Daß das Ende alles Lehrens vnd Lehrnens nichts anders ſey / als eine Wieder-einfuͤhrung zuruͤck / vnd Ein - gang zu Gott / als dem Hoͤheſten Gute / daraus der Menſch gefallen.

Daß man dieſen verborgenen Eingang nicht moͤge finden / man ſuche dann die Ehre Gottes lauterlich vor vnd in allen dingen.

Daß die Ehre Gottes beſtehe in dem ewigen Lobe der herꝛlichen Maye - ſtaͤt Goͤttlicher Guͤte / Weißheit / vnd Allmacht.

Daß dieſes Lob der Herꝛligkeit. Gottes nicht moͤge recht geprieſen wer - den / der Menſch ſey dann mit vnd in Gott / vnd Gott mit vnd in dem Men - ſchen vereiniget.

Daß die Vereinigung Gottes vnd des Menſchen nicht geſchehen koͤn - ne / ohne den Grund der hertzlichen Liebe Gottes uͤber alles.

Daß dieſe Liebe nicht muͤge be - kant werden / ohne den Vorſchmack der vorlauffenden ſuͤſſen Gnade Gottes.

Daß die Gnade Gottes ſey das ewige Leben in Chriſto Jhsuh vnſerm HErꝛn.

Daß das ewige Leben nichts an - ders ſey / als eine Goͤttliche Beſchawlig - keit vnd Ruhe der Seelen in der gehei - men Offenbahrung Jeſu Chriſti.

Daß die O.I.C. ſey Gott / die Na - tur / vnd ſich ſelber / in / durch / vnd aus Gott / die Natur vnd ſich ſelber eꝛkennen.

Daß dieſe Erkaͤntnuͤs durch das Licht der Glorien / Gnaden / vnd Natur / in dem drey-einigen Buche der heiligen Schrifft / der Welt / vnd des Menſchen muͤſſe geſucht / gefunden vnd geoffen - bahret werden.

Daß dieſe drey Buͤcher in dem einigen / innigen vnd ewigen Buche des Lammes / Lichtes vnd Lebens oder Her - tzens Gottes von Ewigkeit beſchrieben / verſigelt vnd beſchloſſen zu finden.

Daß dieſes Buch des Lebens von innen vnd auſſen geſchrieben ſey Jesus Christus, Crucifi - xus vnd Resuscitatus.

Daß wer in dieſem Buche Crucifixi vnd Reſuſcitati recht leſen wil / demſelbigen von innen vnd auſſen muͤſſe gleichfoͤrmig werden.

Daß dieſe Gleichfoͤrmigkeit al - leine nach der Lehr vnd dem Leben Jeſu Chriſti muͤſſe verſtanden / aus dem Glau -ben7der Weißheit.ben in der Hoffnung mit Gedult durch die Liebe thaͤtig werden.

Daß in dem Leben Jeſu Chri - ſti vornaͤmlich drey Gradus, der Ernie - drigung / des Stillſtehens / vnd der Er - hoͤhung muͤſſen practiciret werden. Chriſti R. vom 1. Himmel. 2. im Menſchen. 3. fuͤh - ret jhn mit / wieder in ſich / nach Himmel.

Sein Gang kam vom Vater her /

Vnd ging wieder zum Vater /

Fuhr hinunter zu der Hell /

Vnd wieder zu Gottes Stul.

Daß der Stand der Ernie - drigung nichts anders ſey als die Mor - tification, Creutzigung vnd Ertoͤdtung des Erſten / Alten / Euſſern / Jrꝛdiſchen / Sichtbahren / Thieriſchen / Fleiſchlich - geſinneten Menſchens / da man der Welt vnd jhm ſelber abſterben / ſtillſtehen vnd in Sabbath treten muß. Gelitten / gecreutziget / geſtorben.

Wer mit Chriſto wil herꝛſchen vnd erben /

Muß zuvor mit jhm leiden vnd ſterben.

Daß der Stand der Erhoͤhung nichts anders ſey / als aus dem Tode Chriſti / durch die newe Geburt im Pa - radeiſiſchen Leben außgruͤnen: Mit dem Fleiſche vnd Blute Jeſu Chriſti ge - ſpeiſet vnd getraͤncket / von Babel auß - gehen: Geiſtlich aufferſtehen: den an -dern9der Weißheit.dern Newen / Jnwendigen / Himliſchen / Vnſichtbahren / Engliſchen / Geiſtlichge - ſinneten Menſchen Jeſum Chriſtum / der nach Gott gebildet iſt / anziehen: als ein Kind des Lichtes im Lichte wandeln / auff - wachſen / zunehmen / vnd ſtarck werden / an Weißheit / Alter vnd Gnade bey Gott vnd den Menſchen; biß zu einem voll - kommenen Manne / der da lebe in Ge - rechtigkeit vnd Heiligkeit die fuͤr Gott gefaͤllig iſt. Am 3. Tage wieder aufferſtanden von den Todten: auffgefahren gen Himmel. Suchen vnd trachten nach dem was droben iſt: Auff den Berg des HErꝛn ſteigen: Auß-vnd ein - gehen / vnd Weide finden: Fruͤchte des Gei - ſtes bringen. Sitzend zur Rechten Gottes; von dannen Er kommen wird zu richten die Lebendi - gen vnd Todten.

Daß dis alles ohne ernſtes Bit - ten / fleiſſiges Nachſuchen / vnd vnablaͤß - liches Anklopffen nicht koͤnne erlanget werden.

Daß man den Vater durch den Sohn im Geiſte / vnd in der War - heit / vmb den heiligen Geiſt inbruͤnſtig bitten: das Reich Gottes vor allen dingen in dem innerſten Grund des Hertzens ſuchen: Vnd alleine an die einige / enge / vnd innige Pforte des Le - bens Jeſu Chriſti anklopffen ſolle vnd muͤſſe.

Daß man ohn ein Gottſeeli - ges / keuſches / nuͤchternes / vnd eingezo - genes Leben / gar nicht recht bitten / ſuchen / noch anklopffen koͤnne.

Daß vergebens ſey ein ſol - ches abgeſchiedenes Leben zu fuͤhren: wo man die Annaͤhmligkeit der viel - vnd Eitelkeit dieſer Welt nicht kan ver - meyden.

Daß vmbſonſt ſey die Welt verlaſſen / wo man ſich ſelber / das iſt / ſein eigen Gutt / Leib / Lob / Leben / Seele / vnd Willen / vmb Chriſti Namens / Erkaͤntnuͤs vnd Liebe wegen / nicht ler - net verlieren vnd haſſen.