I.

ANfaͤnglich nun / machet der weiſe Koͤnig Salomon / einen ſolchen Eingang in ſeine Regul vñ Pꝛedigt / das Er ſaget: Laſt vns die Hauptſumma aller Lehre hoͤren. Redet nicht von den Glaubens Articulen / was man glauben ſolle: ſondern wie man ſich ſonſt im leben vnd wandel verhalten ſolle / welches letztere / nach dem Ers in ſeinen Spruͤchen weitlaͤuffteger auß - gefuͤhret / vnd fuͤrgeſchrieben hatte / wie man ſich gegen Gott im Himmel / vnd gegen den Menſchẽ auff Erden verhalten ſolle. Wie die Prieſter / die Obrigkeit vñ Eltern zuverehren: Was dieſe drey gegen jhꝛen Zuhörern / Vnterthanen / vnd lieben Kindern thun / vñ wie ſich die hinwiderumb gegẽ jhren vorgeſetzten verhalten ſollen. Ingleichem wie man mit den Nachbawren / Tagloͤhnern vnd Armen ſolle vmbgehen / damit einem jeden recht geſchehe.

In ſeinem Prediger hat Salomon angezeiget vnd gelehꝛet / wie man ſich des Gluͤcks nicht vber - heben ſol / weil alles eytel vñ vergaͤnglich: In vn - gluͤck aber ſol man auch nicht zu Kleinmuͤtig vnd Zaghafft ſein: Weil es Gott alles in ſeiner Hand hat / vnd Vaͤterlich richtet. So kom̃et er hierauff vnd faſſet es alles kurtz zuſammen / das er ſpricht: Foͤrchte Gott / vnd halte ſeine Gebott.

Durch die Forcht / wird nicht eine Knechtliche foꝛcht verſtanden / da der Menſch einen Tyꝛannen vnd Wuͤtterich foͤꝛchtet / vñ wuͤnſchet / das er auß - gerottet werde / vnd nicht mehr ſeye. In keinem wege: ſondern es wird dadurch eine ſolche forcht verſtandẽ / die da wol Liebe vñ Ehꝛerbietung mag genennet werden: welcherley bey fromen kindern / gegen jhren lieben Eltern / zufinden / die ſie nicht alſo foͤrchten / vnd ſich fuͤr jhnen entſetzen / das ſie dieſelben fliehen vnd meiden: ſondern vielmehr / ſind ſie gerne vmb dieſelben / zuthun / was ſie jhnen befehlen / vnd zu vnterlaſſen / was ſie jhnen ver - bieten: vnd das alles zu ſchuldiger Danckbarkeit / fuͤr die wolthaten / ſo ſie jhnen vielfaͤltig bewieſen.

Das heiſſet Gott den HErꝛen foͤꝛchten / vnd iſt eygentlich zu reden / Gott foͤꝛchten / vñ Gott lieben einerley / beydes eine eygentliche frucht des warenB ijGlaubens[12]Chꝛiſtliche LeichPꝛedigt.Glaubens: Dañ der Glaube iſt durch die Liebe / vnd die furcht Gottes thaͤtig / zun Galat. 5. Cap. Daher wird in Erklaͤrung eines jeden gebots des geſatzes Gottes geſagt: Wir ſollen Gott foͤꝛchten vnd lieben. Die furcht iſt von noͤten. Dann wir ſollen vns ſchewen boͤſes zuthun. Die Liebe iſt von noͤthen: Dann es ſol vnſer einige Luſt ſein / Recht / gutes vnd wol zuthun.

Dieſe foꝛcht vnd liebe Gottes / ruͤhmet der liebe Syꝛach ſonderlich in ſeinem Buͤchlein Cap. 1. v. 11. wann er ſpricht: Die forcht des HErꝛen iſt Ehꝛe vnd Ruhm: Frewde vnd eine ſchoͤne Cron. v. 16. Die foꝛcht des Herrn iſt der Weißheit anfang. v. 17. Die forcht des HErꝛn iſt der rechte Gottes dienſt. v. 27. Die forcht des HErꝛen wehret der Suͤnde. Bey dieſer forcht vñ liebe Gottes / findet ſich auch das / daß man Gott gebott haͤlt / dañ es hanget jmmer eins am anderen: Gott foͤrchten / Gott lieben: Gottes gebott halten.

Wann ich einen Lieb habe / ſo foͤrchte / ſchewe / vnd hůte ich mich / etwz zuthun / dadurch er moͤcht offendiret vnd beleydiget werden: Im gegentheil / befleiſſe ich mich zuthun / was jhm lieb iſt / wo moͤg - lich / auch ſeinen gedancken genug zuthun. Ich habe auch dz zwyfache vertrawen gewiß zu jhm: Fuͤrs 1. das Er michs werde in anderem genieſſenlaſſen:[13]Chꝛiſtliche LeichPꝛedigt.laſſen: Fuͤrs 2. Das Er mir Hertzlich verzeihen vnd vergeben werde / was ich wider jhn gethan habe. Wann wir nun Gott foͤrchten vnd lieben / wann wir ſeine Gebott halten / ſo ſollen wir jhm auch in allen nöthen Kindlich vertrawen. Von ſolcher Eygenſchafft der waren foꝛcht Gottes ſagt Syrach / Cap. 2. v. 18. 19. 20. Die den HErꝛen foͤrchten / glauben ſeinem Wort / vnd die jhn Lieb haben / halten ſeine Gebott: Die den HErren foͤrchten / thun was jhm wolgefellet / vnd die jhn Lieb haben / halten das Geſetz recht. Die den HErꝛn foͤrchten / ſchicken jhr Hertz / vnd Demuͤh - tigen ſich fuͤr jhm.

Damit ſtimmet der HErꝛ Chriſtus vberein / wann Er Johan. Cap. 14. ſagt: Wer mich liebet / der wird meine Woꝛt halten: Vnd / liebet jhꝛ mich / ſo haltet meine Gebott. Vnd abermal: Wer mei - ne Gebot hat vnd haͤlt ſie / der iſts / dermich liebet.

Auff dieſe weiſe hat Gott den HErꝛn gefoͤrchtet / der liebe Job / von welchem Cap. 1. geſagt wird / Er ſeye geweſt ſchlecht vñ recht / fromb vñ Gotts - foͤrchtig / vnd habe das boͤſe gemeidet. Der liebe Tobias hat Gott den HErꝛn von gantzem hertzen gefoͤrchtet: Er hat ſeine Erſtlinge vnd Zehenden gantz Trewlich gegeben / die gefangene IſraëlitenB iijHertzlich[14]Chꝛiſtliche LeichPꝛedigt.Hertzlich getroͤſtet / Einem jeglichen von ſeinen Guͤtteren / nach ſeinem vermoͤgen mitgetheylet: Die Hungerigen hat Er geſpeiſet / die Nacketen bekleydet / vnd die Erſchlagene vnd Todten be - graben / Tob. cap. 1. Zacharias vnd Eliſabeth die Eltern Johannis des Teuffers / ſagt S. Lucas / Cap. 1. Seyen alle beyde fromb geweſt fuͤr Gott / vnd ſeyen gangen in allen Gebotten vñ ſatzungen des HErꝛen vntadelich. Derogleichen wird von dem lieben Simeon geruͤhmet / Luc. 2. Cap. Das Er ſey fromb vnd Gottsfoͤꝛchtig geweſt / vnd habe auff den Troſt Iſrael gewartet.

Vnd võ Cornelio einem Hauptmann zu Cæſa - rien leſen wir im Buch der Apoſtelgeſchichten am 10. Cap. das Er ſeye Gottſelig vnd Gottsfoͤrchtig geweſt / ſambt ſeinem gantzen Hauſe: Er habe dem Volck viel allmoſen gegeben / vnd habe jmmer zu Gott gebettet. Solcher Gottſeligkeit ſollen wir vns alle befleiſſigen / dann Gott leſſet dieſelbe nimmermehr vnbelohnet. Die Gottſeligkeit iſt zu allen dingen nuͤtz / vnd hat die Verheiſſung dieſes vnd des Zukuͤnfftigen lebens. 1. Tim. 4. v. 8. Syrach Cap. 1. v. 13. Wer den HErꝛen foͤrchtet / dem wirds wolgehen in der letzten noth / vnd wird endlich den Segen behalten. verſ. 19. Wer denHErꝛen[15]Chꝛiſtliche LeichPꝛedigt.HErꝛn foͤꝛchtet / dem wirds wolgehen / vnd wann Er Troſts bedarff / wird Er geſegnet ſein. v. 20. Gott förchten iſt die Weißheit / die reich machet / vnnd bringet alles Gutt mit ſich: Sie erfuͤllet das gantze Hauß mit jhren Gaben / vnd alle Ge - mach mit jhrem Schatz. Das daß wahr ſey / hat vnter anderem im Werck erfahren / der liebe Job / welchen Gott mit groſſem Gutt geſegnet / vnd jhme gegeben hat 7000. Schaaffe. 3000. Ca - mel / 500. Joch Rinder / 500. Eſelin / vnd ſehr viel Geſindes. Ja das noch mehr iſt / ſo hat Gott / da Er den lieben Job im Glauben zu Probiren / auff einen Tag vmb alle ſein Haabe / ja auch vmb ſeine 10. Kinder brachte / jhme nach außgeſtandener Truͤbſal vnd bewehretem Glauben / es jhme alles duppelt wider geben / was Er verlohren hatte / Nemlich / Er gab jhm 18000. Schaaffe / 6000. Camel / 100. Joch Rinder / vnnd 1000. Eſelin. Dem lieben Tobiæ / gab Er ſein Geſicht wider. Zachariam vnd Eliſabeth machet Er Fruchtbar in jhrem hohen alter. Der liebe Simeon bekam den Meſſiam im Fleiſch zuſehen. Cornelius hate Gluͤck in ſeinem Hauſe / Gehorſamb bey ſeinen Kriegsknechten / auch gluͤckliche Sieg wider die Feinde.

So nun Gott thun ſol / was wir gerne wollen / ſo ſollen wir auch billich thun / was Gott haben wil: ſonderlich in dieſen ſchweren Zeiten / da vns GOTT als ein rechter Richter heimſuchet mit Krieg / mit Thewrung / vnd mit allerley Kranck - heiten / die wir nicht verachten / vnd Leichtfertiger weiſe in den Windt ſchlagen ſollen. Dann wann wir vns ſelber richteten / ſo wuͤrden wir nicht ge - richtet: Wann wir aber gerichtet werden / ſo werden wir von dem HErꝛen gezuͤchtiget / auff das wir nicht mit der Welt verdampt werden. 1. Corinth: am 7. v. 31. 32.

Der dritte Theyl.

WJE dann darauff im dritten Theyl / eine ſtarcke Motiv, vnd bewegliche Vrſache folget / die alle Menſchen treiben vnd vermoͤgen ſol / vor angehoͤrter Regul ſtatt vñ platz zugeben / in dem der weiſe Koͤnig ſpricht: GOtt wird alle Werck fuͤr Gericht bringen / das verborgen iſt / Es ſey gutt oder boͤſe. Alle vnd jede Wort / ſind Kraͤfftige vnd bedenckliche Wort / Wer iſt der / der alles wird fuͤr bringen? Es werdens nicht Menſchen thun / ſondern der Ewige Allmaͤchtige GOtt wirds thun: Der alles ſiehet vnd weiß: Der alles kan vnd vermag. Welches Allmacht zu widerſtehen vnmuͤglich iſt. Was wird Er dañ herfuͤr bringen? Der Menſchen Wercke / nicht nur etliche Wercke / welche in Gott gethan ſein / vnd jhme wolgefallen: ſondern auch die boͤſen / vnd zwar dieſelben alle / Nicht nur die / ſo den Menſchen bekandt vnd bewuſt ſein: ſondern auch die verborgenen / vnd werden gebracht werden / Nicht fuͤr Menſchen Gericht / ſondern fuͤr das Gerichte des Ewigen Sohns Gottes. Der hie auff dieſer Welt von den Gottloſen vnſchuldiger weiſe Gerichtet vñ verdampt woꝛden: Dem hat der Vater alles Gericht vbergeben. Joh. 5. v. 27. C ijweil[20]Chꝛiſtliche LeichPꝛedigt.Weil Er des Menſchen ſohn iſt. Jſt eine ſtarcke Motiva, die billich alle Menſchen bewegen ſoll / Gott zu foͤrchten. Jn dieſer Welt ſind vñ bleiben viel Sachen verborgen: Aber dort wird alles offenbar werden / wie Matth. am 10 Cap. ſtehet. Es iſt nichts verboꝛgen / das nicht offenbar werde / vnd iſt nichts heimlich / das man nit wiſſen werde.

Mit den Worten Salomonis ſtimmet vberein / der H. Apoſtel Paulns / 1. Cor. am 4. vnd ſagt: Der HErr wird ans Liecht bringen / was im finſtern verborgen iſt / vnd den Rath des Hertzen offenbahren. Jeſai. am 66. ſtehet / das Gott alle Wercke vnnd Gedancken der Gottloſen ſamlen werde. Matth. 12. Die Gottloſen werden am Juͤngſten Tage muͤſſen Rechenſchafft geben / fuͤr ein jedes vnnuͤtzes Wort / ſo auß jhrem Munde gangen. Matth. 26. Alle Voͤlcker werden fuͤr Chriſto des Menſchen Sohn verſamlet werden. 2. Corinth. 5. ſpricht S. Paulus: Wir muͤſſen alle offenbar werden fuͤr dem Richterſtul Chꝛiſti / auff das ein jeglicher empfahe / nach dem er ge - handelt hat / bey Leibesleben / Es ſey gut oder boͤſe. Dieſe Betrachtung nun / ſoll endlich zu einem ſonderen Troſt dienen / fromen vnd Gottſeligen hertzen / deren vnſchuldt entweder hie verborgenbleibt /[21]Chꝛiſtliche LeichPꝛedigt.bleibt / oder jhre Herꝛligkeit / die ſie als Kinder Gottes im Glauben haben / vnd aber noch nicht an Tag kommen vnd Erſchienen / oder welcher Gutthaͤtigkeit vnd Trewe dienſte nicht erkandt vnd vergolten werden.

Alſo ſagt Johannes in der 1. Epiſtel am 3. Cap. Meine Lieben / Es iſt noch nicht Erſchienen / was wir ſein werden / wir wiſſen aber / wañ es erſchei - nen wird / das wir jhm gleich ſein werden / dann wir werden jhn ſehen / wie Er iſt. Alſo ward die Herꝛligkeit des lieben Lazari offenbar in der ſchoß Abꝛahams / das Er Gottes kindt ſey. Luc. am 16. Deßgleichen ſtehet auch im Buͤchlein der Weiß - heit / Cap. 5. Als denn wird der Gerechte ſtehen mit groſſer Frewdigkeit wider die / ſo jhn geaͤng - ſtet haben / vnd ſo ſeine arbeit verworffen haben. Wenn dieſelbigen denn ſolchs ſehen / werden ſie grauſam erſchꝛecken / fuͤr ſolcher Seligkeit / der ſie ſich nicht verſehen hetten / vnd werden vnterein - ander reden mit rewe / vnd fuͤr angſt des Geiſtes ſeufftzen. Das iſt der / welchen wir etwa fuͤr einen Spott hatten / vnnd fuͤr ein hoͤniſch Beyſpiel. Wir Narꝛen hielten ſein Leben fuͤr Vnſinnig / vnd ſein Ende fuͤr ein Schande / wie iſt Er nun gezehlet vnter die Kinder Gottes / vnd ſein ErbeC iijiſt[22]Chꝛiſtliche LeichPꝛedigt.iſt vnter den Heyligen? Matth. am 26. wird Chꝛiſtus ruͤhmen võ den Glaͤubigen / das ſie jhn / in ſeinen Glaͤubigen / geſpeiſſet vnd getraͤncket / vnnd dergleichen gutthat bewieſen haben. Jm Gegentheil werden die Gottloſen kommen ver - zagt mit dem gewiſſen jhrer Suͤnden / vnd jhre eygene Suͤnden / werden ſie vnteraugen ſchelten / im Buͤchlein der Weißheit. Cap. 4. v. 20. Weil wir dann alle arme Suͤnder ſein / ſo laſſet vns ſolches bey zeiten erkennen / wahꝛe Rew vnd Leyd vber vnſere Suͤnden tragen / an Chriſtum glau - ben / beſtaͤndig in jhme verharꝛen / vnd vnſer leben beſſeren / ſo wird vns die Zukunfft Chriſti zum letzten Gericht nicht ſchꝛecklich / ſondern gar troͤſt - lich ſein / das wir mit S. Johanne in ſeiner Offen - bahrung am 22. Cap. ſagen: Ja kom HErr JEſu / vnd kom balde / vns von allem vbel zu er - loͤſen / vnd in die Ewige Herꝛligkeit einzufuͤhren.

AMEN. AMEN.