Erklaͤrung deß Textes.

ALs der Sohn Gottes vnſer HErr vnd Heyland Jeſus Chriſtus im Geiſt vor ſeiner hohen Plenipotentz das Menſchliche Geſchlechte zu erloͤſen zeugen wollen / ſagt ErEſa. 61. c. vnter andern im Propheten Eſaiâ alſo:

Der Geiſt deß HErꝛen iſt vber Mir / dar - umb hat Mich der HErꝛ geſalbet / Er hat Mich geſandt den Elenden zu predigen / die zerbroche - nen Hertzen zu verbinden / zu predigen den Ge - fangenen eine Erledigung / den gebundenen eine Eroͤffnung / zu predigen ein genaͤdiges Jahr deß HErꝛen / ꝛc. Hat Er trawen dieſe Worte auß - geſprochen / daß nicht die Kirche alſobaldt ſich der Rechten Oſterfrewden angemaſſet vnd ange - nommen / da Sie eben im ſelbten Capitel alſo ſaget: Jch frewe Mich im HErꝛen / vnd mei - ne Seele iſt froͤlich in meinem Gott / denn Er hat Mich angezogen mit Kleidern deß Heyles / vnd mit dem Rocke der Gerechtigkeit hat Er Mich bekleidet.

Hiermit Sie gleich de Re præſenti den rech -C iijten[22]Triumphusten Riſum Paſchalem, oder die rechte Chriſtli - che Oſterliche TriumphsFreude ſchoͤn introdu - ciret, welche etlich viel hundert Jahr hernach erſt folgen ſolte: Vnd deutet im Geiſt an / wie ſich endlich zu beſtimpter Zeit nach vollnzogener Redemtion die Heiligen vnd gleubigen Gottes deren in volkommener Freude deß Geiſtes an - maſſen / vnd jhren Triumphsgaͤſten zu Ehren mit einem frewdigen Jubelgeſchrey das herꝛli - che Victoria Victoria einſtimmen / vnd vnauff - hoͤrlich zuſingen werden.

Welche Oſterfreude vns der Koͤn: Prophet David in abgeleſenen Worten herꝛlich beſchrei - bet / vnd beſtehet dieſelbte eigentlich in nachfol - genden dreyen Puncten / Als:

Erſtlich / In Propheticâ Triumphi magni - fici deſcriptione, daß Er vns den allerherꝛlich - ſten Triumph deß Sohnes Gottes beſchreibet / den Er endlichen zu Hieruſalem halten werde. Vnd darvon ſtehet im Text: Es ſtehe Gott auff / daß ſeine Feinde zuſtrewet werden / vnd die Jhn haſſen / vor Jhme fliehen.

Obs nun zwar das anſehen hat / als hette Da - vid dem groſſen Gottes Manne vnd ProphetenMoyſi[23]Paschalis. Moyſi ſeine Wort entlehnet / da Er / wann Er mit dem Volck vnnd der Bundesladen auffbrach / Gott den HERren alſo anzureden pflegete: HErr ſtehe auff / daß deine Feinde zerſtrewet / vnnd die dich haſſen / fluͤchtig werden vor dir. So iſt doch allhier viel mehr zu ſehen / Erſtlich auff das Punctum Temporis, wann vnd zu welcher zeit Koͤnig David dieſen Pſalmen gemachet / vnd dann auff die Intention, was Er mit dieſem Pſalmen vnd ſchoͤnen Geift - lichen Gebethe vnd Liede gemeinet.

Dann eben wie damahls vnd zu der zeit als David die Bundeslade aus dem Hauß Obed Edoms gen Hieruſalem auff die Burg Zion brachte / die Philiſter vnd Jebuſiter zerſtrewet worden / daß jhre gantze Macht dahin gieng / wie ein Rauch verſchwindet / oder das Wachs an der Sonnen Hitzzerſchmeltzet: Alſo ergieng es vnd noch viel mehr / da ſich der Sohn David vnſer Heyland Chriſtus als die rechte Bundesladen erhoben / vnd gegen Hieruſalem gelanget iſt / daß damals alle Feinde auff einen hauffen ge - ſchlagen / zertrennet / vnd in einer Summâ zu re - den / dem Teuffel ſein gantzes Reich deſtruiret,vnd[24]Triumphusvnd zu nichte gemachet worden ſind. Dannen - hero ſehen wirs / daß wie es ſonſten deß heiligen Geiſtes gemeine Art vnnd Weyſe iſt inn der Schrifft / veraͤchtlich von den Feinden ChriſtiHoſ. 13. reden vnd halten / wie wir beym Propheten Ho - ſeâ leſen / daß Er Sie vorgleichet einer Mor - genwolcken / die doch bald vorgehet. Jtem / dem Taw der da fruͤe fellet / vnd von der hitzigen Son - nen auffgelecket wird / deßgleichen den Sprewen auff der Tennen / die der Wind vorwebet / vnd dem Rauch von der Fewermawer / der doch da - hin fehret vnd verſchwindet. Alſo gebrauchet Er ſich hier im Text zu verſpottung deroſelbten zweyer gemeine[r]Gleichnuͤſſen / vnd hat dieſelb - ten hergenommen:

Das Erſte à fumo evaneſcente, von dem Rauch der da verſchwindet / wann Er ſpricht: Vortreibe Sie wie der Rauch vortrieben wird.

Das Andere à Cerâ liqveſcente, vom Wachß ſo von deß Fewers hitz zerſchmeltzet / vnd ſpricht: Wie das Wachß zerſchmeltzet vom Fewer / ſo můſſen vmbkommen die Gottloſen vor Gott.

Hiemit anzudeuten / daß es mit den Fein - den deß Sohnes Gottes keinen andern außgang gewinnen werde / dann wie mit dem Rauch im Winde / vnd mit dem Wachs beym Fewer. Daß wie es dem Rauch ergehet / wann Er außm Kalck oder ZiegelOfen mit einem ſolchen Vngeſtuͤmb fehret / als wolte Er den Himmel ſtuͤrmen / der - ſelbte doch ſo bald Er nur die Lufft beruͤhret / in continenti vnd im ſelbten Augenblick vertrie - ben wird: Oder wie es dem Wachs ergehet / wel - ches / ob es anfangs in der maſsâ als es zuſammen gerunnen vnd erkaltet iſt / ſo harte befunden wird / daß mans mit ſcharffen Meſſern vnd Ex - ten gewinnen vnd zerhawen muß / jedoch aber / wo es zum wenigſten zum Fewer gehalten wird / alſobald zerrinnet vnd zerſchmeltzet / daß es vor - gehet / als were es nie geweſen: Alſo werde es auch allen Feinden ergehen / daß Sie mit alle jhrem Trutz als der Rauch in der Lufft / vnd wie Wachs beym Fewer vergehen / vnd mit aller jhrer Macht confundiret vnd zu Schanden ge - machet werden ſollen. Welches dann der alte Kirchenlehrer Macarius gemeinet / wann Er ſpricht: Si fuerint dæmones robuſtis montibusDfor -[26]Triumphusfortitudine pares, comburentur tamen ab Ora - tione tanqvam abignecera. Das iſt / Ob ſchon die boͤſen Helliſchen Geiſter / an hoͤhe / groͤſſe vnd ſtaͤrcke den groſſen maͤchtigen Bergen zuvor glei - chen weren / muͤſſen Sie doch von der krafft deß Gebethes vor gehen / gleich wie das Wachs an dem heiſſen Fewer. Maſſen es dann mit aller jhrer Macht alſo bewandt / daß wo ein eintziges Fuͤncklein deß Goͤttlichen Fewers / das iſt / ſei - nes Goͤttlichen Zornes darein fallen thut / alle jhre Macht dafuͤr in keinen Weg beſtehen / ſon - dern wie das Wachs an deß Fewers hitz zer - ſchmeltzet vnd auffgefreſſen werden muß.

Vnd dieſer Triumph wird vns nun in den abgeleſenen Worten vorgehalten / auff daß der Triumph welchen Wir an jenem Tage halten werden / deſto herꝛlicher gemacht vnd dardurch erhoben werde.

Dann dort wird nach dem Vorbilde Chri - ſti vnſers HErꝛen vnd Hauptes / an Vns als ſei - nen Gliedmaſſen wahr gemacht vnnd erfuͤllet werden.

Erſtlichen / Veritas reſurrectionis, daß wir warhafftig vnd mit dieſen vnſern Leibern auff -erſte -[27]Paschalis. erſtehen werden / wie vns die ſchoͤnen vnd ſtattli - chen Zeugnuͤſſen heiliger Schrifft ſolches bezeu - gen:

Zum Andern / Qvalitas conformationis, daß Wir wahrhafftig dem Ebenbilde deß Soh - nes Gottes gleichfoͤrmig vnd ehnlich gemachet werden ſollen.

Vnd ſolches Non ratione Eſſentiæ, ſedra - tione variationis gloriæ, wie jener Pater redet / Das iſt / Nicht nach der Selſtaͤndigkeit deß Wehſens: Sondern nach der Verwandelung der Herꝛligkeit vnd deß Geiſtlichen Wehſens.

Dann wie wir allhier getragen haben dasD ijBild[28]Triumphus1. Cor. 15.Bildt deß jrꝛdiſchen / alſo werden Wir dort tra - gen das Bildt deß Himliſchen Adams.

Dann dort werden Wir ehnlich werden demPhil. 3. herrlichen verklaͤreten Leibe Jeſu Chriſti / wie Paulus redet. Derogeſtalt / daß wie allhier in der Sterbligkeit ein Menſch den andern vber - trifft an Tugendt vnd Froͤmigkeit: Alſo wird es auch ſein in der Aufferſtehung der Todten in der jhnen von Chriſto gegebenen vnd miterthei -1. Cor. 15. leten Klarheit / daß einer den andern darinnen vbertreffen / alleſampt aber das Licht vnd Klar -Malac. 4. heit von dem groſſen Licht Chriſto Jeſu / der wahren Sonnen der Gerechtigkeit ſchoͤpffen vnd hernehmen werden. Vnd weiln dort das1. Cor. 13. Vollkommene angehen wird / wie Paulus re - det / ſo werden Wir auch alle einander erkennen vom Erſten Menſchen biß zum letzten / ſo vielMatt. 17. jhrer gelebet haben / Wie das Exemplum Petri außweiſet am Berge Thabor, der erkandte Moyſen vnd Eliam bald / ob Er Sie ſchon die zeit ſeines Lebens vorhin niemals geſehen hatte.

So beſtehet auch die rechte Chriſtliche O - ſterfreude:

Zum Andern / In Patheticâ fructificationisindi -[29]Paschalis. indigitatione, Jn deme daß Er vns den herrli - chen vnd viel faltigen Nutz weiſet / ſo wir daraus zu gewarten haben / wann Chriſtus triumphiren wird.

Der Erſte Nutz iſt Paterna Orphanorum proviſio, daß Er ſich zum Pflege Vater der ar - men Wayſen gegeben hat / wie der Text bezeu - get / Der ein Vater iſt der Wayſen.

Dann in deme Er verſuchet iſt / kan Er an - dern rathen vnd helffen / ſaget die Epiſtel an dieHeb. 2. Hebreer. Nue iſt Er aber gar zeitlich ein Wayß - lein worden / auff daß Er den armen vorlaſſe - nen Wayßlein deſto beſſer in jhrem Elend rathen vnd helffen koͤndte.

Vnd dieſes vorrichtet Er genaͤdigiſt:

Erſtlichen Conſolando, daß Er jhnen ſel - ber Troſt einſchreiet vnd zuſpricht: Non derelin -Ioh. 14. qvam vos orphanos, Jch wil Euch nicht Way - ſen laſſen.

Die Menſch[e] n ſind vielmahls nichts dann Oneroſi conſolatores, das iſt / leydige Troͤſter / wie Hiob redet / Aber der HErr vnd Vater derHiob. 16. Wayſen nicht alſo / dann Er zeuget beym Pro - pheten Eſaia: Der HERR habe jhn geſandt zuEſ. 61.troͤ -[30]Triumphustroͤſten alle Trawrigen. Maſſen Er dann ſol -Eſ. 66. ches auch reichlich verheiſſet: Jch wil Euch troͤ - ſten / wie einen ſeine Mutter troͤſtet. Vnd an derLuc. 7. Witwen zu Nain erwieſen hat.

Darnach Suſcipiendo, daß Er Sie auff vnd annimpt / wie in gemein ein Trewer Vormuͤndt ſeinen verlaſſenen Wayßlein thut. Wie dann Koͤnig David jhme zu vnſterblichem Ruhm die -Pſal. 27. ſe Wayſen Klage fuͤhret: Mein Vater vnd Mut - ter verlaſſen Mich / aber der HErr nimpt MichIoh. 19. auff. Maſſen Er dann ſolches an ſeiner eigenenEſth. 2. Mutter vnd dem Juͤnger Johanne vnterm Creutz genugſamb erwieſen hat / deßgleichen an der vorlaſſen Eſther. Drumb jhme dann auchRom. 15. Paulus das lobwuͤrdige Zeugnuͤß giebet / daß Er vns auff genommen habe zum Lobe Gottes.

Zum Dritten Enutriendo, daß Er ſie Vaͤ - terlich ernehret vnd verſorget. Dann wann Sie nach ſeinem Geboth / jhre noch lallende vnd ſtam - lende Zuͤnglein vnd Lippen erheben / vnd zu jhme ſchreyen / Vnſer Vater der du biſt im Himmel / Vnſer taͤglich Brodt gib vns heute / wil Er Sie nicht vorgeblich bitten vnd ſchreyen laſſen / ſon dern gnediglich erhoͤren / vnd Sie vaͤterlich ver -ſor -[31]Paschalis. ſorgen. Denn wie David zeuget / ſo haben die ſo jhn angeruffen / vnd jhn ſuchen / keinen mangel an jrgend einem gutte. Vnd wie Er hertzlichePſal. 34. Luſt hat an denen die jhn fuͤrchten / alſo ſettigetPſal. 147. Er auch alles was lebet mit wolgefallen / wiePſal. 145. Koͤnig David abermals zeuget.

Vnd dahin hat geſehen der heilige Augu - ſtinus da Er alſo ſchreibet: Habet tui curam qvi fecit te. Qui habuit tui curam anteqvàm eſſes, qvomodo non habebit curam cùm jam hoc eſ - ſes qvod voluit ut eſſes. Das iſt / der dich er - ſchaffen hat / ſorget vor dich vaͤterlich. Dann hat Er vor dich geſorget / ehe du erſchaffen wor - den biſt / wie ſolte Er dann an jtzo nicht vor dich ſorgen / dieweil du numehr nach ſeinem Eben - bilde erſchaffen biſt.

Der Ander Nutz iſt Tutelaris viduarum defenſio, daß Er Chriſtliche Witwen ſchuͤtzet vnd handhabet. Darvon ſagt vnſer Text wei - ters alſo: Vnd ein Richter der Wittiben.

Vnd hieruͤber hat Er ſich proteſtando an - gegeben / jhnen wieder maͤnnigliches gewalt ge - naͤdigen Schutz wiederfahren zu laſſen / wannExod. 22. Er im Moyſe ſaget: Jhr ſollet keine WittwenDeut. 10.vnd[32]Triumphusvnd Wayſen beleidigen / wirſtu Sie beleidigen / ſo werden Sie zu Mir ſchreyen / vnd Jch werde jhr ſchreyen erhoͤren / ſo wird mein Zorn ergrim - men / daß Jch Euch mit dem Schwerdt toͤdte / vnd ewre Weiber Witwen / vnd ewre Kinder Wayſen werden.

Vnd dieſe ſtarcke Clamanten richten nueMatt. 10. ſehr viel aus bey dieſem HErren / als der vor alle ſeine Creaturen trewlich ſorget / auch vor die vnnuͤtzen Sperlinge. Darumb nimpt Er ſich jhrer auch mit Trewen an:

Erſtlich Exauditione, daß Er Sie hoͤret / wann Sie zu Jhme ſchreyen / vnd vmb huͤlffePſal. 34. ruffen. Dann alſo ſpricht Konig David / Da dieſer Elende rieff / hoͤret der HErr / vnd halff jhm aus allen ſeinen Noͤthen. Maſſen er ſich dann ſelber / vnd in eygener Perſon angegebenEſa. 65. hat / beym Propheten Eſaiâ: Es ſol geſchehen / ehe ſie ruffen / wil Jch antworten / vnd wann ſie noch ruffen / wil Jch hoͤren.

Darnach Auxiliatione, Daß Er jhnen ſei - ne genaͤdige Huͤlffe leiſten vnd widerfahren laſ - ſen wil. Denn ſolches verſpricht Er beym Pro -Hiere. 31. pheten Jeremiâ. Jſt nicht Ephraim mein teu -rer[33]Paschalis. rer Sohn vnd mein trawtes Kindt: Dann Jch dencke noch wol dran / was Jch jhme geredt ha - be / darumb bricht Mir mein Hertz gegen jhme / daß Jch Mich ſein er barmen muß / ſpricht der HERR. Darumb ſpricht Syrach von jhme:Syr. 35. Der HERR iſt ein Recher / vnd vor jhme gilt kein anſehen der Perſon / vnd erhoͤret das Ge - bethe deß Beleydigten / Er verachtet deß Way - ſen Gebeth nicht / noch die Wittwe wann ſie kla - get. Maſſen jhn denn David darumb nennetPſal. 10. der Wayſen helffer.

Zum Dritten Defenſione, daß Er Sie ſchuͤtzet wieder alle Feinde vnnd Verfolger. Dann Er iſt der rechte Curator ad litem, oder der rechte Kriegiſche Vormuͤndt / der ſeiner Clienten Sachen zuereiben / vnd ſie gegen maͤn - niglich genugſamer maſſen zuvortretten weiß. Wie Er ſich zu ſatter gnuͤge beym Propheten Eſaia angegeben hat. Trachtet nach Recht /Eſ. 1. helffet den Vordruͤckten / ſchaffet den Wayſen Recht / vnd helffet der Wittwen Sachen / So kompt dann / vnd laſſet vns miteinander rech - ten. Vnd ob ſchon die Welt vielmals mit Wirt - wen vnd Wayſen ſehr vntrewlich handelt vndEvmb -[34]Triumphusvmbgehet / thut Er doch nicht dergleichen / ſon -2. Tim. 2. dern bleibet jmmer Trew / wie jhme das BuchSap. 3. der Weißheit das lobwuͤrdige Zeugnuͤß giebet / da Salomon ſpricht / Die jhme vortrawen / die erfahren daß Er trewlich haͤltet. Darumb moͤgen jhme auch alle Orphani vnd Pupilli kuͤn - lich trawen / vnd jhre Zuflucht auff jhn werffen / laut der Vormahnung deß Koͤniglichen Pro - pheten Davidis, Wirff dein anltegen auff denPſal. 55. HErren / der wird dich verſorgen / vnd den Ge - rechten nicht Ewig in Vnruhe laſſen. Welches auch deß heiligen Petri Vormahnung iſt / da Er1. Pet. 5. alſo ſpricht: Alle ewre Sorge werffet auff jhn / dann Er ſorget fuͤr Euch.

Der Dritte Nutz iſt Larga familiæ bene - dictio, daß Er die Geſchlechter vnd Samen der Gerechten ſegnet vnd vormehret. Darvon ſaget vnſer Text: Ein Gott der den Einſamen das Hauß voll Kinder giebet. Womit DavidPſal. 127. klaͤrlichen erweiſet / daß der Eheſegen deß HEr - ren Chriſti ſtifftung vnd Werck ſey. Denn alſo zeuget Er an einem andern Orte: Sihe / Kinder ſind eine gabe deß HErren / vnd Leibes fruͤchtePſal. 128. ſind ein Geſchencke. Jtem: Siehe alſo wird ge -ſegnet[35]Paschalis. ſegnet der Mann der den HErren fuͤrchtet / an - zuzeigen / daß dieſes ein Werck ſey der beſondern Gnaden Chriſti / wann Er das Geſchlecht der Frommen ſegnet / vnd Sie Kinder vnd Kindes Kinder ſehen laͤſſet. Maſſen dann auch ſolchen reichen Ehe Segen gegenwertiger hinterlaſſe - ner Herꝛ Wittwer von ſeiner jtzo in Gott ſeeli - gen lieben Ehegenoſſin durch GOTtes Segen reichlich empfunden / daß jhme Gott ſein Hauß voll geſunder vnnd wolgezogener Kinder gege - ben / vnd ſich jhme hierinnen / wie Er ſeinen Sa - men vnd Goſchlechte reichlich vormehren wolle / gnugſamer maſſen offenbahret vnd zu erkennen gegeben.

Vnd ob Er zwar durch Toͤdtlichen abgang ſeiner Trewen Gottfuͤrchtigen Ehegenoſſin in ein ſchmertzliches Leyd gebracht vnnd vorſetzet worden / ſols doch hiemit noch nicht das anſehen haben / ſamb were kein Segen vbrig vnd vorhan - den / numehr ſeine hertzliebe Trewe Ehegeſellin Todes vorfahren / vnd dahin gegangen. Dann Er auch deſſen gewiß ſein ſol / wofern Er in wah - rer Gottesfurcht beharꝛen vnd vorbleiben wird / daß der Segen Chriſti taͤglich vber jhme NewE ijſein /[36]Triumphusſein / vnd an jhme de generatione in generatio - nem, von Kind zu Kindes Kindt reichlichen wer - de widerholet vnd erfuͤllet werden.

Wir muͤſſen aber alhier auch der Allegoriæ vnd Geiſtlichen Deutung nicht vorgeſſen / damit wir dieſe Worte Davids referiren vnd geziehen auff den Zuſtandt der Chriſtlichen Kirchen.

Dieſelbe iſt auch eine vorlaſſene vnd Einſa - me / die Elende / vber welche alle Wetter erge -Eſa. 54. hen / wie Eſaias redet. Sie behaͤltet vnd hat aber dennoch Chriſtum zum Schutzherꝛen / der ſich jhrer als ein Trewer Vater annimpt / vndMatth. 16 Sie gewaltiglich wieder alle Pforten der Hel -Pſal. 73. len ſchuͤtzet. Drumb weiſſaget David herꝛlich von jhr vnd dieſes Schutzherꝛen Patrocinio, Jſ - rael hat dennoch Gott zum Troſt / wer nur rei - nes Hertzens iſt: Hiermit anzumelden / daß es an dieſes Herꝛen reichen Schutz vnnd Vortret - tung zu keiner zeit auch biß ans ende nicht man - geln werde. Darumb zeuget auch der heilige Geiſt von jhr in der Schrifft / daß ob Sie zwar die rechte Einſame ſey / ſo habe Sie doch Gott ſehr fruchtbar gemachet / vnnd mit vielen Kindern vorehret / daß numehr faſt alle Welt vnd Lan -de[37]Paschalis. de jhres Sahmens vnnd Geſchlechtes voll ſind. Pſalm. 19.Wie hier von Koͤnig David herrlich zeuget: Jh - re Schnur gehet aus in alle Lande / vnnd jhre Rede ans Ende der Welt: Welches Hiero - nymus der Alte Kirchenlehrer gemeinet / da er alſo ſchreibet: Non puto aliquam ſub ſo - ſe remanſiſse gentem, qvæ Chriſti ignoret no - men, Das iſt: Jch halte nicht / daß ein Volck vnter dem Himmel vbrig ſey / bey denen CHri - ſtus mit ſeinem Evangelio nicht bekandt gema - chet were.

Darumb kan auch die Vnfruchtbare vnnd Einſame mit billigkeit auff dieſes jhres Schutz - herren geheiß ſich ruͤhmen / daß ſie mehr Kinder hat / denn die den Mann hat. Vnd ob ſie zwarEſ. 54. Einſamb iſt / wird Sie doch Samen haben / bißEſ. 53. ans Ende. Vnd dieſes Beneficio Concordiæ, Weiln Friede vnd Eintraͤchtigkeit bey jhr woh - net: Welches vns das Wortlein〈…〉〈…〉 Je - chidhim weiſet / das in vnſerm Text ſtehet / wel - ches Auguſtinus gegeben hat: Unanimes ſeu Concordes, die Einmuͤttigen vnnd Eintraͤchti - gen. Vnd wil Koͤnig David ſo viel andeuten /wo die[38]Triumphuswo die rechten Jechidhim wohnen / das iſt / wo man ſich befleiſsiget zu halten die Einigkeit im Geiſt / durch das Bandt des Friedens / WieEph. 4. Paulus redet / Da wohne auch CHriſtus der rechte Patronus vnnd Schutzherr mitten in ſei - nem heyligen Tempel: Vnd da muß Ehre woh -Pſalm. 85. nen / Guͤtte vnd Trew einander begegnen / Ge - rechtigkeit vnd Friede ſich kuͤſſen. Weiln es doch ſonſten heiſſet:‘Concordiâ res parvæ cre - ſcunt, Diſcordiâ maximæ dilabuntur. ’ ()Das iſt:‘Friede ernehret / Vnfriede verzehret.’ ()