Catechiſmus-Milch Oder Der Erklaͤrung deß Chriſtlichen Catechiſ - mi / Vierdter Theyl / Begreiffend den Chriſtlichen Apoſtoliſchen vnd Nice - niſchen Glauben.

Eingans-Text / auß dem 28. Cap. deß Erſten Buchs Moſe.

Die Erſte Predigt.

GEliebte. Ein ſehr nothwendige / einig vnd allein nothwendige / gemein-nothwendige / heutiges Tages aller nothwendigſte Frag iſt die / ſo vorAct. 16, 30. Zeiten zu Philippis / der Kercker-Meiſter / oder wie wir reden / der Thurnhuͤter / dem H. Apoſtel Paulo vnd Sila proponieret vnd fuͤrgetragen: Nach dem er von dem Erdbeben vnd eroͤffneten Thuͤren ſo hefftig erſchrocken / daß er ihm ſelbſten zum Her - tzen raumen vnd ſich entleiben wollen / als der in Sorgen geſtanden / er moͤchte fuͤr die entwichene Gefangenen ſtehen vnd herhalten muͤſſen. Darauff Paulus geantwortet: Thue dir nichts uͤbels / dann wir ſind al - le hie / mit beygefuͤgter ſcharpffen Predigt / wie vermutlich / von der ἀυτο - χειϱίᾳ vnd ſelbs-mord / was der ſey / vnd was darauff folge? wie im ge - gentheil vnd verbleibung deſſen / beſſere Hoffnung der Seeligkeit fuͤrhan - den? warauff der Kerckermeiſter geſagt: Liebe Herꝛen / was ſoll ich thun / daß ich ſeelig werde? Liebe Herꝛen die ihr mich von dem Todt erꝛettet / die ihr mir von der Seeligkeit ſaget / welches iſt der Weg den ich gehen ſoll / daß ich ſeelig werde? ein nothwendige Frag! die Welt hat auch jhre Fragen. Ahasverus fraget Hamman / was man demEſter 6, 6. thun ſoll / den der Koͤnig gern wolte geehret haben? Von den Bur - gern zu Athen wirdt geleſen / daß ſie immer etwas newes zuhoͤren begirig geweſen: Vnd meldet (a) Plutarchus von einem Barbierer daſelbs / daß(a) in libr. de garruli - tate. als er ohngefaͤhr von einem fluͤchtigen Soldaten / den er vmb newe Zei - tungen befragt / vernommen / es haͤtten die Athenienſer in Sicilia einge - buͤßt / vnd groſſen Schaden erlitten / ſein officin vnd Werckſtatt verlaſ - ſen / hienauß geloffen / vnd mit dieſer vorigen Zeitung Ohren vnd Maͤu - ler erfuͤllet / dieweil er aber ſeinen Mann / von dem ers gehabt / nicht nen -A ijnen4Die Erſtenen noch ſtellen konte / ſo wird er beim Kopff genommen / vnd als ein fre - veler Tumultmacher zum Spott auff ein Rad (welches ein ſtraff geweſt gleich vnſerm Halseiſen vnd Laſterſtein) geſetzt: bald kompt der hinckend Bott hernach vnd beſtaͤttiget nur zuviel wahr ſeyn / was kurtz zuvor er - ſchollen: Jederman laufft heim / ſeine todte Freund / ſo in der ſchlacht ge - bliben / zu beweinen: der Barbierer wurde allein auff dem Rad gelaſſen / biß auff den Abend ſich der Scharffrichter ſeiner erbarmet / vnd herunter genommen / da er ihn aber angreiffen vnd auffloͤſen wolt / fragte er / ob er nicht gehoͤrt wie es dem Niciâ dem Kriegsoberſten in der Schlacht er - gangen / vnd wo er hinkommen? ſo verpicht war dieſer fuͤrwitzige Scio - lus, daß ihm auch der Fuͤrwitz durch den angethanen ſpott nit vergangen. Aber ſolche vnnuͤtze Frag iſt deß Kerckermeiſters nicht geweſt ſondern ein nothwendige Frag / betreffend den Zuſtand der Seelen nach diſem Leben. Matth. 6.Dann was hilfft es / wann einer ſo weiſe were wie Salomon / vnd koͤnte alle Raͤtzlen erꝛathen / wann er aber Schaden an ſeiner Seelen leiden muͤſte? Jſt nicht nur ein notwendige Frag / ſondern die einig noth - wendige Frag. Die Bauchſorg fragt auch / was wollen wir eſſen / was wollen wir trincken / womit werden wir vns kleiden? betrifft aber al - lein den Leib vnd dieſes Leben. Aber deß Kerckermeiſters iſt ein Frag / die ſich in die Ewigkeit hienauß ziehet. Jſt ein allgemein nothwen - dige Frag / die vns Gott in die Natur gegeben / alſo daß kein Menſch iemahl ſo thum vnd vnvernuͤnfftig erfunden worden / der ihm nicht dieſe Frag vom hoͤchſten vnd beſten Gut haͤtte laſſen angelegen ſeyn. Daher(b) l. 19. de Civit. Dei c. 1. & ſeq. Varro bey (b) Auguſt. auff 288. Meinungen vom hoͤchſten Gut / damit ſich die Heyden gemartert / auff die Bahn gebracht. Jſt aber auch die nothwendigſte Frag: Der Welt gehet es wie einem alten Mann / je aͤlter ſie wird / ie mit mehren Phantaſien iſt ſie ſchwanger / ie mehr Re - ligionen vnd Meinungen von dem Weg der Seeligkeit bruͤtlet ſie auß. America iſt mit Abgoͤtterey angefuͤllet; Aſia, Africa mit dem Maho - metiſmo; Europa hat faſt ſo viel Seeten als Landſchafften. Die rechte reine Religion gehet genaw vnd duͤnn zuſammen. Da ſoll freylich einem Chriſten angelegen ſeyn / ſein Gewiſſen zu verſichern / vnd zu wiſſen / wel - ches die recht Religion vnd Weg zur Seeligkeit ſey / wie auch CorneliusAct. 10. vide D. Brent. ad Act. 10. p. 242. der Hauptmann zu Cæſarea gethan / der hatte fuͤr ſich ſeinẽ Heydniſchen Glauben vnd deſſelben vnterſchiedliche Secten / in Syriâ erfuhr er die Juͤdiſche Religion vnd deroſelben mancherley gattungen / ſo kam damal eben auch die Chriſtliche Religion von dem erſtandenen Jeſu von Na - zareth auff die Bahn: Er haͤtte aber gern gewuſt welches die einig rechtevnd5Predigt. vnd gewiſſe Lehr ſey / dadurch vnfehlbar ſeelig zu werden / darumb bettet er immer zu Gott / vnd laßt nicht nach / biß ihm GOTT einen Engel ge - ſandt / der ihm einen rechten Wegweiſer / nemblich Petrum zugewieſen. Viel anders als der groͤſte Hauffe heut zu Tag / der bekuͤmmert ſich we - nig vmbs Himmelreich / der reichſt der beſte: wanns weit kompt / ſo den - cket man etwan einmal beim Wein der Religion vnnd deß Glaubens / ſonſt acht mans nicht hoch.

Nun dieſe Frag grůndlich / außfůhrlich vnd mit beſtand der War - heit zu beantworten / haben wir vorgenommen / beedes das vralte / in Gottes Wort confirmirte / durch allerhand blutige martyria bezeugnete / Apoſtoliſche vnd Niceniſche Symbolum oder Glaubensbekandtniß auß - zulegen / welches die rechte vralte Catholiſche-Apoſtoliſche Religion be - greifft. Ehe wir aber darzu kommen / wollen wir zum Eingang ein kur - tzes hodogeticum vnd Reyßbuch zum Himmelreich vortragen / in dieſer E. L. vorgeleſenen ſehr ſchoͤnen Hiſtorien / vnd in derſelben dißmal allein Jacobs Pilgramſtand / vnd in diſer Figur das Elend deß Menſchen nach dem Fall / erwegen vnd betrachten. Gott helff / Amen.

Den H. Jacob in diſer Hiſtori betreffend / ſehen wir denſelbẽ zuvorderſt an / 1. tanquam Exulem, als ein Pilgram / der ſein Vatterland verlaſſen vnd quittiren muͤſſen; vmb vnd von wegen weil ihm ſein Bruder Eſau den Todt geſchworen: der ziehet auß dem gluͤckſeligen Canaan / da Milch vnd Honig gefloſſen: auß dem Gotteshauß zu Berſaba: von ſeinem alten Vatter Jſaac: von ſeiner lieben Mutter Rebecca: Er muß ſein Vatterland vnd deſſen Bequemligkeit dahinden laſſen / vnnd mit dem Rucken anſehen / auff den gebrauch deß erlangten Segens vnd deß erkaufften Rechts der erſten Geburt / ſo fern Verzug thun. Zwar wan - dern vnd reiſen hat ſeinen Weg. Einem iungen Menſchen ſtehet wol an wann er nicht immer hinder dem Offen ſitzen bleibet / vnd Milch ſau - get / ſondern ſich auch verſucht in der Frembde; Ein ieder Han iſt mei - ſter auff ſeinem Miſt / wann er aber außfleucht / ſo zihet er die Schwing - feder zuſammen /

Aber vnterdeß iſt Reyſen mit groſſer Beſchwerdt vnd Gefahr ver - bunden: ſchicket man ſich in die frembde Sitten / Keydungen / Wolluͤ -A iijſten /6Die Erſteſten / aͤffet ihre aͤrgerniß nach / ſo leidet die Seel Noht: will man die Seel rein erhalten / vnnd machet nicht mit der Welt mit / ligt nicht mit ihr vnten vnnd oben / ſo iſt man veracht / man wird fuͤr ſtoltz vnd ſonderling gehalten; es kan wol gar geſchehen / daß die zu So - dom den Loth mit einem ſolchen Menſchen ſpielen. Jſt ein lebendiges Bild vnſers erſten Vatters Adam / vnd deß gantzen Menſchlichen Ge - ſchlechts / nach dem Suͤndenfall. Nach welchem der Menſch ein rech - ter Exulant vnd Bandit worden / dem der Himmel verwieſen / der auß dem Paradiß verſtoſſen / vnnd verjagt von dem Baum deß Lebens / Vom Angeſicht Gottes iſt er vertrieben / das darff er in dieſer Sterblich - keit nicht anſehen / das ſchoͤne Kleyd das goͤttliche Ebenbild hat er ver - lohren / er iſt als ein Expoſititius vnd Fuͤndling dahin geworffen. HatEzech. 16. David groſſe Vrſach gehabt ſein exilium vnd trawrigen ſtand / da er von ſeinem rebelliſchen Sohn Abſolon von Scepter vnd Cron verjagt wor - den / mit verhuͤlletem Angeſicht zu beweinen / ſo hat freylich auch der Menſch groſſe vnd mehr als groſſe Vrſach ſeinen gegenwertigen bandi - ten ſtand zu betrawren / vnd zu winslen auß dem 120. Pſalmen / wehe mir daß ich ein Fremdling bin vnter Meſech / ich muß woh - nen vnter den Huͤtten Kedar / das iſt / in der groſſen Mordgrub der argen Welt / ja vnter den Teuffeln ſelbſt / die mir nach Leib vnd Seel ſtehen. Weltkinder ſind in der Welt daheim / ihnen iſt hie wol: aber Kinder Gottes ſind hie Pilgram / ſie ſehnen ſich nach einem andern Vatterland da ihr πολίτευμα vnd Burgerrecht iſt droben im Himmel. Cain eſt civis natus huius ſeculi, Abel eſt peregrinus in ſeculo, perti - nens ad civitatem Dei, ſagt (c) Auguſtinus, Cain vnnd Cains art ſind(c) l. 15. Civ. Dei c. 1, Weltburger / Abel vnd Abels art ſind hie frembd / aber in der Statt Got - tes daheim.

2. Kompt vns Jacob fuͤr tanquam Candidatus ſervitutis, als ei - ner zur Knechtſchafft verdampte Menſch. Jacob zeucht nicht auß / wie jener Edle / ein Reich einzunem̃en oder als iener Freyherꝛ / der verlohrneLuc. 19, 12. Sohn mit geſpicktem Seckel: ſondern zu ſervieren / andere Leute Gnade zuleben / vnd einem Herꝛn auffzuwarten / geraͤthendlich an Laban / ſei - nen zwar Blutsfreund vñ Schweher / aber vntrewen vnd vnbarmhertzi - gen Tyrannen / der ihm ſeinen Lohn zehen mal veraͤndert / vnd ſonſt uͤbel genug tractirt. Alſo iſt es mit dem Menſchen beſchaffen / der iſt ver - kaufft vnter die Suͤnd / welche als ein Fronvogt in ſeinem Hertzen wuͤ - tet vnd tobet / vnd ſeine Gliedmaſſen mißbraucht / von einer vngerechtig -keit7Predig. keit zur andern reitzet / er kan ſich ſolcher Dienſtbarkeit nicht erwehren / vnd wann er ſchon bißweilen guts thut / ſo iſt es nur ein glaſt / oder wie das Moͤß gegen dem Gold zu halten. Endlich hat er nichts als deß Teuf - ſels Danck / der gibt Haffenſcherben fuͤr Gold / vnd lohnet mit dem Todt als der Suͤnden Sold.

3. Kompt vns Jacob fuͤr / tanquam nocturnus Erro, als ein irrender Liechtſchew vnd Nachtvagant / der nit gewuſt / wo auß noch ein. Seine Meynung war / die Statt Lus zu ereylen / aber da uͤberfiel ihn die finſtere Nacht / nicht nur die Nacht / ſondern darneben allerhand Nachtſchre - cken vnd Schwermut / hie mußte er ſich befahren der Moͤrder / dort der wilden Thier die bey Nacht ſich regen vnd auß der Hoͤlen herfuͤr kriechen / darzu kamen allerhand verfuͤhriſche / irꝛiſche vnd fewrige Maͤnner / da dann der Teuffel nicht wird gefeyret haben / der gemeiniglich hinuͤber ſtei - get / wo der Zaun am nidrigſten iſt / vnd wann der Wagen wancket / den - ſelben vollends vmbſtoſſet. Zweiffels frey hat er ihm die Gedancken bey -vide D. Luth. com. in c. 28. Gen. fol. 81. p. 1. gebracht / da da / ſo recht / diſes alles haſtu verdienet / du haſt deinem Bru - der die erſte Geburt durch Liſt abgeſchwetzt / deinen alten blinden Vat - ter betrogen / ietzunder kompt die Rach / darumb muſtu Landfluͤchtig wer - den / es geſchicht dir recht / vnd haſt noch wol aͤrgers verdienet / welches ihm wird ſchmertzlich wehe gethan haben / vnd vmb ſo viel mehr zu Her - tzen gangen ſeyn / als zarter der Heiligen Affecten ſind. Abermal ein Bild deß Menſchen / der ein recht irrend Schaaff / ihm iſt die Sonn vntergangen / das Liecht der Erkandtniß / daß er weder termin noch weg zu der Seeligkeit weiß / er verſtehet nicht was deß Geiſtes Gottes iſt / es iſt ihm eine Tohrheit: Ignoti nulla cupido, wo es an der Erkandtnuß Gottes mangelt / ſo fallt auch die Begierd vnd anmuth zum rechten be - ſten Gut: Jhm iſt außgangen das Liecht der Gnaden / vnd nichts uͤber - bliben / als Forcht / Nachtſchrecken vnd Bangigkeit: die ſpectra vnd Geſpenſt deß boͤſen Gewiſſens ſetzen ihm hefftig zu: der hoͤlliſche Seelen - moͤrder gehet herumb wie ein bruͤllender Loͤw / ſuchet die armen Seelen zu verſchlingen / da erzeigen ſich die Jrꝛwiſch vnd falſche Liechter / die ir - rige Religionen / da ruffet einer hieher / der ander dorthin.

4. Kompt vns Jacob fuͤr / tanquam laſſatus & defatigatus viator, als ein ermuͤdeter / abgematteter vnd ohnmaͤchtiger Wandersmann / der deß Tages Laſt vnd Hitz getragen / vnd ſich nach der Ruhe ſehnet. Dann wie es die Vmbſtaͤnd geben / forchte er ſich vor ſeinem Bruder / eilet deß - wegen / damit er ihn nicht ereile / nimmet den Weg vnter die Fuͤß / ſau - met ſich nicht lang / wird daruͤber ſo ſchwach / daß er ſich nit deß ſchlaffs /ſondern8Die Erſteſondern auch keines Hunds / will geſchweigen eines Moͤrders erwehren kondte. Alſo iſt der Menſch auch ein krafftloſe Creatur worden / der auß eignen Kraͤfften nichts guts thun kan / ſo wenig als ein fauler Baum kan gute Fruͤchten bringen / ſo wenig kan auch der Menſch guts thun / vnd ſich der Verſuchungen deß boͤſen Geiſtes erwehren / ſo bald derſelbe anſe - tzet / ſo conſpirieret Fleiſch vnd Blut / der innerliche Haußfeind vnd hei - miſche Verꝛaͤther: Summa er iſt zu allem guten erſtorben.

5. Tanquam pauperrimus mendicus, als ein armer Bettler / er war arm an Geld / er hatte entweder gar keines oder doch gar wenig / iſt auß ſeinem Danckgebett abzunemmen / das er hernach abgelegt: HErꝛGen. 32. 10. ich bin zu gering aller Barmhertzigkeit / ꝛc. Jch hatte nicht mehr / ꝛc. Zwar ſein Vatter war ein reicher vnd geſegneter Mann / haͤtte ſeinem Sohn wol ein anſehnlich viaticum vnd Zehrpfenning mit geben koͤnnen / aber die vnterlaſſung deſſen geſchahe nicht ohn Goͤttliche providenz vnd Vorſehung / auff daß Gottes Guͤtigkeit vnnd Jacobs Glaub deſto herꝛlicher herfuͤr leuchtete. Es mangelt ihm auch an Ge - faͤrten vnd Geſellſchafften / niemand bekleitete ihn der ihm den Weg ge -〈…〉〈…〉Gen. 28. 18. vide D. Gerh. in Gen. pag. 549. Apoc. 3. zeiget haͤtte / vnd welches das elendeſte / ſo hatte er kein Kuͤſſen oder kein Stroh / darauff er hette ruhen moͤgen / ſondern nahm einen Stein / der ohngefehr da gelegen / lag darauff / vnd bettete ihm hart genug vnter dem freyen Himmel. Alſo iſt der Menſch freylich von Natur ein armer Bet - ler / vnd je reicher er ſeyn will / je aͤrmer iſt er. Was dort Chriſtus zum Engel zu Laodicea ſagt: Jch bin reich / ſprichſt du / vnd habe gar ſatt / ꝛc. Das gehet auch vns alle an / wir ſind auch alſo (nicht im Standt der Gnaden) ſondern von Gott verlaſſen / es mangelt vns an dem heiligen Geiſt: das Engliſche Gleith vnnd Geſellſchafft hat der Menſch verlohren / vnd wann er es recht bedenckt / ſo ſolt ihm wol(c) l. 2, ſa - turn. c. 4 ſein Kuͤſſen zu einem Stein werden. (c) Macrobius gedenckt eines ſon - derbarn Vrtheils / welches Auguſtus der Kaiſer uͤber eines todten Roͤmi - ſchen Edelmanns Kuͤſſen von ſich vernemmen laſſen: dann als derſelbe bey ſeinem Leben ihm laſſen wol ſeyn / Geld auffgenommen / ohne Sorg ſchulden uͤber Schulden gemacht / alſo daß nach ſeinem Todt mehr ſchul - den fuͤrhanden geweſen / als Nahrung: Da habe ſich der Kayſer ver - wundert vnd begert / man wolle ihm doch auß der Verlaſſenſchafft das Kuͤſſen / darauff der verblichene Edelmann geſchlaffen / zukauffen geben / dann er ſagt / das muß ein ſanfft Kuͤſſen ſeyn / auff welchem ſolch groſſer Schuldner hab ſchlaffen koͤnnen. Haͤtte ers bey Leben bedacht / er ſolteihm9Predigt. ihm das Schlaffkuͤſſen hart gnug ſeyn wordẽ: So verhaͤlt es ſich mit dem Menſchen / wo er ſeinen ſuͤndlichen ſtandt bedenckt / den Zorn Gottes / die 10000 ſchuldenpfund / das Gericht / die ewige Verdamnuß / ſo ſolt ihm / ſage ich / ſein Schlaffkuͤſſen wol zu einem Stein werden. Ja was iſt das Hertz an ders als ein ſolcher Stein / ſo wenig ſich ein Stein laͤſſet ſchmaͤl - tzen / oder zu Fleiſch machen / ſo wenig ein ſteinern Hertz. Vnd das iſt die erſte Idea, darinnen vns præſentieret wird / der arme Menſch nach dem Fall / als ein geiſtlicher Pilgram / Bandit / Suͤndenknecht / Nacht - vagant / ohnmaͤchtige vnd aͤuſſerſt arme Creatur.

Dieſes alles dienet vns zur ſelbs Erkandtnuß / daß wir vnſer miſeri vnd Elend erkennen vnd beweinen / vnd nicht gleich werden denen phreneticis vnd tollen bloͤdhaͤuptigen vnd vnſinnigen Leuten / die ihnen bey aͤuſſerſter Armut guldene Berg / bey erbaͤrmlicher Tohrheit hoͤchſte Weißheit einbilden; wie jener (d) Thraſylaus gethan / der alle beladene(b) apud Athenæ l. 12, 32. Kauffmannsſchiff / ſo in Pyreum den Athenienſiſchen Seehaffen einge - loſſen / gegruͤßt vnd empfangen / anders nicht als wann ſie ſein eygen we - ren / vnd die Wahren ihm zuſtuͤnden: Sondern vnſer Vnſinnigkeit ſollen wir erkennen / darauff wird als dann folgen das fundamentum Philoſophiæ Chriſtianæ, die edle Gott wolgefaͤllige Demuth / das rechte Gefaͤß der goͤttlichen Gnaden. Von Ptolemæo dem Koͤnig in Egy -(e) l. 8. c. 9. pten ſchreibet Valerius Max. daß er Hegeſiæ dem Philoſopho Cyrenaico, der immer von deß Menſchen Elend diſſerirt vnd geſagt / die Leut zu wei - nengemacht / vnd ihre etliche gar in Verzweifflung vñ ſelbsmord geſtuͤr - tzet / das Handwerck nidergelegt / vnd ihm ſein philoſophiren verbotten. Alſo moͤchten auch Weltkinder gedencken / was ſoll das ſeyn / was iſt von - noͤthen / daß man die Leuth trawrig mache vñ ihnen ein Angſter einjage / es moͤchte ein ohn das melancholiſche Menſch durch dergleichen Predig - ten bald zur deſperation vñ verweifflung verleitet werden: aber die Mei - nung hat es nit / ſondern ut miſeriæ abyſſus invocet abyſſum miſericor - diæ, auff daß der erkante Abgrund vnſers Elends den Abgrund goͤttlicher barmhertzigkeit anruffe / daß vns dieſes nichtige vñ elende Leben verleide / vnd wir nach einem beſſern Leben / dem verlohrnen Paradiß vnd Vatter - land trachten vnnd ſprechen mit den Zuhoͤrern Petri / Jhr MaͤnnerAct. 2, Act. 9. Act. 16. lieben Bruͤder was ſollen wir thun? mit Paulo / HERR was wilt du daß ich thun ſoll? vnnd mit dem Kerckermeiſter / liebe Herꝛen was ſoll ich thun / daß ich ſeelig werde? Es hat der all - weiſe Gott die heiligen Patriarchen fuͤr der Suͤndfluth nicht vergebens ſo viel hundert Jahr im exilio vnd der Pilgramſchafft gelaſſen / ſondernBdas10Die Anderdaß ſie bekennen ſolten / ſie ſeyen Gaͤſte vnd Frembdlinge auff Erden /Hebr. 11. 13. vnd ein ander Heimat vnd Vaterland ſuchten. Vnd das ſoll auch vn - ſer Verlangen vnd Begierde ſeyn / ſo wird alsdann die kuͤnfftige Ant -(f) de mor - tal. ferm. wort vnd Bericht in folgenden Predigten deſto mehr fruchten. (f) Cypri - anus ſchreibet / vnſer Vatterland iſt das Paradiß / da warten viel lieber guter Freund auff vns / ſie ſehnen ſich nach vns / iam de ſuâ in colum ita - te ſecuri, de noſtrâ ſolliciti: ſie ſind nunmehr auſſer Sorg / aber vnſere Geſellſafft iſt ihnen angelegen. Ey was ſaumen wir vns dann? wa - rumb eilen wir nicht vnſer Vatterland zu beſehen / vnſere liebe Freund(g) de con - ſol, mort. ſerm. 1. widerumb zu gruͤſſen. (g) Auguſtinus ſtimmet mit zu / cum tantis pe - riculis urgeamur, non ſolum ipſi non cupimus liberari, ſed etiam libe - ratos tanquam pereuntes lugemur? Jſt das nicht ein Wunder / wir ſind in dieſem Leben mit ſo groſſer Gefahr allenthalben vmbgeben / vnnd wir ſehnen vns nicht nach der Freyheit / ſondern beweinen noch darzu die jenigen die ſchon entlediget vnd frey worden.