer - ziehen / vnd ſie zu wahrer Gottes-Furcht vnd allen Chriſt - lichen Tugenden trewlichen gewehnen helffen.
WEnn vnſer lieber Gott / Gen. 2 / 18. das Weib deß Man - nes Gehuͤlffen nennet / ſtehet in Heiliger Sprache ein ſolch Wort / welches mit wenig zugeſatzten Buchſtaben naheF iijVerwandſchafft[46]ZeroaVerwandſchafft hat / mit einem andern Wort / welches ſoviel heiſt / alß ein Arm / anzuzeigen / das Weib ſol deß Mannes Arm ſein / das iſt / jhme in der Kinder-Zucht trewlich die Hand biten.
Das hat vnſere ſeelige Fr. Buͤrgermeiſterin auch wol in acht genommen / alſo daß ſie die von Gott beſcherten Kinder jhrem Her - ren wol aufferziehen helffen / zu welcher Chriſtlichen Kinder-Zucht der liebe Gott auch Gluͤck vnnd Segen gegeben / das ſie an jhren Wolgerathenen Kindern Ehre vnd Frewde geſehen vnd erlebet.
Einen trewen Gehuͤlffen / vnd eine Seule / der er ſich troͤſten koͤnnen / hat vnſer Hochgeehrter vnd Hoch - betruͤbter Herr Witwer an ſeiner Hertz-geliebten Hauß - vnd Ehe-Frawen auch gehabt.
Jn fleiſſiger Haußhaltung / die ſie jhme trewlich be - ſtellen helffen.
DEnn die ſeelige Fraw Buͤrgermeiſterin / iſt geweſen eine rechte Hauß-Fraw / eine rechte Hauß-Ehre / die Ihr die Nahrung vnnd Haußhaltung trewlich angelegen ſein laſ - ſen / vnd fein darauff geſehen / wie ſie den von Gott beſcherten Se - gen wol moͤchte zurathe halten / verwahren / vnnd alles ordentlich beſtellen vnd anordnen / alß die da wol gewuſt / vnd in acht genom - men / was der Hoch-Weiſe Koͤnig Salomo ſaget: Prov. 12 / 4. ein fleiſſig oder haͤußlich Weib / iſt eine Krone jhres Mannes. Pro - verb. 14 / 1. durch Weiſe Weiber wird das Hauß erbawet / das iſt: die Nahrung wechſt vnnd nimbt zu / wo gutte Wirthin ſein: Welches auch vnſer Hochgeehrter vnd Hochbetruͤbter Herr Wit - wer / bey der gutten vnnd fleiſſigen Haußhaltung / ſeiner Hertzge - liebten Hauß - vnd Ehe-Fr. wol geſehen vnd geſpuͤret.
Einen Trewen Gehuͤlffen / vnd eine Seule / der er ſich troͤſten koͤnnen / hat vnſer Hochgeehrter vnd Hoch -betruͤbter[47]betruͤbter Herr Witwer an ſeiner Hertzgeliebten Hauß - vnd Ehe-Frawen gehabt /
Jn dem lieben Creutze / daß ſie jhrem Herrn mit groſ - ſer Sanfftmuth vnd Gedult tragen helffen.
DEnn das liebe Creutze iſt auch bey der ſeeligen Fr. Buͤr - germeiſterin / vnnd jhrem Hochgeehrten Herren im Ehe - ſtande nicht auſſenblieben.
Gleich wie Gott / Exod. 12 / 8. den Kindern Jſrael neben dem Oſterlambe auch auffſatzte die bittere Salſen / vnd darzu ver - ordnete vngeſewert Brodt / welches gar eine vngeſchmacke / vnnd recht elende Speiſe geweſen weil dieſelbẽ Kuchen ſchlecht außMehl vnd Waſſer / vngeſaltzen vnnd vngeſchmaltzen gebacken worden / dannenhero ſie auch das Brodt / deß Elends genennet worden / Deut: 16 / 3. Alſo hat Er auch vnſerm Hochgeehrtẽ Herren Buͤrger - meiſter / neben ſeiner Hertz-geliebten Hauß - vnnd Ehe-Frawen / neben dem Segen / den Er jhnen mit getheilet / die bittere Creutz - Salſen auffgeſetzet / vnnd ſie auch geſpeiſet mit Thraͤnen-Brodt / vnd getraͤncket mit groſſem Maß voller Thraͤnen Pſalm 80 / 6.
Solch vielfaltig Creutz hat die ſeelige Fr. Buͤrgermeiſterin jh - rem Hochgeehrten Herren in feiner Chriſtlicher Geduldt tragen / vnd mit Troſt vnd Freundligkeit jhme daſſelbe lindern vnd erleich - tern helffen / vnd ſich alſo auch im Creutze erwieſen / alß ein trewer Gehuͤlffe / der dem andern in der Noth trewlich zu laͤufft / vnnd zu Huͤlffe koͤmpt / wie das Woͤrtlein βοηϑὀς andeutet / welches bedeu - tet talem auxiliatorem, qui ad clamorem & gemitum alterius accurrit, daß iſt: einen ſolchen Gehuͤlffen / der einem in der Noth beyſpringet / vnd zu Huͤlffe koͤmpt / welches die ſeelige Fr. Buͤrger - meiſterin gegen jhrem Herren im Creutze auch gethan / vnnd beſter moͤgligkeit verrichtet hat.
Sie[48]Sie hat ſich auch im Creutze gegen jhm erzeiget / vnd erwie - ſen / alß eine Seule der er ſich troͤſten koͤnnen / vnd iſt jhme darin - nen in der that gewieſen ςύλος ἀναπαύσεως, wie Syrach in der Griechiſchen Sprache redet / daß iſt: eine ſolche Stuͤtze vnd Seu - le / auff welcher er zur Zeit deß Creutzes ruhen / vnd ſich wieder er - holen vnd erquicken koͤnnen.
Solchen getrewen Gehuͤlffen / hat nu vnſer Hochgeehrter vnd Hochbetruͤbter Herr Witwer verlohren / die Seule / der er ſich troͤ - ſten koͤnnen / iſt jhme durch den Toͤdlichen Hintritt ſeiner Hertz-ge - liebten Hauß - vnd Ehe-Frawen vmbgefallen / drumb koͤnnen wir es jhme nicht verargen / daß er ſich daruͤber hoͤchlichen betruͤbet.
Verargen koͤnnen wir es auch nicht
II. Den Hochbetruͤbten Kindern / dem Herren Eydam / der Fr. vnd Jungfraw Tochter / das auch ſie ſich hoͤchlichen betruͤben.
Denn dieſelben haben an jhr verlohren / jhre / nechſt Gott / auff dieſer Welt groͤſte vnd beſte Mutter-Trew / eine ſolche Mutter / die ſie hertzlich geliebet / die fuͤr jhre Zeitliche vnd Ewige Wolfarth trewlich geſorget / vnnd ſie zu allem gutten wol aufferzo - gen vnd gewehnet.
Der Beruͤhmbte Philoſophus zu Athen Socrates / hat ſeine Diſcipulos vermahnet / daß ſie offt vnnd viel in Spiegel ſe - hen ſolten / damit ſie lernen moͤchten / wie ſie ſich recht vnd wolver - halten ſolten.
An der ſeeligen Fr. Mutter haben die lieben Kinder einen ſchoͤnen Spiegel gehabt / den ſie mit groſſem Nutzen anſchawen vñ gebrauchen koͤnnen.
Sie haben an jhr gehabt einen rechten Tugend - vnnd Lehr-Spiegel / auß dem ſie ſehen koͤnnen / wie auch ſie recht Tugendhafft ſich erzeigen vnd verhalten ſollen.
Solcher ſchoͤne Tugend - vnd Lehr-Spiegel iſt jhnen durch den Toͤdlichen Hintritt jhrer lieben Fr. Mutter zerbrochen worden. Drumb[49]Drumb koͤnnen wir es jhnen nicht verargen / daß ſie ſich daruͤber hoͤchlichen betruͤben.
Der trewe Gott wolle geben / daß ſie an die loͤbliche Tugen - den jhrer Fr. Mutter gedencken / vnd jhr darinnen allezeit nach fol - gen; Vnnd wie Er deß Eliæ Geiſt / auff Eliſam / nach ſeinem Wuntſch / gedoppelt geleget / 2. Reg. 2 / 10: Alſo wolle Er auch der Fr. Mutter Geiſt vnd Tugenden / auff die Fr. vnd Jungfraw Tochter doppelt legen / vnd vber jhnen bleiben laſſen / damit alſo der Hochgeehrte Herr Vater die Fr. Mutter gleichſam in den Toͤchter / zum Troſte lebendig vor ſich ſehen vnd haben moͤge.
Verargen koͤnnen wir es auch nicht
III. Der Hochbetruͤbten Fr. Mutter / daß auch ſie ſich hoͤchlichen betruͤbet. Denn dieſelbe an jhr verlohren / ei - ne liebe / frome vnd gehorſame Tochter / einen Stab jhres Alters.
Der allererſte Sohn / deſſen zwar die H. Schrifft gedencket / welcher eher alß ſein Vater eines Natuͤrlichen Todes geſtorben / iſt geweſen Haran / Abrahams Bruder / Thare Sohn. Welchen Todesfall der H. Geiſt alß etwas newes erzehlet / gleichſam mit Verwunderung / Haran ſtarb vor ſeinem Vater / Gen. 11 / 28. Ita q po - ſtulare vi - debatur lex naturæ ut non pa - renteslibe. ris ſed libe - ri parenti - bꝯ funꝯ ſa - cerent: æ - quum n〈…〉〈…〉 e - rat, ut pri - ꝯ diſcede - rent hoſpi - tio qui pri -Vnd H. D. Balduinus ſchreibet / daß es gleich das Geſetze der Na - tur erfodere / daß nicht die Eltern den Kindern / ſondern die Kin - der den Eltern das Begraͤbnuͤß beſtellen ſollen.
Aber ſolche Gluͤckſeeligkeit hat die liebe Fr. Mutter nicht haben koͤnnen / ſondern ſie hat ſehen vnnd erleben muͤſſen / daß in kurtzer Zeit fuͤr jhr geſtorben / zwey jhrer lieben Toͤchter / an welchen ſie bißanhero groſſe Ehre vnd Frewde erlebet / vnnd an welchen ſie in jhrem Alter / einen Stecken vnd Stab zu haben vermeinet / alß vorm Jahr den 23. Febr. die Erbare / Wol-Ehrenreiche vnd Viel - Tugendſame Fr. Suſanna / deß Ehrwuͤrdigen Großachtbaren vnd Wolgelahrten / Herrn Matthæi Ruttardi / Trew-fleiſſigen vnnd Wolverdienten Paſtoris vnd Decani zu Luͤben / im Lign. Fuͤrſten - thumb Hertz-geliebte Hauß - vnd Ehe-Fraͤw / vnd hewer vnſere Fr. Buͤrgermeiſterin.
GWer[50]mùm eò di - verterant, Dom. 161. f. 701.Wer wolte es jhr denn verargen / daß ſie ſich daruͤber hoͤch - lichen betruͤbet?
Verargen koͤnnen wir es auch nicht /
IV. Dem Hochbetruͤbten Geſchwiſter / Freun - den vnd Anverwandten / daß auch ſie ſich hoͤchlichen betruͤben.
Denn dieſelben haben an jhr verlohren eine liebe / frome vnd getrewe Schweſter vnd Freundin.
Da David die poſt bekam / daß ſein nicht geborner / ſon - dern erkohrner Bruder Jonathan Todes verblichen / da beklaget er jhn vnd ſprach / 2. Sam. 26: Es iſt mir leid vmb dich / mein Bruder Jonathan / ich habe groſſe Frewde vnnd Wonne an dir gehabt.
S. Bernhardus ſchreibet vber das HoheLied Salomonis / daß alß jhm ſein Bruder Gerhardus durch den Tod entnommen worden / habe er nicht anders empfunden / alß wenn jhm ſein Hertze in zwey ſtuͤck zuſchnitten / vnnd das eine theil zwar auß dem Leibe hinweg geriſſen ſey / das andre aber ſo bluttig darinnen behangen blieben. Mediam partem locavit in cælo, partem verò in cæno deſeruit, ſpricht er:
Solten denn die Geſchwiſter vnd Anverwandten der ſeeligen Fr. Buͤrgermeiſterin ſich nicht auch betruͤben / weil ſie an derſelben eine ſo liebe / frome vnd getrewe Schweſter vnd Freundin verlohrẽ?
Es ſollen aber die lieben jhrigen ſich nicht gar zu ſehr betruͤben / ſondern gedencken / daß numehr vnſer Hochver - dienter Heyland vnnd Seligmacher Jeſus Chriſtus / an der ſeeli - gen Fraw Buͤrgermeiſterin in der that erfuͤllet / was Er an jhrem Sterbe-Tage / alß Domin. Jubilate / den ſeinen in dem ordentli - chen Sontags Evangelio zugeſaget vnd verſprochen / Johann. 16 / 20: Triſtitia veſtra vertetur in gaudium, ewre Trawrigkeit ſol in Frewde verkehret werden.
Bißanhero hat ſie gehabt jhre Trawrigkeit. Sie iſt bißan -hero[51]hero geweſen / Eine rechte Maria, mare amarum / ein bitter Meer / welche die groſſe Bitterkeit deß vielfaltigen Creutzes wol erfahren.
Sie hat bißanhero bey dem langwierigen Kriegs-weſen / vnd bey ſo vielfaltigen ſchweren Niederlagen auch offt heulen vnd wei - nen muͤſſen. Weil ſie der HErr geliebet / ſo hat Er ſie geſtraf - fet / wie Jhr abgehandelter Leichen-Text bezeuget / Prov. 3 / 12. Denn /
Alſo hat Er auch vnſer ſeelige Fr. Buͤrgermeiſterin fuͤr andern geliebet / weil Er jhr vnd fuͤr andern viel Creutzes gegeben.
Weil Gott im Alten Teſtament die Leviten zu ſeinem Dienſte erkohren / muſten ſie das Gerethe deß Heiligthumbs tragen / Num. 4 / 15.
Alſo weil Gott die ſeelige Fr. Buͤrgermeiſterin auch zu ſeinem Dienſte außerkohren / hat ſie auch fuͤr andern die Creutz-Buͤrde tragen muͤſſen.
Aber ſie darff ſie nicht mehr tragen.
Sie hat nu alle jhre Noth vberwunden / vnd iſt in der that an jhr erfuͤllet worden / was der Sohn Gottes an jhrem Sterbe-Ta - ge den ſeinigen verſprochen / da Er ſagt: Ewre Trawrigkeit ſol in Frewde verkehret werden.
Denn der Sohn Gottes hat alle jhre Trawrigkeit in Frewde verwandelt / in ſolche Frewde / die von jhr nicht kan genommen werden.
Sie iſt nu auß der Marter-Wochen jhres muͤhſeligen Lebens kommen / vnd der Seelen nach gelanget zu dem ewigen vnd Frew - denreichen Oſtertage aller Engel vñ Außerwehlten Kinder Gottes.
Jn der Marter-Wochen ließ Gott der Himliſche Vater ſeinen Sohn den HErren Chriſtum am Stam deß Creutzes mit Eſſig vnd Gallen traͤncken / Matth. 27 / 48: Aber nach ſeiner Erloͤſung vñ Aufferſtehung ließ Er jhm Honig aufftragen vñ Fiſche / Luc. 24 / 42.
G ijAlſo[52]Alſo hat Er es mit vnſer Fr. Buͤrgermeiſterin / alß mit ſeiner lieben Tochter / auch gemacht.
Bißanhero hat Er ſie auch bey jhrer Marter-Wochen mit Eſſig vnd Gallen / das iſt: mit allerley Creutz vnd Wiederwertig - keit geſpeiſet / vnd getraͤncket.
Aber nu hat Er jhr auch den lieblichen Huͤlff-Honig auffgetra - gen / vnd jhr durch den Tod von aller Noth geholffen / vnnd ſie der Seelen nach an den Orth gebracht / da Er ſie traͤncket mit Wolluſt alß mit einem Strom / Pſalm 36 / 9.
Æneas Syl. l. 4. Comm. in Alphonſi Res geſtas. Reus. Claſ. 3. Symbo. Imp. 30. p. 241. Alß der Kaͤyſer Fridericus III. oder wie andre wollen / IV, gefraget worden: Quid homini omnium optimè poßet con - tingere? Was dem Menſchen am allerbeſten wiederfahren koͤn - te? hat er geantwortet: Bonus ex hâc vita exitus / ein ſeeliger Tod.
Vnnd der Kayſer Fridericus Auſtriacus Pulcher hat pflegen zu ſagen: Morte beatâ, nihil beatius / es iſt nichts ſeeligers / alß ein ſeeliger Tod.
Ein ſolcher ſeeliger Tod / iſt auch vnſer ſeeligen Fr. Buͤrger - meiſterin wiederfahren. Sie iſt nu der Seelen nach an dem orth / da ſie ein ewiges Jubilate vnd Cantate mit allen Engeln vnd Auß - erwehlten feyret vnd begehet.
Der Kayſer Probus hat ſich jmmer auff den lieben Frieden getroͤſtet vnd geſaget: Brevi milites non habebimus / wir wer - den in kuͤrtzen keinen Krieg vnd Soldaten mehr haben.
Die ſeelige Fr. Buͤrgermeiſterin / die auch bißanhero vnter der groſſen Krieges-Angſt mit vns viel vnnd offt nach dem lieben Frieden gewuͤntſchet vnnd geſeufftzet / iſt nu der Seelen nach kom - men in die Haͤuſer deß Friedens / in ſichere Wohnungen / vnd in ſtets ſtoltze Ruhe / Eſa. 32 / 18 / vnd jhr Leib hat auch in der Erden ſeine ruhe / biß an den Juͤngſten tag / da jhn Gott wird wiederauff - wecken / vnd mit der Seelen vereinigen / vnd ſie den lieben jhrigen wiederzuſtellen / nicht Siech vnd Kranck / wie hier geſchehen / ſon - dern in ewiger Geſundheit nicht auff eine kurtze Zeit / wie hier ge - ſchehen / ſondern in alle Ewigkeit / daß ſie in vnaußſprechlicher Frewde vnnd Herrligkeit beyſammen ſein vnnd bleiben werden allezeit.
Solches[53]Solches alles ſol vnſer Hochgeehrter vnd Hochbetruͤbter Herr Witwer / ſo wol die Hochbetruͤbten Kinder / vnd gantze Leid-tra - gende Freundſchafft bedencken / vnnd ſich demnach in ſolchem von Gott zugefuͤgtem trawren nicht vber die maſſen betruͤben / in be - trachtung / daß nu der ſeeligen Fr. Trawer-ſtand / in einen herrli - chen Frewden-ſtand verkehret worden / vnnd daß ſie wieder zu jhr kommen / vnd ewig bey jhr / ohne Klage / ſein vnd bleiben werden.
Dieſelben bedancken ſich ſchließlich ſ[aͤ]mptlichen ge - gen meine allerſeits Großguͤnſtige vnnd Hochgeehrte Herren / wie auch die Erbaren vnd Tugendſame Fraw - en vñ Jungfrawen zum vnter dienſtlichſten vnd freund - lichſten / daß ſie jhrem Hertz-geliebten Ehe-Schatz / Fr. Mutter / Kinder / Schweſter vnd Freundin / in ſo feiner frequentz das Geleite zu jhrem Schlaffkaͤmmerlein haben geben wollen: Sie erkennen ſolches allerſeits fuͤr eine ſonderliche hohe Ehre / Gunſt vnnd Freundſchafft / ſeind auch erboͤtig ſolches wo moͤglich / wiederumb danckbarlich zuverſchulden: Doch were es jhnen lieber / wenn es etwan in einem froͤlichern / alß in derglei - chen betruͤbten Zuſtande geſchehen ſolte.
Gott laſſe die ſeelige Fr. Buͤrgermeiſterin ſanffte ru - hen / vnd verleihe jhr am Juͤngſten tage eine froͤliche Aufferſtehung zu dem ſtets werenden Frewden-Leben der Außerwehlten Kinder Gottes / troͤſte kraͤfftiglich den Hochbetruͤbten Herrn Witwer / Kinder / Fr. Mutter / Geſchwiſter / Freunde vnd Anverwandte / vnd verhelffe vns allen gnaͤdiglich / daß wir Chriſtlich leben / vnnd ſeelig ſterben / vnd daß wir dermaleins mit vnſer ſeeligen Fr. Buͤr - germeiſterin vnnd allen Außerwehlten ein ewiges Jubilate vnd Cantate halten vnd begehen moͤgen / Amen / in JEſu Namen / Amen.
G 3Ad[54]M. Melchior Exnerus.
Debitæ Obſerv. & Condol. ergò f. M. Melchior Exnerus, Gryphor. Eccleſ. Patr. Miniſter, Dni. Vidui Conſangvineus.
Honoratisſimæ & deſideratisſimæ Matronæ ſupremi honoris & debitæ σομπαθείας ergò erexit Mauritius Edelman SS. Th: Cand: p. t. Scholæ Gryphorinæ Coll: & Org.
Hiſce qualibus qualibus Dn. Viduum Mæſtiſs. Promotorem ſuum Ho - noratiſs. erigere voluit, Casparus Exnerus, Gryphor. Scholæ Patr. Alumnus.
Amico veteri, & olim commenſali Witebergenſi dilecto condolens faciebat Thomas Schröer, U. J. C. Scabinatus VratiL. Secretar.
Mœſtisſimo Dn Viduo, Viro Honoratisſimo, affectum amantem pariter atꝙ́ obſervantem declaraturus facieb. M. Elias Major P. L. C. Gymnaſii Vratislavienſis Rector & Profesſor, Cæterarumq́; ibi - dem Scholarum Inſpector.
Ita Dn. Affini ſuo plurimum colen - do ob obitum conjugis lectiſs. condol. Christianus Friederich J. U. L.
Dr. Melchiori Steudnero, Amico veteri, Academ: Lipſienſi & Affini novo, ſummoperè ſuſpiciendo, collugens appon. Andreas Celichius, Eccl. Luben. Archi-Diac.
quod precor quod opto Amico meo honorando Commenſali quondam Witeberg. ſvavisſimo M. Daniel Rothe.
In favorem & honorem Viri Conſultiſs. fudit Chrysostomus Schultz Leor. Sil.
Matthias Machnerus. Reipubl. Vratisl. â Latinis ex - peditionibus, & in Judicio Orphanor. Notarius.
Solatii E. feſtinans adjicieb. Coelestinus Schroͤer Vratisl. in Suburbio ad S. Salvat. Eccleſiaſtes, & Gymnaſii Eliſabetani Collega.
Obſervantiæ ergo Hiſce συμταϑείαν ſuam conteſtatam reddere voluit ipſe ὁμοιοπαθής Martinus Henisius Gryph. Sil. Scholæ Patr. Collega & Moderator.
Andreas Tſcherning.
Condolentiæ teſtandæ causá ſcribebat Heinricus Schiff Eccleſiæ & Scholæ Gryphor. Cantor.
Debitæ Obſerv. & conteſt. condol. ergò deproperab. Georgius Pfeiffer.
συμπαθείας ergó ſcrib. Dn. Avunculo ſuo honorando Polycarpus Sommerus Frid. Sil.
Honoratisſimo pariter Dilectis ſimoꝙ Dn. Pro ‒ Patri, filialis amoris atꝙ obſervantiæ cauſa facieb. Christophorus Colhardus Gryphenb. Sileſius.
Honorem, Amorem Dn. Patrueli ſuo multis nominibus colendo declarurus ſcribebam Samuel Scholtetus Leobergâ Sileſius.
συμϖάχων addeb. Christophorus Crusius Fridberga-Sil.
Auß wahrem Chriſtlichen Mitleidendem Hertzen vberſetzet dieſes Caſpar Lange von Greiffenberg.
Hæc doloris minuendi cauſsâ honoratisſimo Domino Avunculo ſcribebat Johannes Kutschreuterus Lign: Siles.
Auß mitleidentlichem Hertzen gegen ſeinem Herrn Vettern Joachim Nerger von Greiffenberg.
Συναλγήσας Dn. Patrono & Con - ſangvineo ſuo ſcrib. Jacobus Wildius Gryphib. Gymnaſri Vratislavienſis Eli - ſabetani Alumnus.
quod poſ. Gottfried Rothe, Strigâ-Sil.
CLARIN-DNote: Langfristige Bereitstellung der DTA-Ausgabe
Fraktur
Dieses Werk steht unter der „Creative Commons Namensnennung-Weitergabe unter gleichen Bedingungen 3.0 Deutschland Lizenz“ (CC BY-SA).