Vorꝛede / Jn welcher Summari - ſcher Weiſz der Jnhalt aller Secreten dieſes Operis begriffen.

DEmnach / Jnſonders Goͤnſtiger Leſer / Jch mich auß vielen wichtigen vnnd bewegli - chen Vrſachen entſchloſſen / alle vnd jede Secre - ta Politica, ſo weiland Herꝛ Georg Obrecht / beeder Rechten Doctor, vnd Comes Palatinus, mein geliebter Vatter ſeliger / dem gemeinen Weſen zum beſten / mit vielfaltiger Muͤhe vnd Arbeit beſchrieben / auff meinen Coſten in ge - heim / vnd ſub ſecreto trucken zulaſſen. So habe ich fuͤr eine Notturfft geachtet / den wol affectionirten Vnpartey - iſchen Goͤnſtigen Leſer zuverſtaͤndigen / was meinen Patentem ſeligen bewegt / vnd Anlaß gegeben / daß er / ſepoſitis alijs ſuisnegotijs, die in die - ſem opuſculo begriffene Fuͤnff vnderſchiedliche Secreta Politica mit al - lem fleiß beſchrieben / auch wohin er in einem vnd dem anderen Stuck fuͤr - nemblich geſehen / damit nicht in Vnderlaſſung deſſen / etwan ſo wol von ſeiner Perſon / als ſolte er extra metas ſuæ profeſſionis geſchritten ſeyn / als auch deipſisſecretis vielleicht der geneigte goͤnſtige Leſer / in vngleiche Gedancken fallen / vnd von denſelbigen ſiniſtrè judiciren moͤchte.

Was nun Erſtlichen ſolche Vrſachen anlangen thut / ſo hat mein Pa - rens ſeliger in der allhieſigen Academia Anno Chriſti 1590. publicè eine): (2Diſpu -Vorꝛed. Diſputationem de principijs belli proponirt, vnd in theſi 490. cum ſeqq - auß fuͤndig gemacht vnd erwieſen / daß / wann ein Obrigkeit ſich / vnd ſei - ne Vnderthanen fuͤr vnrechtem Gewalt vnd offenſion defendîren, ſchuͤ - tzen vnd ſchirmen woͤlle / daß ſie auff allen Nothfall mit einem ſtarcken Gelt Nervo muͤſſe gefaßt vnd verſehen ſein: Vnd darneben in theſi 507. ſich erbotten / mit beſſerer Gelegenheit zu ſeiner Zeit außfuͤhrlich zutra - ctiren, wiedieſer Nervus belli, durch Chriſtliche rechtmaͤſſige vnd billi - che Mittel / von einer Obrigkeit koͤnne erlangt vnnd zuwegen gebracht werden.

Vnd dieweil der Tuͤrckiſche Tyrann mit der vorigen Kaͤyſ. Mayt. Ru - dolpho dem anderen Chriſtmiltigſter Gedaͤchtnuß viel Jahr lang anein - ander einen ſehr groſſen ſtarcken / vnnd vber die maſſen beſchwerlichen Krieg gantz Blutduͤrſtiger weiß gefuͤhrt / zu welchem zuforderſt Aller - hoͤchſt ermelte Kaͤyſ Mayt. vnd dann auch die Staͤnde deß Reichs jeder - zeu daß jemge / was zu gluͤcklicher Fortſetzung gedachten Kriegs vonnoͤh - ten geweſen / auß trewhertzigem eyfferigem Gemut / dem gemeinen We - ſen vnd Vatterland Teutſcher Nation zum beſten / dargeſchoſſen haben / vnnd aber gleichwol dieſer langwirige Krieg / ſo wol bey Jhrer Kaͤyſ. Mayt. als auch bey den Staͤnden deß Reichs / vnd deren Vnderthanen / wegen der vielfaͤltigen Schatzungen vnd Contributionen, allerhand diffi - culteten vnd Beſchwerdten cauſiret vnd vervrſachet hat: So haben zu vor Allerhoͤchſt beſagte Kaͤyſ. Mayt. von jhme meinem Parente ſeligen / Aller - gnaͤdigſt erforderen laſſen / wie er vermeint dz ohne ſondere wettlaͤuffigkeit ein Nervus belli koͤnne erlangt vnd zuwegen gebracht werden / ſeine Ge - dancken Jhro Kaͤyſ. Mayt. Allervnderthaͤnigſt zueroͤffnen. Darauff hat er alſo bald einen Diſcurſum de bello feliciter gerendo adverſus Turcam angeſtellt / vnd ſolchen Jhro Kaͤyſ. Mayt. ſampt deren Hochvernuͤnffti - gen / Auſchenlichen geheimen Herꝛen Raͤhten zur Cenſur Allervnderthaͤ - nigſt vberſchickt / welcher dann der Geſtallt Allergnaͤdigſt vnnd Gnaͤdig auff: vnd angenommen worden / daß bald darnach dieſelb Kaͤyſ. Mayt. durch den wol Edlen vnd Geſtrengen Herꝛen Iohann-Matthæum Wa - ckern von Wackenfels / ꝛc. ferꝛnere deduction anzuſtellen / Allergnaͤdigſt anbefehlen laſſen.

Vnnd demnach er in ſolcher Zeit von einem fuͤrnemmen Standt deß Reichs in hoc puncto ein Bedencken zuverfaͤrtigen / Gnaͤdig iſt er -ſuchtVorꝛed. ſucht worden / ſo hat er der Politicorum ſcripta, ſo viel jhme zur Hand / zubringen müglich geweſen / mit allem fleiß geleſen / was ſie fuͤr Mit - tel vñ Wege / Gelt vnd Gut zuerlangen fuͤrgeſchlagen / auffnotirt / alle vnd jede ſolche media mit allẽ Eyffer vnd Ernſt reifflich erwogen / vnd vber den probierſtein Goͤttlichen Worts der vernuͤnfftigen æquitet vnd Billichkeit / gezogen: Was die Prob nit gehalten / reprobirt vnd verworffen / die ande - re aber als koͤſtliche Perlen vnd Edelgeſtein / trewlichen auffbehalten / vnd durch die jhme von Gott dem Allmaͤchtigen verliehene Gaben / auch durch ſeine langwirige experients vnd Erfahrung dieſelbige Mittel / mit ſonder - lichen rationibus vnd Circumſtantijs, ex inſtructiſſimo æquitatis horre - deſumptis, dergeſtalt zu expliciren, vnnd ad noſtrum ſeculum zurichten vnderſtanden / damit an Anordnung derſelben niemanden mit einigem Fug vnd Schein der Billigkeit ſich beſchweren koͤnne. Damit aber ſolches alles deſto beſſer verſtandten vnd abgenommen werden moͤge: So hat er alle ſolche Mittel in ein opus methodicè zuſammen getragen / vnd in ge - wiſſe titulos ab: vnd eingetheilet / welches opus er Ein Politiſch Bedencken vnd Diſcurs / Von Verbeſſerung Land vnd Leut / Anrichtung guter Policey / vnd fuͤrnemb - lich von nutzlicher Erledigung groſſer Außgaben / vnnd billicher Vermehrung eines jeden Regenten vnd Oberherꝛen Jaͤhrlichen Gefaͤllen vnd Einkom - men / inſcribiret hat: der gaͤntzlichen Hoffnung vnd Zuverſicht / es wer - den ſo wol die Regenten diſe Mittel / viel lieber anordnen / als auch die Vn - derthanen das jenige / was ſie von ſolchen der Obrigkeit geben ſollen / mit willigerem Gemuͤt reichen vnd erlegen / dañ daß die beſchwerliche Schatz - ungen / vnnd vngewohnliche Steigerungen der Zoͤll / vnd andere derglei - chen / offtermahls zur Zeit deß Nothfalls vnverſehene impoſitiones, mit beiderſeits groſſer Vngelegenheit fuͤr vnnd an die Hand genommen wer - den muͤſſen.

Wann aber nach dem gemeinen Sprichwort / zwey Augen mehr ſehen / als ein einiges / weil auch allerhand Mittel vnd Weg / wie ein Obrigkeit mit Gottes Segen vnnd aller Billichkeit / ohne der Vnderthanen Be - ſchwerden / Gelt vnd Gut koͤnne erlangen / vnd zuwegen bringen / ſuͤrzu -): (3ſchlagen /Vorꝛed. ſchlagen / eines ſehr wichtigen vnd vberwichtigen Handels iſt / da auch oculatiſſimus quiſque bald jrꝛen / ſtraucheln vnd fehlen kan: So hat er gedachts Politiſch Bedencken / ehe er demſelbigen Colophonem impo - nirt, ſo wol etlichen vornemmen Theologis, als auch hocherfahrnen Po - liticis ſub fide ſilentijcommunicirt, vñ mit denſelbigen zum theil Schrifft - lich / Zum theil aber Muͤndtlich etliche Jahr lang hievon converſirt, vnd endlichen Anno 1609. daſſelbige feliciter zuendgebracht.

Damit aber beydes Obrigkeit vnd Vnderthanen die Nutzbarkeit die - ſes Politiſchen Bedencken vnnd Diſcurs, vmb ſo viel mehr ſpuͤren / auch maͤnniglichen / deme ſolcher Politicus Diſcurſus zuleſen fuͤrkompt / verſtehen moͤge / zu was Zweck vnd Ende er den Obrigkeiten / nach newen Einkom - men vnd Jntraden zutrachten beydes rahte / vnd auch ſolche zuerlangen etliche Mittel fürſchlage. So hat er in Anno Chriſti 1610. auß gedach - tem Politiſchem Diſcurs etliche Geltreiche media in eine Conſtitution vnd Ordnung / welche er à ſuo fine Ærarium Sanctum genennet / zuſammen gezogen / vnd in ſolcher ſonderlichen den Modum, wie die praxis der fuͤrge - ſchlagenen Mittel bey den Vnderthanen ohne Weiterung zuerhalten zu demonſtriren vnderſtanden.

Wann aber ſo wol die Ordinarij, als auch alle andere Extraordinarij reditus, ſie ſeyen auch ſo ſtarck vnd reichlich als ſie jmmer wollen / bey ei - nem Regenten nichts erſchieſſen moͤgen / wann nicht ſo wol Regendten vnd Vnderthanen in jhrem gantzen Leben vnd Wandel / Thun vnd laſſen alſo Haußhalten: damit die Vnderthanen durch Gottes Segen ſo viel erobern vnd gewinnen koͤnnen / daß ſie der Obrigkeit das jenige / was ſie ſo wol propter ordinarios, als extraordinarios reditus zuerſtatten ſchuldig / ohne jhr Beſchwerdt erlegen koͤnnen: Vnd er aber wargenommen / das heutigen Tags bey dem groͤſten Theil der Menſchen / neben einem ſichern / ruhloſen Leben / allerley Laſter dermaſſen eingeriſſen / daß zubeſorgen / wo nicht die Obrigkeiten durch anſtellung guter Policey / dieſem Vnheil zu remediren, jhnen werden zum aͤuſſerſten angelegen ſein laſſen / das beides Regenten in jhren Renten vnd Einkommen / vnd auch die Vnderthanen in jhrer Haab vnnd Nahrung anderſt nichts / als Gottes deß Allmaͤchti - gen Fluch vnd Straff werden zu gewarten haben / So hat er eine Policey Ordnung auff das Papier bringen / vnd in derſelben fuͤrnemblich andeu - ten wollen / daß auch in hocſeculo bey Fuͤrſtenthumben / Graff: vnd Herꝛ -ſchafftenVorꝛed. ſchafften nicht weniger / als vor zeiten in Republica Romanorum & Ju - dæorum, eine vollkommene vnnd perfecte Policey angeordnet / vnnd dar - durch das gemeine Weſen vor allem beſorgendem / ja gleichſam fuͤr Au - gen ſchwebendem Vndergang conſervirt, vnd erhalten werdẽ koͤnne. Sin - temal die Hiſtorien bezeugen / daß ſo lang die Roͤmer durch jhre verord - nete Cenſores mit den Vnderthanen haben Cenſum & Cenſuram exer - ciren, vnd verrichten laſſen / daß ſie in allem gluͤcklichem Zu: vnnd Wol - ſtand florirt, als bald aber ſie Cenſum & Cenſuram auſſer der acht / vnnd bey den Vnderthanen das Freſſen / Sauffen / Faulkeit / Hoffart / Vn - zucht / Muͤſſiggang / vnd dergleichen Laſter haben einreiſſen laſſen / daß ſie von Tag zu Tag an jhrem Einkommen / Gewalt / Authoritet, vnd Gluͤck - ſeligkeit ſo lang vnd viel abgenommen / biß ſie endlichen gantz vnd gar zu - ſcheuteren vnd zu grunde gangen.

Vnd ob wolvnſer ſeculum von dem ſeculo der Juden vñ Roͤmer weit vn - derſcheiden iſt / da gleichſam alle Tugend vñ gute Sitten bey den Menſchen ſteinhart zuſammen gefroren vnd erſtorben ſeind: Jedoch weil die Depu - taten mit den Vnderthanen allein das jenig verrichten ſollen / was Gott der Allmaͤchtig von der Obrigkeit vnd Vnderthanen erfordert / vnd haben will: Weil auch dieſe Policey Ordnung auff der Vnderthanen kundbah - ren Nutzen gerichtet iſt: So iſt nicht zuzweiffeln / wann von einem Regen - ten der Vnderthanen humor, vnnd ſeiner allbereit angeſtellten Po - licey Gelegenheit reifflich erwogen / vnd dieſe Policey Ordnung nach ſolchem allen mutatis mutandis gerichtet / vnnd der Jnhalt ſolcher Con - ſtitution, den Vnderthanen mit einer rechten Manier proponirt, vnd fuͤrgetragen wird / daß ſie ſich derſelbigen mit willigem Gemuͤt vnderwerf - fen / vnd durch Gottes deß Allmaͤchtigen Genad vnd Beyſtand (der / wie ſeine Gebott er will gehalten haben / alſo auch damit dieſelbe koͤnnen ge - halten werden / zu ſolcher inſtitution vnd anordnung / allen glücklichen Fortgang der Oberkeit verleihet) alles zu einem gluͤcklichen ſucceſſu ge - rahten werde. Dann es wird gewißlich ein jeder Vnderthan / welcher fuͤr einen ehrlichen Chriſtlichen Biderman will angeſehen vnnd gehalten ſeyn / ſich wol bedencken / ſeiner jhme von GOtt fürgeſetzten ordentlichen Obrigkeit in einem ſo Chriſtlichen vnnd hochnutzlichen Werck ſich zuwi - derſetzen / damit er nicht ſo wol bey der Obrigkeit / als auch anderen Ehr - liebenden Leuthen / in den verdacht komme / daß er aller vernuͤnfftigenæquitetVorꝛed. æquitet vnd Billichkeit entgegen vnd zu wider daß jenige / was GOtt der Allmaͤchtig im alten Teſtament gebotten / Num. cap. 3. verſ. 39. & 20. Exod. cap. 30. verſ 11. cum ſeqq. Chriſtus der Herꝛ im newen Teſtament demſel - ben ſich vnder worffen / Matth. 17. verſ. 24. cum ſeqq. vnd ſolche tradi - tiones widerholet / Matth. 22. verſ. 19. cum ſeqq. Luc. 20. verſ. 22. cum ſeqq. hinderen / vnd alſo mehr Freyheiten als der Sohn GOttes / ſo doch der rechte ſemper frey geweſen / haben wolle.

Vnd ob wol nicht veriſimile, daß dieſem zu wider die Vnderthanen we - gen der vielfaͤltigen Nutzbarkeiten / ſo ſie von dieſen Inſcriptionen zuent - pfangen haben / die geringe pretia inſcriptionum zuerlegen ſich difficulti - ren werden: Jedoch wann hierin einige difficultet ſich erzeigen ſolte / So were doch dieſer Conſtitution anordnung vnd publication nicht zuvnder - laſſen / ſonderen viel mehr der geſtallt fuͤrzunemmen / daß die Vndertha - nen der pretien inſcriptionum befreyet / aber nit deſto weniger mit denſel - ben durch die Deputaten Cenſus vnd Cenſura exercirt, vnd verrichtet werden / weil ein Regent / wann er dieſelbige in ſeinen Landen dergeſtalt practiciren laſſet deren noch in dreyerley Weg ſtattlich genieſſen kan.

Dann Erſtlichen weil durch die Admonitiones vnd Inſcriptiones der Deputaten es bey den Vnderthanen dahin gerichtet wird / daß ſie der Laſter muͤſſig ſtehen / vnd hingegen aller Tugenden ſich befleiſſigen / vnd alſo Vnderthanen vnd Obrigkeit das jenige thun vnnd verrichten / was Gott von denſelbigen in ſeinem Heyligen Wort fordert vnnd haben will: So iſt vnzweiffelich / daß ſie Gottes deß Allmaͤchtigen tauſentreichen Se - gen zugewarten haben. Zum anderen in dem die Deputaten ſich dahin bemuͤhen / daß die Vnderthanen zu Ehrlichen Handthierungen fleiſſig angehalten werden / vnnd deß Freſſens / Sauffens / Spielens / Muͤſſiggangs / vnd dergleichen hochſchaͤdlichen Stucken ſich enthalten: So erlangt ein Obrigkeit hierdurch / daß ſeine Vnderthanen an Haab vnd Nahrung nimmer ab: ſonderen ſtaͤts zunemm in / vnd conſequenter ſeine ordentliche reditus vermehret / vnd neben den notwendigen vnverſe - henen impoſten von den Vnderthanen koͤnnen zuwegen gebracht werden. Zum dritten in dem die Deputaten in der Vnderthanen Leben vnd Wandel / Thun vnd laſſen / mit allem fleiß inquiriren, ſo bringen dieſel - bige viel Mißhandelungen vnd ſtraffbare Sachen in Erfahrung / welche ſonſten verborgen blieben weren / deren Straffen ſich Jaͤhrlichen ein an - ſchenliches belauffen werden.

Solte aber einige Obrigkeit ſein / die in jhren Landen vnd Gebiet / die angeſtelte Policey Ordnung beſchriebener maſſen anzuſtellen bedenckens haben ſolt: Jedoch weil heutigen Tags kein Obrigkeit gefunden wird / die nicht ein Policey in jhrem territorio allbereit angeordnet hette / So iſt dieſe von meinem Vattern ſeligen angeſtellte Policey alſo beſchaffen / daß auch ein ſolcher Magistratus ſie vmb ein namhaffte Summa Gelts nicht entberen ſolt.

Dann in dieſer wird jhme durch Sieben vnderſchiedliche Sanctio - nes alles daß jenige fuͤr Augen geſtellet / was zu ſeiner allbereit angeord - neter Policey Befuͤrderung vnd Vndergang dienet vnd gereichet: Er findet in ſolcher mit lebendigen Farben abgemahlet / worauff er ſeine Raͤth / Amptleuth / vnd Diener bey der Bevoͤgtigten vnd Vnbevoͤgtig - ten Jugendt / wie auch bey ſeinen vbrigen Alten vnd Newen / Lebenden vnd Abgeſtorbenen Vnderthanen / mit allem fleiß vnd ernſt forſchen ſoll / daß deren Nutz befuͤrderet / jhr Schaden vnd Nachtheil aber koͤnne abge - wendet vnd verhuͤtet werden: Er wird durch ſolche nothwendig erjnneret / welcher geſtallt er jhme Jaͤhrlichen auß den Steur: Ampt: Gericht: vnd Zunfftbuͤcheren einen Außzug machen laſſen ſolle / vnd was derſelbig jhme zu gluͤcklicher Regierung fuͤr einen reichen Nutz gebaͤre / auch wie derſel - bige zum füglichſten koͤnne angeſtellt werden. Ja dieweil er auß Leſung offterwehnter Policey Ordnung verſtehet / was fuͤr ein anſehenlichen Nutz die Obrigkeit zugewarten / wann ſie der in offtbemeldter Policey angeregter Stuck ein vollkommene Wiſſenſchafft hat / vnd was im ge - gentheil einer Obrigkeit fuͤr Gefahr darauff ſtehet / wann dieſe Stuck zu - erkundigen ſie auß der acht laſſet: So wuͤrde gewiß ein ſolcher Regent / vnd ſeine Diener daß jenige / was dem Gemeinen Weſen jmmer fürſtaͤn - dig ſeyn mag / mit allem fleiß fuͤrzunemmen gleichſam getrieben vnnd angereitzet / vnd wird alſo verhoffentlich erfolgen / daß eine Obrigkeit / die in jhren Landen keine Vogtey Richter angerichtet / oder denſelben allein rerum, non autem perſonarum Curam committirt, nach außweiß der an - deren Sanction / dieſelbige ent weders von newem ordnen / oder den allbe - reit geordneten befehlen / daß ſie nicht weniger auff die Perſon deß Pupil - len / als auff deſſen Haab vnd Nahrung ein wachendes Aug haben / vnd jederzeit bey Abhoͤrung der Rechnung mit allem fleiß warnemmen vnd): (): (erkun -Vorꝛed. erkundigen ſollen / wie der Pupill von ſeinem Vogt erzogen / vnd wozu er vnderwieſen werde.

Jn anderen Orthen / da bey Hochzeiten der Hochſchaͤdliche Pracht in Kleydungen / in Eſſen vnd Trincken / der Vberfluß allbereit eingeriſſen / oder einreiſſen will / werden die Obrigkeit auß der Fuͤnfften Sanction An - laß nemmen / durch ſonderliche Hochzeit Ordnungen dem Luxui, vnd conſequenter der Hochzeiter kuͤnfftigem Vndergang zuwehren. Andere Obrigkeiten werden vielleicht / nach außweiß deß Sechſten vnd Siebenden Stucks / in jhrem territorio es dahin richten / daß die Sechſte vnnd Sie - bende Sanction der Policey Ordnung angeſtellt werde. Vnd wird alſo dieſe Policey Ordnung / wo nicht in allen vnd jeden Sieben Sanctionen bey einem Magiſtrat, doch an vnderſchiedlichen Orthen ex parte practi - cirt, vnd vielleicht nach vnd nach / durch fleiſſige Nachforſchung vnd Be - trachtung der jederzeit ſich præſentierenden Vmbſtaͤnd vnnd Gelegen - heiten (mit guter Diſcretion) vollkommenlich ad praxin koͤnne gericht werden.

Vnd ob wol mein Parens ſeliger etlichen fuͤrnemmen Staͤndten deß Reichs / ſo wol den Politicum Diſcurſum, als auch die Policey Ordnung / Vnderthaͤnigſt vnd Vnderthaͤnig communicirt: Jedoch / weil der Po - liticus Diſcurſus allein nuda præcepta vnd ſolam theoriam einem Regen - ten gewieſen / hernacher aber er in erwehnter Conſtitution de Ærario San - cto (ſo biß dato niemanden communicirt worden) die media ad praxin accommodirt, vnd ſolche beſſer explicirt. Weil auch er die Policey Ord - nung nach der Hand zu vnderſchiedlichen mahlen revidirt, die commoda à parte Magiſtratus & Subditorum beſſer erklaͤrt: die Documenta Inſcriptio - num: den Außzug / ſo die Deputaten Jaͤhrlichen auß jhren Buͤche - ren machen / vnd der Obrigkeit zuſtellen ſollen / neben anderen Beylagen von newem verfertiget / vnnd derſelben addirt: Vnd durch dieſes alles ſo wol angeregten Politicum Drſcurſum, als die Policey Ordnung zu ge - nuͤgen explicirt: So geleb ich der Vnderthaͤnigſten vnd Vnderthaͤnigen Hoffnung vnnd Zuverſicht / es werde nun mehr ein Standt deß Reichs / deme dieſe meines Parentis ſeligen Secreta Politica zuleſen / von mir reſpe - ctivè Vnderthaͤnigſt vnnd Vnderthaͤnig præſentirt werden / alles beſſer verſtehen / ſeine etlich Jahr in hocpuncto angewendte groſſe Muͤhe / Fleiß /Arbeit /Vorꝛed. Arbeit / vnd nicht geringe Vncoſten in Genaden auff: vnd annemmen / deſſelbigen gegen einer jeden Obrigkeit / vnd dem gemeinen Weſen tragen - des trewhertziges eyfferiges Gemuͤt abnemmen / auch wuͤrcklich erkennen / vnnd dardurch anderen fuͤrtrefflichen Ingenijs anſam vnd gelegenheit ge - ben / nach aͤuſſerſtem Vermoͤgen dahin zutrachten / daß ſie / auch fuͤr jhre Perſon / den Gemeinen Nutz zubefuͤrderen / jhnen ebenmaͤſſig zum hoͤch - ſten angelegen ſeyn laſſen.

Was ſonſten das Fuͤnffte vnd letzte Secretum Politicum betreffen thut / ſo ſihet der Guͤnſtige Leſer auß dem Eingang deß Ærarij Liberorum, vnd auß dem jenigen / was num. 157. cum ſeqq. weitlaͤuffig auß geführet iſt / zu was fuͤr einem Chriſtlichen vnd Gottſeligen intent ſolches Ærarium von meinem Parente ſeligen ſeye angeſtellt / vnd verfertiget worden: Wel - ches auch beydes den Regenten vnd Vnderthanen in viel Weg hochnutz - lich vnd vnbeſchwerlich iſt.

Dann weilden Vnderthanen / die fuͤr jhre Kinder vnd Pupillen et - was angelegt / von dem Hauptgut Jaͤhrlichen ſechs per Centoloco inter - eſſe entpfangen / num. 24. vnd vergewiſſert ſeind / daß ſie vmb Hauptgut vnd Intereſſe nicht betrogen werden: (deſſen ſich doch zu dieſen vnſeren Zei - ten niemand / wegen der vielfaͤltigen fallimenten befreyen kan) Weil ſie durch dieſes Ærarium der vberflüſſigen vnd vnnothwendigen Vncoſten / ſo bey den Kindſchencken ſie fuͤr dieſen anwenden müſſen / liberirt werden num. 181. Weil ſie jhren Kinderen kuͤnfftiger Zeit keine Eheſteur mehr geben doͤrffen num. 57. Ja weil durch dieſe Conſtitution es dahin gerich - tet wird / daß / wann die anlegende Elteren durch Waſſer / Fewr / Krieg / oder andere ſchwere Zuſtaͤnd in Armut gerahten / ſie widerumb ein Nehr: vnd Wehrpfenning jeder zeit haben moͤgen / damit ſie jhren Nutz etlicher maſſen ſchaffen koͤnnen / So muß ja dieſe Conſtitution beides den Kinde - ren vnd anlegenden Elteren nutzlich ſeyn.

Vnnd ob wol zu Zeiten die Anleger allein die Zinß / zu Zeiten das Hauptgut ſam̃t dem Zinß verlieren: Jedoch / weil ſolches durch ſonderliche ſchickung Gottes deß Allmaͤchtigẽ geſchicht / n. 171. So kan ſolcher Verluſt mit Warheit fuͤr keine Beſchwerdt geachtet werden: wie ſolches in Ærario Liberorū tit. 13. weitlaͤuffig deducirt iſt. Alſo iſt auch dieſes Secretum einer Obrigkeit nutzlich / weil dieſelbige zu zeiten die Zinß / zu zeiten aber dasHaupt -Vorꝛed. Hauptgut ſampt dem Zinß inbehalten / vnd dieweil dieſes Secretum alſo beſchaffen / daß ein Obrigkeit gleichſam alle Tag ohne maͤnniglichen Scha - den daſſelbige widerumb abſtellen kan: So iſt vnmuͤglich / Wann ein Ma - giſtrat, ſo mit Schulden beladen / von den jenigen Elteren / die fuͤr ihre Kinder etwas in das Ærarium anlegen wollen / allein ſo lang Gelt einnem - men vnd empfahen laßt / biß er daß jenige Capital, ſo derſelb andern Jaͤhr - lichen auß ſeinen Cammer Gefaͤllen verzinſet / zur Hand gebracht / vnd zu abzalung der Schulden / ſeinen Schuldglaͤubigern lieffern / vnd hingegen auß ſeiner Rent Cammer den Deputirten Einnemmeren die Zinß / wel - che ſonſten ſeine Creditores empfangen / wegen deß jhme geliefferten Kin - der Gelts / einnemmen laſſet / daß er dieſes Secreti halben einigen Scha - den zubefahren habe / ſondern er hat von der Kinder angelegten Hauptgut vnd Zinß / Jaͤhrlichen einen ſtarcken Nutzen zugewarten.

Dieſes hab / inſonders Guͤnſtiger Leſer / ich præfationis loco zuerin - neren keinen Vmbgangnemmen koͤnnen. Vnd thue hiemit mich ſampt den Secretis Obrechtianis dem wol affectionirten Leſer / nach eines jeden Stands gebuͤr / zu angenemmen Dienſten Vnderthaͤnigſt / Vnderthaͤ - nig / auch Dienſtfreundlich recommendiren vnd befehlen. Datum auff Thomæ Apoſtoli, Anno Chriſti 1617. in Straßburg.

Joannes Thomas Obrechtus J C. & Comes Palatinus Cæſareus.