Der erſte Theil.

Diß leben ein Jammerthal.Die Heyden haben zwar auch geſehen / wie der Menſch hie auff Erden ſo manig faltigem jammer / vnd entlich dem todt ſelber vnderworffen ſeye. Daher jhre gelehrten geſchriben / es ſeye kein ellender thier auff Erden / dann der Menſch. Dann der ſelbig ſo bald er geboren wird / ſo fahet er ſein leben an mit weinen vnd Weeklagen / beweinet alſo den jammer diſes zeitlichen lebens / darinn er geboren wirdt. Jtem / mit was groſſer muͤh vnnd arbeit wirdt er aufferzogen / biß das er ein zeiten gehn kan? Da ſonſt die Voͤgel / bald auß den neſtern hin weg fliegen / vnddie[9]Agatha von Wichſenſtein / ꝛc. die vierfuͤßige Thier bald daruon lauffen. Was muͤhe braucht es / biß das der Menſch hernacher auffgezogen vñ vnderhalten wirdt / das er ſein Brot ſelber gewinnen kan? Vnd wann es dahin kompt / da jhm der Menſch ſelber ſol helffen koͤnnen / was fuͤr arbeit vnnd muͤhſeligkeit muß er außſtehn / das er etwan Kranck wirdt / etwan andere vnfaͤl vnd betruͤbnuß an jhm ſelber / oder an ſeinen Weib / vnnd Kindern erfahret. Vnd wañ er alſo genug in diſem zeit - liehen leben / muͤhe vnd arbeit auß geſtanden / ſo kompt letſt - lich der todt / welcher ein End an diß jrdiſch leben machet. Daher die Thraces, ein Heydniſch Volck den brauch ge - habt / wenn ein Menſch geboren ward / haben ſie geweinet / wann er aber geſtorben / haben ſie gelachet. Vnnd diſe vrſach fuͤrgewandt: wann der Menſch geboren werde / ſo werde er in truͤbſal vnd noht geboren / darumb gebuͤrt ſich zu trauren / entgegen wann er ſterbe / ſo werde er entlediget auß aller truͤbſal / der wegen ſoll man ſich ſeiner Frewen. Aber Gottes wort lehret vns anderſt hieruon. NemlichPſ: 127. 128. die weil die Kinder ſeyen ein Erbtheil vnnd gab Gottes / ſo ſoll man ſich ab jhrer Geburdt frewen / vnnd Gott da - rumb dancken / entgegen / die weil es ein Creutz ſey / wann vns Gott liebe freund von hinnen fordert: ſo ſollen wir1. Thiſſ. 4. trauren / doch wie Chriſten / die Hoffnung durch Chriſtum haben / vom ewigen leben / vnnd der zu kuͤnfftigen auffer - ſtehung der Todter. Was iſt aber die rechten vrſachWas die Hey - den fuͤr ein vr - ſach des zeitlich en jam̃ers vnd Todtes fuͤr ge - wandt. alles jammers in der Welt / vnd entlich des Todts ſelber? Die gelehrten Heyden haben ſich vnderſtandẽ / Natuͤrliche vrſachen anzuzeigẽ / dañ es ſey in der Natur alſo beſchaff - en / das ein ding werde gezeugt / vnd gehe wider ab / als wasBheut[10]Leychtpredig der Edlen Frawen /heut ein Baum iſt / baldt verfaults / wird ein Erden / alſo auch werde ein Menſch Geboren / vnnd ſterbe wider / vnnd wie die Baͤum / Graß / Thier / ꝛc. vil anſtoͤß haben / alſo be -Welches die rechte Vrſach des zeitlichẽ ja - mers vnd todts ſeye. gegnet auch den Menſchen. Aber / Liebe Chriſten / es iſt ein andere vrſach / vmb welcher willen der Menſch ſo mancherley Truͤbſal / vnd entlich dem Todt vnderworffen iſt / welche die Heyden nicht gewißt haben / die wir allein auß Gottes wort / vnd nicht auß der vernunfft erlehrnen.

Daſſelbig lehret vns / das Gott der Herꝛ anfencklichGen. 1. 2. Epheſ. 4. den Menſchen Erſchaffen habe / zu ſeiner Bildnuß in war - hafftiger Weißheit / Gerechtigkeit vnd Heyligkeit / das der Menſch ein volkomne erkandtnuß Gottes gehabt / auch volkomne kraͤfften / das Gut zu Leyſten / vnnd daß boͤß zu vnderlaſſen. So iſt der Menſch auch an ſeinem Leib ein Herꝛliche ſchoͤne Creatur geweſen / das er keiner Kranck - heit / Ach oder Wee / vnderworffen geweſen. Er iſt auch in Groſſem Gut jnnen geſeſſen / das er dem gantzen Erd - boden / alle Voͤgel / Thier vnnd Fiſch / vnder ſeiner Her - ſchafft gehabt. Allein ein einigen Baum im Paradiß / Nemlich den Baum des wiſſens / gutes vnd Boͤſes / hat im Gott verbotten / damit Gott der Herꝛ ſeinen Gehorſam hat woͤllen Probieren / welchem auch der Menſch gar wol het koͤnnen Layſten.

Gen. 3.Aber der Menſch iſt in ſolchem Herrlichen ſtandt / darinnen jhn Gott Erſchaffen / nicht geblieben / ſonder von Gott ſeinem Schoͤpffer abgefallen / ſein Gebott von mei - dung dz verbottnen Baums vbertretten / vnd der ſchlang - en dem Leidigen Teuffel mehr geſolgt / den dem Lieben Gott. Dann als Gott der Herꝛ vnſern Erſten Eltern /Adam[11]Agatha von Wichſenſtein / ꝛc. Adam vnd Eua verbott / das ſie von dem gemelten Baum des wiſſens / gutes vnd Boͤſens / nicht eſſen ſolten / vnd jhnen darbey trawet / welche ſtund ſie daruon eſſen wuͤrden / das ſie wurden des Todts ſterben / da kompt der Leydige Sa - than in Geſtalt der Schlangen zu jhnen / vnnd fahet ein Geſprech an mit der Eua / vnſer Erſten Muttter / vnd ſpricht: Es hab nicht die meinung / das ſie des Todtes ſter - ben / wenn ſie von diſem Baum eſſen / ſonder es ſteckt ein anders dahinden / Nemlich / das ſie von ſolcher ſpeiß wur - den Gott gleich werden / welches jhnen Gott nicht goͤnne. Derwegen ſollen ſie kecklich hieruon eſſen / es werde jhnen nicht ſchaden / ſondern vil mehr nutzen. Solchen betruͤg - lichen worten / Glaubt die Eua / Jſſet vom verbottnen Apffel / vnnd gibt auch dem Mann hieruon / welcher deß - gleichen Jſſet / vnnd haben alſo ſie beyde Gottes Gebote vbertretten / vnnd haben hierdurch die Suͤnd vnd die ſtraff der Suͤnden / Nemlich zeitlichen vnnd ewigen jammer vnd Todt auff ſich / vnnd all jhre nachkommen / das gantz Menſchlich geſchlecht geladen.

Darauß Offenbar iſt / das Gott der Herꝛ den Men - ſchen nicht Erſchaffen hat / zu der ſuͤnd vnd zu dem Todt / ſonder weyß / Heylig vnnd gerecht an Leib vnnd Seel / aber der Menſch hat der Liſtigen verfuͤhrung des Teuffels ge - folget / ſich von Gott abgewandt / von der verbottnen frucht Geſſen / vnd alſo ſich vnnd ſein gantze nach kommen - ſchafft in die Suͤnd / vnd hierdurch in zeitlichen vñ ewigen jammer vnd Todt geſtuͤrtzet.

Daher ſagt der Weyß Mann im Buch der Weyß - heit / am 2. Capitel: Gott hat den Menſchen Geſchaffen /B 2zum[12]Leychtpredig der Edlen Frawen /zum ewigen Leben / vnd hat jhn gemacht zum Bilde / das er gleich ſein ſoll / wie er iſt. Aber durch des Teuffels neid / iſt der Todt in die Welt kommen.

Vnnd S. Paulus ſpricht zun Roͤm: am 5. Wie durch einem Menſchen / die Suͤnd iſt kom̃en in die Welt / vnnd der Todt durch die Suͤnd / vnnd iſt alſo der Todt zu allen Menſchen durch gedrungen / dieweil ſie alle geſuͤn - diget haben.

Deßgleichen ſpricht er 1. Cor. 15. Sintemal durch einen Menſchen der Todt / vnd durch einen Menſchen die Aufferſtehung der Todten kommet. Dañ gleich wie ſie in Adam alle ſterben / alſo werden ſie in Chriſto alle Leben - dig gemacht werden.

Alſo verſtehet. E. L. Was die vrſachen ſeyen / des zeitlichen vnd ewigen Todtes / Nemlich der Teuffel / der den Menſchen verfuͤhret hat / vnnd der Menſch ſelber / der dem Teuffel gefolget hat.

Der Ander Theil.

Nun woͤllen wir aber jetz zum andern anhoͤren / wasArtzney wider den Todt. vns vnſer lieber Herꝛ vnd ſeligmacher Chriſtus / in diſem verleſenen Text / fuͤr ein Artzney vnd Troſt / wider den todt anzeigt.

Hieruon ſpricht er alſo: Jch bin die Aufferſtehung vñ das leben / wer an mich glaubet / der wird leben / ob er gleich ſtuͤrbe / vnnd wer da lebet vnnd Glaubet an mich / der wirdt nimmer mehr ſterben.

Als woͤlte der Herꝛ Chriſtus ſagen: jr Menſchen habteuch[13]Agacha von Wichſenſtein / ꝛc. euch den Teuffel laſſen verfuͤhren / vnd euch in die Suͤnd /Chriſtus iſt die Aufferftehung / vnd das leben. vnd hiedurch in den zeitlichen vnnd ewigen todt geſtuͤrtzt / aber ich wil euch ein Artzney wider ſolchẽ jam̃er anzeigen. Jch ſelber / ſpricht er / bin ewer Aufferſtehung vnd das le - ben / das iſt / ich bin der jenig / der mit meinem verdienſt ew - re ſuͤnd gebuͤſſet / den Teuffel vberwunden / den Todt ver - ſchlungen / vnd die Hell zerſtoͤret hab. Derwegen alle die / welche an mich Glauben / vnd ſich von hertzen meines ver - dienſts troͤſten / denen wil ich die Suͤnd vergeben / ſie von gewalt des Teuffels / des Todts / vnnd der Hellen erloͤſen / jhre Leychnam am Juͤngſten tag Aufferwecken / vnnd ſie mit Leib vnnd Seel in das ewige leben einnemen. Da - rumb Spricht er: Wer da Glaubet an mich / ob er gleich ſtuͤrbe / der wirdt leben / das iſt / wann er ſchon des zeitlichen Todts ſtirbt / deſſen zwar alle Menſchen ſterben muͤſſen / ſo wirdt doch ſeine Seel Leben / das ſie von ſtund an / ſo bald ſie vom Leib ſcheidet / in das ewig leben ſoll genommen / der Leib aber / als welcher Geſtorben / vnnd in die Erden be - graben wirdt / derſoll am Juͤngſten tag mit Frewden wi - derumb aufferweckt werden.

Ja / ſpricht der Her / wer da lebet vnnd Glaubt an mich / der ſoll nimmermehr ſterben / verſtehe / des ewigen Todts. Dann wann er ſchon Leiblich ſtirbt / ſo ſoll doch ſolcher Todt kein todt oder verderben ſein / ſonder nur ein Schlaff / da der leib ruhet / biß an Juͤngſten tag / vñ als dañ widerumb zu dem ewigen leben aufferſtehn. Darumb ſpricht er auch Joh: 8. Wer ſein wort halte / das iſt / wer ſeinem H. Euangelio Glaube / vnd jhne fuͤr ſein einigen Warhafftigen Heyland vnnd Seligmacher erkenne / derB 3werde[14]Leychtpredig / der Edlen Frawen /werde den Todt nicht ſchmecken ewigklich / Nemlich den ewigen Todt.

So verſtehn wir nun hierauß / das der Herꝛ Chꝛiſtus iſt die rechte Artzney / wider den todt vnd ewige verdamnuß / vnd das wir allein durch jhn haben ein froͤliche Aufferſte - hung vnſers leibs / vnd das ewige leben.

Zeugniß der H. ſchrifft / von der Aufferſtehung der Todten.Was nun allhie der Son Gottes von vnſer Aufferſte - hung am Juͤngſten tag bezeuget / das lehret vns ſunſt auch Gottes wort / im Alten vnd Newen Teſtament. Als der H. Pꝛophet Eſaias ſpꝛicht am 25. Capitel: Der Herꝛ wirt auff diſem berg das heulẽ weg thun / damit alle Voͤl - cker verhuͤllet ſeind / vnd die decke / damit alle Heyden zu be - deckt ſein. Den er wirt den Todt verſchlingen ewiglich / vñ der HERR Herꝛ wirt die threnen von allen angeſich - ten abwiſchen / ꝛc. Da bezeugt der H. Pꝛophet / das der Herꝛ der Meßias vnſer hayland Chꝛiſtus / werde das heul - len vnnd die decke / das iſt / die Todten Tiecher / darein die Todten eingemacht ſeind / hinweg thun / er werde den todt verſchlingen / das iſt / er werde dem Todt ſein gewalt wider das Menſchlich Geſchlecht nem̃en / die Todten am Juͤng ſten tag Aufferwecken / vnd alſo alle Threnen oder zeher / welche die glaͤubige in diſer welt in jhrem Creutz vnd ley - den vergoſſen haben / hinweck nemen / vnd ſie mit Ewiger frewd ergoͤtzen.

Alſo ſpꝛicht er auch in dem volgenden 26. Capitel: dei - ne Todten werden leben / vnnd mit dem Leychnam Auffer - ſtehen. Wachet auff vnnd riemet / die jhr liget vnder der Erden / den dein Thaw iſt ein Thaw des grienen Felds /aber[15]Agatha von Wichſenſtein / ꝛc. aber das Landt der Todten wirſtu ſtuͤrtzen. Mit diſen worten lehꝛt der H. Pꝛophet deß gleichen / das die Toten am Juͤngſten tag werden Lebendig werden / Darumb ſol - len ſie ſich ruͤmen / das iſt / ſroͤlich ſein. Denn zu gleicher weiß / wie es ein Herꝛlichs vnd lieblichs werck iſt / wann der Winter hinwegk kompt / vnd jetzt die holdſelige Fruͤlings vnnd Sommers zeit angehet / da dann der Tawauff dem felde ligt / vnnd es alſo gruͤnet / das es einen ſolt anlachen. Alſo wirt das Land der Todten geſtuͤrtzt werden / der Tod ſole am Juͤngſten tag ein ende haben / vnd angehn die froͤ - liche Fruͤlings vnd Sommers zeit / des Juͤngſten tags / da die Leychnam der Glaͤubigen mit frewden zu dem ewigen leben ſollen Aufferſtehen / vñ ſchoͤn gruͤnen / wie das gruͤne Feld / welches vom Taw befeuchtiget wirt. Alſo ſpꝛicht auch der H. Pꝛophet Daniel am 12. Cap. Vil / das iſt / alle (wie dann das woͤrtlin vil / offtermals in der Schrifft fuͤr das woͤrtlin / alle genommen wirdt / als Matth. am 20. Des Menſchen Son iſt kom̃en / das er ſein leben gebe / zu erloͤſung fuͤr vil / das iſt / fuͤr alle Menſchen) Diſe vil vnd alle / ſpricht Daniel / ſo vnder der Erden ſchlaffen ligen / werden auffwachen / etliche zum ewigen leben / nemlich / die Glaͤubige / etlich zu ewiger ſchmach vnd ſchand / nemlich / die vnglaͤubige vnd Gottloſſe.

Der gleichen ſpꝛicht auch der Son Gottes im Pꝛophe ten. Oſea am 13. Jch wil ſie erloͤſen auß der Hoͤll / vñ vom todt erꝛetten. Todt ich wil dir ein gifft ſein / Hoͤll ich wil dir ein Peſtilentz ſein. Jn diſen worten trewet der Sohn Gottes dem todt vñ der Hoͤllen / das er ſie woͤlle zerſtoͤren /B 4vnd[16]Leychtpredig der Edlen Frawen /vnd hinrichten / wie ein Gifft vnd Peſtilentz / ein Menſchen hinrichtet. Vnd woͤlle alſo ſeine Gleubigen vom Todt vnd der Hoͤlle erꝛetten vnd erloͤſen. Alſo ſchreibt der H. Prophet Ezechiel am[3] 7. Cap: Wie jhm Gott der Herꝛ die Aufferſtehung der Todten durch ein geſicht geoffen - baret habe / in dem er jn auff ein weit feld hinauß gefuͤhret. welches voller todten Bein gelegen / welche gerauſchet / ſich geregt / vnd widerumb zu ſamen kom̃en / auff welchen Adern vnd fleiſch gewachſen / mit haut vberzogen worden / vnd widerumb Athem / das iſt / jhr Seel bekommen / das ſie widerumb lebendig worden / vnd ſich auff jre Fuͤß auff ge - richtet haben.

Wir woͤllen jetzunder auch etlich zeugniß von der tod - ten Aufferſtehung / auß dem Newen Teſtament anhoͤren.

Alfo ſpricht der Herꝛ Chriſtus Joh. 5. Warlich / Warlich / ich ſage euch: Es kompt die ſtund / vnd iſt ſchon jetz / das die Todten werden die ſtimme Gotteshoͤren / vnd die es hoͤren werden / die werden leben. Vñ bald hernacher ſpricht er: dann es kompt die ſtund / in welcher alle / die in den Graͤbern ſeind / werden ſeine Stimme hoͤren / vnnd werden herfuͤr gehen / die da guts gethan haben / zur Auff - erſtehung des Lebens / die aber vbels gethan haben / zur Aufferſtehung des gerichts.

Wie er dann alhie ſpricht / Er ſey die Aufferſtehung vnd das leben: wer an jhn Glaube / der werde leben / ob er gleich ſtuͤrbe / ꝛc. Vnd nach dem / zur zeit des H. Apoſtels Pauli falſche lehrer auffgeſtandẽ / welch die Aufferſtehung der Todten verleugneten / vnd ſolch Gifft in den Kirchen zu Corintho außgoſſen / da hat der H. Apoſtel die Corin -thier[17]Agatha von Wichſenſtein / ꝛc. thier vor ſolchem Gifft gewarnet / vnd diſen Troſtreichen Artickel von Aufferſtehung der todten / gar herꝛlich vnnd vnwiderſprechlich außgefuͤrt. 1. Corinth. 15. vnd ſetzt die Aufferſtehung Chriſti zu einem grund vnſer Aufferſte - hung / ſprechend: Nun aber iſt Chriſtus von den Todten Aufferſtanden / vnd der erſtling worden vnder denen / die da Schlaffen. Sintemal durch einen Menſchen der todt / vnd durch einen Menſchen die Aufferſtehung der Todten kom̃et. dann gleich wie ſie in Adam alle ſterben / alſo wer - den ſie in Chriſto alle lebendig gemacht werden.

Mit welchen worten der H. Apoſtel anzeigt / das Chriſtus ſey das Fundament, grund vnnd vrſach vnſer Aufferſtehung. Dann wie er / als den erſtling / oder das Haupt / auß den Schlaffenden oder Abgeſtoꝛbnen / von den todten Erſtanden iſt / alſo wirdt er auch die andere ſeine G[l]ider / durch krafft vñ wirckung ſeiner Sigreichẽ Auffer ſtehung / von den Todten Erwecken. Dann zu gleicher weiß / wie wir durch den Adam vnſern Erſten Vatter / in die Suͤnd / vnnd durch die Suͤnd in den Todt gerahten / alſo werden wir durch Chꝛiſtum von der Suͤnd vnd todt erloͤſet / vnd zu dem ewigen leben gebracht.

Es ſpꝛicht auch Paulus am ſelbigen ohꝛt: wann man die Aufferſtehung der Todten verleugnen woͤlte / daß vnſer gantzer Chꝛiſtlicher Glaub vmb ſunſt were. Dann / wann die Aufferſtehung der Todten nichts iſt / ſo iſt auch Chꝛiſtus nicht Aufferſtanden. Jſt aber Chꝛi - ſtus nicht Aufferſtanden / ſo iſt vnſer Pꝛedig vergeblich / auch iſt vnſer Glaub vergeblich. Jtem / ſo wir alleinCin[18]Leychtpredig der Edlen Frawen /in diſem leben auff Chꝛiſtum hoffen / ſo ſeind wir die Elen diſten vnder allen Menſchen. Was ſtehen wir alle ſtund in der gefahr? Wir ſterben taͤglich / Jtem ſpꝛicht Paulus: Jch hab Menſchlicher meinung zu Epheſo mit den wil - den thieren gefochten: was hilffts mich / ſo die Todten mit auff ſtehn? Mit welchen woꝛten der liebe Apoſtel Lehꝛt / das / wann kein Aufferſtehung der Todten were / daß vnſer Chꝛiſtlicher Glaub der Elendiſt Glaub were / der auff der Welt ſein koͤndte / das wir an Chꝛiſtum Glaubeten allein in diſem leben / vnnd daruͤber ſo vil zu leiden hetten mit in - nerlichen vnd euſſetlichen anfechtungen / vnnd ſolten mit vnſern leiber dahinden bleiben / vnd nicht widerumb Auff - erſtehn.

Darumb ſo ſoll der Artickel von Aufferſtehung der Todten in kein zweiffel gezogen werden. Dann da derſelbig fiele ſo fiele der gantz Chꝛiſtlich Glaub / es weren vns auch die andere Artickel nichts nutz / wann mir nicht von den Todten ſolten Aufferſtehen. Derwegen wir diſen Troſtreichen Artickel mit ſteiffen Glauben faſſen vnd be - halten / vnd vns den ſelbigen kein Ketzer noch Teuffel nen - nen laſſen ſollë. Alſo auch da der H. Paulus ſeine Theſ - ſalonicher troͤſtet der abgeſtorbnen halben / ſo troͤſtet er ſie mit dern Artickeln / von der Aufferſtehung der todten / vñ ſchreibt 1. Theſſ. 4. wir woͤllen euch / liebe Bruͤder nicht verhalen von denen / die da ſchlaffen / auff das jhr nit traw - rig ſeid / wie die andern / die kein hoffnung haben. Denn ſo wir glauben / das Jeſus geſtorben vñ Aufferſtanden iſt / alſo wirdt Gott auch / die da entſchlaffen ſeind / durch Je - ſſtm mit jhm fuͤren.

Alſo ſchreibt er auch an die Philipper am 5. Cap. vn - ſer wandel iſt im Himmel / von dañen wir auch warten des heylands Jeſ[u] Chriſti des Herꝛen / welcher vnſern nichti - gen Leib verklaͤren wirdt / das er aͤhnlich werde ſeinem ver - klaͤrten Leib / nach der wirckung / darmit er kan auch alle ding jhm vnderthaͤnig machen: Auß diſen zeugnuſſen des alten vnnd newen Teſtaments iſt offenbar / wie vns Gott der Herꝛ diſen Artickel von der Aufferſtehung der Todten ſo herꝛlich vnd vnwider ſprechlich geoffenbaret vñ fuͤr ge - halten hat. Darumb ſo haben auch die heylige Apoſtel den ſelbigen vnder die 12. Artickel / des Chꝛiſtlichen Glau - bens verfaſſet / Da wir alſo ſpꝛechen: Jch Glaub ein Aufferſtehung des Fleiſchs / dz iſt / ich glaub / das mein Leib oder Leychnam am Juͤngſten tag / mit allen frewden wide - rumb von den Todten ſoll aufferſtehen / mit der Seel ver - einbaret werden / vnd ich alſo mit Leib vnd Seel / ewig bey meinem Erloͤſer Chꝛiſto ſein.

Vnd wiewol diſer Artickel (wie auch die andere Ar - tickel deß Chriſtlichen Glaubens) der Menſchlichen ver - nunfft zu wider ſeind / jedoch ſo hatt vns Gott der Herꝛ / auch in den Natuͤrlichen ſachen ſolche Exempel fuͤr dieGott hat vns die Aufferſteũg der todten in die etlichen Natuͤr - lichẽ ſachen fuͤr gebildet. Augen geſtelt darab wir vns billich verwundern ſollen / vnd darauß abnemen / dieweil Gott der Herꝛ dieſelbige ſachen wirckt / ſo wirdt er auch laut ſeiner verheiſſung / das werck der Aufferweckung der Todten / am Juͤngſten tag leiſten. Wie vns dann der H. Paulus auch die Natur hinein fuͤhret / da er ſchꝛeibt 1. Cor. 15. Moͤchte aber hie jemand ſagen / wie werden die Todten Aufferſtehn? VndC 2mit[20]Leychtpredig der Edlen Frawen /mit weicherley Leib werden ſie kom̃en? Du Narꝛ / das du ſeheſt / wird nicht lebendig / er ſterbe dann / ꝛc. Mit welchen worten der H. Apoſtel lehrt / zu gleicher weiß / wie diß auch ein wunder werck iſt / das ein Koͤrnlin / welches man in das Erdtrich Seet / vnd verfault / widerumb herfuͤr waͤchſt / vnd vilfaͤltige Koͤrnlin tregt / alſo wenn die Leychnam der Glaͤubigen / als die Koͤrlin Gottes / in den Gottes Acker geſaͤet werden / vnd ſchon in der Erden verfaulen / ſo wer - den ſie doch am Juͤngſten Tag wider herfuͤr kommen / vnd auß der Erden Aufferſtehen / vnnd mit der Seelen wider vereinigt werden. Vnd iſt gewiß / wenn einer ſein lebenlang ſolches nie geſehen / wie ein Koͤrnlin / daß im Erdtrich verfaulet / widerumb herfuͤr waͤchſt: ſo wuͤrde er es nicht Glauben woͤllen / das ſolches geſchehe. Wie nun aber diß werck Gottes alle Jar geſchicht / alſo ſollen wir auch gewiß ſein / daß gewißlich laut Gottes woꝛt / die Koͤrn - lin Gottes / die Glaͤubigen mit jrem Leychnam am Juͤng - ſten Tag / mit allen freuden wider herfuͤr kom̃en vnd Auff - erſtehn werden.

Alſo haben wir mehr gewaltige wunderwerck Got - tes inn der Natur / als mit abwichßlung des Winters vnd des Sommers / Jtem tag vnd Nacht. Wann einer were ſein lebenlang in einer Hoͤlen eingeſchloſſen geweſt / das er weder Sonn noch Mond / auch das Erdtrich nie geſehen / vnnd man fuͤrte jhn herauß am Winter / man zeigte jhm das Feld vnnd die Baͤum / vnnd man ſpreche zu jhm / diß alles wuͤrde auff den kuͤnfftigen Fruͤling gruͤnen / das Erdtrich allerley ſchoͤne Blumen / die Baͤum das bluͤſtvnd[21]Agatha von Wichſenſtein / ꝛc. vnd die frucht herfuͤr bringẽ / ſo wuͤrde ers nicht Glauben / ſonder ſagen / es were doch alles erſtorben / wie ſolches ge - ſchehen ſolte: Noch bezeugt die erfahrung das ſolches im fruͤling vnd Sommer geſchicht / alſo auch ſollen wir kei - nen zweiffel tragen / wañ wir ſchon vnſere Abgeſtoꝛbnen ſehen in das Erdtrich verſcharꝛen / wir ſehen die Graͤber vnnd die Todtenbein / das es nach der Menſchlichen ver - nunfft ein anſehen hett / als wenn ſie nim̃ermehr widerumb ſolten lebendig werden / jedoch ſo wirdt ſie Gott alle auff den Fruͤling vnd Sommer deß Juͤngſten tags widerumb lebendig machen / Jtem / weñ man ein ſolchen Menſchen / der ſein Lebtag (wie gemelt) in der Hoͤlin were eingeſchloſ - ſen geweſen / das er nie Sonn noch Mon hette geſehen / bey nacht herauß fuͤrte / vñ zeigte jm an / dz in wenig ſtundẽ ſolte die Sonn Auffgehen / vnnd gar hell werden / ſo wurde er ſolchs ſchwerlich Glauben / noch dannocht geſchicht es / alſo auch wañ vnſere Leyber in Grab gelegt werden / ſo hat es ein finſters vnnd trawrigs anſehen / aber am Juͤngſten Tag wirdt die Sonn der Gerechtigkeit / Chꝛiſtus in den Wolcken erſcheinen / vnd ſeine Glaͤubige zu dem Ewigen Leben Aufferwecken. Alſo ſchꝛeiben die Natur kuͤndiger / von dem Vogel Phoenix / das der ſelbig / weñ er Alt wirdt / ſo trage er koͤſtlich woll riechend Holtz zuſamen / macht ein fewrlin / vnd verbreñe ſich ſelber / auß welcher Eſchen her - nacher ein wuͤrmlin wachſe / darauß der Vogel Phoenix widerumb er zeuget werde: Jtem ſo iſt es offenbar mit etlichen ſchwalben / das die ſelbige zu Winters zeit gleich - ſam todt ſeind / aber wenn man ſie in die waͤrme tregt / ſo werden ſie lebendig.

Thut nun vnſer Herꝛ Gott ſolches in dem Natuͤr - lichen ſachen / wie vil mehr wirdt er ſolches vermoͤg ſeiner verheiſſung am Juͤngſten Tag mit vnſern Leibern thun. Chriſtus hat vns etliche mei - ſterſtuck vnnd Exempel von Aufferſtehung der Todten fuͤr die Augen ge - ſtelt.Die weil es auch ſunſt gebreuchlich iſt / weñ ein Beruͤmp - ter Artzet ſich einer Herꝛlichen Kunſt auß thut / das er et - liche Meiſterſtuck fuͤr die Augen ſtelle / darmit man ſeinem rhum glaube / ſo hat auch der Herꝛ Chriſtus / als Gottes vnd Marien Sohn / ſeiner Herꝛlichen Kunſt / deren er ſich im verleſnen Text rhuͤmet / naͤmlich dz er ſeye die Auffer -Matth. 9. ſtehung vnd das leben / etliche Meiſterſtuck fuͤr die Augen geſtelt / als naͤmlch / da er des Oberſten des Jairi Toͤchter -Luc. 7. lin von den Todten hat aufferweckt / deßgleichen der wit - wen Sohn zu Nain / wie auch den Lazarum / welcher ſchon biß in den vierten tag im grab gelegen vñ zuſtaͤncken ange - fangen / wie in diſem 11. Cap. Johannis beſchriben iſt.

Die Propheten vnd Apoſtel die Todten im Na - men vnd krafft Chriſti Auffer - weckt. Reg. Act.Das aber alhe jemand moͤchte fuͤrwerffen / es hetten auch die Propheten vnnd Apoſtel etliche Todten Auffer - weckt / als der Prophet Helias der witwen Sohn zu Sa - repta / der Prophet Heliſaͤus der witwen Sohn zu Su - namis / deßgleichen der Apoſtel Petrus die Tabitham / der Apoſtel Paulus den Eutichum / ſie ſeyen darumb nicht Chriſtus oder Almaͤchtig geweſen? Antwoꝛt / das diſe hei - lige Maͤnner Gottes ſolche wunderwerck nicht in jhrem namen vnd Krafft / ſonder im Namẽ vñ Krafft Chriſti ge - thon haben / wie dañ Petrꝰ zuͤ dem Lamen Acto: 3. ſpꝛicht: im Namen Jeſu Chriſti von Natzaret ſtehe auff vñ wand - le / aber der Herꝛ Chriſtus hat ſolche zeichen gethan in ſei - nem eignen namen vnd Krafft / wie er dañ deß Oberſten er -ſtoꝛben[23]Agatha von Wichſenſtein / ꝛc. ſtorben Toͤchterlin / faſſet bey der handt / vñ ſpꝛicht: Maͤid - lin ich ſage dir / ſtehe auff. Alſo ſpricht er auch zu dem ver - ſtoꝛbnen Juͤngling: Juͤngling / ich ſage dir / ſteheauff. Deßgleichen ſpricht er zu dem Latzaro: Latzare gehe her - fuͤr. Darauß offenbar / das der Herꝛ Chriſtus / als wah - rer Gott vnnd Menſch in einer Perſon / in ſeinem eignen Namen Krafft vnd macht die todten Aufferweckt. Der - wegen er recht allhie ſagt: Jch bin die Aufferſtehung vnd das Lebaͤn.

Mit was Leib aber werden die Glaͤubigen am Juͤng -Mit was Leib - ern die glaͤubig en am Juͤngſtẽ tag Aufferſtehn werden. ſten tag Aufferſtehn? Eben zwar mit dem leib / in welchem ſie hie auff Erden gelebt / der erſtoꝛben / vnd in das grab ge - legt worden. Wie dañ der H. Job ſagt am 19. Jch weiß / das mein erloͤſer lebt / vnnd er wirdt mich hernach auß der Erden Auffwecken. Vnnd werde darnach mit diſer mei - ner haut vmbgeben werden / vnnd werde in meinem fleiſch Gott ſehen / den ſelbigen werd ich mir ſehen / vnnd meine Augnn werden in ſchawen / vnd kein frembder.

Mit welchen worten er lehꝛt / das die Glaͤubige am Juͤngſten tag widerumb mit jhrer haut / darinn ſie gelebt vnd geſtorben / werden vmbgeben werden / mit jhꝛen Augen Gott ſchawen / den ſelbigen werden ſie jhnen / vnnd mit einem frembden ſchawen / es werde auch nicht ein fremb - der Leib an ſeiner ſtatt Aufferſtehn / vnnd der ſein dahinden bleiben / ſonder ſein leib werde wider Aufferſtehen / vnd alſo ſampt der Seel ewiger ſeligkeit theilhafftig werden. Doch wirdt vnſer / als der Glaͤubigen / Leib am Juͤngſten tag nit mehr alſo ſterblich / verweßlich / Kranck / vñ Elend ſein / wieC 4jetzunder[24]Leychtpredig der Edlen Frawen /jetzunder / ſonder vnſterblich / vnuerweßlich / herꝛlich / ſchoͤn / vnd glantzend / wie die ſtern am Himmel. Hieruon ſchꝛeibt der H. Paulus alſo 1. Cor. 15. Es wirdt gefuͤrt verweß - lich / vnd wirdt Aufferſtehen vnuerweßlich / es wirdt geſaͤet in vnehren / vnd wirdt Aufferſtehn in Herꝛligkeit / es wirdt geſaͤet in ſchwachheit / vnd wirdt Aufferſtehen in krafft / es wirdt geſaͤet ein Natuͤrlicher Leib / vnd wirdt Aufferſtehen ein Geyſtlicher Leib. Mit diſen worten Lehrt der H. Paulus / wie wol vnſere Leiber / in dem weſen vnd glidmaſ - ſen / wie ſie jetz ſeind / widerumb werden Aufferſtehn / jedoch ſo werdẽ ſie in der Aufferſtehung andere eigenſchafften vñ Herꝛligkeit haben / weder ſie jetzund haben. Dan jetzunder ſeind vnſere Leyber ſterblich / verweßlich / das ſie zur Erden verweßen / in vnehren / dz ſie vbel riechen: Jtem in ſchwach - heit / das ſie krafftloß vñ Elend ſeind / Jtem Natuͤrlich / das ſie Natuͤrliche eigenſchafften haben / als das ſie algemach von einem ohꝛt zum andern wandlen / das ſie empfinden Froſt / Hitz / Hunger / Durſt vñ was dergleichẽ iſt / aber in ď Aufferſtehung werden ſie ſein vnſterblich / vnuerweßlich / in groſſer Ehr vnd Herꝛligkeit / in Krafft vnd ſterck / vnd Geiſtliche Leib / die da Geiſtliche eigenſchafften vnd gaben haben / als das ſie in einem Augenblick ſein werden koͤñen / wo ſie woͤllen / dz ſie weder Froſt noch Hitz vñ der gleichen nicht mehr antaſten wirdt / wie auch S. Johannes in der offenbarung am 7. Cap: ſpricht von den ſeligen im ewigẽ leben: Sie wirdt nicht mehr Hungern noch duͤrſten / es wirdt auch nicht auff ſie fallen die Sonn / oder jrgendt ein Hitz / denn das Lamb mitten im Stul (der Herꝛ Chriſtus) wirdt[25]Agatha von Wichſenſtein / ꝛc. wirdt ſie weyden / vnnd Leyten zu dem Lebendigen Waſſer Brunnen / vnd Gott wirdt abwiſchen alle Threnen von jhren Augen. Item ſo ſagt Daniel 12. vnnd Paulus 1. Corn. 15. Das die Glaͤubige werden Leuchten / wie die Stern am Himmel. So ſagt er auch Philipp: 3. Das der Herꝛ Chriſtus vnſere nichtige Leib werde erklaͤren / vnd ſeinem Herꝛlichen Leib aͤhnlich machen. Wie nun der - halben der Leib Chriſti in der Aufferſtehung iſt Herꝛlich / Schoͤn vnnd Glorifieirt geweſen / alſo werden auch vnſere Leib ſchoͤn vnd Glorifieirt ſein. Demnach wir nun biß - her von der Aufferſtehung vnſerer Leiber am Juͤngſten Tag Geredt haben / ſo woͤllen wir jetzunder auch anhoͤren / von dem Stand der Glaͤubigen Abgeſtorbnen Seelen /Von dem ſtand der Chriſtglaͤu - bigẽ Seelen in der andern welt wie es denſelbigen in der andern Welt ergehe / dauon ſagt hie / der Herꝛ Chriſtus / wer an jhn Glaube / der ſterbe nim - mer mehr / das iſt / wann ſchon ſein Leib ſtirbt / ſo wirdt doch derſelbig am Juͤngſten Tag widerumb Aufferſtehn / die Seel aber ſtirbt vberal nicht ſo[n] der ſie iſt nach dem abſchid von dem Leib / bey Chriſto im Ewigen Leben / vnd wirdt am Juͤngſten Tag mit dem Leyb widerumb verein - baret / vnnd alſo der gantze Menſch mit Leyb vnnd Seel in das Ewige Leben eingenommen.