EXEGESIS.

WAs nun das vorgenomene Lehrpünctlein be - langen thut / ſo lautet das Sprüchlein an ſeinen worten alſo: Warlich warlich ich ſage euch / ſo jemand mein Wort wird halten / der wird den Todt nicht ſehen ewiglich.

Von dem weitberühmten Medico Hippocrate iſt bekandt / das derſelbe etliche gewiſſe aphoriſmos geſtellet vnd hinterlaſſen / welche die vernünfftigen Medici noch gebrauchen / vnd darauß ſie bald jhre Prognoſtica nemen können / ob eines Menſchen kranck - heit zum Todt geneigt ſey / oder ob er widerumb geneſen könne: Vnd weil ſie auß natürlichen vrſachen herflieſſen / ſo treffen ſie auch gemeiniglich mit der that vnd warheit vber ein.

Hie aber haben wir einen rechten Geiſtreichen aphoriſmum Spruch vnd vnfehlbare Regel / darin vns gezeigt wird wie wir fürm ewigen Todt / können geſichert ſein. Continet membra

Damit wir aber denſelben deſto beſſer verſtehen mögen / ſo wol -len[8]Quatuor. len wir jhn in ſeine membra reſolviren, deren wir dann vornemb - lich vier darbey zubehertzigen haben.

Zum erſten / wer der Artzt ſey / der alhie auftrit vnd ſich eines ſolchen recepts berühmen darff.

Zum andern / welches das rechte præſervativ ſey / das vns wi - der den ewigen Todt ſichern kan.

Zum dritten / wie wir ſolch Edel præſervativ recht applici - ren vnd vns nutz machen ſollen. Vnd dann

Zum vierdten / was deſſelben operation vnd krefftige wir - ckung ſein ſoll. Dieſe vier vnterſchiedene Pünctlein / laſt vns beym vorgenomenen Troſtſprüchlein inn der furcht GOttes erwegen / vnd darbey zum beſchluß anhören / wie vnſer verſtorbener Juncker ſeliger / jhm ſolch Edel præſervativ appliciret vnd deſſen krefftige wirckung zu ſeinem ewigem heyl geſpüret vnd empfunden habe.

I. Medi - cum. Was das erſte belangt / Nemblich wer der Artzt ſey / der vns ein Edeles vnd bewehrtes Recept wider den zeitlichen vnd ewigen Todt fürſchreibet? So iſt es nicht etwa ein ſchlechter ſterblicher oder leiblicher Artzt / ein bloſſer Menſch / wie Galenus Hippocrates vnd andere. Denn wenn gleich alle Doctores auff einem hauffen ſtunden / ſo könten ſie doch mit all jrer Kunſt nicht ein Recept zuſammen leſen / das für den zeitlichen Todt helffen könte / geſchweige das ſie ein Artzney wider den ewigen Todt fürbringen könten. Denn da heiſt es wie der Poet ſpricht.

Ieſꝰ Chri - ſtus VerꝰSondern da gehöret ein ander Artzt darzu. Wer iſt derſelbe? Es iſt der Himliſche Raphael, der ware Sohn deß LebendigenGottes[9]Gottes / der da mit dem Vatter vnd H. Geiſt wahrer ewiger / All -Deus & Homo. mechtiger vnd vnſterblicher Gott iſt von ewigkeit zu ewigkeit / vnd der da ſelber ſp[ri]cht Exod. 15. Egojehovah medicus tuus, Jch der Herr bin dein Artzt. Dieſer Himliſche Artzt hat Sigel vnd Brieff / zeugnuß vnd beweiß gnug von der gantzen H. Dreyfaltig - keit / das jhm wol zu trawen vnd zu glauben ſey / vnd das er vor ſeine Perſon nicht viel Wort machen darff. Denn GOtt ſein Himli - ſcher Vatter zeuget ſelber von jhm / Deuter. 18. Einen Propheten wil ich jhnen erwecken auß jhren Brüdern / vnd meine Wort in ſei - nen Mund geben / der ſoll zu jhnen reden alles was ich jhme gebieten werde / vnd wer meine Wort nicht hören wird / die er in meinem Na - men reden wird / von dem wil ichs fodern. Vnd Matth. 3. bey der Tauffe diſes Herrn / leſſet ſich GOtt ſein Himliſcher Vatter gleicher geſtalt hören: Das iſt mein lieber Sohn / an dem ich ein wolgefallen habe / den ſolt jhr hören. Vnd Gott der H. Geiſt gibt jhme das zeugnuß Eſaiæ 53. das in ſeinem Mund kein betrug ſey befunden worden. Ja er ſelber tritt auff Proteſtiret kurtz vor diſemIohan. 8. Sprüchlein: Welcher vnter euch kan mich einer Sünde zeihen?

Auß dieſen vnd andern dergleichen zeugnuſſen ſehen wir nun / was wir alhie für einen glaubwürdigen Artzt haben / der da nicht al - lein iſt Verax in dictis, ſondern auch omnipotens in factis, war - hafftig in allen ſeinen worten / vnd Allmechtig in allen ſeinen thaten: Ja er kan vberſchwencklich thun vber alles / das wir bitten vnd ver -Epheſ. 3. ſtehen.

Vom Macedoniſchen König Alexandro M. lieſet man zwar das er ſich einsmals auch an einem[Triumphstag] erboten habe / je - derman zu geben was man nur von jhm bitten wurde / als aber et - liche Philoſophi vnnd Welt weiſe Leute jhne gebeten: Da nobis immortalitatem, er ſoll jhnen ein Kreutlein für den Todt geben / hat er ſeine vermeſſenheit erkandt / das er ſich in ſeinen gedancken ſelbſt betrogen habe. Deſſen dürffen wie hie bey dieſem Herrn kei - ne ſorge haben / das er vns etwas zuſagen vnd nit præſtiren ſolte. BDenn[10]Pſalm. 33.Denn was diſer Herr ſpricht das geſchicht / vnd was[er]zuſagt das helt er gewiß. Daher ſprichter ſelber Matth. 11. Alle ding ſind mir vbergeben von meinem Himliſchen Vatter. Vnd Matth. 28. Mir iſt gegeben aller gewalt im Himel vnd auff Erden. Je wel - cher Medicus auff der gantzen Welt dörffte ſich deſſen ſonſten rüh - men / das er alle gewalt hette? Keiner nicht / denn dieſer allein.

Zu dem / ſo iſt er nicht allein ein warhafftiger vnd Allmechtiger Artzt / der alle ſchäden heylen könne / ſondern er iſt auch willig vnd be - reit vns zu helffen an Leib vnd Seel / wie er denn ſpricht Matth. 11. Kompt her zu mir alle die jhr mühſelig vnd beladen ſeyt / ich wil euch erquicken / bey mir ſollet jhr ruhe finden für ewre Seele.

Vſus. Vermah - nung jhm gern zu Glauben.Ja wer wolte nun dieſem warhafftigem / Allmechtigem / vnd wil - fehrigem Artzt nit glauben geben / bevorauß weil ers ſo hoch betheu - ret vnd ſpricht: Warlich warlich. Welches er allein darumb thut / das er vnſern Glauben vnd vertrawen auff ſeine kräfftige vnnd Allmechtige hülffe ſtercken möge. Je trawen / da heiſts freylich recht wie Tertull. ſpricht: ô beatos & felices, quorum cauſa Deus jurat, ô miſerrimos & in felices, qui nec juranti Deo cre - dunt: O wie vberſelige leut ſind wir / das der Sohn GOttes vmb vnſers Heyls willen ſo hoch ſchweret / O wie vnſelige Leute aber vnd ewig verdampt müſſen alle die jenigen ſein / die dem Herrn nicht glauben geben wöllen. Billich der wegen abermal / dz wir willig vnd gern zu diſem Artzt eylen / vñ vns diſes köſtlichẽ Præſervatifs zu erhal - tung zeitlicher vnd ewiger geſundheit gebrauchen / bevorauß weil er vns alles vmb ſonſt anbeut / vnd ſo gar freundlich zu ſich ruffet / Eſaie 55. vnd ſpricht: Wolan alle die jhr durſtig ſeyt / kommet her zum Waſſer / vnd alle die jhr kein Gelt habt / Kompt / Kaufft ohne Gelt vnd vmb ſonſt. Höret mir doch zu / vnd eſſet das gute / ſo wird ewre Seele in wolluſt fett werden. Vnd das iſt kürtzlich eines / das wir beym vorgenommenen Sprüchlein zu behalten haben.

Zum andern / welches iſt aber nun das köſtlicheII. Remedi - um. vnd edle præſervatif, das vns der Himliſche Artzt fürſchreibet? Das weiſet vns der Herr mit einem kleinen wörtlein / das heiſſet:Chriſti Verbum. Sein wort. So jemand / ſpricht er / mein Wort wird halten / der wird den Todt nit ſchmecken ewiglich.

Das iſt nun / liebe Chriſten / eine wunderbare vnd aller Men - ſchlichen vernunfft vnbegreiffliche Artzney. Andere Medici weñ die - ſelben jhren Patienten helffen wöllen / ſo nemen ſie darzu allerley Kreuter / vnd machen auß vielen Simplicibus ein Compoſitum, das appliciren ſie jnen / vnd nach dem ſich die Kreuter verwandeln / verwandelt ſich auch die Kranckheit beym Menſchen. Aber dieſer Himliſche Artzt hat nur ein einiges Kreutlein / Nemblich ſein Heilig Wort davon David Pſalm. 107. ſpricht: Er ſandte ſein Wort vnd machte ſie geſund. Wie er denn ſolches mit Exempeln Darge - than hat. Denn durch ein einiges Wörtlein hat er die Blinden ſe - hend / die Lahmen gehend / die Tauben hörend / vnd die SprachloſenMarc. 9. Lucæ 7. Iohan. 11 redend gemacht / Ja die Todten aufferweckt. Darauß wir denn billich die Krafft deß Worts Chriſti erkennen / vnd vns im Leben vnd Todt daran halten ſollen.

Es machet aber der Herr mit dem wörtlein: Mein Wort /Diſcrimẽ inter. einen feinen vnterſchied zwiſchen der Lehre Moſis vnd ſeiner lehre / oder zwiſchen den Geſetz vnd Evangelio. Moſes der Geſetz Predi -1. Verbum Moſis. Deut. 27. ger hat zwar auch ein Wort / aber es iſt ein recht Donnern vnd pli - tzen / das lauter ſchrecken im Menſchen anricht. Denn ſo leſt ſich Moſes hören: Verflucht ſey jederman der nicht helt was im Ge - ſetz deß Herrn geſchrieben ſteht. Nun iſt je vnter vns keiner nit der ſich deſſen rühmen könne / das er das Geſetz erfüllen könte / außge - nommen vnſern Heyland Chriſto Jeſu / müſſen ſich ſonſt alle Men - ſchen Kinder für der Göttlichen Majeſtet bücken vnd mit David bitten: Herr gehe nicht ins Gericht mit deinem Knecht / denn fürPſal. 143. dir iſt kein Lebendiger gerecht. Dagegen aber Jeſus Chriſtus der führet vil ein ander Wort / das dem Hertzen Safft vnd Krafft gibt /B ijder[12]Iohan. 16der ſpricht: Confidite confidite, ſeyt frölich vnd getroſt / ich ha - be den Todt / Teuffel / vnd Hölle vberwunden / jhnen alle jhre macht vnd gewalt genommen / das euch von denſelben kein leyd wider fah - ren kan. Da ſehen wir was für ein groſſer vnterſchied vnter dem Wort Moſis vnd Chriſti iſt. Solcher vnterſchied wird vns in vielen Exempeln H. Schrifft vor Augen geſtelt.

Exemplũ Adæ & Evæ. Geneſi. 3.Nemet vor euch vnſere erſte Eltern Adam vnd Evam / nach dem ſich dieſelben den Teuffel verführen laſſen / vnd ſie GOttes Gebot vbertretten hatten / vnd GOtt ſeine Donnerſt im hören ließ: Adam wo biſt du? Was haſt du gethan? Da lauffen ſie hinter die ſtreuche / vnd wann es in jhrem gefallen geſtanden were / ſo hetten ſie lieber e - wiglich vor Gottesgericht wollen verborgen bleiben. Da aber der Sohn Gottes herfür tritt vnd ſein Wort deß Evangeliums hören leſt: Der Same deß Weibs wird der ſchlangen den Kopff zertret - ten / da werden ſie gleich widerumb Lebendig / vnd heiſt wie Eſaias 38. ſagt: Herr davon lebt man / vnd meines Geiſtes leben ſtehet gar in demſelben.

Davidis 1. Sam. 12.Gleicher weiß haben wir ein Exempel am König David / da ſich derſelbe den böſen Feind vnd ſeines Fleiſches luſt hatte bethören laſ - ſen / vnd mit der Bethſaba Vriæ Weib Ehebruch begangen / vnd der Prophet herfür tritt / vnd jhm in in einem gleichnuß das Geſetz Prediget / da wird jhm darüber ſo angſt vnd bang / das er nicht weiß wo er vor ängſten bleiben ſoll / da ſtellet er ſeine klagen an / Pſalm. 6. Ach Herr ſtraffe mich nicht in deinem zorn / vñ züchtige mich nit in deinem grimm / Ach Herr ſey mir gnedig. Vnd Pſalm. 38. Dei - ne Pfeile ſtecken in mir / vnd deine Hand drucket mich / ꝛc. Da aber der Prophet wider herfür tritt / vnd jm das Evangelium Prediget / vnd ſpricht: Dominus abſtulit peccata tua, der Herr hat dei - ne Sünde von dir genom̃en / da wird er wider freudig vñ getroſt / daPſal. 103. thut er ſich mit ſeinem Lobpſälmlein herfür: Lobe den Herrn mei - ne Seele / vnd was in mir iſt / ſeinen Heyligen Namen: Lobe den Herrn / ꝛc. Der dir alle deine Sünde vergibt / vnd heylet alle deine gebrechen.

Alſo / meine liebe Chriſten / haben wir nun noch heutiges Tags kein beſſer præſervatif vnd labſall wider allerley Creutz / anfechtung vnd widerw[er]tigkeit / ja wider den zeitlichen vnd ewigen Todt / alsIohan. 〈…〉〈…〉. das Wort vnſers lieben Herrn JEſu Chriſti / nicht aber deß Teuffels Wort / denn der iſt ein Mörder vnd Lügner / auch nicht vn - ſerer blinden vernunfft Wort vnd eingeben: Sondern das Wort Chriſti / welches das beſte labſall vnſer Seelen iſt.

Welches iſt nun aber das Wort deß Herrn Chriſti? Da2. Verbum Chriſti. hört / ſolches wird vns gezeiget in Gottes Wort beydes Alten vnd Newen Teſtaments: Als zum Exempel für die einfeltigen. Es iſt das Wort CHriſti Geneſ. 3. Der Same deß Weibes wird der Schlangen den Kopf zertretten. Eſaie 61. Der Geiſt deß Herrn iſt vber mir / darumb hat mich der Herr geſalbet. Er hat mich geſand den elenden zu Predigen / die zubrochens Hertzens zu verbin - den / zu Predigen den gefangenen eine erledigung / den gebundenen ei - ne erfönung. Zu Predigen ein gnediges Jahr deß Herrn / vnd einen Tag der rache vnſers Gottes / zu tröſten alle trawrigen. Es iſt das Wort deß Herrn Hoſeæ. 13. Jch wil ſie erlöſen auß der Hölle vnd vom Todt erretten. Todt ich wil dir eine Gifft / Hölle ich wil dir ein Peſtilentz ſein. Jm Newen Teſtament iſt das Wort deß Herrn Matth. 9. das er ſpricht: Die ſtarcken bedürffen deß Artztes nicht ſondern / die Krancken / ich bin kommen die Sünder zur Buſſe zu ruffen / vñ nicht die frommen. Matth. 11. ſpricht er / Kompt her zu mir / alle die jhr mühſelig vnd beladen ſeyt / ich wil euch erqui - cken / bey mir ſolt jhr ruhe finden für ewre Seele.

Matth. 20. deß Menſchen Sohn iſt nicht kommen das er jm dienen laſſe / ſondern das er andern diene / vnd gebe ſein Leben zur er - löſung für viele. Gleicher weiſe wenn wir ein wenig in den Evan - geliſten Johannem ſehen / ſo haben wir da auch die ſchönſten Sprü - che die das Wort deß Herrn ſein. Als Johan. 3. Alſo hat Gott die Welt geliebt / das er ſeinen einigen Sohn gab / auff das alle die an jhn Glauben / nicht verlohren werden / ſondern das ewige LebenB iijhaben.[14]haben. Johan. 5. Warlich warlich ich ſage euch / wer mein Wort höret / vnd glaubet dem / der mich geſand hat / der hat das ewige Le - ben / vnd komt nicht ins gericht / ſondern er iſt vom Todt zum Leben hindurch gedrungen.

Johan. 6. Das iſt der wille deß der mich geſand hat / das / wer den Sohn ſihet vnd glaubet an jhn / habe das ewige Leben / vnd ich wer - de jhn aufferwecken am Jüngſten tag. Johan. 10. Meine Schäf - lein hören meine ſtimm / vnd ich kenne ſie / vnd ich gebe jhnen das e - wige Leben. Johan. 11. Jch bin die Aufferſtehung vnd das Leben / wer an mich glaubet / der wird Leben / ob er gleich ſtürbe / vnd wer da Lebet vnd glaubet an mich / der wird nimmermehr ſterben. Joh. 14. Jch bin der Weg / die warheit vnd das Leben / niemand kompt zum Vatter / denn durch mich. Johan. 17. Vatter ich wil / das wo ich bin / auch alle die ſein / die du mir gegeben haſt / auff das ſie meine herꝛ - ligkeit anſchauen. Das alles / liebe Chriſten / ſind die rechten Sim - plicia die rechten Kreuter auß dem Geiſtlichen Herbario vnd Kreuterbuch der H. Schrifft zuſammen geleſen / die zu dieſem præ - ſervatif gehören / vnd die jhm ein frommer Chriſt billich bey geſun - dem Leibe einſamlen ſoll / damit er dieſelben zur zeit der noth vnd ſon - derlich im letzten Todtesſtündlein ergreiffen vnd zu ſeinem nutz ge - brauchen möge.

Von diſem köſtlichẽ præſervatif wiſſen nun die Leut in der Hey - denſchafft im geringſten nichts. Denn ob ſie wol groſſe Bücher de immortalitate animæ, von vnſterbligkeit der Seelen / geſchrie -1. Homines Ethnici. ben / vnd andere damit tröſten wöllen / ſo haben ſie ſich doch ſelbſt in in jhrem ſterbſtündlein damit nicht tröſten können. Daher ſagt Cicero in Thuſc. quæſt: Von deß Platonis Büchlein de im - mortalitate animarum: Neſcio quomodo dum lego aſſen - tior, cum poſuilibrum, & mecum ipſe de immortalitate a - nimarum cæpi cogitare, aſſenſio illa omnis elabitur. Vnd daher lieſet man auch von dem weitberühmten Philoſopho Ari - ſtotele, da er auff ſeinem Todtbette ligt / da tretten ſeine Scholarnvmb[15]vmb jhn her / tröſten jhn / vnd thun jhn diß votum: Qui ſuſcipit animas Philoſophorum ſaſcipiat quoq; animam tuam, der Herr od[er]der GOtt / der aller gelerten Seelen aufnimbt / der neme deinen Geiſt auch zu ſich O wie iſt das ſo ein elender troſt im Todesſtündlein: O wie viel tauſentmal beſſer thut jhm dort der H. Mertirer Stephanus, da jhn die Juden ſteinigen / da hebt er ſei - ne Augen auff / vnd ſihet den Him̃el offen / vnd JEſum zur rechten Gottes ſtehen / dem befihlet er ſeine Seele vnd ſpricht: Herr Je - ſu nimb meinen Geiſt auff. Wo hat der H. Märtirer Stephanus das ſtudiret vnd gelernet / etwa in Schola Philoſophorum? O nein / ſondern in der Schul deß Herrn Chriſti / vnd zwar von dem Exempel ſeines lieben Herrn vnd Meiſters ſelbſten / der be -Pſalm. 〈…〉〈…〉 fihlet auch ſeine Seele GOtt ſeinem Himliſchen Vatter: Vatter in deine Hände befehle ich dir meinen Geiſt / du haſt mich erlöſet Herr / du getrewer Gott. Vnd daher bittet die Chriſtliche Kirche noch heutiges Tages mit dem H. Dionyſio: Domine Ieſu Ver - bum tuum ultimum in cruce, ſit ultimum ſolatium meum in hac luce. Lieber Herr Jeſu / verleyhe das dein letztes Wort ſo du am H. Creutz geſprochen / vnd damit du dein Leben beſchloſſen haſt / auch möge mein letztes Wort ſein / darauff ich ſelig ſterben möge.

Von diſem köſtlichen præſervatif wiſſen die Leute im Jüden -II. Mahume[:]metiſtæ & Iudæi. thumb vnd Türckey nichts. Denn die ſchänden leſtern vnd verfolgen den Herrn Chriſtum vnd ſein Wort / wollen an jhn nicht glau - ben / derowegen ſo können ſie auch auß ſeinem Wort keinen troſt vnd Labſal ſchöpffen / ſondern muß an jhnen bekleiben der Fluch / den ſie auff ſich vnd alle jhre nachkommen geladen / in dem ſie dort in der Paſſion geſchrien / ſein Blut komb vber vns vnd vber vnſere Kin - der. Freylich kompt ſein Blut vber ſie / nicht zum Leben / ſondern zur rache vnd ewigen ſtraff.

Von dieſem köſtlichen vnd edlen præſervatif wiſſen auch dieIII. Papiſtæ. Leute im Bapſtumb nichts. Denn die verfälſchen vnd verkehrenjhm[16]jhm ſein Wort vnd Sacrament / wie können ſie denn deſſen Saft vnd Kraft genieſen?

IV. Epicurri. Von diſem edlen Labſal empfinden auch die Epicuriſche Maul - chriſten nichts. Die ſich zwar deß Worts Gottes mit dem Mun - de rühmen / daſſelbe hören / aber zu einem Ohr ein / zum andern wide - rumb laſſen außgehen / vnd führen darbey ein ſolch Gottloß Leben / als ob ſie nie kein Wort Gottes gehöret hetten. Da heiſts freilich recht: Ceciderunt in profundum ut lapides, & nemo ſcit an illis ſitrequies. Oder wie David Pſalm. 49. ſpricht: Sie fahren jhren Vättern nach vnd ſehen das ewige Liecht nimmermehr.

Derowegen / liebe CHriſten / ſo laſt vns nicht ſchertzen / mitVſu[s]. Warnung CHriſti Wort / ſondern daſſelbe in Ehren halten / vnd weil es ein ſolcher ſchatz iſt / daran vns vnſerer Seelen heyl vnd Selig - keit gelegen / ſo laſt vns wol zuſchauen / das wir daſſelbe rein vnd vn - verſelſcht behalten / auch vnſer Leben Chriſtlich darnach anſtellen / damit nicht an vns erfüllet werde was der Sohn GOttes ſpricht:Iohan. 12. Das Wort / das ſie gehört vnd nicht darnach gethan / das wird am Jüngſten Tag jhr eigener Richter ſein.

Vermal - nung.Laſt vns auch dieſen bericht gebrauchen zur ermahnung / das wir vns bey geſundem Leibe fleiſſig zu Gottes Wort halten / vnd die be -Simile. ſten Troſtſprüche einſamlen / damit wir derſelben zur zeit der noth nützlich gebrauchen mögen. Seind wir doch ſonſt ſo geſchickt / wenn einer einen Leiblichen ſchaden hat / der nicht zu heylen iſt / vnd er höret von einem bewehrten Artzt der jhm helffen könte / traun da ſparet er keine mühe vnd vnkoſten / da es doch recht heiſt wie Syrach 10. Cap. ſpricht: Wenn der Artzt gleich lang an jhm flicket / ſo heiſts doch entlich heute König morgen Todt / vnd wenn der Menſch Todt iſt / ſo freſſen jhn die Schlangen vnd Würme. Ja wie viel tauſentmal mehr ſollen wir vns halten zu diſem Himliſchen vnd be - wehrten Artzt / vnd zu ſeinem köſtlichen præſervatif welches beweh - ret iſt / vnd das nicht allein alle ſchäden heylen / ſondern auch den e - wigen Todt abtreiben kan? Billich das wir vnſere Hertzen ermun - dern vnd ſagen mit David Pſalm. 73. Herr wenn ich nur dichhabe[17]habe ſo frage ich nichts nach Himel vnd Erden / wenn mir gleich Leib vnd Seele verſchmachtet / ſo biſt du doch meines Hertzens troſt vnd mein heyl. Vnd das iſt alſo auch kürtzlich das andere / ſo wir bey dem vorgenom̃enen Sprüchlein zubehalten haben / welches nemblich die köſtliche Artzney ſey ſo vns wider den ewigen Todt ſichern kan.

Zum dritten: Wie ſollen wir nun aber ſolch bewehr -III. Modus applicati - onis. Servare. Quod ve[r -]bum re - quirit. tes præſervatif recht appliciren vnd brauchen / damit es ſeine kräfti - ge operation vnd wirckung bey vns haben möge. Das weiſet vns auch der Herr alhie mit einem kleinen Wörtlein τηρεῖν halten. Welches zwar ein kleines Wörtlein iſt / aber mechtig weit vmb ſich ſi - het. Denn diß Wörtlein / halten / erfodert.

Erſtlich: Eine wahre erkentnuß vnd wiſſenſchafft deß Worts1. Certam verbi con - leſtis no - titiam. Gottes / das man die rechte reine lehre Chriſti von aller jrrigen Ketze - rey vnd Teuffels Lehre recht vnterſcheiden könne / damit einem nicht quid pro quo, böſes für gutes werde beygebracht. Solche wiſſen - ſchafft vnd erkandtnuß aber kompt nicht her ex doctrina Philoſo - phorum, denn die wiſſen davon im geringſten nichts / ſondern man muß dieſelbe Studiren auß dem Geiſtlichen Brünlein Heyliger Göttlicher Schrifft / darin müſſen wir nach der vermahnung Chri -Iohan. 5. ſti fleiſſig nachforſchen / denn darinn finden wir alles was vns zu vnſer Seelen ſeligkeit nützlich iſt. Darumb ermahnet der Apoſtel Paulus nicht ohn vrſach Coloſ. 3. Laſſet das Wort Gottes reichlich vnter euch wohnen in aller weißheit vnd verſtand.

Vors andere / ſo erfordert das Wörtlein halten: Einen feſten2. Firmum aſſenſum & fiduciã, Glauben / beyfal vnd vertrawen auff das Wort / das wir vns darauff feſtiglich verlaſſen / als auff einen Felß / den auch alle Pforten der Höl - len nicht vberweltigen ſollen / denn mit der bloſſen wiſſenſchafft iſt es nit außgericht / die Teuffel wiſſen auch Gottes Wort / es hilfft ſie aber zur Seligkeit im geringſten nichts. Darumb wil von nöten ſein / das man demſelben beyfal vnd glauben gebe. Ja es muß bey ſolchem beyfal auch nicht ſchlecht bleiben / ſondern es gehöret auch die application darzu / das ein jeder die application auff ſich ſelbſt mache / vnd jhm das Wort vom verdienſt Chriſti für ſeine Perſon zueigene / vnd mit Paulo ſage: Galat. 1. Chriſtus me dilexit, Chriſtus hat mich geliebt / vnd ſich für mich in den Todt gegeben. Jtem: Jch bin ein Glied auß deinemCLeib[18]Leib / deß tröſte ich mich von Hertzen / ꝛc. Ein ſolcher Glaub vnd feſt vertrawen / gibt einem Menſchen krafft mitten im Todt.

3. Perſeve - rantiam & cõſtan - tiam. Vors 3. ſo erfordert auch diß Wortlein: Eine beſtendigkeit / das man dabey auch beſtendig bleibe / vnd jhme daſſelbe den Teuffel vnd die Gottloſe Welt nicht auß dem Hertzen reiſſen laſſe.

Denn gleich wie es ſonſt mit Leiblichen Artzneyen bewand / wennSimile. der Menſch ein träncklein oder anders braucht / vnd der Magen behelt es nicht bey ſich / ſondern gibts (mit Reverentz zumelden) widerumb von ſich / ſo kan es auch keine wirckung haben: Alſo iſt es auch mit dieſem Geiſtlichen præſervatif mit dem Wort deß Herrn Chriſti be - wandt / wenn daſſelbe gleich gehöret / aber im Hertzen nicht bewahret wird / ſo kan es keine krafft vnd wirckung von ſich geben. Daher ſpricht Chriſtus Luce am 11. Selig ſind die Gottes Wort hören vnd bewah - ren. Vnd Matth. 24. Vermahnet der Herr CHriſtus ſelber: Wer beharret biß ans ende / der wird ſelig werden. Vnd Apocal. 2. wird geſagt: Biß getrew biß in den Todt / ſo wil ich dir die Krone deß4. Veram Vitæ e - mendati - onem. Lebens geben. Jn Summa Chriſti Wort halten heiſt / ſein Leben in verbeſſerung darnach anſtellen / es laſſen im Hertzen Wurtzeln / vnd viel guter Früchte bringen beydes gegen GOtt vnd dem Nechſten. Wie Jacob 1. Spricht: Seyt thäter deß Worts vnd nicht hörer allein / da - mit jhr euch ſelbſten betrieget. Denn ſo jemand iſt ein hörer deß worts vnd nicht ein thäter / der iſt gleich einem Mann der ſein leiblich Ange - ſicht im Spigel beſchauet / denn nach dem er ſich beſchauet hat / gehet er von ſtund an darvon / vnd vergiſſet wie er geſtalt war.

Adhorta - tio. Dieweil es aber ohne beſondern kampff nicht abgehet / wenn das Wort Chriſti ſoll im Hertzen bewahret werden / Sintemal der böſe Feind der Teuffel vmb vns hergehet wie ein brüllender Löw / vnd wir tragen den Edlen ſchatz Göttliches Worts in Jrꝛdiſchen Gefäſen / ſo wil demnach neben einem Hertzlichen vnd andächtigen Gebet / bey ei - nem Chriſten eine gute vorſichtigkeit zum höchſten von nöten ſein /IV. Effectus. Nõ vide - bit mor - tem in æ - ternum. wenn er anders diſes ſchatzes nicht wil beraubet werden.

Zum vierdten vnd letzten / welches iſt nun aber die kräfftige operation vnd wirckung / die man auß diſem köſtlichen præ - ſervatif empfindet? Der Herr ſpricht / es könne den Todt vertrei - ben. Diß / meine geliebte / iſt nun ein ſolcher effectus der alle ſchätze die -[ſer][19]ſer Welt weit vbertreffen thut. Dann was wehre vns damit geholf - ſen geweſen / wenn vns gleich der Sohn Gottes die zuſage gethan het - te: So jemand mein Wort wird halten / der ſoll zu groſſen ehren er - haben werden / er ſoll ein König / Fürſt / oder ſonſt groſſer Herr ſein / oder / der ſoll ſo vnd ſo viel Rittergüter einnemen ꝛc. Nichts / denn ſie können doch den Menſchen vom Todt nicht erretten / ja Sophan der Prophet ſpricht. 1. Cap. Jhr Silber vnd Gold wird ſie nicht erretten am Tag deß zorns deß Herrn. Darumb weiſet vns der Herr viel einen ſeligern nutz / den wir darvon haben ſollen / ſo wir ſein Wort halten: Nemblich: So jemand mein Wort wird halten / der wird den Todt nicht ſehen ewiglich.

Allhie möchte nun ein einfeltiges Hertz gedencken: Das iſt mir ei -Sed qu〈…〉〈…〉 - ritur. ne ſeltzame rede / ſpricht man doch ſonſt im gemeinen Sprichwort: Contra vim mortis non herba vireſcit in hortis, wider deß Tod - tes kraft / hilft keines gewächſes noch Kreutleins Saft. So bezeuget auch der augenſchein gantz vnd gar das widerſpiel: Haben doch Abra - ham / Jſaac / vnd Jacob eben ſo wol ſterben muſten / als Caiphas / Pila -Reſpon - detur[di]〈…〉〈…〉- pliciter, 1. tus / Judas / vnd andere Gottloſe Menſchen? Darauff geliebte iſt zu - wiſſen.

Erſtlich / das freilich in keiner Jrꝛdiſchen Apotecken einig Recept befunden werde / das wider den Todt helffen kan. Aber in der Geiſtli - chen Apotecken da wird ein præſervatif gefunden / das heiſt / Chriſti Wort / das vns wider den Todt ſchützen / vnd vom Todt erretten kan.

Es ſollen aber auch E. L. wiſſen / das zweyerley Todt ſey. Ein Leib -2. Mors du - plex. licher vñ ein Geiſtlicher Todt. Der Leibliche Todt iſt / da Leib vnd Seel ſich von einander ſcheiden muß. Der Geiſtliche Todt aber / da Leib vnd ſeel zugleich ewiger vnaußſprechlicher Pein müſſen vnterworffen ſein.

Was den zeitlichen Todt belangt / ſo kan freilich demſelben kein1. Mors corpora - lis & tem - poranea, Menſch entfliehen / er ſchütze ſich auch ſo hoch als er jmmer wölle. Deñ gleich wie wir in Adam alle geſündigt haben / alſo müſſen wir auch mit jhme alle deß Todtes ſterben. Denn da heiſt es wie Rom. 5. ſteht. Durch einen Menſchen iſt die Sünde kommen in die Welt / vñ durch die Sünde der Todt / der iſt zu allen Menſchen hindurch gedrungen / ſintemal ſie alle geſündiget haben. Vnd Hebræ. 9. Allen Menſchen iſt geſetzt einmal zu ſterben / vnd hernacher das Jüngſte Gericht. Da -C ijher[20]her pflegt man auch im alten Verſicul zu ſagen: Mors ſervat legem, tollit cum paupereregem.

Aber Chriſtglaubigen Hertzen muß ſolcher Todt kein verluſt ſein / ſondern ein gewiß / ja ein lieblicher ſchlaff zur ewigen Glori vnd Herꝛ - ligkeit. Daher ſehen wir auch wie freudig vñ getroſt die Heiligen Got - tes zum Todt geweſen ſein. Chryſoſt. nimbt für ſich die Heiligen Gottes Eliam / Eliſeum / Petrum / Paulum / vnd andere / verwundert ſich vber jhnen vnd ſpricht: Sancti mortuos excitabant & tamen ipſi mori deſiderabant, Jſt nicht das ein wunder vber alle wunder / ſpricht er / die heiligen Propheten vnd Apoſtel haben Todten aufer -1. Reg. 19. Philip. 1. weckt / vnd haben ſie doch keine ſtund begeren zu Leben. Denn Elias ſpricht: Herr nimb meine Seele hin / ich bin nicht beſſer denn mei - ne Vätter. Paulus gleicher geſtalt ſpricht: Jch begere aufgelöſt zu werden / vnd bey meinem Herrn Chriſto zu ſein. Ja woher entſteht in den H. Gottes eine ſolche freudigkeit? Kompt es etwa her auß na - türlichen kräften? Nein / denn Fleiſch vnd Blut entſetzt ſich für dem zeitlichen Todt / ſondern daher kompt ſolche freudigkeit / dieweil die H. Gottes gar wol gewuſt / das es jhnen ein gewins ſey / vnd nicht mehr thue / als das er jhnen die Thur auſſthue zum ewigen Leben. Denn Chriſtus hat dem Todt ſeine macht genommen / das Leben vnd ein vn - vergenglich weſen ans Liecht gebracht / ſpricht Paulus 2. Timoth. 1.