Chronodistichon
B. A. E. VV. F.QVa ChrIstVs petIt aſtra DIe Soter eâ & IpſaPaſtor AbrahaMVs FrIsIVs aſtra petIt.
ERbare / viel Ehrenreiche / vnd Tu - gendſame / vnd in gebuͤhr beſonders groß - guͤnſtige liebe Fraw Schwaͤgerin vnnd Gevatterin: Es haben nicht allein die vernuͤnfftigen Heyden vornehmen Leutten Sta - tuas vnd gedaͤchtnuͤß-Saͤulen auffgerichtet / (wieIn L. Piſo - nem. Cicero ſchreibet) Ne ſuavißimorum hominum me - moria moreretur: Das iſt: Damit nicht hold ſeli -A ijger[4]ger Leutte gedaͤchtnuͤß gar erſtuͤrbe vnnd vnter - gienge: Sondern es iſt auch bey den glaͤubigen vnd kindern Gottes gebraͤuchlich geweſen.
ςήλην Se - ptuag. In - terpret. Geneſ. 35. ꝟ. 20. leſen wir / das der Ertzvater Jacob vber ſeiner lieben Rachel Grab ein Mahl auffgerichtet.
1. Maccab. 13. ꝟ. 27. wird gemeldet / das Simon ein hohes Grab von gehawenen ſteinen / ſeinem Vater vnd ſeinen Bruͤdern machen / vnd darauff 7. Saͤulen eine neben der andern ſeinem Vater / der Mutter vnd den 4. Bruͤdern ſetzen / vnd groſſe Pfeiler vmbher bawen / daran er jhren Harniſch zum ewigen gedaͤchtnuͤß hengen / vnnd vber die Harniſch gehawene Schiffe ſetzen laſſen / die man auch auff dem Meer ſehen koͤnnen.
Pſalm. 112. ꝟ. 6. ſtehet / Des gerechten wird nimmermehr vergeſſen.
Salomon Proverb. 10. ꝟ. 7. ſaget: Das gedaͤcht - nuͤß des Gerechten bleibet im Segen.
Der Apoſtel an die Hebreer 13. ꝟ. 7. vermah - net: Gedencket an ewre Lehrer / die euch das wort Gottes geſaget haben / welcher ende ſchawet an / vnd folget jhrem glauben nach.
Jn betrachtung dieſes habe ich nun auch dem weiland Ehrwuͤrdigen Achtbarn vnd Wohlge - lahrten Herren Abrahamo Frisio, &c. ewrem biß ins 11. Jahr geweſenen lieben Ehegemahl / meinem lieben Herren Patruo vnd andern Vatereine[5]eine Papierne Statuam oder Ehrengedaͤchtnuͤß auffrichten wollen.
Dazu haben mich nachfolgende vrſachen be - wogen.
Erſtlich / die ſchuldige danckbarkeit / vor dieVrſachen die - ſes gedaͤcht - nuͤß: Die 1. mir vnd meinem Geſchwieſter vielfaltig erzeigte wolthaten. Denn nach deme meine liebe Seelige Eltern Anno 1614. kurtz vor Oſtern zu Woits - dorff da mein Vater Paſtor war plotz nacheinan - der im HErrn entſchlaffen / iſt der Seelige Herr Vetter an des Vatern ſtelle getreten / vñ hat Va - ter trew an vns allen bewieſen. Wie koͤnte ichs deñ laſſen / das ich nicht mein danckbares gemuͤte nun in etwas blicken lieſſe[?]
Darnach hat mich auch hie zu bewogen / dasDie 2. vrſa - che. TxAct. 24. v. 14. 15. & 16. wir die Leichpredigt ſo der weiland Ehrwuͤrdi - ge Achtbare vnd Hochgelahrte Herr M. Simon Grunæus Fuͤrſtl. Lign. Rath / der Fuͤrſtl. Con. ſiſtorii vnd Kirchen-Raths Director / ſo wohl der Kirchen Liegn. vñ Wolawiſchen Fuͤrſtenthumb Superintendens vnnd Pfarrer zur lieben Frawen in Lignitz / in Volckreicher verſamlung den 19. Maij / Anno 1627. gethan hat / nicht haben bekom - men koͤnnen. Denn ob es wol die Fraw Schwaͤ - gerin vnd Gevatterin / ſo wol durch mich als an - dere Perſonen ſuchen laſſen / der Seelige Herr Superintendens auch willig dazu geweſen / hat es doch Gott der HErr ſelber verhindert / in demeA iijer[6]er denſelben nicht lange hernach nicht allein mit vnpaßligkeit anheim geſucht / ſondern auch bald folgendes Jahr / den 21. Maij / am Sontag Can - tate / ſanfft vnnd ſeelig von dieſer Welt abgefo - dert.
Die 3. vrſa - che.Vber dieß / ſo haben mich hierzu vermahnet viel vornehme gelehrte vnd vngelehrte Leutte / auch eins teils Blutsfreunde / deren rath vñ gut - achten ich gleich wol etwas bey mir habe gelten laſſen muͤſſen.
Die 4. vrſa - che.So habe ich vor mir anderer vornehmer Len - te exempel. Es hat nicht allein der weitberuͤmb - te Prediger vnnd Theologus / Herr Valerius Herberger / nunmehr Seeliger / geweſener Pfarrer zur Frawenſtad in ſeinem Vaterlande / etlichen vor lengſt verſtorbenen vornehmen Leu - ten / teils auch ſeinen Eltern / ein ſolches gedaͤcht - nuͤß aufgerichtet / wie im 6. teil ſeiner Trawerbin - den zu ſehen: Sondern auch der vmb die kirche Christi wolverdiente Mañ Herr Martinus Bohemus / Prediger zum Lauben in ſeinem Va - terlande / hat dem Edlen Ehrenveſten Achtbarn vnd Hochgelahrten Herren Adriano Albino Laubanenſi J U. D. Churfuͤrſtl. Brandeburgiſchẽ alten geheimen vnd getrewen Rathe vnd New - Maͤrckiſchen Cantzier / ſo Anno 1590. den $$\frac{4}{14}$$ Julij zu Cuͤſtrin geſtorben / zum Lauben ein Leichbe - gaͤngnuͤß vnd Leichpredigt nicht allein gehalten /ſon -[7]ſondern auch durch den Druck ans licht kommen laſſen. So haben auch des Ehrwuͤrdigen Wol - gelahrten Herren Balthasar Brewers / gewe -Obiit in Chriſto piè 12. Febr. An - no 1617. Dominica Invocavit. ſenẽ Pfarrers zum Prauß im Brigiſchen Fuͤrſten - thumb hinterlaſſene verwante (weil ſie auch die jhme nachgehaltene Leichpredigt nicht haben be - kom̃en koͤnnen) jhme ein ſolch gedaͤchtnuͤß auffge - richtet / in deme ſie ſeine vor dieſem gethane New Jahrs-Predigt / mit einem Lateiniſchen bericht von ſeinem leben vñ wandel auch ſeligen abſchied / zur Liegnitz druͤcken laſſen.
Endlich / weil auch ſolche EhrengedaͤchtnuͤßDie 5. vrſa - che. etwa viel lenger wehren vnd tauren / als die ſtei - nernen Statuæ / die offte zeitlich ſind vmbgeriſſen vnd zerſtoͤret worden: Oder auch als die gelegte Leichſteine vñ darauff gehawene Grabſchꝛifften / ſintemal ich an vnterſchiedenẽ orten geſehen / das nicht allein die Grabſchrifften vertreten vnd von ď trauffe des regens abgewaſchen vnd die Leich - ſteine zerbrochen / ſondern das auch die Leichen nach 50 weniger oder mehr Jahren außgegrabẽ / andere an jhre ſtellen gelegt / vñ auff die Leichſtei - ne anderer Leute Grabſchrifften gehawen wor - den. Solche papirne monumenta aber / ob ſie zwar auch vergenglich / bleiben ſie dennoch ofters viel lenger in der Freunde vnd anderer gelehrter vnd vngelehrter Leute Bibliothecken vnd haͤn - den.
Dero -[8]Dero wegen / ſo verhoffe ich fromme hertzen werden mich nicht verdencken / mir auch nicht uͤbel deu - ten / das ich meinem Seeligen Herren Vettern vnd Va - tern ein Gedaͤchtnuͤß auffrichte. Jch zweifele wohl nicht / das etwa boͤſe Leute denen gar nichts gefelt / als was ſie ſelber machen / diß wohlgemeinete werck uͤbel genung außlegen werden. Aber gleich wie ich vmb frommer Leute willen alles gerne thun wolte / was ich nur guttes kan vnd vermag: Alſo begehre ich vmb boͤ - ſer Leute uͤbeler nachrede willen auch nichts guttes zu vnterlaſſen.
Jch habe aber dieſe Predigt alhie zum Gold - berg in der mir an vertrauten Kirchen Anno 1629. den 17. Ianuarij / Mitwochs nach den 2. Sontag nach Epi - phan. vber des vergangenen Sontages Epiſtel gehal - ten / vnd hernach meines Seeligen Herren Vettern vnd Vatern wandel vnnd lebens-lauff darauff appliciret / auch die Perſonalia / wie ſie mehren teils von dem Seeli - gen Herrn Superintendenten bey der Leichpredigt ſind verleſen worden / hinzu gethan. Solch gedaͤchtnuͤß nun vbergebe ich hiemit der Frawen Schwaͤgerin vnd Gevatterin / freundlich bittende / Sie wolle wie bißher / alſo auch nach mals mir vnd den meinigen guͤnſtig vnd geneigt ſein vnd verbleiben. Wie ich denn nicht ablaſ - ſen wil / den Allmaͤchtigen Gott hertzlich zu bitten / Er wolle der Fraw Schwaͤgerin vnd Gevatterin die trewe ſo ſie an jhrem Herren Seeligen / wie auch an mir vnd den meinigen / bey des Seeligen Herren leben / tode / vnd nach dem tode bewieſen / reichlich vergelten. Gegeben zum Goldberg / den 11. Februarij / Anno 1630.
Der Frawen dienſtwilliger Schwager vnd Gevatter Paullus Frisius.
JHr ſeid das Saltz der erden. Alſo / meine lieb -Exord. à di - cto Matth. 5. v. 13. ſten / ſaget der Sohn Gottes Iesus Christus zu ſeinen Juͤngern vnd Apoſteln / Matth. 5. ꝟ. 13. vnd zeiget hiemit an des heiligen Predigamptes 1. noth - wendigkeit / 2. nutzbarkeit / 3. vñ gebuͤr oder pflicht.
Die nothwendigkeit des Predigampts zeigetI. Des Pre - digampts nothwendig - keit. Chriſtus mit dem gleichniß vom Saltz genommen an: Deñ wie man des Saltzes nicht entraten kan / wie Syrach 39. ꝟ. 31. ſaget: Der Menſch darff Saltz zum leben: Alſo kan man auch des Heyligen Predigampts keines weges entraten / ſo es anders wohl vmb die Menſchen Kinder ſtehen / vnd or - dentlich in der Kirchen zugehen ſol
Dieſes iſt auch im Alten Teſtament vorgebildet wor - den / denn da muſte man in allen Opffern Saltz opffern /BLevit. [10]Levit. 2. ꝟ. 13. Vnd der Herr Jeſus ſpricht / Marci 9. ꝟ. 49. A[ll]es Opffer wird mit Saltz geſaltzet.
Dieſe nothwendigkeit / ſollen nun fromme Chriſten er - kennen vnd bedencken. Ein ieder guter Wirth verſihet ſein Hauß mit Saltz / denn die noth lehrets jhn / das er es nicht entraten kan. Man ehret billich einen guten vnd verſtaͤn - digen Artzt / Syrach 38. ꝟ. 1. denn die noth vnd vnpaßligkeit zwinget manchen dazu. Es iſt keine gemeine / ſie bekuͤm - mert ſich vmb einen Hirten / denn jhr Viehe kan deſſelben nicht entperen. Wie koͤmpts denn immer mehr / das jhnen viel Leute einbilden / man koͤnne der Prediger wol entraten? From̃e glaͤubige Chriſten ſollen den Herren der erntte hertz - lich bitten / das er trewe arbeiter in ſeine erntte ſende / Matth. 9. ꝟ. 37.
II Des Pre - digampts untzbarkeit.Darnach ſo zeiget auch der Sohn GOttes auff den groſſen vnd vielfaltigen nutz des Heyli - gen Predigampts. Denn wie das Saltz ein gut ding iſt / wie Jeſus Chriſtus ſelber ſag[t]/ Lucæ 14 ꝟ. 34. Vnd iſt ein alt Sprichwort: Sole & Sale nihil utili〈…〉〈…〉 s: Das iſt / es iſt nichts nuͤtzer als die Sonne vnd das Saltz: Alſo iſt auch das Predigampt eine nuͤtzliche ordnung vnſers Herren Got - tes. Denn
Die 1. nutz - barkeit.Vor eins: Wie das Saltz die Speiſen wolſchmeckende machet / da ſonſten einem leicht davor eckelt vñ grawet / alſo das wort Gottes / ſo trewe Lehrer vnd Prediger jhren Zu - hoͤrern vortragen / ſo auch dem Saltz verglichen wird / Coloſ. 4. ꝟ 6. iſt frommen hertzen viel lieblicher als Honig vnd Honigſeim / Pſal. 119. ꝟ. 11. Es iſt das rechte wol - ſchmeckende Manna vnd Himmelbrodt /[E]xod 16. ꝟ. 14. & ſeq. Es iſt eine liebliche rede mit Saltz gewuͤrtzt / Coloſ. 4 ꝟ 6.
Die 2. nutz - barkeit.Darnach: Wie das Saltz die Speiſen[g]eſund mach[et]/ wie die taͤgliche erfarung lehret: Alſo auch die heyl[ſa]melehre[11]lehre trewer Lehrer heilet vnſere Seelen / machet ſie geſund / es troͤſtet vnd erfrewet ſie.
Die Maͤnner der Stadt Iericho ſprachen zu Eliſa: Si - he / es iſt gut wohnen in dieſer Stadt / wie mein Herr ſihet / aber es iſt boͤſe Waſſer / vnd das Land vnfrucht - bar. Er ſprach / bringet mir her eine newe Schale / vnd thut Saltz drein: Vnd ſie brachtens jhm. Da gieng er hinnauß zu der Waſſerquelle / vnd warff das Saltz drein / vnd ſprach: So ſpricht der HErr / Jch habe diß Waſſer geſund gemacht / es ſol hinfort kein todt noch vnfruchtbarkeit daher kommen. Alſo ward diß Waſ - ſer geſund biß auff dieſen tag / nach dem wort Eliſa das er redet / 2. Reg. 2. ꝟ. 19. & ſeq. Diß iſt ein feines Bilde / wie die heilſame lehre des worts Gottes alles geſund mache.
So dienet auch ſonſten das Saltz zur artzney. Es ruͤh -Die 3. nutz - barkeit. men traun die Medici den Spiritum ſalis treflich / was er vor eine vber aus koͤſtliche artzney ſey / in vielen kranckheiten zugebrauchen. Alſo auch / das geiſtliche Saltz / die heylſame lehre trewer Lehrer iſt auch eine kraͤfftige artzney wider vielerley ſchaͤden vnnd gebrechen. Meine Seele ligt im ſtaube / erquicke mich nach deinem wort / ſaget David / Pſal. 119. ꝟ. 25. Jtem / Dein Wort erquicket mich / ꝟ. 50. Wo dein Geſetz nicht mein troſt geweſt were / ſo were ich vergangen in meinem elende / ꝟ. 92. alles in vor ange - zogenem Pſalme.
Vnd wer koͤnte doch den groſſen nutz des heiligen Pre - digampts nur erzelen / ich geſchweige denn / der gebuͤhr nach herauß ſtreichen?
Die gebuͤr vnnd pflicht trewer Lehrer vnndIII. Des predigampts gebuͤr vnnd pflicht. Prediger / deutet der Herr Jeſus Chriſtus mit dem gleich nuͤß vom Saltz genommen auch an.
Denn wie das Saltz beiſt: Alſo muͤſſen trewe Lehrer1. vnd Prediger das Geſetze ſcherffen / vnd nicht achten / wennB ijjhre[12]jhre ſtraff - vnd geſetz Predigten viel Leute beiſſen / wenn ſie es ſchmirtzt / das jhre Suͤnden offentlich geſtrafft werden / da hilfft nichts vor. Sie muͤſſen gleichwol getroſt ruffen / vnd nicht ſchonen / Eſa. 58. ꝟ[1]. Sie muͤſſen gleichwol an - halten / ſtraffen / drewen / vnd ermahnen / 2. Tim. 4. ꝟ. 2.
2.Darnach / wie das Saltz der feulung wehret: Alſo trewe Lehrer vñ Prediger / ſollen nach allem jhrem vermoͤgen ſtew - ren vñ wehren / das jhre Zuhoͤrer nicht in Suͤnden vñ Schan - den erſauffen / darinnen verſtarren vnd verharren / vnnd gar verfaulen. Ach wie ſtincken manchen Menſchen ſeine Suͤn - denwunden / vnd eitern vor lauter torheit / Pſal. 38. ꝟ. 6. Da iſt traun Saltz von noͤten / da muß man nicht troͤſten / nicht entſchuldigen / viel weniger loben: Denn alſo wuͤrde man uͤbel aͤrger machen / vnd wuͤrde das boͤſe ſuͤndliche fleiſch gar vollend madig werden. Wie ſaltzet Paullus den Blutſchaͤn - der vnd andere Suͤnder ein / 1. Cor. 5. ꝟ. 1. & ſeq.
3.Aber wie gleichwol das Saltz mit groſſer moderation vnd beſcheidenheit muß gebrauchet werden / denn braucheſt du es meſſig vnd wol / ſo werden dadurch die ſpeiſen ſchmack - hafftig vnnd geſund / braucheſt du es vnmeſſig / ſo wird die ſpeiſe nicht allein vnſchmackhafftig vnd widerwertig / ſon - dern auch vngeſund. Alſo muß man nicht immer Geſetz pre - digen / nicht immer poltern vnd ſchrecken / Sondern man muß auch wider troͤſten / man muß auch wieder verbinden / die ſchmertzen lindern vnd heilen.
Wenn man einen der ſeine Suͤnde erkeñet / Pſal. 51. ꝟ. 5. deme ſeine Suͤnden vber ſein haupt gehen / vñ wie eine ſchwe - re laſt zu ſchwer werden wollen / Pſal. 38. ꝟ. 5. der ein geeng - ſtet vnd zuſchlagen hertz hat / Pſal. 51. ꝟ. 19. den des Herren hand druͤcket / vnd die pfeile Gottes fuͤhlet / Pſal. 38. ꝟ. 3. weñ man ſage ich einen ſolchen bußfertigen geengſten Suͤn - der / weiter wolte ſchrecken / verdammen vnd ſchelten / wuͤrde man jhn hirmit nicht zur verzweifelung bringen?
Als Loths weib hinter ſich ſahe / ward ſie[z]ur Salzſaͤ[u]le Geneſ. 19. ꝟ. 20. Alſo viel Prediger ſehen zuruͤck zancken[im]- mer / vnnd eifern offte ohne verſtand / das ſie d[r]uͤber gar[zu]Saltz -[13]Saltzſaͤule werden / ſind vol bitter gall / Act. 8. ꝟ. 23. haben bittern neid in jhrem hertzen / Iacobi 3. ꝟ. 14. vnnd vergeſſen druͤber der heylſamen weide vnd des nothwendigen troſtes. Zu falſcher lehre vnd aͤrgerlichem leben gar ſtille ſchweigen / heiſt zu tummen Saltze werden / vnd iſt das tumme Saltz zu nichts nuͤtze / denn das man es hinnauß ſchuͤtte / vnd laſſe es die Leute zutretten / ſaget Chriſtus / Matth. 5. ꝟ. 13. Aber doch muß es mit gebuͤrender beſcheidenheit geſchehen.
Nun von ſolcher gebuͤr vnd pflicht trewer Lehrer vndTranſitio. Prediger redet auch der Apoſtel Paullus in abgeleſenen wor - ten.
Wollen derowegen dieſes einige LehrPuͤnctlein vorPropoſitio. vns nehmen / Wie ſich trewe Lehrer vnd Prediger in jhrem Ampt verhalten ſollen. Helft mir ſeufzen aus dem 51. Pſalm ꝟ. 17. HERR thue meine lippen auff / das mein mund deinen ruhm verkuͤndige.
GElangende nun vnſern vorgenommenenTractatio. einigen Lehrpunct: Wie ſich trewe Lehrer vnd Prediger in jhrem ampt verhalten ſollen: So ſaget hievon der Apoſtel Paullus alſo:
Hat iemand weiſſagung / ſo ſey ſie dem glauben ehnlich: Hat iemand ein ampt / ſo warte er des ampts: Lehret iemand / ſo war - te er der lehre: Ermahnet iemand / ſo warte er des ermahnens.
Jn dieſen worten vermahnet der Apoſtel Paullus die imDispoſitio. Lehrſtande:
I. Membrum. Das nun I. die lehre dem glauben ehnlich ſein ſolle /Die weiſſa - gung ſol dem glauben ehn - lich ſein. davon ſaget der Apoſtel alſo: Hat iemand weiſſagung / ſo ſey ſie dem glauben ehnlich.
Alhie haben wir nun zubetrachten:
Erſtlich / Was weiſſagen?
Darnach auch: Was dem glauben ehnlich ſein heiſſe?
Denn es ſeind nicht allein im Alten / ſondern auch im Newen Teſtament geweſen Propheten / ſo von zukuͤnftigen dingen geweiſſaget haben / daher ſie deñ ſind genennet wor - den Weiſſager / Ierem. 29. ꝟ. 26. Seher / 1. Sam. 9. ꝟ. 9. Knechte Gottes / Eſa. 44. ꝟ. 26. Waͤnner Gottes / 1. Sam. 2. ꝟ. 27. Vnd zwar nicht allein Wahre vnd rechtſchaffene Propheten: Sondern auch Falſche / wie denn dieſelben ſich dieſer tittel auch angemaſt haben.
1. Wahre Propheten.Wahre vnd rechte Propheten im Alten Teſta - ment ſind geweſen: So von Gott ſelbſt ſind beruffen worden / vnd die weiſſagungen nicht aus menſchlichem wil - len herfuͤr bracht: Sondern als heilige maͤnner Gottes / ha - ben ſie geredet / getrieben von dem H. Geiſt / 2. Petri. 1. ꝟ. 21.
Vnd dieſe haben
Vnd gehoͤren hieher nicht allein neben Moſe vnd Samuel die 4 groſſe vnd 12 kleine Propheten / deren ſchrifften in der Bibel noch verhanden / ſondern auch andere / als Elias / Eli - ſæùs / vnd jhres gleichen / deren hin vnd wider in den buͤchern des Alten Teſtaments gedacht wird.
Dieſe ſind nun von dem ordentlichen Prieſterſtande /Vnterſcheid der Prophe - ten vnd Prie - ſter. welchen doch Gott der Herr ſelber eingeſetzet / vnterſchie - den geweſen. Denn
Vor eins / die Prieſter muſten alle aus dem Stam̃ Levi1. ſein / die Propheten aber / ſind nicht alle aus demſelben Stam̃ geweſen / ſondern es hat Gott auch aus andern ſtaͤmmen die - ſelben beruffen.
Darnach / die Prieſter muſten nicht allein beten vñ leh -2. ren / ſondern auch opfern: Da hergegen die Propheten / ſo nicht aus dem ſtam̃ Levi geweſen / nicht geopfert haben / auſ - ſer dem einigen Elia / der zwar auch nicht aus dem ſtam̃ Levi geweſen / vnd doch aus Gottes beſonderm eingeben / zu be - weiſen / das der Gott Iſraëlis der einige wahre Gott ſey / auch auſſer dehm von Gott zum opfer beſtimpten ortt geopfert hat. 1. Reg. 18. Auguſtinus ſaget: Ipſe legis-lator, cum aliquid contra ſuas leges jubet, mandatum ejus pro lege habendum est. Das iſt: Wenn Gott der Herr / der Geſetzgeber ſelber etwas wie - der ſein gegeben Geſetz ordnet / ſo ſol man ſeinen befehl vor ein gegeben Geſetz halten.
Weiter / die Prieſter hatten jhre ordentliche ſucceſſion /3. vñ zwar ſie muſten alle maͤnliches geſchlechts ſein. Die Pro - pheten aber hat vnſer lieber Herre Gott auch auſſer dieſer ordnung / vnnd zwar auch wohl weibliches geſchlechts ge - ſchickt / wie denn Iudicum 4. ꝟ 4. der Prophetin D[e]bora / vnd 2. Regum 22. ꝟ. 14. der Prophetin Hulda gedacht wird.
So kunten auch endlich nicht allein die Prieſter leicht4. irren / ſondern haben auch offters groͤblich geirret / wie viel exempel bezeugen. Die wahren Propheten aber / ob ſie wolals[16]als Menſchen auch irren konten / ſo konten ſie doch als Pro - pheten / ſo durch den Geiſt Gottes redeten / nicht irren.
11. Falſche Propheten.Falſche Propheten waren die: So das Volck Jn jhrem aberglauben ſtercketen / Jhnen bey jhren Suͤnden vnd boßheit gute zeit vnd tage verkuͤndigten / Vnd den wahren Propheten widerſprachen.
Von welchen der Prophet Ieremias 14. ꝟ. 13. klaget: Ach Herꝛ Herꝛ / die Propheten ſagen jhnen / jhr werdet kein ſchwert ſehen / vnd keine tewrung bey euch haben / ſondern ich wil euch guten frieden geben an dieſem ortt.
Der HErr ſprach zu mir / die Propheten weiſſagen falſch in meinem nahmen / ich habe ſie nicht geſand / vnd jhnen nicht befohlen / vnd nichts mit jhnen geredt / ſie predigen euch falſche geſichte / deutung / abgoͤtterey / vnd jhres hertzen triegerey. Darumb ſpricht der HErr:
Von den Propheten: Die in meinem nahmen weiſ - ſagen / ſo ich ſie doch nicht geſand habe / vnd ſie dennoch predigen / es werde kein ſchwert noch tewrung in diß land kom̃en: Solche Propheten ſollen ſterben durchs ſchwert vnd hunger.
Vnd das Volck dehme ſie weiſſagen / ſollen vom ſchwert vnd hunger auff den gaſſen zu Jeruſalem hin vnnd her liegen / das ſie niemand begraben wird / alſo auch jhre Weiber / Soͤhne vnnd Toͤchter / vnd wil jhre boßheit uͤber ſie ſchuͤtten.
Vnd alſo hats (wie geſaget) nicht allein im Alten / ſondern auch im Newen Teſtament wahre vnd falſche Propheten beyderley geſchlechts / ſo von Zukuͤnfftigen dingen weiſſagen.
Wahre vnd rechte: Als es wird Lucæ 2. ꝟ. 36. der Pro - phetin Hanna gedacht.
Actorum 11. ꝟ. 27. leſen wir: Als Paulus vnd Batnabas zu Antiochia gelehret / ſein Propheten von leruſalem gen Antiochia kommen / vnd einer vnter jhnen mit nahmenAgabus[17]Agabus ſtund auff / vnd deutet durch den Geiſt eine groſ - ſe tewrung / die da kommen ſolte uͤber den gantzen kreiß der erden / welche geſchach vnter dem Kaͤyſer Claudio.
Vnd Actorum 21. ꝟ. 10. leſen wir: Als Paullus vnd ſei - ne geferten von Mileto gen Cæſarien kommen / reiſete he - rab ein Prophet aus Iudęa / mit nahmen Agabus / der nam den guͤrttel Paulli / vnd band ſeine haͤnde vnd fuͤſſe / vnd ſprach / das ſaget der heilige Geiſt / den Mann / des der guͤrtel iſt / werden die Juden alſo binden zu Jeruſalem / vnd vberantworten in der Heyden haͤnde.
Vor den falſchen Propheten im Newen Teſtament / warnet vns der Herr Chriſtus trewlich / wenn er ſpricht: Matth. 7. ꝟ. 15. Sehet euch fuͤr vor den falſchen Prophe - ten / die in Schafskleidern zu euch kommen / inwendig aber ſind ſie reiſſende Woͤlffe / an jhren fruͤchten ſolt jhr ſie erkennen.
Vnd Matthæi 24. ꝟ. 11. Es werden ſich viel falſcher Propheten erheben / vnd werden viel verfuͤhren. Vnd ꝟ. 24. Es werden falſche Chriſti / vnd falſche Propheten aufferſtehen / vnd groſſe zeichen vnd wunder thun / das verfuͤhret werden in den irrthumb (wo es muͤglich we - re) auch die außerwehlten. Sihe / ich habe es euch zuvor geſaget.
Zum Andern / ſo heiſſet weiſſagen auch der Prophe - ten Schrifften außlegen / vnd erkleren / vnd aus denſelbi - gen den willen Gottes verkuͤndigen. Davon ſaget der A - poſtel Paullus / 1. Cor. 14. ꝟ. 3. Wer weiſſaget / der redet den Menſchen zur beſſerung / zur ermahnung / vnd zur troͤ - ſtung.
Vnd Epheſ. 4. ꝟ. 8. Chriſtus iſt aufgefahren in die hoͤ - he / vnd hat das gefengnuͤß gefangen gefuͤhret / vnd hat den Menſchen gaben gegeben / vñ er hat etliche zu Apo - ſteln geſezt / etliche aber zu Propheten / etliche zu Euan - geliſten / etliche zu Hirten vnd Lehrern.
C1. Cor. [18]1. Cor. 14. ꝟ. 1. Fleiſſiget euch der geiſtlichen gaben / am meiſten aber das jhr weiſſagen moͤget.
Da deñ der Apoſtel vnter dem woͤrtlein weiſſagen ver - ſtehet die Heilige Schrifft außlegen / vnd aus der den willen Gottes verkuͤndigen. Alſo nun / vnd in dem verſtande wird auch das woͤrtlein weiſſagen in vnſerm abgeleſenen ſpruͤch - lein gebrauchet.
Vnd vermahnet der Apoſtel Paullus alle Lehrer vnnd Prediger / das ſie wohl zuſehen ſollen / wenn ſie die ſchrifften der Propheten vnd Apoſteln außlegen vnd erkleren / das ſol - che erklerung dem glauben ehnlich ſey.
11. Was dem glauben ehn - lich ſein heiſ - ſe?Darumb denn nun vors Ander gefraget wird: Was heiſſet dem Glauben ehnlich ſein?
Antwort: Dem Glauben ehnlich ſein / heiſſet mit den Artickeln vnſers Chriſtlichen glaubens / mit GOttes wort / mit den predigten des Herren Chriſti / vñ den ſchriff - ten der Apoſteln vberein ſtimmen / vnd denſelben nicht zu wider ſein.
Denn zu gleicher weiſe wie die Schifleute / ſo in etlichen tagen / wochen oder monaten kein land oder erde / ſondern nichts als den himmel vnnd waſſer ſehen / ſich nach jhrem Compas richten muͤſſen.
Vnd wie die Goldſchmiede jhren Probierſtein haben / daran ſie Gold vnd Silber pruͤfen.
Alſo auch der Lehrer vnd Prediger Compas vnd Pro - birſtein ſol ſein das wort Gottes.
Man hat genung an Gottes wort / Wenn man recht lehren wil / ſaget Syrach 34 ꝟ. 8. So iemand redet / das ers rede als Gottes wort / ſaget Petrus in ſeiner 1. Epiſtel im 4. cap. ꝟ. 11.
Uſus. Diß dienet nun nicht allein vor Lehrer / ſondern auch vor Zuhoͤrer.
1. Vorleh - rer.Vor Lehrer / das ſie dieſer vermahnung des heyligen Apoſtels folgen / Gottes wort predigen / nichts dazu oderdavon[19]davon thun / Deut. 4. ꝟ. 12. Denn die lippen der Prieſter ſol - len die lehre bewahren / Malach. 2. ꝟ. 7. vnd ſollen nichts re - den auſſer deme das die Propheten geſaget haben / Act.[2]6. ꝟ. 22. Alſo predigte Paullus von Jeſu aus dem geſetz Moſis vnd aus den Propheten / von fruͤe morgens an biß auff den abend / Act. 28. ꝟ. 23. Dieſe art zu predigen fuͤhrete auch Stephanus / Actor. 6. v. 7.
Vor Zuhoͤrer dienet dieſes: Das ſie folgen der vermah -2. Vor zu - hoͤrer. nung des Herren Chriſti / Matth. 7. ꝟ. 15. Sehet euch fuͤr vor den falſchen Propheten / die in Schafskleidern zu euch kommen / inwendig aber ſind ſie reiſſende Wolffe / vnd nach der warnung des heiligen Apoſtels vnd Evange - liſten Iohannis 1. Ioh. 4. ꝟ. 1. nicht einem ieglichen geiſt glau - ben / ſondern die geiſter pruͤfen ob ſie von Gott ſein: weil viel falſcher Propheten außgegangen ſind in die welt. Daran aber / ſpricht er ferner / ſolt jhr den Geiſt Gottes erkennen / ein ieglicher geiſt / der da bekeñet / das Jeſus Chriſtus iſt in das fleiſch kommen / der iſt von Gott / vnd ein ieglicher geiſt / der da nicht bekennet das Jeſus Chriſtus iſt in das fleiſch kommen / der iſt nicht von Gott.
Sie ſollen jhm thun wie die zu Berrhoën / die forſcheten taͤglich in der Schrifft / ob ſichs alſo hielte / wie die Apoſteln predigten / Actor. 17. ꝟ. 11.
Wenn einer gold oder geld einnehmen ſol / ſo ſihet er ſich gar wohl vor / das er bey der ietzigen ohne das betriglichen Welt damit nicht betrogen werde: wie viel mehr ſol ein ie - der / deme ſeiner Seelen Seligkeit lieb iſt / ſich in dieſem fall vorſehen?
Dieſer vermahnung des Heiligen ApoſtelsApplicatio hujus mem - bei. Paulli / hat nu auch mit allem fleiß gefolget / der Ehrwuͤr - dige Achtbare vnd Wohlgelahrte Herr Abrahamus Frisius ſo wohl in ſeinen Predigten / als in ſeinen Schriff - ten.
C ijDenn[20]Denn da hat er nicht allein an Sonn - vnd Feſt-tagen die gewoͤnlichen Evangelia nach der regel vnd richtſchnur des glaubens fleiſſig außgeleget / Schrifft durch ſchrifft er - klaͤret / Sondern auch in Wochenpredigten den Pſalter Da - vids ſehr fleiſſig tractiret / alſo das viel hochgelahrte leute ne - ben dem gemeinen mann ſich daruͤber verwundert / vnd jhn mit beſonderer luſt vñ anmuttigkeit / auch groſſem nutz vnd frucht gehoͤret. Vnnd iſt immer ſchade / das er denſelben nicht abſolviren vnd zu ende bringen koͤnnen. Er wuſte das wort der warheit recht zu teilen / 2. Tim. 2. ꝟ. 15. Seine Schrifften hat er auch nach Gottes wort gerichtet / dennScripta pu - blica. da liegen am tage ſeine Scripta Chronologica, ex evidenti ac ſolo ſolido Sacrarum literarum calculo deſumpta. Es ſind auch in vie - ler leute haͤnden viel vnterſchiedene Geiſtreiche Leichpre - digten / ſo in vnterſchiedenen Jahren ans licht kommen / vnd gedruckt worden / da in den meiſten faſt lauter Schrifft iſt.
II. Zum Andern / vermahnet der Apoſtel Paullus die Lehrer vnd Vorſteher der kirchen zum fleiß / den ſie in jhrem ampt anwenden ſollen: Davon ſaget er in abgeleſe - nen worten:
‘Hat iemand ein ampt / ſo warte er des ampts. ’ ()Wie nun dieſe vermahnung auff alle beampteten / ſie ha - ben auch aͤmpter wie ſie immer wollen oder koͤnnen / kan ge - zogen werden / alſo gehet ſie freilich auch an die jenigen ſo im Lehrampt ſind. Denn ſie haben ein ſchweres ampt /
Schwer iſt die verrichtung. Schwer iſt auch die verantwortung. Die verrichtung iſt ſchwer. Denn Sie ſind haußhalter vber Gotteß geheimnuͤß. 1. Cor. 4. ꝟ. 1.
Sie ſind hirten / nicht des vnvernuͤnfftigen viehes / ſondern der ſchafe vñ der herde des Herren. So nun das vn -ver -[21]vernuͤnfftige[v]iehe huͤten / vnd zwar wolhuͤten / muͤhſam vñ ſchwer iſt / dehm man doch eins teils zaͤume vnd gebieß ins maul legen vnd ſie zwingen kan / Pſal. 32. ꝟ. 9. Alſo iſts viel ſchwerer der menſchen huͤten / denn die laſſen ſich nicht ger - ne den Geiſt Gottes ſtraffen / deñ ſie ſind fleiſch / Geneſ 6. ꝟ. 3. Vnd dazu gehoͤret nun / das man die ſchafe des HErrn nicht allein
Nehre / mit geſunder weide des Goͤttlichen worts / ſon - dern auch
Wehre / Wie
Falſcher lehre vnd lehrern / ſo in ſchaffskleidern kommen / aber inwendig reiſſende wolffe ſind / Matth. 7. ꝟ. 15.
Alſo auch
Ergerlichem vnd boͤſen weſe〈…〉〈…〉 nd leben. Die Suͤnde ſollen ſie ſtraffen / die iederman ſo gerne thut.
Zu ſolchem ſtraffampt gehoͤret nun groſſe moderation vnd beſcheidenheit / das man nicht heuchele / vñ auch gleich - wol nicht die knechte vnd maͤgde des HErren ſchlage / Lucæ 12. ꝟ. 45. vnd ſol ein knecht des herren nicht zenckiſch ſein / 2. Tim. 2. ꝟ. 24. Da muß nun ein trewer hirte
1. Nicht heuchlen / nicht den leuten kuͤſſen vnter die ar - me vnd pfuͤle zu den haͤupten machen / Ezech. 13. ꝟ. 18 / nicht ein ſtummer hund ſein / Eſa. 56. ꝟ. 10 / nicht wie ein rohr das der wind hin vnd her wehet / Matth. 11. ꝟ. 7 / nicht am frem - den joch mit den vnglaͤubigen ziehen / 2. Cor 6. ꝟ. 14. denn der das thete / were nicht ein moderatus oder beſcheidener / ſondern immoderatus vnd vnbeſcheidener Theologus.
2. Gleichwol aber / wie man nicht immer den ſtab ſanfte brauchen muß / alſo muß man auch nicht immerdar nur den ſtab wehe gebrauchen / Zach. 11. ꝟ. 8. Sondern als ein gut - ter haußhalter muß er zur rechten zeit newes vnd altes aus ſeinem ſchatz herfaͤr tragen / Matth. 13. ꝟ. 52. Paullus ſaget / 2. Timoth. 4. ꝟ. 2. Predige das wort / halt an / es ſey zur rech - ten zeit oder zur vnzeit / ſtraffe / drewe / ermahne / (aber NB es ſtehet dabey) mit aller gedult vnd lehre / ἐν ϖάσῃ μακροθυμίᾳ ſtehet im Grichiſchen text / das iſt mit aller langmuͤttigkeitC iijoder[22]oder beſcheidenheit. Allein liebet warheit vñ friede / ſpricht Gott der Herr / Zach. 8. ꝟ. 19. Man muß neben der warheit des friedes nicht vergeſſen / es ſtehet beides beyſammen. Rom. 12. ꝟ. 18. ſpricht Paullus / iſts muͤglich / ſo viel an euch iſt / ſo habt mit allen menſchen friede.
Weiter. Lehrer vnd Prediger ſind Ackerleute: wir ſind / ſpricht Paullus 1. Cor. 3. ꝟ. 9. Gottes mitarbeiter / jhr ſeid Gottes Ackerwerck. So nun das leibliche Ackerwerck ſchwer iſt / wenn man mit dem pfluge den acker zerſchneiden / die furchen lang zihen / den Samen ſeen / vnd zuegen ſol: So iſt viel ſchwerer vnd muͤhſamer / ja auch gefehrlicher durch die geſetzpredigt die hertzen der Menſchenkinder pfluͤgen vnd zerſchneiden / das ſie tuͤchtig werden / den edlen ſamen Goͤttliches worttes zu empfahen / vnd wohl vnd fruchtbar zu empfahen. Denn ob leibliche aͤcker zwar teils hart vnd ſteinig / dornicht vñ zertreten oder gebaͤhnet / Lucæ 8. ſo weh - ren vnd ſtreuben ſie ſich doch nicht: Die menſchen aber ha - ben nicht allein hertzen / ſo gebaͤhnet / ſteinharte vñ vol ſtach - lichter diſteln vnd dornen ſind / ſondern ſie wehren ſich auch wohl. Vnd meine liebſten / wo wolte ich anheben / ja wenn vnd wo ſolte ich auffhoͤren / ſo ich die ſchwere muͤhe / ſorge vñ gefahr des predigampts alle erzehlen ſolte?
Jſt nun die verrichtung des Predigampts ſchwer / ſo iſt warlich die verantwortung nicht weniger / ſondern wohl noch viel mehr ſchwer.
Iacob der Ertzvater ſaget / Geneſ. 31. ꝟ. 39. von ſeiner ſchweren verrichtung vnd ſchweren verantwortung: Was die thiere zuriſſen / brachte ich dir nicht / ich muſte es bezalen / du foderſt es von meiner hand / es were mir des tages oder des nachts geſtolen. Des tages verſchmachtete ich vor hi - tze / vnd des nachts vor froſt / vnd kam kein ſchlaff in meine augen.
Aber das iſt wie lauter kinderſpiel / vnd wie nichts ge - gen der verantwortung der geiſtlichen hirtten / ſintemal der HErr der verwarloſeten Zuhoͤrer blut / von jhrer hirten haͤn - den fodern wil. Wie Gott der HErr ſaget / Ezech. 33. ꝟ. 2. &ſeq. [23]ſeq. Du menſchen kind / predige wider dein volck / vnnd ſprich zu jhnen: Wenn ich ein ſchwert vber das land fuͤhren wuͤrde / vñ das volck im lande nehme einen mañ vnter jhnen / vnd machten jhn zu jhrem waͤchter / vnd er ſehe das ſchwert kommen vber das land / vnd bliſſe die trommeten / vñ warnete das volck. Wer nun der trom - meten hall hoͤret / vnd wolte ſich nicht warnen laſſen / vnd das ſchwert keme vnd neme jhn weg / deſſelben blut ſey auff ſeinem kopf / denn er hat der trommeten hall ge - hoͤret / vñ hat ſich dennoch nicht warnen laſſen / darumb ſey ſein blut auff jhm. Wer ſich aber warnen leſt / der wird ſein leben davon bringen.
Wo aber der waͤchter ſehe das ſchwert kommen / vnd die trommeten nicht bliſſe / noch ſein volck warnete / vnd das ſchwert keme vnd nehme etliche weg / dieſelben wuͤrden wohl vmb jhrer Suͤnden willen weg genom - men / aber jhr blut wil ich von des waͤchters hand fo - dern.
Vnd nun du menſchen kind / ich habe dich zu einem waͤchter geſetzet / vber das hauß Jſrael / wenn du etwas aus meinem munde hoͤreſt / das du ſie von meinet wegen warnen ſolſt: Wenn ich nun zu dem gottloſen ſage: Du gottloſer muſt des todes ſterben / vnd du ſageſt jhme ſol - ches nicht / das ſich der gottloſe warnen laſſe fuͤr ſeinem weſen / ſo wird wol der gottloſe vmb ſeines gottloſen weſens willen ſterben / aber ſein blut wil ich von deiner hand fodern. Warneſt du aber den gottloſen fuͤr ſei - nem weſen / das er ſich davon bekere / vnd er ſich nicht wil von ſeinem weſen bekeren / ſo wird er vmb ſeiner ſuͤn - den willen ſterben / vnd du haſt deine Seele etrettet.
Wie nun der Prophet Ezechiel zum waͤchter iſt geſetzet worden: Alſo auch traun alle Lehrer vnd Prediger / vnnd haben alſo auch eine ſchwere verantwortung auff ſich. De - rowegen / ſo haben ſie wol vrſach / ſich vor faulheit vnd vor - witz zuhuͤten. Denn
Von[24]Von der faulheit ſtehet der fluch / Ierem. 48. ꝟ. 10. Ver - flucht ſey wer des HErren werck nachleſſig thut.
Vom vorwitz ſtehet eine vermahnung / Syr. 3. ꝟ. 24. Was Gott dir befohlen hat / des nim dich ſtets an / deñ es frommet dir nicht / das du gaffeſt nach dem / das dir nicht befohlen iſt / vnd was deines ampts nicht iſt / da laß deinen vorwitz / denn dir iſt vor mehr befohlen / we - der du kanſt außrichten.
Vnd der Apoſtel Paullus / 2. Tim. 2. ꝟ. 4. brauchet ein ſchoͤn gleichnuͤß vnd ſpricht: Kein Kriegßman flicht ſich in die hendel der nahrung / auff das er gefalle dehm der jhn angenommen hat. Alſo traun auch Lehrer vnd Pre - diger / ſollen ſich in frembde hendel nicht eindringen.
Uſus. Dieſes dienet nun abermals nicht allein vor Leh - rer / ſondern auch vor Zuhoͤrer.
1 Vor die Lehrer: Das ſie dieſer vermahnung nach / acht haben auff ſich ſelbſt / vnd auff die gemeine vber welche ſie der heilige Geiſt zu Biſchoffen geſetzt hat zu weiden die gemeine Gottes / Actor. 20. ꝟ. 28. das ſie ein vorbilde ſein den glaͤubigen im wort / im wandel / in der liebe vnd im Geiſt. 1. Tim. 4. ꝟ. 12. & 13. das ſie ſich darſtellen zum vorbilde gu - ter wercke mit vnverfelſchter lehre / mit heylſamen vntade - lichem worte / Tit. 2. ꝟ. 8. auff das der widerwertige ſich ſcheme / vnd nicht habe / das er von vns moͤge boͤſes ſagen.
Ach was werden doch am juͤngſten tage die nachleſſi - gen Lehrer / die nur vmb des genieſſes vnd gewins willen predigen / dehnen jhr ampt kein ernſt iſt / dem Herren Jeſu Chriſto / dem oberſten Hirten vnd Biſchoff der Seelen / 1. Petri 2. ꝟ. 25. antworten? Wenn er wird fragen vnd ſagen: Thue rechnung von deinem haußhalten / Lucæ 16. ꝟ. 2. Wenn er wird ſagen: Was haſtu meine rechte verkuͤndi - get vnd meinen bund in deinen mund genommen / ſo du doch zucht gehaſſet / vnd alle meine worte hinter dich geworffen? Wenn du einen dieb geſehen / ſo biſt du mitjhm[25]jhm gelauffen / vnd haſt gemeinſchafft gehabt mit den Ehbrechern Dein maul haſtu laſſen boͤſes reden / vnd deine zunge falſchheit treiben / Pſal. 50. ꝟ. 16. & ſeq.
Ach wie ſchwer / wie ſchwer / wie ſchwer wirds jhnen werden! wie wird es gehen nach dem Chriſtlichen geſange:
Denn werden jhr viel ſagen: O HErr haben wir dochMatth. 7. v. 22. Jn deim nahmen propheceit / vnd hoch gelobt dein joch / Dazu teuffel außgetrieben / vnd zeichen gethon / Sey vns doch genedig / vnd gieb vns beſſern lohn. Vnd er * wird jhn antworten / Ach ich kenn ewer nicht /* Jeſus Chri - ſtus nemlich Hebt euch weg jhr vbeltheter von meim angeſicht / Die jhr ander habt gelehrt / vnd ſelber nicht gethon / Euch damit verdammet: So habt nu ewren lohn. O groſſe pein iſt den bereit / Die hie Gottes warheit Schenden durch jhre boßheit.
2. Vor die Zuhoͤrer dienet dieſe lehre / das ſie ſich den Geiſt Gottes auch ſtraffen laſſen / Geneſ. 6. ꝟ. 3. Jhren lehrern gehorchen / die da vber jhre Seelen wachen / als die rechen - ſchaft davon geben ſollen / auff das ſie das mit freuden thun / vnd nicht mit ſeufzen / denn das iſt jhnen nicht gut / Hebr. 13. ꝟ. 17. Denn die ſchwere verantwortung machts / das ſie in jhrem ampt offt ſcherffer ſein muͤſſen / als mancher gerne hat.
Ein ſolcher trewer vñ fleiſſiger knecht des HErrenApplicatio. iſt nun vnſer Herr Frisius in ſeinem ampt geweſen. Es wird jhme wohl keiner der jhn recht gekennet / vnd ſeine eifrige predigten offt gehoͤret / mit warheit nachſagen koͤn - nen / das er ein heuchler geweſen. Er war nicht allein ſelber kein newling / 1. Tim. 3. ꝟ. 6. ſondern widerſatzte ſich auch mit groſſem eifer vnnoͤtigen newrungen. Vnd wie er allen alten vnd newen ketzereien von hertzen feind war / alſo hat er auch ſeine Zuhoͤrer trewlich davor gewarnet. Mit hertzen vnd munde bekante er ſich zu der Augſpurgiſchen ConfeſſionDvnd[26]vnd deroſelben Apologia, &c. Anno 1630. Kaͤyſer Carolo V. vbergeben.
Mein Gott wie eiferte der mann vber den vberheuften laſtern vnd ſuͤnden / ſo bey ietziger neige vnd grundſuppe der Welt ohne rew vñ ſchew getrieben werden / daruͤber er denn nicht allein ſchel angeſehen / ſondern auch geleſtert worden.
Wie drang doch der ſeelige mann darauff / das wir ſol - ten theter des worts vñ nicht hoͤrer allein ſein / Iacobi 1. ꝟ. 23. Vnd zwar / die Welt bedarff ietz gar noͤtig ſolcher eyfriger Prediger / ſintemal doch an den meiſten ſo ſich Chriſten nen - nen / nichts Chriſtliches iſt / als das loſe maul / vñ dazu kaum halb / denn eben mit dem maule damit ſie ſagen / ich gleube / ich bin ein Chriſt / fluchen vnd leſtern ſie alsbalde wider / vnd ſchenden Gott vnd ſeine element / Chriſtum vnd ſeine wun - den / leiden / marter vnd Sacrament. Jſt denn nun bey ſol - chen leuten nicht das maul nur halb / vnd zwar gar kaum Chriſtlich? ſonſten iſt keine liebe / keine trew / kein gut Chriſt - lich werck vnd kein beweiß des glaubens vnd Chriſtentums zu ſpuͤren. Dawider nun eiferte der trewe mann / vnd doch alles mit gebuͤrlicher moderation vnd beſcheidenheit / das er dabey der Evangeliſchen Troſtpredigten keines weges ver - gaß. Denn mein Gott wie konte der mann ſo kreftige troſt - predigten thun / das manches betruͤbtes vnd geengſtigtes hertz vor lauter freuden druͤber gethrenet / vñ jhrer viel jhme deſſen mit gutem gewiſſen zeugnuͤß geben.
III. Zum dritten vermahnet der Apoſtel Paullus alle Lehrer vnd Prediger / das ſie mit der vnterrichtung trewlich vmbgehen ſollen:
Jn dieſen worten teilet der Apoſtel Paullus die vnter - richtung in 2. theil / Als
1. Jn[27]Nach der art der Zuhoͤrer / ſo ſich gemeiniglich finden: denn da ſind
Wiſſende vnd
Vnwiſſende zuhoͤrer. Darumb ſo ſaget er
Von den vnwiſſenden / man ſol bey jhnen der lehre wartẽ:
Von den wiſſenden / ſaget er / man ſolle ſie ermahnen.
Zu beklagen iſt es wohl / das bey dem hellen liechte des heiligen Evangelij / da das wort Chriſti ſo reichlich vnter vns wohnet / Coloſ. 3. ꝟ. 16. vnd Gott ſein wort mit groſſen ſcharen Evangeliſten gegeben / Pſal. 68. ꝟ. 12. gleich - wol noch ſo ſehr viel vnwiſſende ſein / wie ich leider in mei - nem ampte / nicht allein mit groſſer verwunderung / ſondern auch mit ſchmertzen erfaren muß / denen muß man nun als jungen kindern milch geben / 1. Cor. 3. ꝟ. 2. Hebr. 5. ꝟ. 13. & 14. das iſt / man muß es jhnen fein deutlich vnnd verſtendlich ſagen.
Vnd da ſollen denn die gelehrten / die es vorhin wiſſen /
Solche einfeltige vnterrichtungen vnd lehrpredigten den einfeltigen vnd vnwiſſenden nicht mißgoͤnnen.
Vnd vmb ſolcher einfeltigen predigten willen die pre - diger als die ſich in jhre Zuhoͤrer ſchicken muͤſſen / nicht ver - achten.
Der Herre Jeſus vergleichet ſich Lucæ 15. ꝟ. 4. & ſeq. einem hirten der neun vñ neunzig ſchafe in der wuͤſten leſſet / vnd hingehet nach dem verlornen / biß das ers finde: Wo - rumb wolte man ſich deñ ſo vielen irrenden vñ vnwiſſenden nicht bequemen?
Die vnwiſſenden ſollen ſich auch deſto fleiſſiger bey ſolchen lehrpredigten einſtellen / denn es koͤmpt doch der glaube aus der predigt / die predigt aber durchs wort Got - tes / Rom. 10. ꝟ. 17. Da ſollen ſie
Sonderlich die feyertage / die dazu von Gott dem Her - ren geheyliget vñ außgeſondert ſind dazu anwenden / das ſie
D ijNicht[28]Nicht allein in den kirchen den lehrern fleiſſig zu hoͤren /
Sondern auch zu gleicher weiſe / wie die reinen tiehre widerkewen / alſo wenn ſie aus der kirchen kommen / nicht mit faullentzen / ſpatziren gehen / oder auch wol ſauffen vnd ſpielen / ſchelten vñ fluchen den feyertag vollend zubringen / wie denn jhrer viel wenn ſie aus der kirchen gehen / vnter wegs nicht mit einander reden / was ſie gehoͤret vñ gelernet haben / ſondern wo das beſte bier ſey. Ach nein meine liebſten / das heiſt nicht den feyertag heyligen / ſondern entheyligen: ſondern widerkewen oder widerholen ſol man das / was man in der kirchen gehoͤret vnd gelernet hat.
Darnach ſollen ſolche einfeltige / vnwiſſende oder we - nig wiſſende leute vñ zuhoͤrer jhnen ja die ſorgen der narung nicht lieber ſein laſſen als das wort Gottes / ſondern viel mehr der trewhertzigen vermahnung des Sohnes Gottes Jeſu Chriſti folgen / Matth. 6. ꝟ. 33. Trachtet am erſten nach dem reich Gottes vnd nach ſeiner gerechtigkeit / ſo wird euch das ander alles zufallen. Ach das man doch dem Herren Jeſu Chriſto folgete / ja wenn man doch ſeiner verheiſchung gleubete! Da er ſaget / ſo wird euch das an - der alles zufallen. Vnd wie koͤmpts doch immermehr / das dem treweſten Herren Jeſu / in dieſem fall von vielen ſo wenig getrawet vnd geglaubet wird? Er iſt ja die War - heit ſelber / Iohan. 14. ꝟ. 5. Es iſt ja kein betrug in ſeinem munde geweſt / Eſa. 53. ꝟ. 9. Was er zuſaget das helt er ge - wiß / Pſal. 33. ꝟ. 4.
Vnd dazu ſolten auch Obrigkeiten / Herren vnd Fraw - en / Eltern vnd Lehrmeiſter jhren Vnterthanen / Kindern vnd Geſinde nicht allein mit guten exempeln vorgehen / ſie davon nicht abhalten / wie leider bißher alzu viel geſchehen / vnd noch geſchicht / ſondern vielmehr anhalten vermahnen vnd treiben.
Es dienet diß auch vor Lehrer / das ſie zuvor ſelbeſt lernen ehe ſie andere lehren wollen. Deñ wer ein Biſchofsampt[29]ampt begehret / der begehret ein koͤſtlich werck / ſpricht Paullus / 1. Tim. 3. ꝟ. 1.
Quodꝙ́ parum novit, nemo docere potest, ſaget der Poet. Das iſt:Was einer ſelbſt nicht kan / auch wohl gar nicht verſtehen /Wie ſol er weiſen an / andere darnach zugehen?
Vnd das ſol nicht allein geſchehen
‘Jn der jugend / Wer ſich drauff geben ſol / ſpricht Sy - rach 39. ꝟ. 1. daß er das geſetz des hoͤchſten lerne / der muß die weißheit aller alten erforſchen / vnd in den prophe - ten ſtudiren. Er muß die geſchichte der beruͤmpten lente mercken / vnd denſelben nachdencken / was ſie bedeuten vnd lehren. Er muß die geiſtlichen ſpruͤche lernen / vnd in den tieffen reden ſich uͤben. ’ ()Man muſte im alten teſtament vnſerm lieben Herren Gott außſondern vnd opfern alles was die mutter brach / vnd die erſte geburt vnterm viehe das ein maͤnlein war / die erſte geburth aber der eſel / muſte man entweder mit einem ſchaff loͤſen / oder aber jhnen das genicke brechen / Exodi 13. ꝟ. 12. & 13. Jſt ein fein bilde / wie vnſer lieber Herre Gott in ſeiner kirche zu dienern vnd haußhaltern vber ſeine geheim - nuͤß nicht wil eſel / das iſt vngeſchickte toͤlpel haben / ſo nichts gelernet haben.
Vnd zwar nicht allein in der jugend ſollen lehrer vnnd prediger ſtudiren / ſondern allezeit / vnnd ſo offte ſie lehren wollen oder ſollen. Sie muͤſſen anhalten mit leſen / 1. Tim. 4. ꝟ. 13. auff das ſie koͤnnen das wort der warheit recht teilen / 2. Tim. 2. ꝟ. 24. ſollen nicht imparati vnd vnbereitet aufftre - ten / vnd wie man ſaget / die predigt aus dem ermel ſchuͤtteln / denn das leſt ſich nicht verantworten.
Was nun ferner die wiſſenden zuhoͤrer betreffen thut: So hats auch Gott lob leute
So die lehre ſo wohl als die prediger verſtehen.
Des HErren willen auch wohl wiſſen / Lucæ 12. ꝟ. 47.
D iijAber[30]Aber gleichwol bedoͤrffen ſie des vnterrichts / nemlich das ſie ermahnet werden: Denn man kan doch von den itzi - gen zeitten in warheit gar wohl ſagen / das bey vielen leuten ſey: Scientiæ multum, conſcientiæ parum / viel wiſſen / aber wenig gewiſſen. Hilff reicher Gott vom himmel / wie viel gibt es heutiges tages knechte / die des herren willen wohl wiſſen / aber ſich nicht bereiten darnach zu thun / Liscæ 12. ꝟ. 41. Wie viel bleſet das wiſſen auff? Aber die liebe beſſert / 1. Cor. 8. ꝟ. 2. Gottes wort haben / wiſſen vnd verſtehen / aber nicht darnach leben / iſt nicht das rechte Chriſtenthumb.
Darumb ſo ſollen nu trewe lehrer vñ prediger ſolche er - mahnen / daß ſie die gnade Gottes nicht vergeblich empfa - hen / 2. Cor. 6. ꝟ. 1. ſondern in allen dingen ſich beweiſen als die diener Gottes / in groſſer geduld / in truͤbſaln / in noͤthen / in engſten / in ſchlegen / in gefengniſſen / in auffruͤhren / in ar - beit / in wachen / in faſten / in keuſcheit / in erkentniß / in lang - mut / in freundligkeit / in dem heyligen Geiſt / in vngeferbter liebe / in dem wort der warheit / in der krafft Gottes / durch waffen der gerechtigkeit zur rechten vnd zur lincken / 1. Cor. 6. ꝟ. 4. & ſeq. Das ſie wandeln wuͤrdiglich dem HErren zu allem gefallen / vnnd fruchtbar ſein in allen guten wercken / Coloſ. 1. ꝟ. 10. Das ſie jhr licht leuchten laſſen vor den leuten / das ſie jhre gute wercke ſehen vnd Gott im himmel preiſen / Matth. 5. ꝟ. 16.
Vnd ſolche vermahnung ſol nun mit allem ernſt geſche - hen / vnd zwar nicht allein mit worten vnd in der predigt / ſondern auch mit der that vnd in dem gantzen leben / vñ das nicht allein in gutten / ſondern auch in boͤſen tagen. Sie ſollen nach der vermahnung des heyligen Apoſtels Paulli / 1. Tim. 4. ꝟ. 12. ein vorbilde der gleubigen ſein / vnd nach d[e]ſ - ſelben exempel 1. Cor. 9. ꝟ. 27. jhren leib beteuben vñ zehmen / das ſie nicht andern predigen vñ ſelbſt verwerflich werden. Sie ſollen ſich alſo verhalten / das ſie mit guttem gewiſſen ſagen koͤnnen: Sehet auff die / die alſo wandlen / wie jhr vns habt zum fuͤrbilde / Philip. 3. ꝟ. 17. Item ſeid meine nachfol - ger gleich wie ich Chriſti / 1. Cor. 4. ꝟ. 16. vnd 1. Cor. 11. ꝟ. 1. denn[31]denn ſonſt ſeind ſie wie ein doͤnend ertzt oder klingende ſchel - le / 1. Cor. 13. ꝟ. 1. Sie ſeind wie die glocken / ſo andern zur kir - chen leuten vnd ſie beruffen / aber ſelber nicht hienein kom - men. Sie ſeind wie die bildſtoͤcke / ſo an den ſcheide wegen ſtehen / vnd weiſen welches die rechte landſtraſſe ſey vor den andern ſo nur auff die aͤcker gehen / vnd gehen doch dieſelbi - ge ſelber nicht / ſondern bleiben immer ſtehen. Sie reiſſen mit jhrem ergerlichen leben ſelber wider nider / was ſie mit der lehre gebawet haben. Sie ſeind jhren Zuhoͤrern erger - lich / Sie verdammen ſich mit jhrem eigenen munde.
Es ward einsmals Roberto Licienſi einem wolbegab -Eraſmus de ratione con - cionandi pag. 609. ten vnd beredten Prediger / aber boͤſes vñ ergerlichen lebens in einem Convivio von einem vornehmen frommen manne auffgeruͤckt: Seine predigten ſchafften ſchlechten from̃en / weil ſie jhme nicht von hertzen gingen / vnnd er ſelber nicht thete / wozu er andere vermahnete. Solches von ſich ab - zulehnen / antwortet er / er koͤnte ſeine zuhoͤrer ſo offt er wolte zum weinen bewegen. Was? ſagte der fromme mann: zum weinen bewegen? etwa vielleicht kinder / oder alte einfeltige muͤtterlein / mich wol nicht. Robertus ſchlug eine wette an / er ſolte in ſeine nechſte predigt kommen / vñ jhme gegen vber ins geſichte ſitzen / das er jhn ſehen koͤntte / wuͤrde er als denn nicht auch jhn ſelber dahin bringen / das er weinen muͤſſe / ſo wolte er verloren haben. Was geſchicht? der fromme mañ koͤmpt in die predigt / der prediger helt ſeinen zuhoͤrern fleiſ - ſig vnnd mit vielen worten vor / die groſſe vnaußſprechliche liebe vnd barmhertzigkeit Gottes gegen vns / vnd ſeine viel - faltige wolthaten / damit er vns gerne zur gegen liebe reitzen vnd bewegen wolte. Dagegen wuſte er auch jhnen mit ge - ſchickten worten aufzuruͤcken / der menſchen groſſe vnd anck - barkeit / vnnd jhres hertzen hertigkeit / das ſie ſich durch ſo vielfaltige wolthaten nicht zur gegen liebe / vnd zu ernſter rechtſchaffener buſſe bewegen lieſſen. O jhr harten ſteinerne ſtelerne vnd Adamantiſche hertzen! Sthal vnd eiſen werden durchs fewer bezwungen vnd weich gemacht. Den harten Demant kan man mit bocksblut gewinnen / vnd jhr wolleteuch[32]euch gar nicht bewegen laſſen einen einigen threnen zu ver - giſſen / vnd das trieb er mit vielen worten ſo lange / biß nicht allein vielen andern ſeinen zuhoͤrern die threnen mildiglich zu den augen heraus floſſen / ſondern auch der fromme mann ſelber des weinens ſich nicht lenger enthalten konte. Als nun hernach der prediger Robertus ſich ruͤhmete / er hette ge - wonnen. Antwortete der fromme mann / es hette jhn nicht ſeine beredſamkeit zum weinen beweget / ſondern das hette jhn gejammert / das ein ſolch begabter menſch viel mehr der welt als dem Herren Chriſto dienete.
Dieſes dienet nun abermals nicht allein vor lehrer / das ſie auch die wiſſenden zuhoͤrer / wie geſagt anmanen / ſie hoͤrens gerne oder nicht gerne / ſie ſollen anhalten / ſtraffen / drewen vñ ermahnen / 2. Tim. 4. ꝟ. 2. Sie ſollen getroſt ruf - fen vñ nicht ſchonen / jhre ſtimme erheben wie eine poſaune / Eſaia 58. ꝟ. 1. vnd dabey auch mit guten exempeln andern vorgehen.
Sondern es dienet auch vor wiſſende gelehrte ver - ſtendige vnd beleſene zuhoͤrer / das ſie jhres wiſſenshalben nicht auffgeblaſen werden / 1. Cor. 8. ꝟ. 2. nicht daruͤmb die predigten Goͤttliches wortes verachten vnd verſeumen / deñ doͤrffen ſie nicht der lehre / ſo bedoͤrffen ſie doch des ermah - nens / vnd ob ſie auch vermeinten / ſie bedoͤrfften auch des er - mahnens nicht / ſo ſollen ſie doch andern leutten nicht erger - lich ſein / damit ſie nicht das wehe / Matth. 18. ꝟ. 7. vber ſich zihen.
Applicatio. Dieſem nach nun hat vnſer Herr Friſius ſeeliger gedecht - nuͤß auch in der jugend fleiſſig ſtudiret. Wie er denn im 10. Jahr zum Lauban als in Schola patria in primam claſſem transferiret vnd verſetzet worden. Anno 1581. den 20. Maii im 11. Jahr ſeines alters hat er ſich mit ſeinem numehr auch ſeeligen bruder Ioſepho in Nider Sachſen nach Obisfeld 7. meilen vnter Magdeburg gelegen / zu ſeinem elttern bruder Herren Paullo / der damals derſelben ſchulen Rector war / be - geben / bey deme er eine zeitlang verblieben vnd fleiſſig ſtu - diret / vnd hernach durch ſeine befoͤderung die vornembſtenSchu -[33]Schulen in Sachſen vnd Marck Brandeburg: Als Mag - deburg / Braunſchweig / Soldwedel / etc. beſucht / ſeine ſtudia gluͤcklich continuiret / vñ die vortreflichẽ maͤnner D. Chem - nicium / D. Saccum / vnd andere nicht ohne frucht gehoͤret. Hernach hat er ſich auff die Iulius Vniverſitaͤt nach Helm - ſtadt begeben / vnd 2. Jahr daſelbſt blieben / vnd vnter an - dern die Herren Doctores Hoffmannum vnnd Heshuſium fleiſſig gehoͤret. Wie er denn auch andere Hoheſchulen be - ſucht / davon bald weiter ſol berichtet werden.
Er hat aber nicht allein von jugend auff die H. ſchrifft gelernet / 2. Timoth. 3. ꝟ. 15. ſondern auch allezeit auff ſeine predigten meditiret vnd ſtudiret / daher es denn kommen / das jhn gelehrte vnd vngelehrte gerne / mit luſt vnd frucht gehoͤret haben.
Er hat auch ſich nach ſeinem hoͤchſten vermoͤgen befliſ - ſen mit einem Chriſtlichen vnd Gottſeeligen wandel ſeinen zuhoͤrern vorzugehen / wie jhme denn ein ieder der jhn recht gekennet das zeugnuͤß geben muß.
SO iſt der Ehrwuͤrdige / Achtbare vnd Wolgelahr - te Herr Abrahamus Frisius aus dem alten vndI. Von ſeiner ankunfft. guten geſchlechte der Frieſen gebohren worden / als man geſchrieben nach Chriſti geburth 1570. den 20. Auguſti / Jn welchem Jahr der Tuͤrckiſche Kaͤyſer Selimus der Herrſchafft Venedig das Koͤnigreich Cypern abgedrungen vnnd eingenom - men hat.
ESein[34]Sein Vater ſeeliger iſt geweſen Herr Paul Frieſe ein fro - mer auffrichtiger Mann zum Lauban in Ober-Laußnitz.
Seine Mutter Fraw Barbara / aus dem Ehrlichen ge - ſchlechte der Bartſchin vnd Steinmetzen.
Dieſe ſeine liebe eltern haben jhn alsbald zur heiligen Tauffe befoͤrdert / vnd nach der vermahnung des heyligen Apoſtels Paulli / Epheſ. 6. ꝟ. 4. in der zucht vnd vermahnung zum HErren auffer - zogen / denn ſie jhn von ſeiner juͤngſten jugend auff zum gebeth vnd aller Gottſeligkeit gehalten / auch bald im 4 Jahr durch ſeine Bruͤ - der informiren vnd hernach mitte zur Schulen fuͤhren laſſen / da - rinnen er denn durch fleiß. information ſeiner Herren Præceptoruns ſo weit kommen / das er im 10. Jahr ſeines alters / ſein Latein re - den vnd ſchreiben / einen zimlichen Vers machen / vnd ſeine ſtimme ſingen koͤnnen.
II. Fort - gang.Anno 1581. den 20. Maij haben jhn ſeine liebe eltern / wie auch albereit gemeldet worden / zu ſeinem aͤltern Bruder Herren Paullo Frisio der Schulen zu Obisfeld in Nider Sachſen Rectore verſchicket / bey deme er eine zeit lang verblieben / vnd her - nach auch andere Schulen in Sachſen vnd Marck beſucht / ſeine zeit auch nicht vbel angewendet / ſondern fleiſſig ſtudiret / vnd ſich endlich nach Helmſtad begeben / allda er 2. Jahr mit beſonderm mercklichen frommen verbliben.
Als er aber 6 vnd ½ Jahr auſſen geweſen / vnd dieſe zeit vber mit vielen vortreflichen leutten in kundſchafft geraten / hat er jhme vorgenommen ſeine liebe eltern vnd freunde einmahl zubeſuchen / iſt aber vnterwegen Anno 1587. vmb Martini durch Gottes pro - viden tz vnnd gelehrter leutte rath von Herrn Johann Weyſen zur Naumburg an der Sale / beyder Churfuͤrſten Sachſen vnd Brandeburg Rathe vnd Buͤrgermeiſter daſelbſt zu ſeiner SoͤhneAnno 1588. Præceptore vociret vnd angenommen / vnd kuͤnfftigen Fruͤling mit jhnen nach Wittenberg verſchicket worden / da er denn aber - mals mit denen zur ſelben zeit vornehmen leutten ſo er fleiſſig ge - horet in kundſchafft kommen.
Folgendes Jahr / als Anno 1589 im Fruͤling / iſt er durch befoͤrderung des Edlen / Geſteengen / Ehrenveſten vñ Wol - benambten Herren Carl Frieſens / Churfuͤrſtl. Durch -leuch -[35]leuchtigkeit Chriſtiani Primi zu Sachſen / damals ober - ſten Kuͤchenmeiſters / an Churfuͤrſtlichen Hoff nach Dreßden / zu Herrn Johan von Appel / des Churfuͤrſtl. alten Kuͤchenmeiſters / vnd Herren Johann Ficklers Churfuͤrſtl. Durchleuchtigkeit oberſten Schiffherren / Soͤhne Præceptore beſtellet worden / da er gleichsfals am Hofe vnd ſonſten in vieler vornehmer leute kundſchafft kommen. Von dannen iſt er Anno 1590. wider nach Wittenberg gezogen.
Vnd weil Anno 1591. der Wolgeborne Herr Herr Radislaus Kinsky / Seeliger Freyherr von Tettaw / Herr auf Toͤplitz / Zahoꝛſan / Newſchloß / Hausſpachꝛc damals Römiſcher Kaͤyſerl. auch Koͤniglicher Maytt. in Boͤhmen Rath vor ſeines Herren Brudern Johann Kinsky ſeeligen / ſo wohl ſeiner gemahlin Schweſter Soͤhne / vnd andere Jhrer Gn. anverwante zu Toͤplitz eine Privatam Scholam illuſtrem angerichtet / vnd an die They - logiſche Facultet nach Wittenberg vmb eine tuͤchtige perſon ge - ſchrieben / iſt Herr Friſius vorgeſchlagen / vnd mit einem teſtimo - nio Facultatis Theologicæ abgefertiget / von Jhr Gn. ange - nommen / vnd neben einem andern Præceptore 17 Junger Boͤh - miſcher Herren ſampt jhren Edelknaben vnd Dienern Inſpectore vnnd Hoffmeiſter beſtellet worden / vnd ſolcher function 2. Jahr vorgeſtanden.
Hernach als aus denſelbigen Jungen Herren 3 der vornem - ſten als Herr Wentzel Wilhelm Freyherꝛ von Ruppa / (vnſers Herren Friſii danckbarer Diſcipulus / daneben auch gene - diger Herr / lieber Gevatter / vnd groſſer foͤderer / deſſen ehrenhal - ben alhie ſonderlich gedacht wird) vnd ſonſten 2 ſeiner freunde wei - ter verſchickt werden ſollen / vnd von J. Gn. an Herren Friſium gemuttet worden / ſie in ſeine Inſpection vñ Diſciplin zu nehmen / vnd mit jhnen zu peregriniren / hat er ſolches angenommen / ſeine vorige Condition vbergeben / vnd mit dieſen 3. Herren eine zeit - lang peregriniret.
Anno 1594. weil die ander zwene Herren zum kriege luſt gehabt / vnd in Vngern gezogen. J. Gn. aber der Freyherr von Ruppa ferner in Italiam ſeine reiſe nehmen wollen / Herr FriſiusE ijauch[36]auch vmb gewiſſer vrſachen willen dazu nicht luſt gehabt / als iſt er anderwerts von Jhr. Gn. Herren Hieronymo Seſyma Frey - herren von Seſymova Auſti / Herren auff Auſcha Ro - cha Nesdizich / ꝛc. damaln Roͤm. Kaͤyſ. May Rath vñ des Koͤ - nigreichs Boͤhmen erbvorſchneider / deſſen gemahl des Herren von Ruppa Herren Vaters ſeeligen Schweſter / mit guͤnſtiger zulaſ - ſung Jhr. Gn. von Ruppa / zu Jhr. Gn. einzigen Sohne Herren Johan Peter præceptore beſtellet worden. Weil er aber ver - mercket / das der Junge Herr zun ſtudiis gar nicht qualificiret / hat er ſeinem Herren Vatern geraten / jhn lieber zu Hofe zu ver - ſchicken / wie denn auch geſchehen / das er zu der Koͤnigl. Mayt. in Franckreich Kammerdiener auffgenommen worden / wie deñ ſein Herr Vater zuvor auch am ſelbigen Hofe gedienet.
Darauff iſt Herr Frieſe von Jhr. Gn. Herren Caſpar Schli - ckens Graffen von Paſſaw vnd Weiskirchen / Herren auff Hauſtein / ꝛc. Frawen Wittiben / gebohrnen Vn - gnadin / zu jhres juͤngſtes Sohnes Caſparis / Præceptore beſtel - let / mit jhme zu peregriniren / vnd hernach zu Heydelberg ſich auffzuhalten.
Weil aber ſein Bruder Herr Ioſephus ſeeliger / jhn gerne drauſſen im Reich bey ſich behalten hette / hat er jhn endlich ver - mocht / das er ſeinen dienſt reſigniret / vnd den Rectorat in der alten Reichsſtadt Odernheim angenom̃en / damit er ſich auch der - mal eins zu ruhe begebe / vnd ſich ſeßhafftig einlieſſe. Solches nun zu volnzihen / hat er zuvor ſeine alte elttern zu beſuchen / ſeinen ab - ſchied von jhnen zu nehmen / vñ ſeine ſachen zu Franckforter faſten - meß mit hienauß zu ſchicken / ſich Anno 1595. im herbſt in ſein liebes Vaterland begeben.
Wie nun vnſer lieber Herre Gott die ſeinen wunderlich fuͤh - ret / alſo hat ſichs nach dem er zu hauſe kommen begeben / das etliche ſeiner Blutsfreunde / ſo nahe vmb ſein Vaterland Lauben Pfar - rern geweſen / kranck gelegen / die er beſucht / vnd von einem vnd dem andern vmb eine Gaſtpredigt zu thun angeſprochen worden / als er nun ſolches gethan / haben ſich alsbald die ſonderbaren ga - ben / ſo jhme Gott hirzu gegeben vermercken laſſen. Worauff er auch auff begeren Anno 1596. an der H. drey Koͤnige tage in derPfar -[37]Pfarrkirchen zum Lauban mit vieler vornehmer leute verwunde - rung geprediget / darumb jhn denn nicht allein ſeine liebe alte Elt - tern vermahnet / das er zu hauſe verbleiben ſolte / ſondern auch ſeine Herren Vettern / als Herr Georg Steinmetz Burgermeiſter / vñ Herr Martinus Bohemus / der kirchen daſelbſt Primarius / ne - ben vielen andern jhn vermahnet / ſeiner lieben alten Elttern / vnd ſonderlich ſeiner lieben Mutter begeren nicht aus zuſchlagen / noch ſie zu betruͤben / Gott wuͤrde jhm in ſeinem Vaterlande eben ſo wol dienſt beſcheren / als anderswo: Dadurch er denn endlich vberwun - den vnd gewonnen worden / das ers vor Gottes willen vñ ſchickun - ge erkennet / die angenommene Vocation wider reſigniret / vnd zu bleiben beſchloſſen hat.
Vnd weil zweifels ohne durch Gottes ſonderliche providen tzVocationes Eccleſiaſticæ: Herr Johan Herbſt / des Edlen / Ehrenveſten / Wohl - benambten vnnd Wohlweiſen Herren Joachim von1. Seligers auff Guͤntersdorff vnd Taubentrenck / Buͤr - germeiſters zum Lauben / Pfarrer zu Guͤntersdorff / ſeinen dienſt reſigniret / kuͤnfftig Philippi Iacobi in ſeiner heymath Frey - walda ſeinem Herren Vatern Pfarrern daſelbſt / ſeeligen / zu ſucce - diren: hat gemelter Herr Seliger Herrn Friſio durch ſeine bluts - freunde die Pfarre zu Guͤnttersdorff antragen laſſen. Weil er nun Gottes rath vnd willen erkennet / als hat er ſolche Vocation angenommen / hat ſich zu Franckfurt an der Oder ordiniren laſſen / vnd iſt Anno 1596. an Philippi Iacobi angezogen. Wie denn der bisher erzehlete curriculus vitæ Herren Friſii von Herren M. Iohan. Vogelio Dreſdenſe ſeeligen / damals Miniſtro Primario zur Zittaw Carminicè beſchrieben / vnd jhme in offenem druck da - mit gratuliret worden / daraus etliche Vers gutter meinung hieher geſetzet worden.
Weil aber Anno 1597. Herr M. Adrianus Albinus Pfar -2. rer zu Geibisdorff vnter E. E. W. Rath zum Lauben gebieth ſee - lig geſtorben / iſt er von wohlgedachtem E. E. W. Rath dahin vo - ciret worden / vnd ſelbiges Jahr an Martini angezogen. Welchem (wie auch dem vorigen) er trewlich vnd fleiſſig / mit mennigliches guttem genuͤgen biß ins 19. Jahr wohl vorgeſtanden. Laut Her - ren Seligers vnd E. E. W. Rathes daſelbſten erteileten teſti - monii.
Anno 1515 nach ſeeligem ableiben des weiland Ehrwuͤr -3. digen Achtbarn vnnd Hochgelahrten Herren Andreæ Baudiſij getrewen Pfarrers der Kirchen zu S. Peter vnd Paul in Lignitz / vnd der Prieſterſchafft des Lignitſchen vnnd Wolawiſchen Fuͤrſtenthumbs wohlverdienten Superintendentens ſeeligen / iſt Herr Friſius vber vnd wi - der alle ſein hoffen vnd gedancken auff Ihr. Fuͤrſtl. Gn. des Durchlauchten Hochgebornen Fuͤrſten vnd Her - ren Herren George Rudolffs / Hertzogs in Schleſien zur Lignitz / Brig vnd Goldberg / Roͤm. Kaͤyſ. Maytt. geheimen Raths vnd Caͤmmerers / ꝛc. vnſers gnaͤdigen Landes Fuͤrſtens vnd Herrens / gnaͤdige ratification / nach deme er beydes dort in ſtillen vnd zur Lignitz offentlich gehoͤret worden / võ E. Ehrenfeſten Hochweiſen Rath der Fuͤrſtlichen Stadt Lignitz mit einhelligen Schluß der Herren Schoͤppen / Elteſten / Geſchwornẽ der loͤb - lichen Buͤrgerſchafft vñ gantzen Kirchfarth zum Pfar - rer der Oberkirchen vociret worden. Wie er denn auch ſolche ſtelle auff Martini / wie wohl in zugeſtandener lei - bes ſchwacheit nicht ohne groſſe beſchwehr bezogen. Darauff er deñ von J. F. Gn. gleichsfals zum Aſſeſſorejhres[40]jhres Geiſtlichen Conſiſtorii in gnaden ſchrifftlich ver - ordnet: Jn gleichen von E. E. Hochweiſen Rathe ne - ben andern zum Inſpectore der Schulen daſelbſt verord - net vnd beſtetiget worden.
Wie trewlich vnd fleiſſig er nun ſolchen ſeinen aͤmptern vor - geſtanden / wie auffrichtig er ſein Predigampt von der erſten pre - digt an mit lehren der warheit / vnd ernſtem ſtraffen ohne einiger perſon anſehen verrichtet / was er auch daruͤber außgeſtanden / vnd wie lieb vnnd angenehm er iederman geweſen / iſt nicht noth zu er - zehlen / weil deſſen lebendige Zeugen genugſam verhanden ſein / die hertzlich wuͤnſchen / das er / wenn es Gottes wille geweſen / ſeinem ampte hette lenger vorſtehen ſollen.
Conjugium. Seinen Eheſtand belangende: Jſt derſelbe zwar nach Gottes willen ſehr muͤhſelig geweſen / vnd vier mahl verendert wor - den: Aber gleichwol Gott lob allezeit friedlich vnd Gottſeelig erfolget.
1.Erſtlichen zwar / als er gewilliget in ſeinem Vaterlande zu - verbleiben / haben ſeine liebe alte Eltern vnd ehrliche Freunde / da - mit ſie deſto gewiſſer wehren / das er nicht wider verreiſete / jhn da - zu vermocht vnd rathen helffen / das er ſich den 18. Novembris / Anno 1595. im 26. Jahr ſeines alters Ehelichen eingelaſſen mit der damals Erbarn / Ehrentugendreichen Jungfrawen Annen / Herrn Michael Scheuflers Buͤrgers zum Lau - ben ehleiblichen Tochter / vnd hat mit derſelben biß ins dritte Jahr / in einem friedlichen Eheſtand gelebet / darauff ſie denn den 21. Ianuarii / Anno 1598. im 21. jahr jhres alters nach 14taͤgi - ger niderlage zu Geibisdorff in Chriſto ſeelig entſchlaffen. De - rer denn den 9. Iulii jhr 7 vierteljaͤriges toͤchterlein Anna / ſo ſie in wehrender Ehe jhrem lieben Herren gebohren / nach Gottes willen ſeelig gefolget.
2.Hierauff hat ſich Herr Frieſe nach vergangenem trawer - jahre Anno 1599. den 10. Maii mit rath ſeiner Eltern vñ Freun - de zum andern mahl ehlichen eingelaſſen / mit der damals Erbarn Ehrentugendreichen Jungfrawen Martha / Herren Martin Luͤbalds / Buͤrgers zum Lauben eheleiblichenToch -[41]Tochter / aber dieſe gewuͤnſchte vnd gantz friedliche Ehe nicht zum außgang des Jahres bringen koͤnnen / in deme ſie Anno 1600 den 12 Aprilis in jhrem Amptsbette von Gott dem HErren 14 tage nach der geburth im 19. Jahre jhres altters ſeelig abgefodert. Derer gleichsfals den 28. Octobris ſelbigen Jahres jhr hinter - laſſenes Soͤhnlin Abraham 27. wochen alt nach Goͤttlichem vaͤ - terlichem rath ſeelig gefolget.
Als er nun ein Jahr getrawret / hat er ſich Anno 1601. den3. 9. Iulii zum 3. mahl mit rath ſeiner lieben Mutter / Herren Bru - dern vnd Freunde verehlichet / mit der auch Erbarn Ehrentn - gentreichen Jungfrawen Annen / Herren Eliæ Hoſſe - mans / Buͤrgers zum Lauben ſeeligen hinterlaſſenen Tochter / vnd mit jhr ins 14. Jahr / zwar eine friedliche Gottſeelige / iedoch ſehr muͤheſelige Ehe beſeſſen / weil ſie ſtets geſichet / biß ſie endlich gan - tzer 16. wochen gar darnieder gelegen / vnd Anno 1614. den 29. Iulii nach groſſer langwiriger niderlage vñ außgeſtandener kranck heit / im 35. Jahr jhres altters in Christo ſeelig entſchlaffen. Jn gleichem auch jhre 4. Kinder / ſo ſie in wehrendem Eheſtande mit jhme gezeuget. Als Anno 1603. den 30. Auguſti / Elias 3. viertel Jahr alt. Anno 1610. den 5. Decembris / Paullus 3. tage alt: Darauff den 19. Decembris ſelbigen Jahres Anna 3. Jahr vnd 13. wochen alt. Folgends Anno 1615. den 10. Se - ptembris jhr hinterbliebener Sohn Abrahamus zehen Jahr alt weniger 4. wochen / vber welches knabens ingenio vnd profectib. auff ſein alter faſt vngewoͤnlich ſich viel vornehme leutte verwun - dert / vnnd wegen ſeines fruͤzeitigen doch ſeeligen abganges / neben dem Herren Vattern deſto hefftiger betruͤbet worden.
Endlich hat er ſich zur Liegnitz in der furcht Gottes mit reif -4. fem rath ſeiner Mutter vnd guten Freunde Anno 1616. den 21. Iunii zum 4. mahl ehelich eingelaſſen / mit der Erbarn Ehren - tugendreichen Frawen Eva gebornen Kretſchmerin / Herren Balthaſar Langenickels / Buͤrgers zur Lignitz in der Frawengaſſen hinterlaſſenen Wittiben / vnnd mit jhr gleichs - fals eine Gottſeelige friedliche Ehe biß ins 11. Jahr beſeſſen / da - vor er zum offtern Gott hertzlich gedancket.
Seinen gefuͤhrten wandel betreffende / hat er ſich zumSein Chriſt - licher wan - del. hoͤchſten bemuͤhet / das er ſeinẽ zuhoͤrern nicht allein mit heylſamer lehre / ſondern auch mit einem guten Exempel vorgehen moͤchte / vnd das beydes was Gott vnd ſeinen nechſten betreffen thut.
Gegen Gott hat er ſich alſo verhalten / das er
1. Hertzlich vnd ohne vnterlaß zu jhme geſeufzet / Er war ein recht eifriger beter / wie jhm alle ſo jhn recht gekennet zeugnuͤß wer - den geben muͤſſen.
2. Mit gedult hat er ſich auch in Gottes willen geſchickt / vnd ſich demſelben gantz ergeben. Denn Gott der HErr der 1. Sam. 2. ſaget ꝟ. 30: Wer mich ehret / den wil ich auch ehren: Hat jhn zwar reichlich mit zeitlichen guͤttern geſegnet / welches er denn auch vor Gottes ſegen erkennet vnd geruͤhmet / aber gleichwol hat er jhn auch als ſein liebes Kind gar ſehr vnter das kreutz genom̃en. Denn was ſeine leibes beſchwerungen vnd kranckheiten / vnd ander vngluͤck betreffen thut / ſind derſelben ſo viel / das es einem menſchen faſt vnmoͤglich zu ertragen / wenn er von Gott nicht ſonderlich er - halten wuͤrde. Wir wollen aber derſelben nur etliche gedencken.
Denn zu geſchweigen / das er in ſeiner bluͤenden jugend zu vn - terſchiedenen mahlen in ſeinem Vaterlande in augenſcheinlicher leibes vnd lebens gefahr geweſen / in deme er etliche mahl von ho - hen orten tieff herunter gefallen. So hat er auch Anno 1581. zu Obisfeld das rechte bein oben am knie gebrochen / welchen bein - bruch er die zeit ſeines lebens gefuͤlet.
Wir wollen nur beruͤren was jhme in ſeinen werenden Ampt vor vngluͤck ein vnd das ander mahl betroffen. Anno 1600. den 2. Martii iſt er zu Geibisdorff ins waſſer vnter das eiß gefallen / da er bey nahe ertruncken were / wenn jhme Gott nicht ſonderlich geholffen.
Anno 1601. abermals den 2. Martii / hat er einen gefehrli - chen fall gethan in der Scheuren / da er von oben herab auffs tenne gefallen / den lincken arm vnd ſchenckel gebrochen / vnd die huͤfften vnd rieben ſehr zerſchmettert / daran er lange danider gelegen.
Anno[43]Anno 1613. am H. Newen Jahrstage / als er ſeine Ampts - predigt verrichtet / hat jhn Gott der HErr durch einen halben ſchlagfluß anheim geſuchet / das man jhn kaum aus der Kirchen hat zu hauſe bringen koͤnnen / Vnd als er nach daran danider gele - gen / iſt nach Gottes willen des morgens vmb 5. den 18. Ianuarii der ſchlagfluß viel hefftiger wider kommen / das er den gantzen tag ſprachloß gelegen. Vnd ob er gleich durch Goͤttliche gnade mit groſſen vnkoſten der lehmung / ſo er in die 19. wochen getragen / wider loß vnd mehrer teils reſtituiret worden / das er ſein ampt ver - richten koͤnnen / hat er ſich doch mit dieſem malo biß in todt ſchlep - pen muͤſſen / So jhn auch zur Lignitz gar offte angeſtoſſen / davon ſeine kraͤffte hefftig ſind geſchwechet worden.
Dabey denn abermals nicht zuvergeſſen / was jhme Gott der HErr vor ein hartes erzeiget / in deme er jhme ſeine Weiber vnd Kinder nicht allein auffs Sichbette geleget / vnd mit ſchmertzlichen Kranckheiten anheim geſuchet / ſondern auch gar von der Seiten / vnd aus den augen genommen.
Drey Jahr vor ſeinem Seligen ende hat jhn Gott der HErr mit einem ſonderlichen kreutz vnnd fluſſe der guͤldenen adern bele - get / welcher ſeine kraͤffte immer bey mehlich enerviret vnd verzeh - ret / jhn auch offte danider geworffen vnd laͤgerhafftig gemachet. Anders vngluͤcks zu geſchweigen / welches er doch alles mit geduld ertragen / ſeinem lieben Gott ſtille gehalten / vnnd mit dem lieben Iob cap. 2. v. 10. offters geſaget: Haben wir gutes empfan - gen von Gott / vnnd ſolten das boͤſe nicht auch anneh - men?
Gegen ſeinem nechſten hat er ſich auch nach ſeinem vermoͤ - gen Chriſtlich erzeiget / vnd zwar
1. Gegen die Obern. Von jugend auff hat er ſeine Elt - tern hertzlich geliebet / ſie geehret / vnd jhnen gehorchet / auch dieſel - ben in jhrem alter Anno 1598. den 28. Ianuarii / gar zu ſich ge - nommen / ſie verſorget / Jhrer gepfleget / vñ gewartet / biß ſein Va -F ijter[44]ter ein Mann von hundert Jahren / bey jhme zu Geibisdorff / den 18. Iulii / Anno 1599. ſanfft vnd ſeelig entſchlaffen. Seine Mutter hat er mit ſich nach Lignitz genommen / daſelbſt ſie Anno 1619. den 5. Decembris / vmb 9. des morgens auch ſanfft vnd ſeelig entſchlaffen.
Alſo hat er auch iederzeit / wo er auch geweſen / ſeine von Gott jhme vorgeſetzte Obrigkeit / hohes vnd nidriges Standes geehret / vnd derſelben in allen billichen ſachen gehorchet / auch hertzlich vor ſie gebetet / vnnoͤtig weitleufftig hie einfuͤhren / weil es maͤñiglichen bewuſt.
2. Gegen ſeines gleichen / Als ſeine Herren Collegas / wie auch gegen ſeine 4 von Gott jhme gegebene Ehefrawen / hat er ſich auch gar Chriſtlich erzeiget / wie jhme denn der ſeelig im HErren verſtorbene Herr Superintendens in gethaner Leich - predigt offentlich das zeugnuͤß gegeben / was er vor einen trewen Collegam an jhme gehabt / vnd ſeine nach gebliebene hochbetruͤbte Fraw Wittibe gibt jhme noch das zeugnuͤß / was er vor ein recht trewes hertze gehabt.
Alſo hat er ſich auch mit maͤnniglich friedlich vnd freundlich vertragen.
3. Was die Vndern / als anfenglich ſeine Zuhoͤrer betrifft / hat er an allen ortten / wo er auch geweſen / nach hoͤchſten vermoͤ - gen jhrer Seelen heil vnd ſeligkeit mit lehren ermahnen / ſtraf - fen / warnen vnd beten befoͤdern helffen. Davon auch droben ge - meldet worden.
Alſo hat er ſich auch ſeiner Freunde vnd Verwandten trew - lich angenommen / ſich der armen freunde gar nichts geſchemet / ſondern jhnen wo er nur gekont fort geholffen.
Wie er auch bey ſeinem leben dem armut nach vermoͤgen viel gutes gethan / alſo hat er auch demſelben nach ſeinem ſeeligen ab - leiben / zum Lauben jaͤhrlich etwas auff den tag Abrahami außzu - teilen geordnet.
Warumb (moͤchte vielleicht iemand ſagen) wird dieſes ſo weitleufftig erzehlet / vnd er ſo ſehr gelobet? Er hat gleichwol auchſeine[45]ſeine mengel vnnd gebrechen an jhme gehabt / Warumb ſaget vnd ſchreibet man denn davon auch nicht?
Antwort: Das er mengel vnd gebrechen als ein menſch an ſich gehabt / leugnet man gar nicht / in maſſen er denn ſolches ſelber auch erkennet / betrawret / Gott abgebeten / Aber gleichwol ſich vor groben ergerlichen Suͤnden nach hoͤchſtem vermoͤgen / fleiſſig ge - huͤttet / vnd einen gutten kampff gekempffet.
Das aber ſeine Gottſeligkeit hie geruͤhmet wird / geſchicht nicht darumb / das man einen Engel oder lebendigen Heyligen aus jhme machen wolte: Sondern darumb
1. Das wir bedencken / wehn wir an jhme verlohren haben / nemlich / einen frommen vnd trewen Hauß halter vber Gottes ge - heimnuͤß / einen eifrigen Beter / ja einen Vatter.
2. Das auch andere dadurch moͤchten erbawet werden / ſich auch in jhrem gantzen lebens lauff Chriſtlich gegen Gott vnd ge - gen jhrem nechſten zuverhalten / das man jhnen auch nach jhrem tode ein ehrliches zeugnuͤß mit warheit geben koͤnne.
3. Vnd denn endlich vñ vornemlich das Gottes lob dadurch vermehret vnd außgebreitet werde.
Seinen Außgang aus dieſem leben betreffende:Außgang. Als hat er ſich viel jahr lang daher dazu præpariret vnd geſchicket / wie denn nicht allein Lehrer vnd Prediger / Sondern auch alle vnd jede fromme vnnd glaͤubige Chriſten ſich taͤglich dazu gefaſt ma - chen vnd ſeufzen ſollen mit David aus dem 39 Pſalm v. 5. & ſeqv. Ach HErr lehre doch mich / das es ein ende mit mir ha - ben muß / vñ mein leben ein ziel hat / vnd ich davon muß: Sihe / meine tage ſind einer handbreit bey dir / vnd mein leben iſt wie nichts vor dir / wie gar nichts ſind alle men - ſchen / die doch ſo ſicher leben / Sela. Vnd mit Moſe aus dem 90 Pſalm / v. 12. HErr lehre vns bedencken / das wir ſterben muͤſſen / auff das wir klug werden.
Er hat zum offtern zu ſeiner lieben Haußfrawen / als nun mehr hochbetruͤbten Frawen Wittiben / wie auch zu andern geſaget / Er wuͤrde ein mal ploͤtzlich vber verhoffen eingehen.
F iijSchon[46]Schon vor etlichen Jahren hat er an ſeine Studirſtuben in vnd außwendig geſchrieben
ehlig
el
citer Cras non datur.
Wie er ſich nun zum ſeeligen Sterbeſtuͤndlein geſchickt / alſo iſt er auch endlich ſeelig eingeſchlaffen.
Am Beth-Sontag / Anno 1627 / nach verrichteter Ampts - Predigt / hat er ſich vbel befunden / das er auch zur Veſper nicht wartten koͤnnen / biß die Predigt zum ende gebracht worden / ſon - dern ſich anheim / vnd zu bette begeben muͤſſen / erſtlich hat er Stein vnd Colica geklaget / hernach aber iſt ein Steckfluß gefolget.
D. I. M. Vnd ob zwar auch alsbald rath gepfleget worden / vnnd der Herr Medicus an jhme nichts erwinden laſſen / jedoch weil das von Gott jhme beſtimpte Stuͤndlein kommen war / hat er nicht lange gelegen / ſondern am Donnerſtage hernach / war der tag der Him̃elfarth Chriſti / vmb 9 vnter der Ampts Predigt wider maͤn - nigliches verhoffen ſanfft vnd ſelig eingeſchlaffen. Vnd erſtre - cket ſich ſein alter auff 57 Jahr / weniger ein viertel Jahr / Sein Predigampt aber auff 31 Jahr.
Der Allgewaltige GOtt wolle die hinterlaſſene hochbetruͤbete Fraw Wittibe / vnd alle / ſo vber dieſem todes fall ſind betruͤbet worden / kraͤfftig troͤſten / dem verblichenen Coͤrper in der Erde eine ſanffte ruhe / vnd am bald kommenden Juͤngſten tage eine froͤliche auff - erſtehung zum Ewigen leben geben / vnd vns allen ver - leihen / das wir Chriſtlich vnd Gottſelig leben / vnd der - mal eins auch ſeelig ſterben / vñ am juͤngſten tage mit al - len außerwehlten zum Ewigen leben eingehen moͤgen.
Das thue er vmb Iesu Christi ſeines lieben Sohnes willen / AMEN.
Siste viator: Si bonus es: Absiste sin minus. Conduntur sub hoc saxo usq. ad decretor. D. extremum Mortales exsuviæ Abrahami Frisii Laubanens. Viri Reverendi et Clariss. Theologi sinceri et moderati: ConsilI Ecclesiast. et ConsistorI Illustr. Adsessoris Petro Paulinæ apud Lig. Eccles. xii ad an. Pastoris. Fide ac industria spectatiss. qui Cum docendi munere annos ipsos xxxi. laudabiliter fuisset perfunctus[48] Ætatisq. Climact. Heroic. lvi. ante Mens. ix. expleviss. Catarrho superatus pie in Domino exspiravit A. C. M DC. XXVII. M. Maio D. XIII. Ascens. Dominic. Sacr. Heva Kretsmaria Marito xi. per ann. exoptat. desideratis. q Multis cum lacr. L. H. P. C.
Qvi veri qvi pacis amans, vita integer omni Censor erat morum strenuus: hic situs est.
In spe hic reqviescit Reverendus et Clarissimus Vir, Dominus Paullus Frisius Lauban. Qvi postqvam in Saxonia I. Cellæ Cantor et Chori Musici Illustris Lüneburgensium Aulæ Director per triennium II. Œbisfeldi Rector Scholæ per sexennium III. Hallenslebi Pastor per tri - ennium fuit. In Patriam Vocatus Scholæ et Ecclesiæ per annos xxvi Cum laude inservivit Tandem qvietem qværens Pastor huius Ecclesiæ per sesqviannum Eam cum Uxore qvam octava septimana secutus Invenit et placide in ChristoGObiit[50]Obiit XXVI Martii X antemeridiana Anno MDCXIV Matrimonii XXIX Minister. XL Ætatis LXII Eius memoria sit in bene - dictione
Per Fidem Liberatio.
F. debiti honoris e. G. Baudisius D.
Bonæ Viriac Theologi verè boni, colendiq́ue, cum deſiderio, Fau - toris & Amici, memoriæ, mo - nente Siracide cap. 7. ꝟ. 38. μετὰ ϖενθουύτων ϖενθῶν, fac. ac ſcrib. David Rhenisch, WratisL. ad S. Elizabet, Eccleſiaſtes & Profeſſor.
Caspar Cunradus Phil. & Med. D.
Amoris, doloris & b. m. ergò fecit Georgius Winclerus, Paſtor Goldb. & Diœceſ. ejusd. Decanus.
Gratæ memoriæ ergò ad. ſcripſit Johannes Huberinus ſenior, paſtor in Waltersdorff.
M. Elias Cüchler, P. C. Scholæ Gorlicenſis Rector.
M. Johannes Ludovicus, Scholæ Gorlicenſis Conrector.
Gregorius Richterus, Eccleſiæ Gorlic. Diaconus.
Gorlicii ponebat M. Martinus Mollerus.
Caspar Fabricius JC. Reip. Aurim. Prætor.
Melchior Hausius Z. P. & Notar. Imperial. Phil. C. L. Q. E. ἐχεδίαζε.
Strigâ Sileſior. m. M. Andreas Baudisius, Ligius, Schol. R.
Extremum cum luctu per - ſolvens honorem ſcribebat Christophorus Schwartz - bachius P. C. Scholæ Wrat. Magd. Collega.
Caspar Keslerus Docentium in Concione Marianâ ap. Lignicenſis Collega.
in comm. luctu 13. Maii An. 1627. plang. M. Matthæus Rüdinger.
Pio affectu conſecr. M. Bartholomæus Kern Scholæ Lygiæ R.
Ita ultimum hoc honoris hoſti - mentum condolens adijcio, M. Leonhartus Baudisius, Ligius.
Dn. Compatri ſuo deſideratiſſimo debitæ condolentiæ ergò addebat Heinricus Bachman Lignic. Patriæ Scholæ Collega & Eccleſiæ Petro Paulinæ Cantor.
Quod Postulante Necessitudine Dictante Pietate Piis In Comm. Luctu Justis Porrigieb. Val. Ludovicus è Ligis.
à Theoph. Volkmanno, Evangelii I C. miniſtro, in Neopago Henriciano.
Christoph. Holstein E. Geibsdorp. P.
de obitu Rev. Dn. Sobrini mœrens ſcrib. Petrus Henningus L. Iesu Christi in Schrei - bersdorfianâ Eccleſiâ Miniſter.
fac. Lignitii in Exilio Zacharias Hofmanus Svid. SiL. Paſtor animarum ante hac Leuttmansdorfianus.
Honoris & Amoris ergo poſuit Petrus Widmannus, Eccl. Laubanenſis Diaconus.
Affinitatis & v〈…〉〈…〉 t〈…〉〈…〉 ris amicitiæ ergo〈…〉〈…〉 ci M. Urbanus Scultetus Laub. Scholæ Moderator.
Bartholomæus Agricola Eccleſiæ Woitsdorfianæ Paſtor Amoris condolentiæ & deſiderli ergo F.
Albinus Frumbterus.
Georgius Hofmanus, Eccleſiaſtes in Hermsdorff ad ripam Catti L. F.
Propinquiſſimo conſangv. affectu mœſtus fundebat Nicolaus Huberinus Ludimod. Freib.
Ultimi honoris & conte - ſtandæ συμπαϑείας ἕνεκα f. Johannes Huberinus S S. Theol. Stud.
Adfin. ergo mœrens adponebat Johannes Steinmetz Scholæ Goldb. Collega.
Sebastian. Aliſcher Bolesl.
Sobrino deſideratiſſimo debitæ συμπαϑείας ergò Auri - montii facieb. Elias Bohemus Laub. Luſ. S. S. Theologiæ ſtudioſ. & lib. Baron. â Zedlitz Ephorus.
Επ᾽ ἐυνοία accineb. Casparus Hofman Elyſ.
Conſangvinitatis ergò ſcrib. Abrahamus Frisius Laubanenſis, Scholæ Patriæalumnus.
CLARIN-DNote: Langfristige Bereitstellung der DTA-Ausgabe
Fraktur
Dieses Werk steht unter der „Creative Commons Namensnennung-Weitergabe unter gleichen Bedingungen 3.0 Deutschland Lizenz“ (CC BY-SA).