Kriegsbũch darinn die alte und newe militia und Kriegß diſciplin beſchrieben.

WJe hochnoͤhtig beneben heilſamen gefetzẽ in einem wolange - ſtelleten Regiment / der brauch dero wahffen uñ die kriegß Diſciplin und wiſſentſchaft ſey / haben bißdahero viel ſinreicher vnd beruͤmpter maͤn - ner in ſchriften genugſam bezeuget / ja daß ſie und gute Geſetze nicht ohneinander ſein koͤnnen / unlaugbar vor gut ſein und bleiben laſſen. Dahero ſagt auch Cornelius Nepos in Epaminonda, durch Krieg kompt der frieden / und ſollen die jenige / ſo in fried - und ruhe leben wollen / im wahffen geuͤbte leute ſein. Ja wol iſt die Krigßthugendt die vornembſte vnder allen andern / als die jenige / vnder de - ren ſchutz und ſchirm / naͤchſt Gott / das Vatterlandt / unſer weib und kind / haab und guͤter / ja die Fuͤrſten vnd Koͤnige ſelbſtet.

Wan man aber vom krieg vnd wie derſelbe anzuſtel -Aenl /2Kriegßbuch. len / zu fuͤhren und zu regiren ſey / tractiren und handeln will ſo faͤllet erſtlich zu bedencken vor / daß man wol ihn acht ne - me / ob ſolcher recht oder unrechtmaͤſſig / noͤhtig oder un - noͤhtig / in behertzigung / daß unnoͤhtige / ungerechte / unzeiti - ge kriege / die aus keinem guten fuͤrnemen entſprieſſen / auch ſich in keine guht ende erſtrecken / ſondern die / ſo aus raach - gier / neid / ehrgeitz / und begierde ſeine landt und herſchung zu erweitern / ſeine nachbaurn zu underdrucken und ſich in ein groß anſehen zu erheben / veruhrſacht werden ſelten wol gerahten: und da ſie ſchon das verhofte ende erreichen / doch in die harre nicht beſtehen koͤnnen / ſondern nuhrt alß ein geiſſel / inſtrument und ſtraff des gerechten zorns und ur - theils Gottes / welcher dießfals ein Nation und volck durch das ander zu ſtraffen pfleget / ein zeitlang obſiegen / aber wan das geſetzte ziel erfuͤllet / in der helfte abgehauen wer - den. Vnd darumb wehe alß den dihr zerſtoͤrer / dan du muſt auch zerſtoͤret werden / und dihr veraͤchter / den du muſt ver - achtet werden / dan dein zerſtoͤren iſt zum ende kommen und dein verachten hat ſich geneiget. Das ungluͤck / das du dem frommen zugerichtet / iſt dihr zum fall und ewiger ſtraff kommen / uf daß dein gedaͤchtnuß außgerottet wuͤrde.

Hiergegen aber ſind die defenſiv und gegenwehrliche kriege / ſo aus noht und rettung wegen land und leut / in dem ſie unbillicher weiſe gefahret uñ angefochten / wegen Chriſt - liches glaubens wider die unglaubige verfolger / wegen wi - dereroberung mit unrechtmaͤſſigem gewalt abgetrungener lande / ſo man in der guͤte nicht wider bekommen kan / we - gen wider erſtattung einer ſchmach / und injuri / ſo an einemoder3Kriegßbuch. oder den ſeinen boͤßlicher weiſe begangen / rechtmaͤſſig und zugelaſſen. Darneben ſoll man auch ſeine freunde / verwan - te nachbaurn und bundtgenoſſen oder die ſich in eines ſchutz begeben / wider unrechtmaͤſſigen gewalt uñ underdruckung ſchuͤtzen und retten / und wan frembder und nahent geſeſſe - ner gewalt allzuſehr inreiſſet und darnach trachtet vns o - der die unſerige mit der zeit auch zu uͤberwaͤltigen. Zwar iſt alß dan gefaͤhrlich im frieden ſtill ſitzen / ſondern viel mehr noͤhtig / daß man das antreuende feur beyzeiten und in des nachbaurn wam helfe leſchen.

Aber wie gerecht und nohtwendig gleich die uhrſach des krieges ſey / ſo ſoll man dennoch auch uͤber die vorige motiven fleiſſig erwegen / ob man ſich einer muͤglichen und verhoffentlichen ſach underſtehe / und zu deren vollendung und hinaußfuͤhrung man ſichere mittel und wege vor ge - wiß oder je verhoffentlicher maeß gehabẽ moͤge: inſonders aber in berahtſchlagung des kriegs alle ding wie die ſich ufs gefaͤhilichſt und aͤrgſt verlauffen und zutragen moͤgen / ge - nauſt außrechnen / und wie man dagegen koͤnne und moͤge gefaſt ſein / erſinnen / vnd außdencken. Vnd iſt der krieg nimmer anzufangen / man ſehe dan mehr hofnung zum ge - win und ſieg vor ſich / dan beſorgens zum ſchaden und ver - luſt. Dan aufs gluͤck wagen beharret ſelten lang. Zwar iſts nicht ohne / daß ohne gefahr und wagſtuck nichs ſonder - lichs im krieg mag verrichtet werden. Aber hierin ſoll man mit vernunft die ſich erſter mittel abwegen und bedencken / vnd nicht blint oder ohn noht / oder gute gelegenheit vnd vorthel hienan ſetzen. Was man nit eben wagen muß /A ijdas4Kriegßbuch. das kan man wol bleiben laſſen / es ſey dan das ſichs ſpiel gleich als vorgewoñen anſehen laſſe. Dañ wer ſein kriegen alſo anſtellet / daß er nichs darob verliere / dem mangelt nim̃er gelegenheit etwas zugewinnen. Darneben ſoll man nimmer ein vorhaben oder anſchlag halſtarrig woͤllen fort - ſetzen / wan die gelegenheit der zeit nicht wil beyfallen. Dann ſich underſtehen in einer groſſen gefahr / die ungelegenheit der zeit und gluͤck ſeines gefallens zu zwingen / iſt gleich alß wider den windt oder ſtrom ſchiffen / und anzeig eines ver - blenten ungluͤckhafften gemuͤhts. Jn ſumma alles was man im krieg vornimbt / das ſoll man wegen und abmeſſen nach gelegenheit der zeit. Den wan dieſelbe mangelt / ſo pflegts auch am gluͤck zu mangeln. Dargegen ſoll man nimmermehr am gluͤck im krieg verzweiffeln / und das hertz gar fallen laſſen / wie groß auch immer die gefahr und noht. Dan wans am aller aͤrgſten und gefaͤhrlichſten / ſo kan ſichs widerumb beſſern / da es allein am fleiß und hertz nicht mangelt.

Wann nuhn ein Potentat billiche und gerechte uhr - ſach / auch alle noͤhtige mittel zu handen bracht / und das kriegen nicht vmbgehen kan / ſo ſol er doch alles hind ange - ſetzt Gott vmb huͤlfe und beyſtand anruffen. Weil der ſieg nicht durch die maͤnge der macht kommet / ſondern ihm die krafft auß dem Him̃el gegeben wird. Welches dan auch den aberglaͤubigen heiden / dem Cyro, denen Athenienſern und Roͤmern nicht unwiſſend und derowegen ihre Goͤtzen und Oracula vor ihrem außzug erſuchet und angeruffen haben. Hierauff ſoll man erſtlich von dem vorgenommen Kriegdeliberi -5Kriegßbuch. deliberiren und rathſchlagen: den viel ſehen mehr alß einer: Auch ſtehet der anfang wohl in des Kriegßherren willen und gewalt / aber er kan des kriegs nicht wieder mit vortheil lohß werden / wann er gerne wolte / und ſtehet der gluͤckliche außgang bey Gott. Vnder andern aber ſoll ein Kriegßfuͤrſt groß aufmerckens haben / wehr die ſeien / ſo ihm zum krieg rahten: Ob ſie nemblich ihre eigne paſſion / haß und neid leite / oder ob ſie nutz und vortheil darvon zugewarten: Jtem was ſie ihm fuͤr anſchlaͤge und practiken vormahlen / ob nem̃lich etwas grund darbey / oder obs weitleuftige mißliche fuͤrgeben ſeien. Sich ſelbſtet auch und ſein vermuͤgen ſoll er wohl ermeſſen und ob er auch uf den nohtfall ſich ſeiner freunde huͤlfe zu getroͤſten: Vnd hingegen des feindes und deſſen anhang genug erkuͤndigẽ und durch was mittel muͤg - lich / ihme ſeine freunde und helffer abſpennig machen. dan hindurch kan er den feind hefftig ſchwechen beides an man - ſchafft und profeant. Dan alhier / wie in allen menſchlichen ſachen und handelungen / wird ein gewiß end und ziel erfor - dert / da man hinauß ſolle und woͤlle / und daß man alle ge - legenheiten / umbſtaͤnde / vorteiligkeiten / ſo von einer zeit zur andern vorfallen koͤnnen / wol erwege und in acht neme / alle mittel und wege zu allerhandt bereitſchaft ſueche / uf daß / wan man zun ſachen ſchreiten ſoll / unſaumlich alle ding zu werck gericht werden moͤgen.

Summa es ſoll ein jeder potentat und kriegßfuͤrſt / wann er krieg fuͤhren will / dahin bedacht ſein / daß er vor Gott keine ſuͤnde thu und vor der Welt kein verweiß oder bey den nachkommen keine unehr zu beſorgen habe.

Befindet ſich aber ein Fuͤrſt an gemuͤht und erfah - renheit nicht genugſam ein krieg zu fuͤhren und zu regieren: iſt er nit mit gelt / profeant / munition vnd feſten plaͤtzen / daß er mitlerweil daheim vor uͤberfall geſichert / wol verſehen: iſt er mit dapferen / treuen und erfahrnen befelchßhabern nicht gefaſt / kan er kein gut kriegßvolck zur handt haben / bey deme erſich trewe / gehorſams uñ tapferkeit zugetroͤſten: befindet er / daß ihm der feindt zu maͤchtig an volck und gelt uñ veſtungen und verwahrten paͤſſen uñ anderer zubehoͤr / und den daß er auch / wo er ſchon dem feinde obſiegen ſolte / die eroberte landt und leut nicht verthedigen kan / ſo thut er am rahtſamſten / daß er an ſich halte / etwas vberſehe und leide biß zu einer gelegener zeit / oder darnach trachte / wie er zu einem leidlichen vertrag und frieden gelangen moͤ - ge / angeſehen daß die maͤchtigere gewohnlich uf den gewalt und harre ihre ſachen anſtellen und damit den ſchwecheren außmattern. Kanß aber je zum frieden nicht außſchla - gen / ſo ſehe er als dan mit zu / daß er den vorſtreich habe und den erſten angrif thue / dan es vil ſicherer den feindt in ſeinem lande anzugreiffen / da man dazu gefaſt mag ſein / alß ſeiner daheimb zu erwarten / in betrachtung daß der / ſo ſich vf die defenſion begibt / mehr zu verlieren und wenig zu ge - winnen: vnd daß der einen andern in ſeinem lande angreift / ihm das hertze ſucht / und den gewin vor augen habe. Dar - mit nuhn allerſeits vorhaben beides offenſiv vnd defenſiv in gebuͤrender ordnung beſehen werden koͤnne / ſo ſchreite ich dermal eins zu meinem propoſ und undernommener be - ſchreibung des Kriegßweſens und diſciplin.

Nuh lehret aber ſolche Diſciplina militaris unnd kriegßwiſſenſchaft / wie man den krieg recht und wol admi - niſtriren und fuͤhren ſoll. Vnd beſtehet vornemblich in die - ſen zweyen ſtucken / alß in Apparatu oder bewerbung und zuruͤſtung zum krieg und dan in Congreſſu, oder dem ſtrei - ten und treffen. Dieſe beyde theil wollen wihr / ſo wol nach dero alten Griechen und Roͤhmer / alß dero jetzigen art und manier vormahlen und beſchreiben / und dadurch verhof - fentlichen anlaß geben die alte und newe Militiam mit ein - ander zu conferiren und noch viel gutes auß der alten loͤblichen kriegß diſciplin in die jetzige zu verſetzen.

Erſter theil von dem Apparatu, bewerbung deß Kriegßvolcks / munition, profeant, exercitien, und befeſtigungen & Cæt: Jn zweyen vnderſchiedenen buͤchern abgetheilet und beſchrieben.

VOn dem Kriegs Apparatu und deſſen abtheilung.

EJn Fuͤrſt oder Kriegßher ſoll dem frieden nim̃er ſo wohl trauen daß er ſich nicht zum krieg und ge - genwehr gefaſt mache / dan niemands leget deme leichtlich gewalt an / den er weiß gefaſt ſein die gegenwehr zuge - brauchen und ſich bald zu raͤchen. Solches geſchicht nun durch erſtermelten Apparatum. Apparatus aber iſt auch zweierley Militum deß kriegßvolck und Præſidiorum / alß der befeſtigung / profeand / und munition: und ſoll kein Fuͤrſt den krieg anheben / er wiſſe dan ſich mit erſterwehnten mit - telen wohl verſehen / und daß er mit eil und vorthel darzu koͤnne gefaſt ſein. Den wehr die gelegenheit der zeit verſeuͤ - met / und wehr der ſaumligkeit ſtad gibet / der entzeucht ihm felbſt die mittel deß ſieges darzu der naͤchſte weg iſt alles zei - tig und bald ins werck zu richten. Ja jemehr man auch des friedens begehret / je mehr ſoll man ſich mit den apparatu ge -B ijfaſt12Erſte buchfaſt machen. Dan was urſachet mehr den frieden / alß wen beide theil wol gefaſt ſein und keiner ſeinem gluͤcke oder ſtaͤr - cke zu viel vertrauen darff.