De I. Circumſtantiâ.

BElangende nun die Erſte Vmbſtende / nemlich Legitimam Teſtamenti compoſitionem, die rechtmeſ - ſige Erbſchichtigung oder das Teſtament / ſo der Ertzva - ter Jacob vor ſeinem Abſchiede / noch bey gutem verſtande ge - macht hat / weiſet vns Moyſes alhier auff daſſelbe mit dem / daß er ſpricht: Da Jacob vollendet hatte die Gebot an ſeine Kinder / vnd gibt vns hiermit anlaß einen blick zu thun in den vorhergehenden Text des 49. wie auch des 48. Capitels ſeines Erſten Buchs / in welchen zweyen Capiteln er nach der lenge beſchrieben / wie der liebe Jacob / als jhn GOTT mit Leibes ſchwachheit angegrieffen / vnd auffs Siechbette darnider ge - worffen / ſeine Soͤhne ſaͤmptlich vnd ſonderlich vor ſich fodern laſſen / ſeinen letzten Willen jhnen offenbaret / vnd vermeldet / wie ers nach ſeinem Tode wolte gehalten haben / wie ſie in der Erbſchafft nach einander gehen ſollen / was einem vnd dem an - dern / auch eines vnd des andern Erben oder Nachkommen im gekobten Lande / im Lande Canaan / daß Gott jhm vnd ſeinem Samen verſprochen / vnd darein er gewiß dermal eines wider - fuͤhren wuͤrde / bleiben ſolte: Da hat er einem vertrauwet das Kirchweſen vnd Prieſterthumb / dem andern hat er zuerkandt das Koͤnigreich / dem dritten hat er anbefohlen das Richter - Ampt / den vierdten hat er beſtetiget zum Feld Haͤuptmann im Kriege / dem fuͤnfften hat er eingereumt die Jagten vnd Wild - fang / dem ſechſten das Meer oder die Fiſchreyen / vnd ſo fort an /hat[13]Chriſtliche Leichpredigt. hat drauff jhnen vermeldet / wie es einem vnd dem andern erge - hen wuͤrde / was er gutes wuͤrde außrichten/ was jhm dabey bege - gnenwuͤrde / ꝛc. vnd endlich / wie ſie ſich nach ſeinem Abſterben es mit ſeinem Begraͤbnis anordnen vnd halten ſolten / anbefolen.

Dieſes alles / Geliebten / begreifft Moyſes alhier vnd gibts vns zu erkennen mit dem / das er ſagt; Da Jacob volendet hatte die Gebot an ſeine Kinder. Nicht vnbillich aber / ſon - dern recht vnd wol hat der liebe Jacob daran gethan / das er al - ſo vor ſeinem ende ſein Teſtament gemachet / vnd ſeinen letzten willen offenbaret hat; Sintemal er hiermit zu vorkommen al - lerley ſtreitiges weſen / das ſonſt nach ſeinem Abſchiede / vnter ſeinen Kindern ſich gar leicht hette entſpinnen moͤgen / wo Er ohne gemachtes Teſtament vnd erklerung ſeines letzten willens davon gezogen: Wie denn nicht allein das Exempel jenes Juͤnglings Lucæ am 12. der deßwegen den HErrn CHriſtum Vnverſchemter weiſe angelauffen / vnnd zu jhm geſprochen; Meiſter ſage meinem Bruder / daß er mit mir das Erbe theile; Sondern auch andere Exempel vnnd die taͤgliche erfahrung / gnugſam bezeugen / das offt groſſer Zanck vnnd Vneinigkeit / zwiſchen Geſchwieſtern / Freunden / Verwandten vnd Bekan - ten enſtanden / wenn vor dem Abſterben der Eltern / oder ande - rer Wolhaben den Perſonen / nicht richtigkeit iſt gemachet wor - den. Drumb auch noch heutiges tags / Eltern vnd ſonſt ſter - bende Perſonen / die vermoͤgens ſein vnd Guͤtter haben / recht daran thun / vnd deſto geruhiger / wenn Jhr ſtuͤndlein da iſt / einſchlaffen koͤnnen / wenn ſie vor jhrem Ende ein Teſtament machen / vnd verzeichnen laſſen / wie ſie es nach jhrem Abſter - ben / mit jhrer verlaſſenſchafft wollen gehalten haben / wehm eines vnnd das andere bleiben ſolle: Wie denn auch ſolchen Politiſchen brauch zu billigen / nicht allein GOtt ſelbſt im al - len Teſtament durch Moyſen vnd Joſuam / als in jhren ſchrif - ten hin vnd wieder zu leſen / gewiſſe anordnung gemachet hat /B iijwelcher[14]Chriſtliche Leichpredigt. welcher geſtalt es mit Erbſichtigungen allerſeyts ſolte gehalten werden; Sondern es ſagt auch S. Paulus im Newen Teſta - ment an die Galat. am 3. Cap. mit klaren Worten / das man eines Menſchen Teſtament / wenn es beſtetiget worden / nicht verachten ſolle. Gleichwol aber wie dem allen / werden jhrer gar viel gefunden vnter den Weltkindern / die dieſes durchaus nicht in acht nemen / ſondern auff andere weiſe / als durch ein ordentliches Teſtament / nach jhrem Abſterben Friede vnd ei - nigkeit / vnter jhren Kindern oder andern Erben zu erhalte[n]vermeinen / Nemlich durch vnnuͤtze verſchwendung jhrer Guͤt - ter / vnd leſt ſich mancher Raben Vater vnd ander leichtfertiger Luder Bruder offt verlauten / Jch wil daß meine bey Lebendi - gem leibe durch die Gurgel jagen / Verfreſſen vnd Verſauffen / Verdoppeln vnd Verſpielen / oder ſonſt Verpancketiren / So duͤrffen dermal eines meine Kinder vnd Freunde / nach meinem Tode nicht viel Zanckens / nicht viel rechtens vnd fechtens da - rumb haben / was einem vnd dem andern bleiben ſolle. Wel - ches aber vnrecht vnd groſſe Suͤnde iſt / dadurch ſich einer an GOtt / an ſeinem Nechſten / vnnd an ſich ſelbſten vergreiffet / demnach auch von GOtt / wo er ſich nicht erkennet vnd Buſſe thut / nicht kan vngeſtraffet bleiben. Vnd diß iſt die Erſte.

De II. Circumſtantiâ.

DIe II. Vmbſtende belangende / Nemlich Fir - mam Fiduciæ omnis in Meſſiâ collocationem, Das ſtandhafftige hoffen vnd vertrawen / daß der liebe Ja - cob zu gleich mit auff den Meſſiam vnd Heyland der Welt ge - ſetzet hat / deutet Moyſes alhier auch noch darauff mit dem / das er ſagt: Da Jacob volendet hatte die Gebot an ſeine Kinder / Sintemal doch in dieſen Geboten an ſeine Kinder / oder in dir Rede / die er damals an ſeine Kinder gethan / Er auchmit[15]Chriſtliche Leichpredigt. mit gedacht hat deß verſprochenen Schlangeniretters / vnd ſein ſtandhafftiges hoffen vnd vertrawen auff denſelben / wie auch ſeine groſſe Hertzens begirde nach Jhm / das Er doch kommen vnnd ſich einſtellen moͤchte / gnugſam zuerkennen gegeben. Zwar es iſt wol die Rede des lieben Jacobs zu ſeinen Kindern mehrentheils von leiblichen Segen / von zeitlichen vnnd jrdi - ſchen Guͤtern geweſen; Allein ſein Hertz hat daran durchaus nicht gehangen: Sein Hertz / Sinn vnd Muth hat einig vnd allein gehangen vnd gehalten an dem himmliſchen / Geiſtlichen vnnd Ewigen Gute / an dem damals nach zukuͤnfftigen / nun mehr aber geleiſteten Meſſiâ, Chriſto JEſu / GOttes vnd Ma - rien Sohn / drumb er auch in ſeiner Rede hin vnd wieder deſ - ſelben mit gedacht / ſein Glaubens bekendnis von jhm gethan / vnd mit gar ſehnlichen Worten / nach jhm geſeuſſtzet hat. Bald anfangs / da er vber Ephraim vnd Manaſſe die zwene Soͤhne Joſephs / der ſein liebſtes Kind / den Segen geſprochen / hat er ſeine Hende Creutzweiſe vber ſie gelegt vnd geſagt; Der En - gel / der mich erloͤſet hat von allem Vbel / der ſegne dieſe Kna - ben / vnnd hat damit gleich andeuten wollen / das er gewiß ſey vnd feſtiglich gleube / das der Ewige vnd Almechtige SOhn GOttes / den er allhier durch den Engel verſtehet / vnd der auch ſonſt hin vnd wieder in der Schrifft / ein Engel genennet wird / zu beſtimpter Zeit von GOtt / ſeinem himmliſchen Vater in die - ſe Welt werde geſendet werden / ware Menſchliche Natur an ſich zu nehmen / Vnnd daß er als ein Engel oder Bote / alß ein Himmliſcher Legat vnns werde ankuͤndigen / den willen GOTTES / ſeines himliſchen Vaters von vn - ſer Seligkeit; Er werde ſich auch nach andeutung ſeiner Creutz - weiſe vber einander geſchrenckten Hende oder Armen laſſen Creutzigen vnnd toͤdten / vnd am Creutz / wie aller Welt / alſo auch ſonderlich ſein vnd jhr Erloͤſer ſein / vnd ſie befreyen von allem Vbel / werde auch jhnen vnd vns zuwege bringen / denrechten[16]Chriſtliche Leichpredigt. rechten himliſchen Segen / den wir im Paradiß verſchertz[et]hetten / Sintemal er doch ſein werde Benedictus der Geſegne - te / in dem alle Voͤlcker auff Erden ſolten geſegnet werden. Fer - ner da der liebe Jacob zu Juda ſeinem Sohn geredet / iſt er gleich ſtutzig worden in ſeiner Rede / denn der Meſſias iſt jhm noch jmmer im Sinn gelegen; Hat derwegen aus anregung des heiligen Geiſts eine ſchoͤne Weiſſagung von jhm gethan vnd geſprochen: Es wird das Zepter von Juda nicht entwen - det werden / noch ein Meiſter von ſeinen Fuͤſſen / biß das der Held komme / vnnd demſelben werden die Voͤlcker anhangen. Er wird ſein Fuͤllin an den Weinſtock binden / vnd ſeiner E - ſelin Sohn an den edelen Reben / Er wird ſein Kleid in Wein waſchen / vnd ſeinen Ma[n]tel in Weinbeer blut. Seine Au - gen ſind roͤdtlicher denn Wein / vnnd ſeine Zeene weiſſer denn Milch. Hat damit gleich ſo viel ſagen wollen: Nun mein Sohn Juda / wann das Zepter von dir wird genommen wer - den / wenns mit deinem Reich oder mit der Policey deines Volcks / wird auff die Neige kommen / wenn Kron vnnd alle Regalien werden weg ſein / wird denn kommen Silo der Heldt / doch nicht ein gemeiner Heldt / Sondern gar ein ſonderbarer Heldt / Geminæ Gigas ſubſtantiæ, der zweyſtemmige Heldt / der GOtt vnd Menſch ſein wird in einer Perſon / der Welt Heyland / dem werden die Voͤlcker mit gleubigen Hertzen an - hangen / vnd derſelbe wird ſein Fuͤllen an den Weinſtock bin - den / vnd ſeiner Eſelin Sohn an den edelen Reben / Das iſt / Aus zweyen Voͤlckern wird er eines machen / Juden vnd Hey - den wird er jhm ſelbſt / alß dem rechten Weinſtocke einverlei - ben / in dem er ſie bringen wird / zur Gemeinſchafft der Chriſt - lichen Kirchen / daran Er das Haupt iſt: Er wird auch bey dieſer ſeiner Kirchen ſelbſt aufftreten vnd Predigen / Vnd wird in ſeinen Predigten herfuͤr leuchten laſſen / rodte Augen vnd weiſſe Zeene / das iſt / Er wird Geſetz vnnd Evangeliumtreiben /[17]Chriſtliche Leichpredigt. treiben / da zwar das Geſetz als Rodte augen / wenn man darein ſihet / ſichern vnd Epicuriſchen hertzen zu wider ſeyn; Das Ev - angelium aber / wird als eine weiſſe ſuͤſſe Milch betruͤbten her - tzen anmutig fuͤrkommen vnd krefftigen troſt geben; Vnd denn / wenn er ſein Curriculum volbracht / wird Er ſein Kleid in Wein waſchen / vnd ſeinen Mantel in Weinbeerblut / das iſt / der Sohn Gottes wird im Fleiſche / darein er ſich gleich ver - kleiden wird / leiden vnd ſterben / vnd ſein Blut vergieſſen / zum Loͤſegeld fuͤr vnſer Suͤnde. Endlich da der liebe Jacob auff ſei - nen Sohn Dan kommen / vnd jhm / was ſein zuſtand ſeyn wer - de / vermeldet / da hat er wieder ſeine rede gleich Abrumpiret, hat angefangen zu Exclamiren, hat nach dem verheiſſenen Meſſia geſeufftzet / vber laut außgeſchriehen vnd geſprochen; Domine expecto ſalutare tuum, HErr ich warte auff dein Heil. Ach / hat er ſagen wollen / mein trewer HErr vnd Gott / wie ein hertzliches verlangen habe ich doch die zeit meines lebens gehabt nach dem Weibesſamen / den du im Paradiß vnſern Großeltern zugeſagt vnd verſprochen haſt / Jch habe gewartet von einer zeit zur andern / vnd immerzu gedacht / jtzt wird er ſich einſtellen: Vnd HErr ich habe auch meine hoffnung vnd mein verlangen noch nicht fallen laſſen / ſondern ich warte noch auff dein Heil / das iſt / auff den Heyland / den du verſprochen haſt / vndbin gewiß / daß / ob ich ſchon hier in der ſterbligkeit / weil mein ende verhanden iſt / jhn mit meinen leiblichen augen nicht ſehen werde / Er doch darumb nicht werde auſſen bleiben / ſondern ſich noch einſtellen zu rechter zeit: Vnd gleich wie ich jtzund ſeufftze: Domine expecto ſalutare tuum; HErr / ich warte auff dein Heil; Alſo wird eine zeit komen / da ein ander außſchreyen wird; Domine, oculi mei viderunt Salutare tuum, HErr meine au - gen haben deinen Heiland geſehen / den du bereitet haſt fuͤr al - len Voͤlckern: Doch werde ich jhn im Ewigen leben auch noch ſehen / vnd meine augen werden jn ſchawen / wie ich hier geiſtlichCmit[18]Chriſtliche Leichpredigt. mit den augen des glaubens jhn erblicke. Vnd nach dieſem an - ſchawen im Ewigen leben / habe ich nun auch ein hertzliches ver - langen / ich warte auch der geſtalt immerzu auff dein Heil / ich hoffe mein Heiland wird nicht lange mehr auſſen bleiben / ſon - dern ſich bald einſtellen / mich auffloͤſen vnd zu ſich nemen / daß ich ſeine herrligkeit anſchawe. Diß meine Geliebten iſt ja in warheit ein ſehr ſchoͤn bekentnuͤß von Meſſia / es iſt hoͤchſte hertzens begierde nach demſelben / es iſt ſtandhafftiges hoffen vndvertrawen auff jhn / vnd hette der liebe Jacob in ſeiner kranckheit ſich nicht beſſer zu einem ſeligen ſterbeſtuͤndlein præpariren oder bereiten koͤnnen / als er ſich der geſtalt dazu præpariret vnd be - reitet hat / wiewol er doch auch / als jtzt ſchon vernommen / zuvor denſelben in ſeinem hertzen eingeſchloſſen / vnd wie dort Gen. 32. auff der Reiſe mit leiblichen Armen des Glaubens an jhm ge - halten.

Andere fromme hertzen haben zu allen zeiten dergleichen gethan / im leben vnd im ſterben haben ſie auff Chriſtum ge - trawet vnd gebawet / vnd haben demſelben mit ſeinem Blut vnd Todt / mit ſeinem vollkommen gehorſam / bittern leiden vnd ſterben vnd ſeinem gantzen thewerem verdienſte jhre einige hertzensfrewde ſeyn laſſen / wie denn viel Exempel aus dem Al - ten vnd newen Teſtament / vnd aus andern bewerten Hiſtorien angefuͤhret werden koͤnten / wenn wir nicht die zeit in acht nemen vnd fort eilen muͤſten. Jn welcher frommer hertzen fußſtappen wir den billich heutiges tags auch noch treten vnd jhnen nach - folgen ſollen / vnd ſolches ſonderlich nach dem Exempel des lie - ben Jacobs / daß wir jtzt eigendlich fuͤr vns haben / zu der zeit / wenn vns etwa der liebe Gott mit kranckheit angreiffet / auffs Siechbette darnieder ſtrecket / vnd wir dieſe Welt geſegnen ſol - len / da ſollen wir ja nicht an dem zeitlichen hangen / wie Curti - ſanus Silberberger einvortrefflicher vom Adel vnd Canoni - cus zu Worms / der da / wenn er kranck worden / jhm ein Beckenvoller[19]Chriſtliche Leichpredigt. voller Goldguͤlden hat fuͤrtragen laſſen / vnd daran ſeine luſt vnd frewde gehabt / auch jhm eingebildet / es linderte ſeine ſchmertzen / wenn er mit ſeinen Henden im Golde vmbher meh - rete: Sondern wir ſollen das zeitliche alles beyſeits ſetzen / ſol - len den HErrn Chriſtum ergreiffen / mit ſeinem thewren ver - dienſte / jhn in vnſere hertzen / vnd vns in ſeine blutflieſſende wunden einſchlieſſen / auff jhn vnd auff ſein Wort trawen vnd bawen / vnd mit David ſagen aus dem 119. Pſalm: HErr wenn ich nur dich habe / ſo frage ich nichts nach Himmel vnd nach Erden / wenn mir gleich Leib vnd Seel verſchmachtet / ſo biſtu doch allezeit meines hertzen troſt vnd mein theil / Jn dir vnd in deinen Wunden finde ich krafft vnd ſafft / troſt / labſal vnd er - quickung / wenn mir auch angſt iſt in leiblichen / in Geiſtlichen vnd Todesnoͤthen / vnd ich nur an dich gedencke / kan ich mich bald zu frieden geben. Wenn wegen meiner Leibes ſchwachheit / damit du mich angegrieffen / trawrige gedancken auffſteigen in meinem Hertzen / vnd ich nur dich erblicke / kan ich mich bald anreden vnd ſagen aus dem 42. Pſalm: Was betruͤbſtu dich meine Seel / vnd biſt ſo vnruhig in mir / harre auff Gott / auff ſein Heil / Chriſtum Jeſum / ich weiß / Er als der rechte Helffer / Heiland vnd Artzt Jſraelis wird auch an dir zu rechter zeit / wenn vnd wie er wird wiſſen / daß es dir gut vnd ſelig wird ſeyn ſollen / ſein Heil vnd ſeine huͤlffe beweiſen / vnd es ſo machen / daß du jhm noch dancken wirſt / daß er deines Angeſichts huͤlffe vnd dein Gott iſt; Denn ſeine Hand iſt nicht verkuͤrtzt / Eſa. 50. Seine Hand zu helffen hat kein ziel / wie groß auch ſey der ſcha - de. Alſo wenn mir mein ſuͤndhafftiges gewiſſen zuſetzet / mich naget vnd plaget / vnd ich nur dich erblicke / kan ich bald ſagen mit dem alten Lehrer Bernhardo: Turbabor quidem, ſed non perturbabor, quia vulnerum Chriſti recordabor, das iſt / wie die Chriſtliche Kirche ſinget:

Denn es ſtehet ja 1. Joh. 1. Das Blut Jeſu Chriſti des Sohns Gottes reiniget vns von vnſern ſuͤnden. Wer wil nun mich vnd andere außerwehlte Kinder Gottes beſchuldigen? Gott iſt hie / der da gerecht machet: Wer wil verdammen? Chriſtus iſt hie / der da geſtorben iſt / ja viel mehr / der auch aufferwecket iſt von den Todten / welcher ſitzet zur rechten Gottes vnd vertritt vns / zum Roͤm. am 8. Wenn mir auch der zeitliche Todt vnte[r]augen trit / mir einbildet / wie ich werde ſterben / vnd in der Erde vermodern muͤſſen / vnd mir dadurch furcht vnd ſchrecken einzu - jagen vermeinet / kan ich ingleichen / mein HErr Chriſte / wenn ich nur dich erblicke / mich zu frieden geben / ich kan ſagen mit David aus dem 23. Pſalm: Ob ich ſchon wandel im fi[n]ſtern Thal / fuͤrchte ich doch kein vngluͤck / denn du HERR biſt bey mir;

Vnnd kan weiter ſagen aus dem 14. Capitel an die Roͤmer: Lebe ich / ſo lebe ich dem HErrn / Sterbe ich / ſo ſterbe Jch dem HErrn / darumb ich lebe oder ſterbe / ſo bin ich doch des HErrn. Vnd / wie zun Roͤm 8. ſtehet / Jch bin gewiß / daß weder Todt noch Leben / noch etwas mich ſcheiden ſol / von der liebe GOt - tes / die da iſt in Chriſto JEſu meinem HErrn. Sehet / Ge - liebten / alſo ſollen wir vns / wie im Leben / alſo auch ſonderlich im Sterben / mit dem lieben Jacob auff den Meſſiam verlaſ - ſen / alſo ſollen wir vns vnſers Heylandes vnd Seligmachers CHriſto JEſu in allerley / Sonderlich auch in Todes noͤthen frewen vnd troͤſten: Werden wirs thun / wir werden vns auff ein ſeliges Stuͤndlein gar fein præpariren vnd gefaſt machen / Vnnd werden endlich / wie nun jetzt weiter von Jacob folgen wird / ſa[n]fft vnnd ſtille im HErrn einſchlaffen vnd dieſe Welt geſegnen koͤnnen.

De III. Circumſtantiâ.

BElangende demnach die III. Vmbſtende / Nem - lich Placidam corporis & animæ diſſolutionem, Die ſanffte von einander ſcheidung Leibes vnnd der Seelen Jacobs / beſchreibet Moyſes ſolche in abgeleſen Text / mit die - ſen Worten: Er thet ſeine Fuͤſſe zuſammen auffs Bette vnd Verſchiedt Je / lieber GOTT / Das iſt ja ein rechter ſuͤſſer vnd ſanffter Todt geweſen / dabey kein Schmertzen / kei - ne Vngeberdigkeit geſpuͤret worden / da ſind nicht geweſen ge - brochene Augen / da ſind nicht etliche Hertzenſtoͤſſe auff einan - der erfolget / Todes ſchweis iſt gar verblieben / er hat ſich auff dem Bette nicht rumb geweltzet / er hat nicht wie lang Sprach - los gelegen etc. Sondern wie Geneſ. am 48. ſtehet / Er hatC iijerſt[22]Chriſtliche Leichpredigt. erſt noch geſeſſen im Bette / hat ſeine Kinder vor ſich gehabt / vnnd hat einen ſchoͤnen vnnd langen Sermon an ſie gethan, Drauff da er außgeredet / hat er ſich nieder geleget / hat / da noch niemand ſeines Endes ſich ſo ſchnel verſehen / ſeine Augen zu - gethan / ſeine Fuͤſſe fein gleich außgeſtreckt auffs Bette / iſt al - ſo auſſen blieben / vnnd als ein Liecht verloſchen / vnnd hat der Todt mit dem lieben Jacob faſt mehr geſpielet / oder ſeine kurtz; weil getrieben / alß das es jhm ein rechter ernſt geweſen were.

Es iſt aber dieſes ſein ſanfftes Abſterben / nicht ſo eigen her geruͤhret von ſeinem hohen Alter / da er wol Hundert vnnd ſie - ben vnd vierzig Jahre erreichet / zimlich von Krefften kommen / vnddeß Lebens ſatt vnd vberdruͤſſig worden / ſintemal doch auch offt Alte leute einen ſchweren Todt haben: Sondern es iſt her - geruͤhret von ſeinem Heilande / dem Son Gottes / den er in ſeinenhertzen gehabt hat. Dennderſelbe iſt dz Leben / wie er ſelber ſpricht Joh. 14. Ich bin der weg die Warheit vnddas Leben; Weil nun Jacob denſelben in ſeinen hertzeneingeſchloſſen gehabt hat / ſo iſt lauter Leben jnne geweſen / der Todt hat weniger als nichts bey jm außrichten koͤnnen / wie wir auch andere Exempel in der Schrifft frommer vnd gleubiger Hertzen haben / die gleichfals / ſo ſanffte vnd ſtille verſchieden ſein / vnd dieſe Welt geſegnet haben. Als von dem lieben David / der den HErrn Chriſtum in ſeinem her - tzen fuͤr ſein hoͤchſtes Gutt vnd Erbtheil gehalten / vnd jhn alle - zeit fuͤr Augen gehabt / wie im 16. Pſalm ſtehet / Sein auch we - der Tag noch Nacht vergeſſen koͤnnen / alß er ſpricht im 63. Pſ. Wenn ich mich zu Bette lege / ſo dencke ich an dich / wenn ich er - wache / ſo rede ich von dir / wird gemeldet 1. Reg. 2. Das / da ſeine Zeit herbey kommen / vnd Er ſterben ſollen / Er entſchlaſ - fen ſey / vnd wird hirmit angedeutet / daß es alles gar ſanff[t]e zu - gegangen ſey mit ſeinem Tode / anders nicht / Als wenn ſich einer niederlegt vnd entſchlefft in ſeinem Kaͤmmerlein. Von Joſaphat dem Gottſeligen Koͤnige / wird im Buch der Koͤni -ge[23]Chriſtliche Leichpredigt. ge am 22. dergleichen geleſen. Vnd von dem lieben Simeon / der das zarte JEſu Kindlein / nicht allein euſſerlich im Tempel auff ſeinen Armen gehabt / vnd an ſeine Bruſt gedrucket / ſon - dern auch jnnerlich im Hertzen / durch den Glauben gehertzt vndgekuͤſſet hat / leſen wir Luc. 2. Das er / wie ein Schwan / kurtz fuͤr ſeinem Abſterben ſehr lieblich geſungen / vnd geſagt: HErr nun leſſeſtu deinen Diener im Friede fahren / denn meine Au - gen haben deinen Heyland geſehen / welchen du bereitet haſt fuͤr allen Voͤlckern / ein Liecht zu erleuchten die Heyden / vnnd zum Preiß deines Volcks Jſrael; Vnd das er alſo gleich lachend / vnd in lauter Frewde ſein Leben beſchloſſen. Einen ſo ſanff - ten vnd Seligen Todt / haben nun auch noch heutiges Tags fromme Hertzen / die ſich in wahrem Glauben an der HErrn CHriſtum halten / zu hoffen vnd zu gewarten. Durffen dem - nach durchaus nicht thun / wie die Tuͤrcken thun / die da / wenn ſie vermercken / das ſie werden ſterben ſollen / Todtrencke zu ſich nemen / damit ſie die Todes ſchmertzen nicht fuͤhlen moͤgen: Sondern ſie koͤnnen ohne diß ſich getroſt / vndmit frewden d[r]ein ergeben / jhres Sterbſtuͤndleins mit ged[u]lt erwarten / vnnd ge - wiß hoffen / das jhr HErr vnd Heyland Chriſtus JEſus / der dem Tode die Macht genommen / vnd daß Leben iſt / Auch im Tode jhr Leben ſein / vnd ſie ſanffte vnnd ſtille werde hinziehen laſſen. Vnnd ob ja ſchon bey frommen Hertzen / die ſich in wahrem Glauben an CHRIſtum halten / im Tode ſich auch ſchmertzen mit ereig[n]en moͤchten / ob ſie ſchon nicht alle ſo gar fanffte vnd ſtille moͤchte loßdruͤcken / Wie Jacob allhier / Wie David / Joſaphat vnd Simeon / weil man doch dieſes alles in den Willen deß lieben GOttes ſtellen mus / dennoch ſo ſol jh - nen der Todt eigendtlich nicht ein Todt / Sondern viel mehr nur ein ſuͤſſer Schlaff ſein / Wie es denn auch Deut. am 31. 2. Samuel 7. Matth. 9. Johan. 11. Vnd ſonſt hin vnnd wieder in der Schrifft ein Schlaff genennet wird / die vmbſtehenden ſol -len[24]Chriſtliche Leichpredigt. len die Schmertzen mehr ſehen / alß das die Sterbenden ſie fuͤ - len ſolten / oder da ſie gleich vor dem Tode hergehende ſchmer - tzen fuͤhlen / Sollen ſie doch die rechten Todesſchmertzen nicht fuͤhlen / die rechte Bitterkeit des Todes ſollen ſie nicht ſchme - cken / wie auch CHriſtus ſelber bezeuget / Johan. am 8. da Er ſpricht: Warlich warlich ich ſage euch / ſo jemand mein wort wird halten / der wird den Todt nicht ſehen Ewiglich. Vnd Johan. am 11. ſpricht er: Jch bin die Aufferſtehung vnd das Leben / wer an mich gleubet / der wird Leben / ob er gleich ſterbe / Vnd wer da lebet vnd gleubet an mich / der wird nimmer mehr ſterben. Jn erwegung deſſen ſollen wir nun billich noch heu - tiges Tags dem HErrn CHriſtum / feſt in vnſere Hertzen ein - ſchlieſſen / ſollen / Wie jene Fuͤrſtliche Fraw geſprochen / an jhm als ein Klette am Rocke hangen / auch wenn vnſer Sterbſtuͤnd - lein herbey komet / vns fuͤr dem Tode nichts entſetzen / ſondern viel mehr Jhm getroſt entgegen gehen / jhn mit Frewden ent - pfangen / vnd / wenns nun ſol geſcheiden ſein / mit der Chriſtli - chen Kirchen ſingen: