GEliebter Leſer. Obwolen man in den Hiſtorien un - terſchiedliche Exempel ſolcher Leue hat / die ein wunder-herꝛ - liche Memoriam, und vortreffliche Gedaͤchtnus gehabt; als da ſeynd Julius Cæſar, Kayſer Hadrianus, Fridercus I. Seneca der Philoſophus, Mithridates, Themiſtocles, Papſt Paulus IV. und viel andere; Jedoch find man auch dieſes / daß ihrer viel / ſo weiland / theils von Natur eine herꝛliche Gedaͤchtnus gehabt / theils ſol - che durch Kunſt und Vbung erlangt / ſolche auch widerumb / ſonderlich gegen dem anbrechenden hohen Alter verlohren haben; wie man aber - mal deſſen Exempel hat an Meſſala Corvino, Franciſco Barbaro, Georgio Tra - pezuntio, Philippo Decio, Johanne Sleidano, &c. Ja es iſt ins gemein die Menſchliche Gedaͤchtnus / ſo eng / fluͤchtig / untrew / und hinfaͤllig / daß man offtmal heut das jenige ſchon wider vergeſſen / was man erſt geſtern gehoͤrt oder geleſen / dannenhero die ſo groſſe Klagen Auguſtini, und an - derer kommen ſind / die ſie gefuͤhret uͤber den Mangel ihrer Gedaͤchtnus. Gedencken heißt zwar / bewahren was dem Gedaͤchtnus vertrawet iſt: Aber ach leyder / ſo ſchwer es offt hergeht / biß ein Ding der Gedaͤchtnus vertrawt und hinderlegt wird / ſo ſchwer / und viel ſchwerer geht es eben maͤſſig her / wann die Gedaͤchtnus etwas in die Laͤng behalten und ver - wahren ſoll. Plato hat die Gedaͤchtnus den Magen des Gemuͤths ge - nannt / und Auguſtinus deſſelben Bauch; Jch mein / ſie habens beede gar wol getroffen / dann wie der Magen viel und mancherley Speiſe zu ſich nimmt / und ihn doch nicht lang die Herberg verſtatt; eben alſo nimmt auch die Gedaͤchtnus ſehr viel / und unterſchiedliche Ding zu ſich / laͤßt ſie aber auch in kurtzem / als ſolcher Gaͤſt uͤberdruͤſſig / viel leichter wider hinziehen / als ſie dieſelben hat auffgenommen. Kurtz / die Gedaͤcht - nus iſt wol ein weites Gefaͤß / aber voll Riß und Loͤcher / daß bald hier bald dort rinnt: Ja es ſey auch eine Gedaͤchtnus ſo herꝛlich und gut als ſie immer woll / ſo erligt ſie doch / wann man ſie allzuſehr uͤberlad / ſie ver - irrt / wann man ſie zu ſehr uͤberfallt / ſie verwirrt / wann man ſie allzu - ſtreng uͤbertreibt / und zerfaͤllt wann der Menſch ſein Alter erreicht / in - maſſen es mit ihro ſo bewand / daß wie der Menſch ſelber zu - und ab - nimmt / auff - und untergehet; alſo verhalt es ſich auch mit ſeiner Ge - daͤchtnus. Dannenhero haben ſich ſchon vor vielen Zeiten / derglei -): (2chenVorred. chen Gedaͤch tnus-Macher oder Memori-Kuͤnſtler gefunden / die ſich unterſtanden der Gedaͤchtnus allerhand adminicula, und huͤlffliche Stuͤ - tzen zu unterſtellen / daß ſie moͤcht auffrecht erhalten werden. Simonides hat eine ſolche Memoriam Artificialem oder Kunſt-Gedaͤchtnus dem The - miſtocli herꝛlich geruͤhmt / die aber Quintilianus verlacht / und ſie vor un - nuͤtz und eitel gehalten. Andere kommen der Gedaͤchtnuß zuhuͤlff mit allerhand Figuren und gewiſſen Orten. Die meiſten halten die Ord - nung vor das noͤthigſte und beſte Gedaͤchtnus-Mittel / dann wer ſeine Sachen ordentlich gefaſſet hat / der kan dieſelben hernach ohne groſſe Muͤh wol furbringen / auch derjenige / welcher weder ſchreiben noch le - ſen kan. Aber wann die Ordnung ſo viel vermag / ſo iſt ohn Zweiffel ein ordentliches Regiſter der rerum und denckwuͤrdigen Dinge / allen andern Hilffs-Mitteln der Gedaͤchtnus weit vorzuziehen; und dem - nach an einem guten Authore oder groſſen Buch / nichts beſſers als ein ordentliches / vollſtaͤndiges und außfuͤhrliches Regiſter / darinnen alſo - bald wider zuſuchen und zufinden / das jenige / was von dem geleſenen der Gedaͤchtnus iſt außgefallen / ja auch das zufinden was man noch nicht geleſen. Alſo iſt ein gut Regiſter der eigentliche Schluͤſſel zu dem Edlen Buͤcher-Schatz / dadurch man auffſchlieſſen und wider finden kan / was man etwan durch Vergeſſenheit verlohren. Jn Betrachtung deſſen / hats mich auch bewogen / uͤber des Seligen Manns / Herꝛn D. Dannhavveri gantze Catechiſmus-Milch / ſo in meiner Officina von Jahr zu Jahr getruckt worden / durch einen feinen gelehrten Mann / der viel Jahrlang des ſeligen Authoris fleißiger Amanuenſis, und alſo in ſeinen Schrifften gantz wohl erfahren geweſen / dieſes gegenwaͤrtige richtige Univerſal und außfuͤhrliche Regiſter / verfertigen zulaſſen: Verhoffend es werde dem Guͤnſtigen Leſer / ein gantz angenehmes Wercklein ſeyn. weil Er nicht allein hier alles beyſammen / was in allen 10. Theilen der Catechiſmus-Milch enthalten / ſondern auch ein mercklich mehrers in dieſes Regiſter geworffen worden / als ſonderlich der erſten Theil Regiſter begreiffen / der guten Ordnung / ſo hierinn beobachtet worden / zugeſchwei - gen. Denſelben hiemit Goͤttlicher Obſicht empfehlend.
Johann Friderich Spoor Buchhaͤndler.
JN dieſem General-Regiſter uͤber die gantze Catechiſ - mus-Milch iſt zu wiſſen / I. daß die erſte Zahl den Theil / die andere aber paginam des angezogenen Theils bedeute. II. Daß die Zifern / in denen drey erſten Theilen / nach der newern Edition eingerichtet. III. Weil nicht bey allen Zifern der Theil angehengt / daß der jenige gemey - net / ſo naͤchſt an den vorhergehenden ſtehet. IV. Das V. B. den Bericht an den Chriſtlichen Leſer / Anfangs in dem Fuͤnfften Theil zu finden / A. R. die abgenoͤhtigte Rettung dem Siebenden Theil zu End angetruckt / das b. hinder der letzten Zifer / die Erklaͤrung der Wort von der Einſe - tzung der Heil. Tauff bedeute. V. Wo in dem Regiſter der Bibliſchen Spruͤche / die Wort mit groͤſſern Buchſtaben getruckt / daß dieſelbe an ſta[t]t eines Texts abgeleſen / undRegiſter. Aaußfuͤhr2Bericht an den Leſer. außfuͤhrlich und weitlaͤufftig tractirt worden. VI. Weilen auch die Erklaͤrung des Neunzehenden Pſalmens Panegyri - cus Uranius genennet / von dem ſeligen Herrn Authore zu Vorbereitungs-Predigen uͤber das Vierdte Haupt-ſtuck / wie auß dem Exordio der erſten Predig erhellet / anfangs erwehlet worden / ſolche aber / weil das Werck zu groß ge - wachſen / abſonderlich in Truck herauß gegangen / ſo hat man doch fuͤr gut angeſehen / ſolchen auch in dieſes Regi - ſter mit einzurucken / und deſſen Jnhalt hie einzuverleiben. Wann demnach dieſe beede Buchſtaben P. U. in das Ge - ſicht kommen / hat der Leſer dadurch nichts anders als benennten Panegyricum Uranium ab - zunehmen.
In welchem die Erſte iſt eine Eingangs-Predig uͤber die Wort: Galat. III. v. 1. Euch war Chriſtus JE - ſus fuͤr die Augen gemahlet .567.
Jn dieſem Theil ſeyn / anſtatt der Eingangs-Predigen / Neun Lectiones von der heylſamen Red - und Bett-Kunſt.
Vber die Wort St. Pauli / 1. Cor. 3, 2. Milch habe ich euch zu trincken geben. 325.