Das I. Capitel.

WAnn ihm jemand einbildet / ich erzehle nur da - rumb meinen Lebens-Lauff / damit ich einem und anderem die Zeit kuͤrtzen: oder wie die Schalcks-Narꝛn und Poſſen-Reiſſer zu thun pfle - gen / die Leut zum lachen bewoͤgen moͤchte; ſo findet ſich derſelbe weit betrogen! dann vie. lachen iſt mir ſelbſt ein Eckel / und wer die edle ohnwiederbringliche Zeit vergeblich hinſtreichen laͤſt / der verſchwendet die jenige Goͤttliche Gaab ohnnuͤtzlich / die uns verliehen wird / unſerer Seelen Hail in: und vermittelſt der - ſelbigen zuwuͤrcken; Warumb ſolte ich dann zu ſol - cher eytelen Thorheit verholffen: und ohne Urſach vergebens anderer Leut kurtzweiliger Rath ſeyn? Gleichſamb als ob ich nicht wiſte / daß ich mich hier - durch frembder Suͤnden theilhafftig machte mein lieber Leſer / ich beduͤncke mich gleichwohl zu ſolcher[P]rofeſſion umb etwas zugut zu ſeyn / wer derowegen einen Narꝛen haben will / der kaufft ihm zween ſo hat er einen zum beſten; daß ich aber zu zeiten etwas poſſierlich auffziehe / geſchiehet der Zaͤrthling halber / die keine heilſame Pillulen koͤnnen verſchlucken / ſie ſeyen dann zuvor uͤberzuckert vnd verguͤlt geſchwei - ge daß auch etwann die aller gravitetiſchte Maͤnner / wann ſie lauter ernſtliche Schrifften leſen ſollen / das Buch ehender hinweg zulegen pflegen / als ein an - ders / daß bey thnen bißweilen einen kleines Laͤchlen herauß preſſet; Jch moͤchte vielleicht auch beſchul - digt werden / ob gienge ich zuviel Satyricè drein, deſ - ſen bin ich aber gar nicht zuverdencken / weil maͤnnig - lich lieber gedultet / daß die allgemeine Laſter Genera - liter durch gehechlet uñ geſtrafft: als die aigne Untu -gendengenden freundlich corrigirt werden; So iſt der Theologiſche Stylus beym Herꝛn Omne (dem ich aber dieſe meine Hiſtori erzehle) zu jetzigen Zeiten leyder auch nicht ſo gar angenehm / daß ich mich deſ - ſen gebrauchen ſolte; ſolches kan man an einem Marckſchreyer oder Quackſalber (welche ſich ſelbſt vornehme Aertzt / Oculiſten / Bruͤch: und Stein - ſchneider nennen / auch ihre gute pergamentine Brief und Sigel druͤber haben) augenſcheinlich abneh - men / wann er am offnen Marckt mit ſeinem Hanß Wurſt oder Hanß Supp auftritt / und auf den erſten Schray und phantaſtiſchen krummen Sprung ſei - nes Narꝛen mehr Zulauffs und Anhoͤrer bekombt / als der eyferigſte Seelen-Hirt / der mit allen Glo - cken dreymahl zuſammen leuthen laſſen / ſeinen an - vertrauten Schaͤfflein ein fruchtbare heilſame Pre - dig zuthun.

Dem ſey nuu wie ihm wolle / ich proteſtire hiemit vor aller Welt / kein ſchuld zuhaben / wann ſich je - mand deßwegen aͤrgert / daß ich den Simpliciſſim um auf die jenige mode außſtaffirt / welche die Leut ſelbſt erfordern / wann man jhnen etwas nutzlichs bey brin - gen will; laͤſt ſich aber in deſſen ein und anderer der Huͤlſen genuͤgen und achtet deß Kernen nicht / der darinnen verborgen ſteckt / ſo wird er zwar als von einer kurtzweiligen Hiſtori ſeine Zufriedenheit: Aber gleich wohl das jenig bey weitem nicht erlangen / was ich ihn zuberichten aigentlich bedacht geweſen; fahe demnach widerum an / wo ichs im End deß fuͤnff - ten Buchs erwinden laſſen.

Daſelbſt hat der geliebte Leſer verſtanden / daß ich widerumb ein Einſidler worden / auch wa - rumb ſolches geſchehen; gebuͤhret mir derowegenA 4nun -nunmehr zuerzehlen / wie ich mich in ſolchem Standt verhalten; die erſte baar Monat alldieweil auch die erſte Hitz noch tauret / giengs treflich wol ab / die Be - gierde der fleiſchlichen Wolluͤſte oder beſſer zuſagen / Vnluͤſte / denen ich ſonſt treflich ergeben geweſen / daͤmpffte ich gleich anfangs mit zimblicher geringer Muͤhe / dann weil ich dem Baccho vnd der Cerera nit mehr dienete / wolte Venus auch nicht mehr bey mir einkehren; aber damit war ich drumb bey wei - tem nit vollkommen / ſonder hatte ſtuͤndlich tauſend - ſaͤltige Anfechtungen; wann ich etwan an meine al - te begangne loſſe Stuͤcklein gedachte und eine Reu[dardurch] zuerwecken / ſo kamen mir zugleich die Wol - luͤſte mit ins Gedaͤchtnuß / deren ich etwan da und dort genoſſen / welches mir nit allemal geſund war / noch zu meinem geiſtlichen Fortgang aufferbaulich; wie ich mich ſeithero erinnert / und der Sach nach - gedacht / iſt der Muͤſſiggang mein groͤſter Feind: Und die Freyheit (weil ich keinem Geiſtlichen un - derworffen / der meiner gepflegt und wargenommen haͤtte. ) die Urſach geweſen / daß ich nicht in meinem angefangenen Leben beſtaͤndig verharꝛet; ich woh - nete auff einem hohen Gebuͤrg die Moß genant / ſo ein ſtuͤck vom Schwartzwald: und uͤberal mit einem ſinſtern Dannen-Wald uͤberwachſen iſt / von dem - ſelben hatte ich ein ſchoͤnes Außſehen gegen Auffgang in das Oppenauer Thal und deſſen Neben-Zincken; gegen Mittag in das Kintzinger Thal und die Graf - ſchafft Geroltzeck / alwo daſſelbe hohe Schloß zwi - ſchen ſeinen benachbarten Bergen das Anſehen hat / wie der Koͤnig in einem auffgeſetzten Kegel-Spill; gegen Nidergang kondte ich das Ober und Unter El - ſaß uͤberſehen / und gegen Mitternacht der NidernMarg -Marggraffſchafft Baaden zu / den Rheinſtrom hi - nunter; in welcher Gegend die Statt Straßburg mit ihrem hohen Muͤnſter-Thum gleichſamb wie das Hertz mitten mit einem Leib beſchloſſen hervor pranget; mit ſolchem Außſehen und Betrachtun - gen ſo ſchoͤner Lands-Gegend delectirte ich mich mehr als ich eyferig bettete; warzu mir mein Per - ſpectiv dem ich noch nicht reſignirt, treflich anfriſch - te; wann ich mich aber deſſelbigen wegen der dunck - len Nacht nicht mehr gebrauchen kondte / ſo nahm ich mein Jnſtrument / welches ich zu Staͤrckung des gehoͤrs erfunden / zu handen / und horchte dardurch / wie etwan uff etlich Sundt Wegs weit von mir die Bauren Hund bellen / oder ſich ein Gewilt in meiner Nachbarſchafft regte; mit ſolcher Thorheit gieng ich umb / und lieſte mit der Zeit zugleich arbeiten und betten bleiben / wordurch ſie hiebevor die alte Egyp - tiſche Einſidel beydes Leib und Geiſtlicher Weiß er - halten; Anfaͤnglich als ich noch neu war / gieng ich zu Hauß zu Hauß in den naͤchſten Thaͤlern herumb / und ſuchte zu Auffenthaltung meines Lebens das Allmoſen / nahm auch nit mehr als was ich ploͤßlich bedorffte / und ſonderlich verachte ich das Gelt / wel - ches die umbligende Nachbaren vor ein groß Wun - der: Ja fuͤr ein ſonderbare Apoſtoliſche Heiligkeit an mir ſchaͤtzten; ſo bald aber meine Wohnung be - kandt wurde / kam kein Waldgenoß mehr in Wald / der mir nit etwas von Eſſen-Speiſſen mit ſich ge - bracht hette; dieſe ruͤhmten meine Heyligkeit und ungewoͤhnliches Einſidleriſches Leben auch ander - werts / alſo daß auch die etwas weiters wohnende Leuth entweder auß Fuͤrwitz oder Andacht getriben / mit groſſer Muͤhe zu mir kamen / und mich mit ihrenA 5Ver -Verehrungen beſuchten / da hatte ich an Brodt / But - ter / Saltz / Keß / Speck / Eyern und dergleichen nit allein keinen Mangel / ſonder auch einen Vberfluß; wurde aber darumb nit deſto[gottſeliger] / ſonder je laͤnger je kaͤlter / ſaumſeliger und ſchlimmer / alſo daß man mich beynahe einem Heuchler oder heili - gen Schalck hett nennen moͤgen; doch underlieſſe ich nicht / die Tugenden und Laſter zubetrachten / und zugedencken was mir zuthun ſeyn moͤchte / wann ich in Himmel wolte; Es geſchahe aber alles unorden - lich / ohne rechtſchaffenen Rath und einen veſten Vorſatz / hierzu einen Ernſt anzulegen / welchen mein Stand und deſſen Verbeſſerung von mir er - forderte.

Das II. Capitel.

WJr leſen daß vor zeiten bey dem GOtt ergebe - nen heiligen Gliedern der Chriſtlichen Kir - chen die Mortification oder Abtoͤdtung deß Flei - ſches / vornemblich in betten / faſten und wachen beſtanden; gleichwie nun aber ich mich der erſten beyden Stuck wenig beflieſſe; alſo lieſe ich mich auch die ſuͤſte Betoͤherung deß Schlaffs ſtracks uͤberwin - den / ſo offt mir nur zugemuthet ward / ſolche Schul - digkeit (daß wir dann mit allen Thieren gemein ha - ben) der Natur abzulegen; einmahls faullentzte ich unter einer Thannen im Schatten / vnd gab meinen unnuͤtzen Gedancken gehoͤr / die mich fragten / ob der Geitz oder die Verſchwendung das groͤſte oder aͤrgſte Laſter ſeye? ich habe geſagt meinẽ unnuͤtzẽ Gedancken! und das ſag ich noch! dann lieber was hatte ich mich umb die Verſchwendung zubekuͤmmern / da ich doch nichts zu verſchwenden vermochte? und was giengmichmich der Geitz an / in dem mein Stand / den ich mir ſelbſt frey willig erwoͤhlet / von mir erfordert / in Ar - muth und Doͤrfftigkeit zuleben? aber O Thorheit / ich war dannoch ſo hart verbaiſt / ſolches zuwiſſen / daß ich mir dieſelbige Gedancken nicht mehr auß - ſchlagen kondte / ſonder daruͤber einſchlummerte! womit einer wachent handiert / damit pflegt einer gemeiniglich auch traument vexirt zu werden / und ſolches wiederfuhr mir damals auch! dann ſo bald ich die Augen zugethan hatte / ſahe ich in einer tieffen abſcheulichen klingenden hoͤlliſchen Groß-Fuͤrſten Luciferum zwar auff ſeinem Regiments-Stul ſi - tzen / aber mit einer Ketten angebunden / daß er ſeines Gefallens in der Welt nicht wuͤtten koͤndte; die viele der hoͤlliſchen Geiſter mit denen er umbgeben / be - gnuͤgten durch ihr fleiſſigs auffwarten / die groͤſte ſei - ner hoͤlliſchen Macht / als ich nun dieſes Hoff-Ge - ſind betrachtete / kam ohnverſehens ein ſchneller Po - ſtilion durch die Lufft geflogen / der lieſe ſich vorm Lucifer nider und ſagte / O groſſer Fuͤrſt / der ge - ſchloſſene teutſche Frieden hat bey nahe gantz Euro - pam wiederumb in Ruhe geſetzt; das Gloria in ex - celſis und Te Deum Laudamus erſchallet aller Or - ten gen Himmel / und jedermann wird ſich befleiſ - ſen unter ſeinem Weinſtock und Feigenbaum hin - forder GOtt zu dienen ſo bald Lucifer dieſe Zeitung kriegte / erſchrack er anfaͤnglich ja ſo ſehr / als hefftig er den Menſchen ſolche Gluͤckſeeligkeit mißgoͤnnet; in dem er ſich aber wieder ein wenig erhollete / und bey ihm ſelbſt erwas / was vor Nachtheil und Scha - den ſein hoͤlliſches Reich am bißhero gewohnten in - tereſſe leyden muͤſte / grießgrammet er ſchroͤcklich! A vjerer knarbelt mit den Zaͤhnen ſo greulich / daß er weit und breit forchterlich zuhoͤren war / und ſeine Augen funckelten ſo grauſam vor Zorn und Ungedult / daß ihm gleichſam ſchweffellichte Feurflammen gleich - ſam wie der Plitz herauß ſchlugen und ſein gantze Wohnung erfuͤlleten; alſo daß ſich nicht allein die arme verdambte Menſchen und geringe hoͤlliſche Geiſter; ſonder auch ſeine vornembſte Fuͤrſten und gehaimbſte Raͤth ſelbſt darvor entſetzlen; zuletzt lief - fe er mit den Hoͤrnern wider die Felſſen daß die gan - tze Hoͤll darvon zitterte / und fieng dergeſtalt an zu wuͤtten und toben / daß die ſeinige ſich nichts anders einbilden kondten / als er wuͤrde entweder gar abrei - ſen / oder gantz toll und thoͤricht werden; maſſen ſich ein Zeitlang niemand erkuͤhnen dorffte ſich zu ihm zu nahen / weniger ein einziges Woͤrtlein mit ihm zu - ſprechen.

Endtlich wurde Belial ſo keck und ſagte / groß - maͤchtiger Fuͤrſt was ſeynd das vor Gebaͤrden von einer ſolchen unvergleichlichen Hochheit? wie? hat der groͤſte Herꝛ ſeiner ſelbſt vergeſſẽ? ode was ſoll uns doch dieſe[ungewoͤhnliche] Weiß bedeuten / die eurer herꝛlichen Majeſtaͤt weder nutzlich noch ruͤhmlich ſeyn kan? Ach! antwortet Lucifer, ach! ach wir haben alleſambt verſchlaffen und durch unſere aige - ne Faulheit zugelaſſen das lerna malorum unſer liebſtes Gewaͤchs / das wir auff dem gantzen Erd - boden hatten / und mit ſo groſſer Muͤhe gepflantzt: Mit ſo groſſem Fleiß erhalten / und die Fruͤchte da - von jeweils mit ſo groſſem Wucher eingeſamblet / nunmehr auß den teutſchen Graͤntzen gereuttet: Auch wann wir nicht anders darzu thun / beſorglich auß gantz Europa geworffen wird! und gleichwohliſtiſt keiner unter euch allen der ſolches recht behertzige! Jſts uns nicht allen eine Schand / daß wir die weni - ge Taͤglin welche die Welt noch vor ſich hat / ſo li - derlich verſtreichen laſſen? ihr ſchlaͤfferige Maul - affen / wiſt ihr nicht daß wir in dieſer letzten Zeit un - ſere reichſte Erndt haben ſollen? das iſt mir gegen dem Endt der Welt auff Erden ſchoͤn dominirt, wann wir wie die alte Hund zur Jacht vertroſſen und untuͤchtig werden wollen; der Anfang und Fort - gang deß Kriegs ſahe unſerm verhofften Fetten - ſchnitt zwar gleich / was haben wir aber jetzt zuhoffen? da Mars Europam biß auff Polen quitirt / dem ler - na malorum auff dem Fuß nachzufolgen pflegt.

Als er dieſe Meynung vor Boßheit und Zorn mehr herauß gedonnert: Als geredet hatte / wolte er die vorige Wuth wieder angehen; aber Belial machte daß er ſichs noch enthielte / da er ſagte / wir muͤſſen deßwegen den Muth nicht ſincken laſſen / noch ſich gleich ſtellen wie die ſchwachen Menſchen die ein wiederwertiger Wind anblaͤſt / weiſt du nicht / O groſſer Fuͤrſt / daß mehr durch den Wein als durchs Schwerdt fallen? ſolte dem Menſchen / und zwar den Chriſten / ein geruhigen Fried / welcher den Wolluſt auff dem Rucken mit ſich bringt / nicht ſchaͤdlicher ſeyn als Mars? iſt nicht gnug bekandt / daß die Tugenden der Braut Chriſti nie heller leuch - ten als mitten in hoͤchſtem Truͤbſal? mein Wunſch und Will aber iſt / antwortet Lucifer / daß die Men - ſchen ſowohl in ihrem zeitlichen Leben in lauter Un - gluͤck: Als nach ihrem Hinſterben in ewiger Qual ſeyn ſollen; dahingegen unſere Saumſahl endlich zugeben wird / daß ſie zeitliche Wohlfart genieſſen: Und[endlich] noch darzu die ewige Seeligkeit beſitzenA vijwer -werden; ha; antwortet Belial, wir wiſſen ja beyde mein profeſſion, vermittelſt deren ich wenig Feyer - taͤg halten: Sonder mich dergeſtalt thumlen wer - de / deinen Willen und Wunſch zuerlangen / das lerna malorum noch laͤnger bey Europa verbleiben: Oder doch dieſe Dam andere Kletten ins Haar krie - gen ſoll; allein wird deine Hochheit auch bedencken / daß ich nichts erzwingen kan / wann ihr das Numen ein anders goͤnnet.

Das III. Capitel.

DAs freundlich Geſpraͤch dieſer zweyen hoͤlli - ſchen Geiſter war ſo ungeſtuͤmm und ſchroͤck - lich / daß es einen Haubt Lermen in der gantzen Hoͤl - len erꝛegte / maſſen in einer geſchwinde das gantze hoͤlliſch Heer zuſammen kam / umb zu vernemmen / was etwann zuthun ſeyn moͤchte da erſchiene Lu - cifers erſtes Kind / die Hoffart mit ihren Toͤchtern; der Geitz mit ſeinen Kindern; der Zorn ſambt Neyd und Haß / Rachgier / Mißgunſt / Verleumbdung / und ihnen weiters verwandt war / ſo dann auch Wolluſt mit ſeinem Anhang / als Geilheit / Fraß Muͤſſiggang und dergleichen / item die Faulheit / die Untreu / der Muthwill / die Lugen / der Fuͤrwitz ſo Jungfern theuer macht / die Falſchheit mit ihrem lieblichen Toͤchterlein der Schmeicheley die an ſtatt der Windfach einen Fuxſchwantz trug / welches alles ein ſeltzamen Auffzug abgab / und verwunderlich zu -[ſe]hen war / dann jedes kam inſonderbarer aigner Lie - berey daher; ein theil war auffs praͤchtigſt herauß gebutzt / das ander gantz bettelhafftig angethan / und das dritte / als die Unſchamhafftig und dergleichen / gieng bey nahe uͤberall nackent; ein theil war ſo fettundund wohl leibig wie ein Bacchus, das ander ſo gelb plaich und mager wie ein alte doͤrꝛe Ackermeer; ein theil ſchiene ſo lieblich und anmuthig wie eine Ve - nus, das ander ſahe ſo ſaur wie Saturnus; das drit - te ſo grimmig wie Mars, das vierdte ſo tuͤckiſch und dockmaͤuſig wie Mercurius, ein theil war ſtarck wie Hercules, oder ſo gerad und ſchnell wie Hippome - nes, das ander lahm und hinckent wie Vulcanus; alſo daß man ſo unterſchiedlicher ſeltzſamen Ar - ten und Auffzuͤg halber vermeynen haͤtte moͤgen es waͤre das wuͤttig Heer geweſen / davon uns die alte ſoviel wunderlichs Dings erzehlt haben; und ohne dieſe obgenannte erſchienen noch viel die ich nicht kante noch zu nennen waiß / maſſen auch etliche gantz vermummet und verkappt auffzogen.

Zu dieſem ungeheuren Schwarm thaͤt Lucifer ei - ne ſcharpffe Rede / in welcher er dem gantzen Hauf - fen in genere und einer jeden Perſon inſonderheit ihre Nachlaͤſſigkeit verwiſſe / und allen auffrupffte / daß durch ihre Saumſal lerna malorum Europam ſaumen; er muſtert auch gleich die Faulheit auß / als einen untuͤchtigen Banckert / der ihm die ſeinige verderbe / ja er verwiſſe ihr ſein hoͤlliſches Reich auff ewig / mit Befelch daß ſie gleichwohl ihren unter - ſchlaiff auff dem Erdboden ſuchen ſolte;

Demnach hetzte er die uͤbrige alles Ernſts zu[groͤſ - ſerem] fleiß / als ſie bißhero bezeugt / ſich bey den Menſchen einzuniſtelen? betrohete darbeneben ſchroͤcklich / mit was vor Straffen er die jenige an - ſehen wolte / von welchen er kuͤnfftig im geringſten verſpuͤre / daß durch deren Ambts-Geſchaͤffte ſeiner intentio gemaͤß nicht eyferig genug verfahren wor - den waͤre; er theilet ihnen henebens auch neue in -ſtru -ſtructiones und memorial auß / und that ſtattliche promeſſen gegen denen die ſich tapffer gebrauchen wuͤrden.

Da es nun ſahe / als wann dieſe Reichs Verſamb - lung ſich endigen: Und alle hoͤlliſche Staͤnde wider - umb an ihre Geſchaͤffte gehen wolten! ritte ein zer - lumbter: und von Angeſicht ſehr blaicher Kerle auff einem alten ſchaͤbigen Wolff hervor / Roß und Mann ſahe ſo verhungert / mager / matt und hin - faͤllig auß / als wann beydes ſchon ein lange Zeit in einem Grab oder auff der Schintgruben gelegen waͤre! dieſer beklagte ſich uͤber eine anſehenliche Dame, die ſich auff einem neapolitaniſchen Pferdt von 100 Piſtolen werth / tapffer vor ihm tumlete; alles an ihren und deß Pferds Klaidungen und Zier - ten glaͤntzte von Perlen und Edelgeſteinen / die Stegraiff / die Buckeln / die Stangen / alle Rincken das Mundſtuͤck oder Gebiß ſambt der Kinketten war von purem Gold / die Hueffbeſchlaͤg aber an deß Pferdts Fuͤſſen von feinem Silber: Dahero man ſie auch keine Hueffeyſen nennen kan; ſie ſelbſt ſahe gantz herꝛlich / praͤchtig und trotzig auß / bluͤhete darneben im Angeſicht wie eine Roſe am Stock / oder war doch wenigiſt anzuſehen / als wann ſie einen halben Rauſch gehabt hette / maſſen ſie ſich auch ſonſt in al - len ihren Geberdten ſo friſch ſtellet; es roche umb ſie herumber ſo ſtarck nach Haarpulver Balſamb / Bi - ſtamb Ambra und andern Arom̃aten / daß wohl einer andern als ſie war / die Mutter hett rebelliſch werden moͤgen. In Summa es war alles ſo koſtbarlich umb ſie beſtelt / daß ich ſie vor die allermaͤchtigſte Koͤnigin gehalten hette / wann ſie nur auch gecroͤnet geweſenwaͤrewaͤre / wie ſie dann auch eine ſeyn mueß / weil man vor ihr ſagt / ſie allein herꝛſche uͤber das Geld und das Geld nit uͤber ſie: Gab mich derowegen anfaͤnglich wunder / daß obengedachter ellende Schindhundt auff dem Wolff wider ſie mutzen dorffte / aber er machte ſich mauſiger / als ich ihm zugetraut.

Das 4. Capitel.

Dann er trang ſich vor dem Lucifer ſelbſten und ſagte / großmaͤchtiger Fuͤrſt! beynahe auff dem gantzen Erdthoden iſt mir niemand mehr zuwider als eben gegenwertige Braͤckin / die ſich bey den Men - ſchẽ vor die Freygebigkeit außgibt umb under ſolchem Nam̃en mit huͤlff der hoffart: Deß wolluſts und deß Fraſſes mich allerdings in Verachtung zubringen vnd zuuntertrucken; dieſe iſt / die ſich uͤberal wie das boͤſte in einer Wannen hervor wirfft / mich in meinen Wercken und Geſchaͤfften zuverhindern / und wieder nieder zureiſſen / was ich zu Auffnehmung und Nutzen deines Reichs mit groſſer Muͤhe und Arbeit aufferbaue! iſts mit dem gantzen hoͤlliſchen Reich bekandt / daß mich die Menſchen-Kinder ſelbſt eine Wurtzel alles Ubels nennen; was vor Freud oder was vor Ehr hab ich mich aber von ei - nem ſolchen herꝛlichen Titul zugetroͤſten / wann mir dieſe junge Rotz-Naſe vorgezogen werden will? ſoll ich erleben daß ich! ich ſage ich! ich! der wohl - verdientſten Raths-Perſonen und vornembſten Diener einer! oder groͤſſer befoͤrderer deines Staats und hoͤlliſchen intereſſe, dieſer Jungen: Waͤrſt bey meinem Gedencken von Wolluſt und Hoffart er - zeugten thun jetzt erſt in meinem Alter weichen:UndUnd ihr den Vorzug laſſen muͤſte? nimmermehr nit! Großmaͤchtiger Fuͤrſt / wuͤrde es deiner Hoch - heit anſtehen / noch deiner intention nachgelebt ſeyn / die du haſt / das Menſchlich Geſchlecht ſowol hie als dort zuquaͤlen / wann du dieſer allemode Naͤrꝛin gewonnen gebeſt / daß ſie in ihrer Verfah - rung wider mich recht handele; ich hab zwar miß - redet / in dem ich geſagt / recht handele; dann mir iſt recht und unrecht eins wie das ander; ich wolte ſo viel damit ſagen / es gereiche zu Schmaͤhlerung dei - nes Reichs / wann mein Fleiß / den ich von unvor - dencklichen Jahren hero biß auff dieſe Stund ſo un - verdroſſen vorgeſpannet / mit ſolcher Verachtung belohnet: Mein Anſehen / æſtimation und Valor bey den Menſchen dardurch verꝛingert: Und endt - lich ich ſelbſten auff ſolche weiß auß ihrer aller Her - tzen gar außgeloͤſcht und vertrieben werden ſolte; befehle derohalben dieſer jungen unverſtaͤndigen Landlaͤufferin / daß ſie mir als einem Aeltern wei - chen: Forthin meinem Beginnen nachgeben: Und mich in deinen Reichs-Geſchaͤfften unverhindert fuͤrfahren laſſen ſolle / in aller Maß und Form als vor dieſem beſchehen / da man in der gantzen Welt von ihr nichts wuſte.

Demnach der Geitz dieſe Mainung mit noch weit mehrern Umbſtaͤnden vorgebracht hatte; ant - wortet die Verſchwendung / es verwundere ſie nichts mehrers / alß daß ihr Großvatter ſo unverſchaͤmbt in ſein eigen Geſchlecht hinein gleich wie ein anderer Herodes Aſcalonita in das ſeinige wuͤthen doͤrffe; er nennet mich (ſagt ſie) eine Braͤckin; ſolcher Ti - tul gebuͤhret mir zwar weil ich ſein Encklin bin / mei - ner aignen Qualitaͤten halber aber wird mir derſel -bebe nimmermehr zugeſchriben werden koͤnnen; Er rucket mir auff / daß ich mich bißweilen vor die Frey - gebigkeit außgebe / und unter ſolchem Schein meine Geſchaͤffte verrichte; ach einfaͤltiges Anbringen ei - nes alten Gecken! welches mehr zuverlachen als meine Handlungen zu beſtraffen; weiß der alte Narꝛ nicht / daß keiner vnder allen hoͤlliſchen Geiſtern iſt / der ſich zu Zeiten nit nach geſtaltſame der Sach und erheiſchender Nothdurfft nach in ein Engel deß Liechts verſtelle? zwar mein ehrbarer Herꝛ Aehne nehme ſich bey der Naſen; uͤberredet er nit die Men - ſchen wann er anklopfft Herberg bey ihnen zuſu - chen / er ſeye die Geſparꝛſamkeit? ſolte ich ihn drum deßwegen tadeln oder gar verklagen? Nein mit nich - ten; ich bin ihm deßwegen nit einmal gehaͤſſig! ſin - temalen wie ſich alle mit dergleichen Voͤrtheln und Betruͤgereyen behelffen muͤſſen / biß wir bey den Menſchen ein Zutritt bekommen / und ſich unver - merckt eingeſchleicht haben; und moͤchte ich mir wol einen rechtſchaffenen frommen Menſchen (die wir aber allein zu hindergehen haben / dann die Gottloſe werden uns ohne das nit entlauffen) hoͤren was er ſagte / wann einer von uns angeſtochen kaͤme / und ſagten ich bin der Geitz / ich will dich zur Hoͤllen brin - gen! ich bin die Verſchwendung / ich will dich ver - derben; Jch bin der Neid / folg mir ſo kombſtu in die ewige Verdambnuß; ich bin die Hoffart / laſſe mich bey dir einkehren / ſo mache ich dich dem Teuf - ſel gleich / der von GOttes Angeſicht verſtoſſen wor - den; ich bin dieſer oder der / wann du mir nachaͤh - meſt / ſo wird es dich viel zu ſpat reuen / weil du alß - dann der ewigen Pein nimmermehr wirſt entrinnen koͤnnen; meineſtu nit / ſagte ſie zum Lucifer / großmaͤch -maͤchtiger Fuͤrſt / ein ſolcher Menſch werde ſagen / troll dich geſchwind in aller hunderten taufenden Namen in Abgrund der Hoͤllen zu deinem Groß - vatter hinunter / der dich geſandt hat? und laſſe mich zufrieden; wer iſt unter euch allen / ſprach ſie da - rauff zum gantzen Umbſtandt / dem nit ſolcher Ge - ſtalt abgedanckt worden / wann er mit der War - heit / die ohne das uͤberall verhaſſt iſt / auffzuziehen ſich unterſtanden? Solte ich dann allein der Narꝛ ſeyn / mich mit der Warheit ſchleppen? und unſer aller Großvattern nicht nachfolgen doͤrffen? deſſen groͤſte Arcana die Luͤgen iſt.

Eben ſo kahl kombts / wann der alte Pfetzpfen - ning zu meiner Verkleinerung vorgeben will / die Hoffart und der Wolluſt ſeyen meine Beyſtaͤndt; und zwar wann ſie es ſeyn / ſo thun ſie erſt was ihre Schuldigkeit und die Vermehrung deß hoͤlliſchen Reichs von ihnen erfordert; das gibt mich aber wunder / daß er mir mißgoͤnnen will / was er ſelbſt nit entberen kan! weiſet es nit das hoͤlliſche Proto - toll auß / daß dieſe beyde manchen armen Tropffen ins Hertz geſtigen und den Geitz den Weeg beraitet / ehe er / der Geitz / einmahl gedachte oder ſich erkuͤn - nen doͤrffte einen ſolchen Menſchen zu attaquirn? Man ſchlage nur nach / ſo wird man finden / daß de - nen ſo der Geitz verfuͤhrt / entweder zuvor die Hof - fart eingeblaſſen / ſie muͤſſen zuvor etwas haben / ehe ſie ſich ſehen laſſen zuprangen: oder daß ihnen die Raitzung deß Wolluſts gerathen / ſie muͤſſen zuvor etwas zuſamen ſchaͤchern / ehe ſie in Freuden und Wolluſt leben koͤndten; warumb will mir dann nun dieſer mein ſchoͤner Großvatter die jenige nit helffen laſſen / die ihm doch ſelbſt ſo manchen guten Dienſtgethan /gethan / was aber den Fraß und die Fuͤllerey anbe - langt / kan ich nichts davor / daß er Geitz ſeine Un - terſaſſen ſo hart haͤlt / daß ſie ſich ihrer wie die mei - nige nit eben ſo wohl auch annehmen doͤrffen; ich zwar halte ſie darzu / weil es meiner Profeſſion iſt; und er laͤſt ſie die ſeinige auch nit außſchlagen / wann es nur nit uͤber ihren Seckel gehet; und ich ſage dan - noch nicht / daß er etwas ungereimts daran begehe / ſintemahl es in unſerem hoͤlliſchen Reich ein altes Herkommen / daß je ein Mitglied dem andern die Hand bieten: und wir alleſamen gleichſamb wie ein Kette aneinander hangen ſollen; betreffend meines Anherꝛn Titul / daß er nemblich je und allweg / wie dann auch noch / die Wurtzel alles uͤbels genennet worden / und daß ich beſorglich ihne durch mein Auf - nemmen verkleinern: oder ihm gar vorgezogen wer - den moͤchte; daruͤber iſt mein Antwort / daß ich ihm ſeine gebuͤhrende und wolhergebrachte Ehr / die ihm die Menſchenkinder ſelbſt geben / weder mißgoͤnne noch ihm ſolche abzurauben trachte; allein wird mich auch niemand unter allen hoͤlliſchen Geiſtern verdencken / wann ich mich befleiſſe / durch meine ei - gene Qualitaͤten meinen Großvatter zu uͤbertreffen oder ihm doch wenigſt gleich geſchaͤtzt zuwerden; welches ihm dann mehr zur Ehr als Schand gerai - chen wird / weil ich auß ihm meinen Urſprung zuha - ben bekenne; zwar hat er meines Herkommens hal - ber etwas irrigs auff die Bahn gebracht / weil er ſich meiner ſchaͤmet; in dem ich nicht wie er vorgibt / deß Wolluſts / ſonder eigentlich ſeines Sohns deß Uber - fluſſes Tochter bin; welcher mich auß der Hoffart deß allergroͤſten Fuͤrſten ält[e]ſten Tochter: und eben damals den Wolluſt auß der Thorheit erzeiget; die -weilweil ich dann nun Geſchlechts und Herkommens halber eben ſo Edel bin / als Mamon immer ſehn mag / zumahlen durch meine Beſchaffenheiten (ob ich zwar nit ſo gar klug zuſeyn ſcheine) eben ſo viel ja noch wol mehr als dieſe alte Kracher zunutzen ge - traue; als gedencke ich ihm nicht allein nicht zuwei - chen / ſonder noch gar den Vorzug zubehaupten; verſehe mich auch gaͤntzlich der Großfuͤrſt und das gantze hoͤlliſche Heer werde mir Beyfall geben / und ihm aufferlegen / daß er die wider mich außgegoſſe - ne Schmaͤhwort widerruffen: mich hinfort in mei - nem thun unmoleſtirt: und als einen hohen Stand und vornehmſtes Mitglied deß hoͤlliſchen Reichs paſſiren laſſen ſoll.

Welchen wolte es nicht ſchmirtzen / antwortet der Geitz auff dem Wolff / wann einer ſo widerwerdige Kinder erzeugt / die ſo gar auß ſeiner Art ſchlagen; und ich ſoll mich noch darzu verkriechen unnd ſtill - ſchweigen / wann dieſer Schlepſack mir nit allein al - les / was er nu: erdencken kan / zuwider thut / ſonder was mehr iſt / noch druͤberhin durch ſolche Wider - ſpaͤnſtigkeit mein anſehenlich Alter zuvernitzen: und uͤber mich ſelbſt zuſteigen gedenckt; O Alter antwortet die Verſchwendung es hat wol ehe ein Vatter Kinder erzeugt / die beſſer geweſen als er! aber noch oͤffter / antwortet Mammon / haben die Eltern uͤber ihre ungerathene Kinder zu klagen ge - habt!

Warzu dienet diß gezaͤnck / ſagte Lucifer, jedes Theil erweiſe was es vor dem andern unſerm Reich vor nutzen ſchaffe / ſo wollen wir darauß judiciren, welchem under euch der Vorzug gebuͤhre / als umb welchen es vornemblich zuthun; vnd in ſolchem un -ſermſerm Urthel wollen wir weder Alter noch Jugent / noch Geſchlecht noch ichtwas anders anſehen; dann wer dem groſſen Namen am allermaiſten zuwider vnd den Menſchen am ſchaͤdlichſten zuſeyn befunden wird / ſoll unſerem alten Gebrauch / und herkom̃en nach auch der vornembſt Haan im Korb ſeyn.

Seintemahl groſſer Fuͤrſt / mir zugelaſſen iſt / ant - wortet Mammon, meine Qualitaͤten vnd auff wie vielerley weiß ich mich dardurch bey dem hoͤlliſchen Staat verdient mache / an Tag zulegen; ſo zweifelt mir nicht wann ich anders recht gehoͤret: Und alles umbſtaͤndlich und gluͤcklich genug vorbringen wuͤr - de / daß mir nit allein das gantze hoͤlliſche Reich den Vorzug vor der Verſchwendung zuſprechen: ſon - der noch darzu die Ehr und den Sitz des alten ab - gangnen Plutonis, under welchem Namen ich ehe - malen vor das hoͤchſte Oberhaupt alhier reſpectirt worden / widerumb goͤnnen und einraumen werde / als welcher Standt mir billich gebuͤhrt; Zwar will ich nit ruͤhmen / daß mich die Menſchen ſelbſt die Wurtzel alles uͤbels: das iſt einen Urſprung Cloac und Grundſuppe nennen / alles deß jenigen was ihnen an Leib und Seel ſchaͤdlich / und hingegen un - ſerem hoͤlliſchen Reich nutz ſeyn mag; dann ſolches ſeynd nun allbereit ſo bekandte Sachen / daß ſie auch bereiis die Kinder wiſſen! will auch nit herauß ſtrei - chen / wie mich deßwegen die ſo dem groſſen Numen beygethan ſeyn / taͤglich loben und wie das ſaure Bier außſchreyen / mich bey allen Menſchen verhaſt zumachen; wiewol mirs zu nicht geringer Ehr ge - raicht / wann hierauß erſcheinet / daß ich ohnange - ſehen aller ſolchen Numinaliſchen Verfolgungen /[de]nnoch bey dem Menſchen meinen Zugang erpra -cticirte;cticire; mir ein veſten Sitz ſtelle; und auch endlich wider alle ſolche Sturmwinde behaubte; waͤre mir dieſes allein nit Ehr genug / das ich die jenige gleich - wol beherſche / denen das Numen ſelbſt treuhertziger Warnnungsweiß ſagte / ſie koͤndtẽ ihm uñ mir nit zu gleich dienen; und daß ſein Wort unter mir wie der gute Samen unter den Doͤrnẽ erſtickt; hiervon aber / will ich durch auß ſtillſch weigen / weil es wie gemelt / ſchon ſo alte Poſten ſeyn / die bereits gar zubekandt! aber deſſen / deſſen / ſage ich / will ich mich ruͤhmen / daß keiner vnter allen Geiſtern und Mitglidern deß hoͤlliſchẽ Reichs die Intention unſers Groß-Fuͤrſten beſſer ins Werck ſetze als eben ich; den derſelbe will vnd wuͤnſcht nichts anders / als daß die Menſchen ſo wohl in ihrer Zeitlichkeit kein geruhiges ver - gnuͤgſambes nnd fridliches: als auch in der Ewig - keit kein ſeeliges Leben haben und genieſſen ſollen;

Sehet doch alle euren plauten wunder; wie ſich die jenige anfahen zu quelen / bey denen ich nur einen geringen Zutritt bekome; wie unablaͤſſig ſich die je - nige aͤngſtigen / die mir ihr hertz zum Quartier be - ginnen einzuraumen; vnd betꝛachtet nur ein wenig / die wegẽ deſſen den ich gantz beſitze und eingenom̃en; darnach ſagt mir / ob auch ein ellendere Creatur auff Erden lebe / oder ob jemahlen ein einiger hoͤl - liſcher Geiſt einen groͤſſern oder ſtandthafftigern Martyrer vermoͤgt unnd zugerichtet habe / als eben derſelbig einer iſt / den ich zu unſerem Reich ziehe; ich benemme ihm continuirlich den Schlaff / wel - chen doch ſein aigne Natur ſelbſt ſo ernſtlich von ihm erfodert / und wann er gleich ſolche Schuldigkeit nach Nothdurfft abzulegen gezwungen wirdt / ſo tribuliert und veriere ich ihn jedoch hingegen derge -ſtaltſtalt mit allerhandt ſorgſamben unnd beſchwerlichen Traͤumen / daß er nit allein nit ruhen kan / ſonder auch ſchlaffent viel mehr: Als mancher wachent ſuͤndigt; mit Speiß und Tranck auch allen andern angenehmen Leibs v[e]rpflegungen tractire ich die wohlhaͤbige viel ſchmaͤler / als andere doͤrfftigſte zu - genieſſen pflegen; und wann ich der Hoffart zuge - fallen nit bißweilen ein Aug zuthaͤte ſo muͤſten ſie ſich auch elender beklaiden / als die aller armſeelig - ſte Bettler; ich goͤnne ihnem keine Fꝛeud / keine Ruhe / keinen Fried / keine Luſt und in Summa nichts das gut genennet: Und ihren Leiben geſchweige den Seelen zum beſten gedeyen mag; ja auch auffs euſ - ſerſt die jenige Wolluͤſte nit / die andere Welt-Kinder ſuchen und ſich dardurch zu uns ſtuͤrtzen; die fleiſch - liche Wohluͤſte ſelbſt / denen doch alles von Natur nachhaͤngt / was ſich nur auff Erden regt / verſaltze ich ihnen mit Biterkeit; in dem ich die bluͤhende Juͤng - ling mit alten abgelebten unfruchtbaren garſtigen Vetteln: Die allerholdſeeligſte Jnngfrauen aber mit Eißgrauen eyferſichtigen Hanereuern verkup - pele und beunſeelige, ihr groͤſte Eꝛgetzung muß ſeyn / ſich mit Sorg und Bekuͤmmernuß zu graͤmen / und ihr hoͤchſtes Contentament, wann ſie ihr Leben mit ſchwerer ſaure Muͤhe und Arbeit verſchleiſſen / ſich umb ein wenig rothe Erden / die ſie doch nicht mit - nehmen koͤnnen / die Hoͤll haͤrtiglich zuerarmen.

Jch geſtatte ihnen kein rechtſchaffenes Gebett / noch weniger daß ſie auß guter Meinung Allmoſen geben / und ob ſie zwar offt faſten oder beſſer zure - den Hunger leyden / ſo geſchihet jedoch ſolches nit Andacht halber / ſonder mir zugefallen etwas zuer - ſparꝛen; ich jage ſie in Gefaͤhrlichkeit Leibs und Le -Bbens /bens / nit allein mit Schiffen uͤber Meer / ſonder auch gar unter die Wellen in deſſelbigen Abgrund hinunter / ja ſie muͤſſen mir das innerſte Eingeweid der Erden durchwuͤhlen / und wann etwas im Lufft zufiſchen waͤr / ſo muͤſten ſie mir auch fiſchen lerneu / ich will nit ſagen von den Kriegen die ich anſtiffte / noch von dem Ubel das darauß entſtehet / dann ſol - ches iſt aller Welt bekandt! will auch nicht erzehlen / wievil Wucherer Beutel ſchneider / diß / Rauber und Moͤrder ich mache; weil ich mich deſſen zum hoͤchſten ruͤhme / das ſich alles was mir beygethan iſt / mit bit - terer Sorg / Angſt / Noth / Muͤhe unnd Arbeit ſchlaͤppen muß; und gleich wie ich ſie an Leib ſo greu - lich martere / daß ſie keines andern Henckers be - doͤrffen / alſo peynige ich ſie auch in ihrem Gemuͤth das kein anderer hoͤlliſcher Geiſt weiters vonnoͤthen / ſie den Vorgeſchmack der Hoͤllen empfinden zulaſſen / geſchweige in vnſerer Andacht zubehalten; ich aͤng - ſtige den Reichen! ich untertrucke den Armen! ich verblaͤnde die Iuſtitiam, ich verjage die Chriſtliche Liebe / ohne welche niemand ſeelig wird / die Barm - hertzigkeit findt bey mir keine ſtatt!