Erklaͤrung des Erſten Puncts.

ANfaͤnglich wiſſen Ewer Chriſtliche Liebe / das Gott ein Herr iſt Himmels vnd der Erden / ein allmaͤchtiger Gott / ein ElSchadai,[8]Chriſtliche Leichpredigt.Schadai, ein vollkommener Herr / dem nich - tes mangelt / noch mangeln kan / ſondern alles vollauff vnnd vbrig hat. Es berichtet aber doch die H. Schrifft / daß er jhm vnſert hal - ben viel zu thun gemacht / in dem er von Ewig - keit her beſchloſſen / die Menſchen zu ſchaffen / vnd ewig ſelig zu machen / wie er denn von E - wigkeit in Chriſto / alle Glaͤubigen zum ewi - gen Leben erwecket / Epheſ. 1. Jn der fuͤlle der Zeit den Menſchen / vnd vmb des willen den gantzen Erdenkreiß in ſechs Tagen erſchaffen / Geneſ. 1. vnd denſelben biß anhero traͤget mit ſeinem kraͤfftigen Wort / Hebr. 1. vnd erhelt / davon Chriſtus meldet / Johan. am 5. Cap. Mein Vater wircket bißher / vnnd ich wircke auch.

Weiter iſt auch offenbar / das GOtt den Menſchen nach ſeinem Ebenbild erſchaffen / der jhm gleich ſeyn ſolt / vnd in ſeine Fußtapf - fen trete: Derowegen er den Menſchen / ſo bald er erſchaffen worden / in den Paradiß ge - ſetzet / daß er denſelben bawen / ſeiner warten vnd pflegen ſolle / Geneſ. am 2. auch nach demSuͤn -[9]Chriſtliche Leichpredigt.Suͤndenfall ſolche Arbeit nicht von jhm ge - nommen / ſondern den Naſenſchweiß zur ſtraffe darzu geſetzet / daß er im Schweiß ſeines An - geſichts / ſein Brod eſſen ſolte / Geneſ. 3.

Das alſo Gott in der Welt keinen Muͤſ - ſiggaͤnger wil haben / ſondern arbeiten: Vnd wo ſie ſolche Anordnung verachten / hoͤren muͤſſen die Wort des himliſchen Haußvaters / Matth. 20. Quid ſtatis ocioſi, Was ſtehet jhr den gantzen Tag muͤſſig: Vnd das Vrtheil S. Pauli: Wer nicht wil ar - beiten / ſoll auch nicht eſſen / 2. Theſſal. 3.

Jm Bapſithumb gibt es viel muͤſſige Leu - te / Muͤnche / Nonnen. Vorzeiten waren die Euchiten ſolche Geſellen / die nur beteten / vnd andere lieſſen arbeiten / aber es heiſſet / Ora & labora, man ſoll beten vnnd arbeiten / vnd eines neben dem andern verrichten / Be - ten ſollen wir als Chriſten / arbeiten als Men - ſchen / keiner hat allhier ein Privilegium fuͤr dem andern.

Ferner vnd zum andern / weil nach dem klaͤglichen Suͤndenfall vnſer erſten Eltern /Bdie[10]Chriſtliche Leichpredigt.die Arbeit den Menſchen ſawer gemacht / da - durch die Kraͤfften geſchwaͤchet / vnnd der Schweiß außgetrieben wird / Hat der getre - we Gott / Gnade fuͤr Recht gehen laſſen / vnd verordnet / daß der Menſch des Tages ſeine Arbeit verrichten / vnd des Nachts außruhen / vnd die abgematteten Glieder ſich wieder er - holen laſſen ſol. Von welcher Ordnung Got - tes / der Koͤnigliche Prophet David redet im 104. Pſalm: Du macheſt Finſternuͤß das es Nacht wird / da regen ſich alle wilde Thier / die jungen Loͤwen die da bruͤllen nach dem Raub / vnd jhre Speiſe ſuchen von Gott / Wenn aber die Sonne auff - gehet / heben ſie ſich darvon / vnd legen ſich in jhre Loͤcher / So gehet denn der Menſch aus an ſeine Arbeit / vnd an ſein Ackerwerck / biß an den Abend.

So ſoll nun dieſe Ordnung Gottes / ein jeder in acht nemen / vnd ſeine Guͤte gegen vns Menſchen / daraus erkennen / daß er vns die Ruhe goͤnnet / vnnd in der Arbeit nicht vber -treiben[11]Chriſtliche Leichpredigt.treiben wil. Es wil aber Gott dadurch nicht auffgehoben haben / die Fuͤrſichtigkeit / vnd Sorgen der Obrigkeit / welche fuͤr andere wachen muͤſſen: Denn ein fuͤrſichtiger Re - gent / ſoll nicht die gantze Nacht durch ſchlaf - fen / wie vom Koͤnige Ahaſvero zu leſen / im Buͤchlein Eſther am ſechſten Capitel / ſie muͤſ - ſen auch Nachtwaͤchter beſtellen / welche zuſe - hen / weil andere ruhen vnd ſchlaffen / das nit durch Fewer oder boͤſe Buben / andere in Ge - fahr geſetzet werden. Wer aber ſonſt fuͤr ſich ohne erhebliche Vrſach / die Ruhe ſtoͤret / vnd die Nacht mit ſchwelgen vnnd ſchwermen zu - bringet / der bricht Gottes Ordnung / Vber ſolche ſchreyet der Prophet Eſaias das Weh / Cap. 7. die nemlich ſitzen biß in die Nacht / biß ſie der Wein erhitze / ſchreiten auch aus jhrem Beruff / vnd dem Geleit der heiligen Engel / kommen leicht zu Schaden / denn die Nacht iſt niemands Freund / vnd behalten darneben ein boͤſes Gewiſſen.

Vber das vnd zum dritten / hat der weiſe Gott die Arbeit des Tages eingetheilet / vnd einem jeden einen gewiſſen beruff / vnd in dem -B ijſelben[12]Chriſtliche Leichpredigt.ſelben ſeine Arbeit aufferleget / in derſelben ſoll ſich einer finden laſſen / wil er den Segen Gottes / Gluͤck vnd Wolfahrt haben / Denn einer nicht alles verrichten kan vnd mag / es wird jhm viel zu ſchwer werden / darumb hat GOtt die Arbeit den Menſchen in die drey Staͤnde eingetheilet / vnnd jhnen zweyerley Arbeit aufferleget.

1. Kopff arbeit / welche den Geiſtlichen vnd Weltlichen Standt fuͤrnemlich angehet.

Ein Prediger ſoll Gottes Wort lehren / da gehoͤret viel zu / daß er der Sprachen maͤch - tig / der Streit Schrifften kuͤndig ſey / in der Bibel wol beleſen / in den Kirchen Hiſtorien er - fahren ſey / Er muß lernen die Gemuͤther ken - nen / das Wort Gottes recht treiben / ſtraffen die ſtraffwuͤrdig / ermahnen die da jrren / troͤ - ſten die trawrigen / ꝛc.

Jm gleichen eine Obrigkeit ſoll halten v - ber Gottes Wort / vnd gute Kirchen diſciplin, vber Recht vnd Gerechtigkeit / da gibet es viel nachdenckens / die Welt iſt arg / verſchlagen / vnd tuͤckiſch / auch vnbendig / die Warheit thut man vertuſchen / die Leute beliegen. Das nuein[13]Chriſtliche Leichpredigt.ein Regent fuͤrſichtig wandele / keinem theil zu wenig oder zu viel thu / das giebet nachden - cken vnd muͤhe.

2. Handtarbeit / welche im Haͤußlichen - Standt fuͤrnemlich zu finden / Ein Haußva - ter muß ſeine Haußhaltung / ein Bawer ſeine Ecker / ein Hirte ſein Vieh / ein Handwercks - Mann ſein Handwerck vnd Laden beſtellen / damit ein jedes zu ſeiner Zeit verrichtet / ver - faͤrtiget / verkauffet / genuͤtzet werde.

Jn dieſer Staͤnde einen / hat Gott einem jeden Menſchen geſetzet / da findet er ſein Ta - gewerck / das ſoll er zuverrichten jhm trewlich laſſen angelegen ſeyn / ſo wird er in der That erfahren / was David ſaget im 128. Pſalm: Wol dem / der den HErrn fuͤrchtet / vnd auff ſeinen Wegen gehet / du wirſt dich nehren deiner Haͤnde Arbeit / wol dir du haſtes gut.

Endlich vnd zum vierdten / zu dem Geiſt - lichen Standt / gehoͤren nicht allein Kirchen / in welchen Lehrer vnd Zuhoͤrer gefunden wer - den / ſondern auch die Schulen / es ſein Stadt -B iijSchuͤ -[14]Chriſtliche Leichpredigt.Schulen oder Hohe Schulen / denn vor alters die Schulen durch die Lehrer der Kirchen / re - gieret vnd verſehen ſind worden / Vnd finden ſich auch darinnen zwey hauffen / Præceptores vnd Profeſſores, vnd denn Diſcipuli: Jener Ampt iſt / daß ſie fleiſſig leſen vnd repetiren, in guten Kuͤnſten vnnd Sprachen / in Gottes - furcht vnd andern ſcientiis: Jhre vertrawte Zuhoͤrer vnterweiſen / auch gute diſciplin fuͤh - ren: Dieſer aber der Studenten gebuͤhr iſt / ſolches lernen / vnd jhnen folgen: Wenn ſie demnach jhrem Ampt ein genuͤgen thun / vnd gegen Gott verantworten wollen / ſo muͤſſen ſie ſich zu Hauß in jhrem Studier Stuͤblein / auſſer dem in der Kirchen vnd Auditoriis fin - den laſſen / dahin ſind ſie gewieſen / nicht im Stall zum reiten / auff dem Boden zu fechten vnd tantzen / auff der Gaſſen zu ſpatziren / vnd andere zu vervnruhigen / ſondern es heiſſet / hoc age, ſie ſollen ſtudieren / darumb werden ſie hergeſand / vnd groſſe Vnkoſten von jhren Eltern vnd Patronen auff ſie gewendet / thun ſie ſolches nicht / ſo ſchreiten ſie aus Gottes Ordnung / vnd haben wenig Segen zu hoffen /kom -[15]Chriſtliche Leichpredigt.kommen ſie gleich endlich zu Dienſte / ſo nimmet doch jhr fuͤrnemen den Krebsgang / dennſie den Segen ſchon verſchuͤttet haben. Darumb ſollen ſie nicht gedencken / wenn ſie fruͤhe ein Stunde oder drey ſtudieren / darnach ſey der gantze Tag frey / den muͤſſen ſie vnnuͤtzlich zubringen. Nein / den Tag / vnd nicht etliche Stunden / ſind dem Menſchen zur Arbeit ver - ordnet: Es kan darneben Gott ein froͤliches Stuͤndlein / vnd ehrliche recreation, mit tan - tzen / fechten / reiten / etc. wol goͤnnen / aber es muß nicht das principale ſeyn / vnd der Stu - denten Handwerck. So muͤſſen ſie auch nicht gedencken / der Tag zum ſtudieren fange ſich an / wenn die Sonne ins Bett ſcheinet / auro - ra Muſis amica, die Fruͤhſtunden ſind am be - quemeſten / die ſoll man nicht verſchlaffen / die gantze Nacht ſitzen / iſt zu viel / man martert den Leib abe / vnd ſtirbet fuͤr der Zeit: Aber ein Stuͤndlein zwey oder drey dem Tage zu geben / iſt nicht verboten. Dieſe jhre gebuͤhr vnnd Ampt ſollen alle Studenten wol in acht nehmen: Was du thuſt / Du ſolt aber ſtu - dieren / thuſt du das / ſo biſtu in deinem Be -ruff /[16]Chriſtliche Leichpredigt.ruff / vnd GOtt ſegnet dein fuͤrnehmen / das deine Eltern / Freunde / vnd Patronen / Ehr vnd Frewde an dir erleben. Thuſtu es aber nicht / ſondern legeſt dich auff die faule oder ſchlimme Seiten / ſo wiſſe / gleich wie ein Waſ - ſer / das jmmer ſtille ſtehet / in ſich ſelbſt faulet / vnd ſtinckend wird / alſo auch die Menſchen / Nihil agendo malè agere diſcunt: Wenn ſie nichts thun / ſo lernen ſie arges thun / denn die Seel im Menſchen ruhet nicht / vnd als dann wird Otium pulvinar Sathanæ, vndwird durch ſolche Muͤſſiggaͤnger / aus anſtifftung des lei - digen Sathans / viel Vngluͤck vnd Vnruh ge - ſtifftet. Dafuͤr fromme Studenten hiermit ſollen gewarnet ſeyn.

Vom Andern Punct.

ZVm Andern / Nach dem Chriſten wiſſen / daß ſie nicht zum Muͤſſiggang / ſondern zur Arbeit ſind beruffen / Lernet ſie Syrach ferner / was ſie in aller jhrer Arbeit thun vnd fuͤrnehmen / bedencken vnd betrach - ten ſollen / nemlich das Ende. Es haben die alten Kirchenlehrer / Bernhardus vnd andere /quatuor[17]Chriſtliche Leichpredigt.quatuor Noviſsima, Vier letzte Dinge dem Menſchen zu betrachten fuͤrgeſtellet / welche Finis, das Ende des Menſchen / in heiliger Schrifft genennet werden.

Das 1. iſt Mors, der zeitliche Todt / welcher das Band des Leibes vnd der Seelen auffloͤſet / vnd das Ende iſt des jrrdiſchen Le - bens: Alſo redet darvon Bileam im vierdten Buch Moſis am 23. Cap. Mein Ende werde wie dieſer Ende / vnnd meine Seele muͤſſe ſter - ben des Todes dergleichen. Es redet GOtt ſelbſt alſo / Geneſ. 6. Alles Fleiſches Ende iſt fuͤr mir kommen / dorauff die Suͤndfluth er - folget / vnd wird ein Ende gemacht aller Men - ſchen vnd jrrdiſchen Creaturen. Jmgleichen redet von der gottloſen Todt / der 73. Pſalm / Er habe gemercket auff jhr Ende. Denn da gehet es an ein ſcheiden / von dieſer Welt / die Seele fehret an jhren Ort / den Leib ſcharret man in die Erden / da verweſet er / es hat mit jhm auff dieſer Welt ein ende.

Das 2. iſt Judicium, der letzte Tag der Welt / an welchem das Juͤngſte Gerichte ſoll gehalten werden / wie der HErr ChriſtusCbezeu -[18]Chriſtliche Leichpredigt.bezeuget / Johan. 12. Das Wort daß ich gere - det habe / wird jhn richten am juͤngſten Tage. Vnnd der Tag wird genennet / das Ende der Welt / Matth. 13. Denn ob ſich wol gottloſe Spoͤtter finden / die da ſagen: Wo iſt die ver - heiſchung ſeiner Zukunfft? Dennnach dem die Vaͤter entſchlaffen ſind / bleibet es alles / wie von anfang der Creaturen geweſen iſt. Dar - uͤber der Apoſtel Petrus ſchon klaget / in der andern Epiſtel am 3. Capit. Vnd die Welt - weiſen Heyden / weder vom anfang noch ende der Welt / etwas gewiſſes gewuſt haben: So glaͤuben doch Chriſten mit der Schrifft / daß Himmel vnd Erden werden vergehen / Luc. 21. mit groſſem krachen / die Element werden fuͤr Hitze ſchmeltzen / vnd die Erde / vnd die Werck die darinnen ſind / werden verbrennen / in der 1. Petri am 3. Cap. vnd alſo ein ende nehmen.

Das 3. iſt Cruciatus gehennæ, die e - wige Qual vnd Marter in der Hellen / das iſt das ende der Gottloſen vnglaͤubigen Welt / wie der Apoſtel Paulus lehret / Philip. am 3. die Feinde des Creutzes Chriſti / welcher Ende iſt das Verdamnuͤß. Denn wenn der HErrChri -[19]Chriſtliche Leichpredigt.Chriſtus das letzte Gericht wird gehalten / vnddas Endurtheil vber die gottloſen geſprochen haben / ſo werden ſie gehen in die ewige Pein / Matth. 25. da wird jhr Wurm nicht ſterben / vnd jhr Fewer nicht verloͤſchen / vnd werden allem Fleiſch ein grewel ſeyn / Eſa. 66.

Das 4. iſt Vita æterna, das ewige Le - ben / das iſt das Ende vnſers Glaubens / wie der Apoſtel Petrus vns lehret / in ſeiner erſten Epiſtel am 1. Capit. So werdet jhr euch fre - wen / mit vnaußſprechlicher Frewde / vnd das ende ewers Glaubens darvon bringen / nem - lich der Seelen ſeligkeit: Dahin gehet alles tichten vnnd trachten der Chriſten / darnach ſehnen ſie ſich / denn es wird eine ſolche groſſe Frewde ſeyn / dergleichen kein Auge geſehen / kein Ohr gehoͤret / vnnd in keines Menſchen Hertz kommen iſt.

Dieſes ſind die vier Noviſsima, vnd letz - te Stuͤcke / welche ein jeder Chriſt fleiſſig ſoll betrachten / vnd laſſen ſich nicht ſcheiden / denn wenn der Todt den anfang gemacht / ſo folget das Gericht / es ſey in particulari oder univer - ſali, denn es iſt dem Menſchen geſetzet / einmalC ijzu ſter -[20]Chriſtliche Leichpredigt.zu ſterben / darnach das Gerichte / Hebr. am 9. So bald aber das Gericht gehalten / vnd das Vrtheil geſprochen / erfolget auch die execu - tio, daß ſie gehen / entweder in das Leben vnd Glori des Himmels / oder in die Hellen / wie der Herr Chriſtus den gantzen Proceß / Matth 25. beſchreibet.

Wenn wir aber dem Syrach auff ſeine Wort vnd intent achtung geben / daß er han - delt von Kranckheit des Leibes / vnd des Ge - muͤthes / oder bekuͤmmernuͤß von Begraͤbnuͤſ - ſen / vnd ende des Menſchen / muͤſſen wir be - kennen / daß er fuͤrnemlich von dem erſten no - viſsimo, von dem zeitlichen Tode rede / (doch ſind die andern Stuͤck nicht außgeſchloffen /) welcher auch von den Heyden / Ultima linea rerum, das Ende alles dinges genennet wird.

Vnd dieſes Ende des Menſchlichen Le - bens / wer es nach der vermahnung Syrach / Chriſtlich betrachten wil / der muß nach fol - gende Stuͤcken nachdencken:

1. Muß er gleuben / Mortis acer bitudinem, das kein Menſch ewig lebe / ſondern nach dem Suͤndenfall iſt daß univerſal Vrtheil / ſo vberdas[21]Chriſtliche Leichpredigt.das gantze Menſchliche Geſchlecht ergangen / Du biſt Erden / vnd ſolt zur Erden wer - den: Darumb ſagt die Epiſtel an die Hebreer am 9. Cap. Es ſey dem Menſchen geſetzt ein - mal zu[ſterben]. GOtt hat dieſes decret vnd Satz gemacht / kein Menſch kan es vber ſchrei - ten / das iſt der Weg alles Fleiſches / Joſu. 23. Sind gleich zwey lebendig in Himmel abgefo - dert / ſo ſind es doch ſingularia, vnd dienen zu vergewiſſerung des ewigen Lebens. Jns ge - mein[aber] / hat keiner kein Privilegium, wir ſterben alle.

2. Horæ incertitudinem, Das ob wol der Todt gewiß iſt / ſo iſt doch die Zeit vnd Stun - de des Todes vngewiß / Darumb ſaget der al - te Kirchenlehrer Bernhardus: Mors ſeni in ja - nuis, inveni in inſidiis, der Todt wartet Jun - gen vnd Alten auff den Dienſt: Den Alten ſtehet er in der Thuͤr / ſie ſehen an jhrem Leibe / daß der Todt jhnen nahe ſeyn muß: Die jun - gen aber meynen / weil ſie ſtarck vnd geſundt ſeyn / ſo ſey der Todt noch ferne / aber er lau - ret heimlich auff ſie / vnd ehe ſie ſichs verſehen / iſt er mit ſeiner Senſen hinter jhnen her / vndC iijhawet[22]Chiriſtliche Leichpredigt.hawet ſie abe / daß ſie wie die ſchoͤnen Blumen auff den Wieſen dahin fallen / ploͤtzlich ver - welcken. Gott weiß wol die Stunde des To - des / denn er hat ſie geſetzet / aber dem Men - ſchen hat er es nicht offenbahret / auff daß ſie nicht ſicher werden / vnnd jhre Buſſe biß auff die letzte Stunde ſparen.

3. Propinquitatem, Daß der Todt nicht weit ſey / ſondern alle Tage ſeiner zu befahren haben / denn wir ſehen / wie bald es vmb den Menſchen geſchehen iſt / Heute roth / Morgen Todt / vnd fahren ſchnell dahin / als flohen wir davon / im 90. Pſalm / Vnd je laͤnger wir leben / je naͤher wir dem Todte kommen / denn die Zahl vnſer Jahre nimmet ſelten zu / wie dem Koͤnige Hißkia aus Gnaden wiederfah - ren / ſondern mehr ab / dieweil wir mit vnſern Suͤnden / vnd gottloſen Leben / das Ziel offt verrucken vnd verkuͤrtzen / welches der gerech - te GOtt leſſet geſchehen / die Gottloſen deſto eher zur Straffe zu ziehen / Oder holet auch wol die Frommen vnverhofft hinweg / daß ſie nicht in der Welt verderben / ſondern zu jhrer Ruhe befoͤrdert werden.

4. Inæqualitatem, Daß der Todt vnglei - cher weiſe zu vns koͤmmet / etliche ſterben ploͤtz - lich vnd geſchwind dahin / daß ſie der Schlag ruͤhret / hitziges Fieber / Stickfloͤß / vnd ande - re ein kurtzes Ende machet / andere muͤſſen ſich lang quelen / liegen Jahr vnd Tag ehe es zum ſterben koͤmmet / vnd wil doch darnach offt we - der zum Tode noch Leben ſich ſchicken: Etliche ſterben eines natuͤrlichen Todes / andere wer - den erſchlagen / erſchoſſen / erſauffen im Waſ - ſer / vnd wird jhnen mit Gewalt das Leben ge - nommen. Es heiſſet aber allhier gemeinig - lich / Quilibet eſt faber ſuæ fortunæ, Es ſey ei - ner ſelbſt an ſeinem Tode vrſach / vnd habe ſol - ches wol verdienet.

5. Difficultatem, Das es nicht leicht / vnd ein kurtzweil ſey / ſterben / ſondern ein ſchwerer vnd harter ſtandt / da Angſtſchweiß / Thraͤ - nen / Ach / Weh vnd Rach / geſehen vnd gehoͤ - ret werden. Es bleibet auch nicht bey der Lei - bes Angſt / ſondern da wachet offt das Gewiſ - ſen auff / vnd helt vns fuͤr die vnerkandte vnd vngebuͤßte Suͤnden / der Teuffel iſt auch ge - ſchaͤfftig / die ſterbenden zu bewegen / entwederzur[24]Chriſtliche Leichpredigt.zur Vngedult / wenn die Schmertzen groß ſind / vnd kein auffhoͤren / oder zur Liebe des zeitlichen Gutes / daran ſie jhr Hertz gehaͤn - get / vnd gar ſchwerlich davon laſſen / vnd ſich ſcheiden koͤnnen / biß endlich das Band Leibes vnd der Seelen getrennet wird / die zwey hoͤch - ſten Freunde auff Erden / laſſen ſich vngerne ſcheiden.

Wer aber die Vermahnung Syrachs in acht nemen wil / der muß dieſes ſein Ende wol bedencken / daß wir einmahl mit Angſt vnd Wehe aus der Welt muͤſſen.

Vnd ſolche Vermahnung haben nicht al - lein die Chriſten jederzeit in acht genommen / welche darumb jhre Graͤber in jhre Luſtgaͤrten machen laſſen / wie vom Joſepho / Matth. 27. zu leſen iſt / auff daß / wenn ſie froͤlich waͤren / vnnd vielleicht des Todes daruͤber vergeſſen / ſich an jhren Graͤbern erjnnerten / es wuͤrde ein Ende mit jhnen haben / jhr Leben habe ein Ziel / vnd muͤſſen darvon. Sondern auch die vernuͤnfftigen Heyden in jhren Conviviis vnd Wolleben / ein Todten Kopff aufftragen laſ - ſen / daß ſich die Gaͤſte in jhrer Frewd des To -des er -[25]Chriſtliche Leichpredigt.des erjnnerten / vnd auff jhr Ende gedaͤchten / welches auch in den Gaſtereyen jhnen koͤndte beſtimmet ſeyn / vnd alſo von dem Todt nicht vnverſehens vbereylet wuͤrden.

Vom Ditten Punct.

DEnn vors Dritte / Es iſt ſolche be - trachtung den Chriſten in jhrem Leben ſehr nuͤtzlich vnd erſprießlich. Die Welt Kin - der gedencken nicht gerne an jhr Ende / mey - nen / es mache nur Melancholiſch Gebluͤte / vnd ſey genug / wenn man die Bitterkeit des Todes fuͤhle / was wolle man zuvor die Leute mit martern / vnnd forchtſam vnd kleinmuͤti - ger machen: Chriſten Leute aber hoͤren vn - ſerm Syrach zu / der ſaget / Wer ſtets ſein En - de betrachtet / der werde nimmermehr ſuͤndi - gen. Ey wie koͤndte vns beſſer geſchehen / als wenn wir dieſes erlangen koͤndten / weren wir doch halb im Himmel.

Es verhelt ſich aber in Warheit alſo / wie Syrach ſaget: Denn erſtlich / Woher wird der Todt bitter vnnd ſchwer? Von derDSuͤn -[26]Chriſtliche Leichpredigt.Suͤnden / denn durch die Suͤnde dringet der Todt hindurch zu den Menſchen / Rom. am 5.

Wer ſich nun fuͤrchtet fuͤr ein ſchweres Ende / der huͤtet ſich fuͤr Suͤnden / damit er es jhm nicht noch ſchwerer mache. Ein gebraͤnt Kind / ſaget man / fuͤrchtet das Fewer: Laſſet vns hierinnen auch den Kindern gleich ſeyn / wie vns Chriſtus vermahnet / Matth. am 18. Wir fuͤhlen taͤglich den Todt an vns / in ſeinen Vorboten / in allerley Kranckheiten vnd Be - truͤbnuͤſſen / vnnd die machen vns das Leben ſawer / warumb wolten wir muthwillig ſuͤn - digen / vnd die Laſt noch groͤſſer machen.

Leider ſehr viel werden gefunden / die nach Vngluͤck ringen / vnd ſich keiner Suͤnde ſche - wen / Ach wenn ſie daran gedaͤchten / wie bald iſt es vmb geſunden Leib / ja vmb Leib vnd Le - ben felbſt geſchehen / ſie wuͤrden viel nicht fuͤr - nehmen vnd thun / Aber es heiſſet / Sero ſapi - unt phrygas, Wenn ſie in Schaden kommen ſind / als denn koͤmmet das Pœniters, es iſt a - ber zu lang geharret.

Vors ander / Wer ſein ende bedencket / der huͤtet ſich nicht allein fuͤr Suͤnden / ſondernauch[27]Chriſtliche Leichpredigt.auch alles das jenige / was vrſach vnd gelegen - heit zu ſuͤndigen gibet: Vnd das iſt mit einem Wort die Welt / denn in der Welt iſt vnd heiſ - ſet es: Vanitas vanitatum, Es iſt alles eytel / Darumb ſoll ein Chriſt dem Zeitlichen / vnd dieſer Welt Guͤtern abſagen / als welche zu fuͤndigen vrſach geben. Vnd was iſt in der Welt / Augen Luſt / Fleiſches Luſt / vnnd hof - fertiges Weſen? Was reitzet aber die Leute mehr zu Suͤnden / als zeitliche Wolluſt / groſ - ſe Ehr / vnd viel Reichthumb / Daß ſind die Strick des boͤſen Feindes / damit er die Men - ſchen gefangen nimmet / vnd wenn ſie einmal anbeiſſen / koͤnnen ſie ſich deſſen nicht wol wi - der entbrechen. Wie lang weren aber dieſer Welt Guͤter?

Weil denn nicht allein die Menſchen / ſondern aller Welt Guͤter ein Ende nehmen / ſo behertzigen ſolches Chriſten Leute / wenden ſich von dem zeitlichen / zu dem ewigen / laſſen GOtt vnd ſein Wort jhre einige Augen - vndD ijHer -[28]Chriſtliche Leichpredigt.Hertzen Luſt ſeyn / bekuͤmmern ſich vmb die Him - liſche Glori vnd Herrligkeit / vnnd trachten nach den Himliſchen Schaͤtzen / die die Diebe nicht ſtelen koͤnnen / noch der Roſt verzehren kan / als da ſind / wahre Erkentnuͤß Gottes / Glaube an Chriſtum / vergebung der Suͤn - den / Gerechtigkeit / Heiligkeit / etc. Denn ſie wiſſen / ob es gleich ein ende mit jhnen haben muß / ſo hat es doch mit dieſen Guͤtern kein ende / ſondern auch nach dem Tode folgen ſie vns nach / vnnd im ewigen Leben werden wir derſelben voͤllig genieſſen.

Endlich vnd zum dritten / dieweil kundt vnd offenbahr iſt / daß der Menſch in dieſer Schwachheit / wie angelegen er es jhm auch ſeyn laſſen mag / gantz Engelrein vnnd ohne Suͤnden ſein Leben nicht zubringen kan / So noͤtiget vnd treibet vns die Betrachtung des Todes / dem auch die Heiligen Gottes vnter - worffen ſeyn / daß wir vns nach dem Suͤnden - traͤger Jeſum Chriſtum vmbſehen / denn der hat alle Suͤnde auff ſich genommen / vnd durch ſein Blut außgetilget / Der hat durch ſeinen Todt den Todt vberwunden / ſeinen Stachelzu -[29]Chriſtliche Leichpredigt.zubrochen / daß er kein Todt / ſondern ein Schlaff / vnd Thuͤr zum ewigen Leben den Chriſten worden / der machet das ende des Le - bens ſuͤſſe / Denn er iſt das Holtz des Lebens / wenn wir es in das bittere Waſſer des Todes werffen / vnnd durch den Glauben in vnſer Hertzen faſſen / ſo iſt der Todt kein Todt mehr / ſondern ein ſanffter Schlaff.

Vnd wer nach einem ſolchen ſanfften Ende ſeufftzet / vnd ſich ſehnet / der erkenne fuͤr allen dingen ſeine Suͤnde / damit er den Todt wol verdienet / Er ſey nicht aus der Zahl der Epicurer / die ſich weder vor dem Todt / noch Straffe der Suͤnden fuͤrchten: So wird die bitterkeit des Todes nicht vertrieben / ſondern folget endlich daraus Schrecken / Zagen des Gewiſſens / vnd Verzweiffelung: Darnach hoͤre er zu dem Evangelio / gleube an Chri - ſtum / der vmb vnſer Suͤnden willen geſtor - ben / vnd vmb vnſer Gerechtigkeit willen auff - erſtanden iſt / den GOtt vns gemachet hat / zur Weißheit / zur Gerechtigkeit / zur Heili - gung / vnd zur Erloͤſung / Wer an den gleubet / der wird nicht zu Schanden / ſondern hat dasD jijewige[30]Chriſtliche Leichpredigt.ewige Leben zu hoffen! Darzu muß kommen ein newer Wandel / daß man ſich fuͤrſehe fuͤr der Suͤnden / ſoviel geſchehen kan / uͤbe eine gute Ritterſchafft / behalte den Glauben / vnd gut Gewiſſen. Wer das thut / der hat ſich deſſen zu getroͤſten: Qui benè vivit, nunquammalè moritur, Auguſtinus: Wer wol lebet / vnnd einen Chriſtlichen Wandel fuͤhret / der kan nicht vbel ſterben. Vnd daß wir ſolches thun / vnd dermal eins ſanfft einſchlaffen moͤ - gen / wolle der getrewe GOtt in Gnaden vns allen / durch Chriſtum verleyhen / Amen.