Das Erſte Capittel von des Koͤnigs Pori Reichthumb.

JCH hab im Maymonat / nach vberwindung des Perſianiſchen Koͤnigs Darij, beim fluß Gange, vnnd einnehmung ſeines gantzen Koͤnig - reichs / meine Oberſten vnd Vnterthanen in die Morgenlendiſche Provintzen zu Regenten geſatzt / daraus ich den einen groſſen Schatz vnd viel koſt - bare ſachen bekom̃en habe. Dauon ich auch im vo - rigen ſchreiben bericht gethan / vnnd wils jtz dabey beruhen laſſen / damit dis ſchreiben nicht zu weit - leufftig werde / weil auch dir / was vns ſonſten be - gegenet / nicht vnbekant iſt.

Jm außgehenden Monat Julio kamen wir in Indiam Phaſiacen, da wir denn mit groſſer ge - ſchwindigkeit den Koͤnig Porum vber wunden / groſ - ſe vnd reiche Beute bekamen / vnd einen Koͤniglichen Schatz dauon brachtē / welches weil Mirs jtzo noch in friſcher gedechtnis / vnd auch gedenckwirdig iſt /iſts5iſts billig das ich auch ſchreibe von dem vnzehligen Heerzeug deſſelben Koͤnigs / in welchem das Fuß - volck ausgenommen / dreyzehen tauſend vnd acht hundert Sichelwagen waren. Als wir aber vier hundert Elephanten jhnen genommen hatten / die groſſe Thuͤrme mit Kriegsknechten zu der ſchlacht trugen / machten wir vns als bald an die Koͤnigli - che Feſtung vnd Heuptſchloß.

Jn demſelben zehlten wir bey die vier hundert ge - waltige / hohe / groſſe / gantze Seulen mit jren Heu - ptern / gantz vnd gar von dichtem Golde / dazu wa - ren die Wende mit einem guͤlden Blech vberzogen / ſo dicke als die Guͤlden Ringe / die man vber den Fin - gern tregt. Jn dem ich aber dieſe ſachen probiren wolte / ſchnid ich die Wende an etlichen oͤrten durch. Jnſonderheit verwunderte Jch mich vber einē gan - tzen Weinberg / ſo von Gold vnnd Silber gemacht / vnd zwiſchen den Seulen in der Lufft auffgehenget war. An demſelben waren die Bletter von lauterm Gold / die Trauben von hellen Cryſtallen / vnd wa - ren mit Carbunckeln vnnd mit Smaragden ver - ſetzet.

Die Saͤhle vnnd Cammern waren vffs koͤſt - lichſt mit Perlenmuͤttern vnd Carbunckel ſteinen ausgeputzt. Die Thuͤren aber von Polirten weiſ - ſen Elfenbein / die Balcken von Hebenholtz / daruͤber ein Tefelwerck von lauter Cypreſſen holtz hergieng.

Jn ihren Badſtuben darein ſie ſich hatten zu reinigen pflegen / waren gantz guͤldene gegoſſene Bildnuͤſſen mit groſſen guͤldenen Becheren / vnd ein Brun darein mit groſſem ſchatz gezieret.

An den Wenden im Hauſe waren vnzehlich viel Bilder von Vogeln gemacht / mit mancherley bun - ten Farben / die giengen zwiſchen guͤldenen Laub - werck / mit vberguͤldeten Fuͤſſen vnd Schnebeln / hat - ten an Ohren vnd Halsbenden koͤſtliche Perlen hen - gen / wir funden viel Edelgeſteinen vnd Cryſtalle - ne Trinckgeſchir / des gleichen viel guͤldene Becher - lein / aber weinig Silberns.

Welches alles nach dem wirs eingenomen hat - ten / wolte ich der Jndianer Land einwendig beſſer beſehen mit meinem Kriegsheer. Vnd kam alſo an des Caſpiſchen Gebirges Pforten / daſelbſt ich mich denn nicht weinig verwundert / vber die Fruchtbar - keit deſſelben Landes / vnd ſahe warlich an dem orth ſolch ein Land / da einer ſeine luſt inne haben moͤchte. Wiewol vns die einwohner gewarnet hatten / das wir vns fuͤr dem vngeziefer Schlangen vnnd wuͤ - tende Thier huͤten ſolten / welches ſich da in groſſer menge zwiſchen deſſelben Thelern / Weldern vnnd Bergen auſſhielte / vnd in den Buͤſchen vnd Stein - klippen ſich verkroͤche.

Jch aber damit ich dẽ fluͤchtigen Koͤnig Poro wei - ter nach ſetzte / ehe denn Er in die abgelegene Stedtevnd7vnd wuͤſte Lender entwiche / wolte lieber durch rich - tige / denn durch ſichere wege reiſen / nam derwegen hundert vnd funfftzig geleitsleute zu mir / welchen die richtwege bekant waren / vnd zog im Augſtmo - nat durch den heiſſen ſand / den die Sonne ſo erhitzt hatte / das daß Land vber all duͤrre vnd ohne Waſ - ſer war. Verhieß auch denſelben eine billige vereh - rung / die vmb des Landes gelegenheit wuſten / vnd vns herumb fuͤhreten an die vnbekanten Jndiani - ſchen oͤrther / wenn ſie mich mit meinem Kriegsvolck friſch vnnd geſund in das Land Bactras geleiteten / vnd zu den weitabgelegenē Voͤlckern / Seras genant / brechten / welche Voͤlcker das rauch von den Beu - men im Walde zuſamen laſen / vnd aus der Baum - wolle vnd Seide ſich Kleider wircketen. Aber vnſe - re fuͤhrer waren dem Feinde mehr zugethan / denn vns / vnd gedachten ſie wolten vns vber zuuerſicht / vnter die Schlangen vnd Wilde Thiere fuͤhren / weil wir in dem Land vnbekant waren / vnnd das ſie dis im ſinne hetten / gab die erfahrung. Als ich derwe - gen vernahm / das ſoͤlch vngluͤck zum theil von mir ſelbſt her ruͤhrete / dieweil ich meiner freunde gutem rathe[nicht] hatte folgen wollen / vnd auch nicht der Caſpier / die mich gewarnet hatten / ich ſolte nicht ſo ſehr zum Sieg eilen / das ich nicht durch hinderliſt an dem Sieg verhindert wuͤrde. Befahl derhalben meinen Kriegsleuten / das ſie jre Ruͤſtung anlegten /vnd8vnd mir folgeten / weil ſie des geraubten Goldes vnd Perlen nicht eine geringe Beut mit ſich fuͤhre - ten / vnd zu befuͤrchten were / das der Feind ſich ver - ſtackt hette / vñ drauff laurete / wie Er ſein verlohren gut jhnen wieder abjagen moͤchte / vnnd zwar die Kriegsleut waren ſo reich worden / das ſie des Gol - des laſt kaum tragen koͤnten. Dazu waren die Har - niſch vnd Ruͤſtung auch ſchwer zu tragen / denn ich hatte ſie alle mit einander mit gantz vberguͤldeten Harniſch gezieret / vnd zog alſo das gantze Heer mit dem Goldglantz / wie ein hauffen leuchtende Sternen voran / vnnd ich folgete mit den Fahnen vnd Feldzeichen hernach / vnd war an dem Kriegs - volck eine herrliche luſt zu ſehen / das beydes an pracht vnd Macht bey andern Voͤlckern desglei - chen nicht zu finden war / Jch zwar als ich mein Gluͤck betrachtet / das ich mit ſolcher herrlicher an - zahl der jungen Manſchafft begabt war / hatte eine groſſe freude daran.

Aber wie es gemeinlich im gluͤck zu gehet / das vngluͤck nicht weit dauon iſt / begunten wir gros noth durſtes halben zu leiden. Vnd als ich den durſt nicht lenger dulden kunte / kompt ein Knecht / Zephi - rus genant / gelauffen / bringt mir eine Sturmhau - be mit Waſſer / ſo Er aus einē holen Stein geſchepf - fet hatte. Ob er gleich ſelber bald verduͤrſtet war / wolte dennoch lieber mein leben erhalten / vnd ſelberſterben.9ſterben. Jch aber rieff das Kriegsvolck zuſammen / vnd goß die Sturmhaube mit dem Waſſer / in aller beiſein / aus / damit nicht jrgent ein Kriegsknecht / wenn er mich trincken ſehe / ſehrer zu duͤrſten an - fienge / ich begabte aber des Zephiri wolmeinung / mit billiger verehrung.

Vnd als mir derhalben das Volck alle mit ein - ander noch beſſer gewogen ward / ſatzte ich meiner reyſe noch weiter nach.

Das Ander Capittel / von dem bittern Waſſerfluß.

NJcht weit aber dauon / fand ich in einer[Wuͤ - ſteney] einen Waſſer flus / an welches Vfer Rohr ſtund / in die 60. Fuß hoch / dicker den ein Kifern oder Dannenbawm / daraus denn die Jndianer jhre Heuſer baweten. Daſelbſt ich denn alſo bald / weil das Vieh vnd Volck duͤrſtig war / be - fehl thate / das man an dem orthe das Lager auff - ſchlagen ſolte / vnter deſſen / do ſie damit vmbge - hen / wolte ich meinen Durſt leſchen / da ſchmeckt das Waſſer viel bitterer / denn Nieſewurtz / das es weder Menſch noch Vieh / ohn gefahr drincken konte / Jch war aber mehr bekuͤmmert / wegen des groſſen hauffen Viehes / den wegen der Menſchen / Sintemal ich wuſte / das ein Menſch viel leichter etwas vertragen kan / den das Vieh / denn ich hat -Cte bey10te bey mir taͤuſent groſſe Elephanten / welche dz Gold mit truͤgen / dazu viertzig Sichelwagen / vnd jegli - chen mit vier Roſſen / dreiſsig tauſent Reuter / drey hundert tauſent Soldaten / funfftzig tauſent Maul - Eſel / die Ruͤſtung vnd der Soldaten Plunder zu tra - gen / zwey bey tauſent die Korn vñ proviant trugen / vnd endlich eine vnzehliche Herde Viehs / teglich zur Kuͤchen notturfft zu ſchlachten / denn an Pfer - den / Maulthieren / Camelen / Elephanten / auch an guͤlden Zeumen / hatten wir alles vberfluͤſsig in vn - ſerm Sieg bekommen. Aber das Vieh konte fuͤr dem groſſen Durſt kaum bleiben / die Kriegsleute lecketen bald an den Eyſern zeug / bald truncken ſie Ohl / fuͤr den grewlichen Durſt. Ja ich hab etliche geſehen / die ſich nicht ſchemeten / jhr eigen Waſſer in der euſſerſten noth / zu trincken. Welches elend mich zweyer vrſachen halben / ſehr betruͤbte. Denn ich war von wegen des Volcks zuſtand / nicht wei - niger / deñ vmb meinſelbſt eigen geſundheit bekuͤm - mert. Befahl dennoch / das ſie alle mit gewapenter Hand folgen ſolten. Vnd lies das gebot anruffen / Jch wolte den zu ſtraffen wiſſen / der nicht ſeine Ruͤ - ſtunge in der Ordnung anhaben wuͤrde. Daruͤber ſich denn ein jeder verwunderte / wozu / daſelbſt da kein Feind verhanden / von noͤthen were / in ſolchem Durſt in voller Ruͤſtung zu ziehen / Jch aber wuſte wol / das wir durch die Wilden Thier vnd Schlan -gen11gen herdurch muſten / vnd fuͤrchte mich / wir moͤch - ten vnerwarnter ſachen / betrappet / vnd mit vnuer - ſehener gefahr geſchlagen werden.

Folgeten alſo dem Vfer nach an dieſem Waſſer / vnd kamen vmb 9. ſchlege zu einem Stedlein / das mitten im Waſſer auff einer Jnſel lag / vnd von ob - gedachten Rohr erbawet war. Da wurden wir ge - wahr etlicher Jndianer / ſo halb nacket giengen / welche / ſo bald ſie vns ſahen / wiederumb nach jhren Huͤtten zu lieffen / vnd ſich verkrochen / Jch hette aber gerne mit jnen geredet / das ſie vns / die wir der oͤrther nicht bekant waren / friſch Waſſer nachwei - ſeten. Wie ſich aber keiner ſehen ließ / ſchoß ich etli - che Pfeil in die Stad / vnd gedachte / wenn ſie mit willen nicht heraus wolten / ſo wolte ich / ſie mit Kriegs gewald heraus bringen.

Aber ſie verbargen ſich aus furcht viel mehr / biß ich endlich / da ſich niemand wolt ſehen laſſen / zwey hundert leichtgeruͤſte Landsknechte aus der Macedonier Regiment / vber daſſelb Waſſer ſchwimmen ließ. Wie dieſelbige bald den vierten theil / das Waſſer erreicht hatten / begab ſich ein er - ſchrecklich Spectakel: Es kamen aus dem tieffen Waſſerſtrom groſſe gewaltige Waſſerpferde oder Hippopotami, die groͤſſer warē / denn ein Elephant von leibe / vnnd kriegten die armen Soldaten zur ſtraff / bey den Koͤpffen / vnd verſchlungen ſie / dasC ijwir12wir denn mit Threnen anſchaweten / Jch aber ent - brante im zorn gegē dieſelbige / ſo vns fuͤhren ſolten / das ſie vns in ſolche gefahr gebracht hatten / befahl man ſolt jhrer hundert vnnd funffzig ins Waſſer ſtuͤrtzen / welche / ſo bald ſie vom Vfer trieben / vnnd zu ſchwimmen begunten / jhre rechte verdiente ſtraff entfiengen / vnd von den Hippopotamis verſchlun - gen wurden.

Es waren aber dasmahl viel eine groͤſſer menge der Thier da / denn zuuor / denn ſie meinten / ſie wol - ten das Volck alle verſchlingen / denn das Waſſer lies / als hette es voller Ameiſſen geſchwebet / damit wir aber die Nacht vber / mit dieſen Meerthieren nicht zu fechten vnnd zu ſtreiten bekehmen / ließ ich zum auffzug auffblaſen / denn wz wolten wir armen duͤrſtigen Leut an dem orth gemacht haben?

Als wir nun von zehen ſchlegen biß zu elffen ge - reyſet / ſehen wir mitten durch das Waſſer Leut fuͤr - uͤber fahren / mit Schifflein / aus demſelbigen groſ - ſen Rohr gemacht.

Als wir die anſprachen / an welchem orth wir doch ſuͤß Waſſer bekommen moͤchten / ſagten ſie auff jhre ſprach / wo daſſelbe were anzutreffen / nemlich wir wuͤrden an einen groſſen See kommen / des al - lerſuͤſten Waſſers / dahin vns jhrer funffzig gelei - ten wolten. Vnd weil wir ja zum vngluͤck dahin ge - kommen waren / Wanderten wir die lange Nachtdurch /13durch / in Durſt vnd der Ruͤſtung laſt jmmer fort / Zu dieſem aber / kam auch das vngluͤck / das die gan - tze Nacht Lewen / Beeren / Tiger Thier / Leoparden / Luͤchſe etc. zu vns anlieffen / denen wir widerſtande thun muſten. Welche Thiere vns im Wald durch einander entgegen lieffen.

Das Dritte Capittel / von dem ſuͤſſen Waſſer / vnd den Gifftigen Thie - ren / ſo dazu kamen.

LEtzlich gegen acht vhr folgends tages / da wir ſchier verſchmachtet waren / kamen wir an vorermelten See / der rings vmbher mit einem gruͤnen / alten / dicken Walde bewachſen war / wol in die tauſent ſchrit lang.

Als ich nun getruncken hatte / ward ich wider friſch / vnd lies das Vieh vnd mein Volck / ſich auch wieder erquicken. Bald aber / als ſich die ermuͤde - ten Thier erholet / vnnd die Kriegsleut ſich außge - ruhet hatten / ſchaffet ich / das die Gezehlt vnd das Lager nach der lenge / in die zwey vnd zwentzig mei - len / Griechſche Stadia genant / der eine hundert vnd fuͤnff vnd zwentzig ſchritt helt / auffgeſchlagen wur - den / desgleichen / ſo viel Meilen in die breite.

Wie die Gezehlt nun in der eyl auffgerichtet wa - ren / ließ ich den Wald niederhawen / damit manC iijdeſto14deſto fuͤglicher koͤnte zum See komen / weil der nur allein in dem gantzen Lande war.

Vnd ward alſo das Gerehte vnnd aller Plun - der / ins Lager zuſammen getragen / vnnd die Ele - phanten zwiſchen die Gezehlt geſtellet / damit wir ſie deſto fuͤglicher vnd ehe auffhalten moͤchten / wenn vieleicht die Nacht vber ein getuͤmmel oder vnge - woͤhnlich ſchrecken vnter ſie keme / vmb das Lager herumb / waren wol an tauſent vnnd funffzig oͤr - thern Fewr gemacht / weil wir ohn das / im Wald Holtz zum vberfluß hatten. Vmb Eilff ſchlegen ward zu Tiſch geblaſen / da ich denn Mahlzeit hielt / vnd dem Volck auch ſein theil geben ließ / vnter deſ - ſen branten vber die zwey tauſent guͤldene Lam - pen.

Als nun der Mon kaum auffgangen war / ka - men mit groſſer eyl vnd auffgerichten Schwentzen / eine groſſe Heerde Scorpionen zu dieſem See / durch vnſer Lager zugelauffen / wuſten zwar nicht / ob ſie vnſer getuͤmmel erhoͤret / vnnd darumb auff vns zu lieffen / oder ob ſie jhre gewoͤhnliche trencke / in dem See hatten / hetten vns leicht ſchaden zu fuͤgen moͤ - gen. Auff dieſe wunder / kam eine groſſe ſcharr der gehoͤrnten bunten Waſſerſchlangen / deren etliche Rote Schuppen hatten / etliche Schwartze / etliche Weiſſe / etliche weren auch gantz helle vnnd glen - tzend / als lauter Gold / das daß gantze Land nurrauſchete51rauſchete vnd ziſchete / vnd vns nicht weinig erſchre - ckete. Aber wir hatten vorn die Gezehlt / mit den Schilden wol verwaret / vnd hatten lange / ſcharffe / ſpitzige Spieß / damit wir die boͤſen ſchedlichen Wuͤrm erſtachen / etliche aber mit Fewr vertilge - ten / damit wir deñ in die zwo ſtunden zu thun hat - ten. So bald aber die kleinen Thier / von dem Waſ - ſer getruncken / giengen ſie wieder dauon / vnnd zu vnſerm groſſen Gluͤck / kroͤchen die groſſen Schlan - gen wider in jhre loͤcher.

Vmb die dritte ſtunde der Nacht / gedachten wir etwas zu ruhen / vnnd friede zu haben. Da kamen groſſe Drachen an / die groͤſſer waren / als eine ſtar - cke Seule ſein moͤchte / mit dreyen Koͤpffen / darauff ſie den Kronen hatten / vnnd kamen aus den holen Bergen / aus ernantem See zu trincken / wuͤhleten im gange mit dem Maul / vnd ſchufen das Land vn - ter ſich hinweg / vnd ſtackten drey ſpitzige Zungen aus dem grewlichen Rachen heraus / hatten fun - ckelende gifftige Augen / blieſen jren gifftigen Athem vns entgegen / mit denē wir denn ein gute ſtunde zu ſchaffen hatten / verloͤhren auch in dem Kampff dreiſsig Knechte / vnd zwantzig wol verſuchter Ma - cedoniſcher Kriegsleute. Vnd ich vermahnete vnd bat die Macedonier / ſie wolten in dieſem Vngluͤck beſtendig bleiben / vnd den Muth / wegen der wieder - wertigkeit nicht fallen laſſen.

Welche denn / ob ſie wol die gedult ſchier ſchwer ankam / doch die erbeit mit außſtuͤnden. So bald die Schlangen weg getrieben / kam ein groſſer hauff Krebs / mit Crocodill Pantzern vberzogen / ins La - ger. Welche Meerwunder wir mit keiner Weh - re verwunden kunten / wegen der harten Haud. Viel wurden mit Fewer getoͤdtet / etliche aber krie - chen wider in das Waſſer.

Weil wir nun von dem viel wachen Muͤde wor - den / ward vmb die fuͤnffte ſtund zu Nacht geblaſen / das man ſich zur Ruhe begeben ſolte. Ehe wir vns aber verſahen / waren weiſſe Lewen da / in der groͤſ - ſe eines gewaltigen groſſen Ochſen / die denn ein er - ſchrecklichs brummen thaten / ſchuͤtteten jhre zoͤtti - ge Helſe / vnd richteten den Kopff in die hoͤhe / ſchoͤſ - ſen auch auff vns / nicht anders / als Donnerſchle - ge / zu / die wir alsbald mit vnſern Spieſſen vnnd Hellbarten fiengen vnd erlegeten. Nichts deſto wei - niger aber / hatten wir auch vmb Mitternacht einen ſtreit / mit etlichen groſſen vnd erſchrecklichen Wil - den Sewen / mit den bunten Luͤchſen / Tieger vnnd Panter Thieren. Als wir vns nun ferner keine ge - fahr beſorgten / koͤmpt vns nach den Augen ins Ge - ſicht geflogen / ein arth der Fledermeuſe / derer leibe ſo groß / als die Tauben waren / dieſelben hatten Menſchen zehn / damit ſie denn Kriegsleuten jhre Glieder zu riſſen.

Vber dis lies ſich ein new Thier ſehen / welches forn an der Stirn / drey Hoͤrner / ein Pferdkopff / vnd ſchwartze Haar hatte. Daſſelbe nennen die Jn - dianer Odonta oder den zeen Koͤnig. Diß Thier / ſo bald es vom Waſſer getruncken / ſahe es das Lager an / vnd lieff ſtracks auff vns zu / ſchewete ſich auch fuͤr keines Fewrs Licht oder Brand. Als ich aber der Macedonier Regiment dem Thier entgegen ſatzte / blieben jhrer 36. auff dem Platz / vnnd wur - den 53. Heerwagen / welche mit Sicheln zugericht waren / in grund verderbet. Vnnd koͤnte das Thier kaum mit langen Jegerſpieſſen erleget wer - den.

Nachmals / kurtz fuͤr der Sonnen auffgang / lieſ - ſen ſich bald am Himmel Pfaͤle ſehen / weisfleckt wie bunte Guͤrtel oder Riemen / darauff denn Jn - dianiſche Meuſe ins Lager kamen / welche geſtalt waren wie die Geyer / vnnd wenn ſie ein Thier biſ - ſen / lag daſſelb von ſtund an tod. Dem Menſchen aber war der Biß nicht toͤdlich.

Mit der Sonnen auffgang flohen die Nachtra - ben / Nycticoraces genant / herzu / ſein Vogel den Geyern nicht vngleich / wie wol ſie von geſtalt groͤſ - ſer waren / Gelbfarb / hatten einen ſchwartzen Schnabel vnd Fuͤſſe.

Dieſe Vogel namen das Vfer deſſelben Sees / hin vnd wider ein / thaten vns keinen ſchaden / ſon -Ddern18dern zohen mit den Fuͤſſen aus dem Waſſer gantze Fiſch heraus / vnd verzehreten dieſelben.

Weil wir aber dieſe Vogel / weder ſcheuchen noch auffjagen durfften / zogen ſie endlich ſelber auff.

Da nam ich dieſelben / die vns dieſen orth gezei - get / vnd vns in ſolche gefahr gefuͤhret hatten / vnnd lies ſie / wie ſie es woll verdienet / an die Creutz heff - ten / das ſie die Schlangen bey lebendigem leib / ver - zehren vnd quelen muſten / wie ſie gemeinet hatten / das es vns wiederfahren ſolte. Ließ jhnen auch die Hende zu brechen / das ſie jre billiche ſtraff empfin - gen / fordert auch das Kriegsvolck zuſammen / vnd vermahnet ſie / das ſie einen Muth faſſen / vnd ſich in jrem Vngluͤck nicht Weibiſch / ſondern tapffer vnd Manlich ſtellen ſolten. Lies auch alsbald zum auff - zug auffblaſen / vnd befahl / man ſolt das Lager auff - nehmen / vnd nach dem Suͤdwind werts hinfuͤhren / daher wir Kundſchafft bekamen / das die Jndiani - ſchen vnd Barbariſchen Voͤlcker / von newen ſich zum Krieg verſamlet / vnd verbunden hatten.

Mein Kriegs volck aber hatte einen ſehr groſſen Muth / dieweil es von dem Sieg / eine ſtatliche Beu - te bekommen / vnd alle wege gut Gluͤck gehabt. Ver - lieſſen alſo die vnuͤberwindliche vnnd gefehrliche Berge / vnd zogen endlich durch einen ſichern Weg / in der Bactrianer Land / darin viel Gold vnd groſ -ſer Reich -19ſer Reichthumb zu erlangen war. Vnd weil wir daſelbſt guten vortheil ſchaffen konten / vnd der Per - ſianer Ecker nicht weit dauon gelegen waren / vnd wir vns zum Krieg deſto beſſer ſchicken konten / lies ich in die dreiſsig Tag / das Volck daſelbſt verhar - ren.

Das Vierte Capittel / Wie ſie zum fluͤchtigen Koͤnig Porum kommen / vnd den vberwinnen.

ALS wir nun wol ausgeruhet hatten / ka - men wir in ſieben Tagen an den orth / da der vorgemelte Koͤnig Porus / mit ſeinem Kriegß - volck war / welches er zu ſich genommen / nicht / das er wieder mich zu ſtreiten bedacht geweſen / ſondern viel mehr / das er ſich mit jhnen ſemptlich mir er - gebe vnd vnterwuͤrffe. Denn er lies vns frey han - deln vnd wandeln / vnd alle Proviant willig folgen / als wenn wir nicht Feinde / ſondern Freunde we - ren / er wolte mit mir auch gerne Kundſchafft ha - ben / vnd wenn mein Volck auff vnd nieder zoge / fraget er / wo ich mich auffhielte / vnd wz ich machte? Weil ſie aber jm nicht hatten rechten beſcheid geben wollen / erkundet ich mich ſelbſt wie er pflag zu fra - gen: Denn die Macedonier ſagten mir / als jhrem Groß Koͤnig / diß alles wieder / vnd verkleidte mich wie einen Soldaten / vnnd verkehrte das Geſicht /D ijging20ging in dem Flecken / als wolte ich Wein oder Fleiſch keuffen / da fraget mich der Porus ohn gefehr / Was doch der Alexander vor hette / oder wie alt er woll were? Da antwortet ich jhm aus ſchalckheit: Vnſer Koͤnig / ſagt ich / ſitzt als ein alter betagter Mann / in ſeinem Loſament beym Fewr / vnnd wer - met ſich. Da ward er froh / das er nur mit einem alten verlebten Mann Kriegen duͤrffte / vnd er noch ein junger friſcher Kerl wehre. Lieber / ſagt er / ſcho - net der Mann ſeines alters nicht? Jch antwortet jhm mit der vorwendung / ich wuͤſte nicht was der Alexander vor hette / denn ich were nur ein ge - meiner Soldat / aus dem Macedoniſchen Heer - zuge.

Da gab er mir einen trotzigen Drawbrieff / vnd ſagt mir eine verehrung zu / wenn ich den Brieff dem Alexandro ſelbſt zuſtellen wuͤrde. Darauff ſchwur ich jm / er ſolte in des Alexander[s]Hand kom - men / vnd kehret bald wieder zu ruͤck in mein Lager / vnd ehe denn ich den Brieff laß / vnnd auch in dem ich jhn laß / konte ich mich des lachens nicht enthal - ten. Welches Brieffs Copey / ich dir vnnd meiner Mutter vnd Schweſtern hiemit vberſchicke. Da - mit jhr des außlendiſchen Boͤſewichts vermeſſen - heit abnemen koͤnnet. Als bald liefert ich den Jn - dianern eine ſchlacht / vnd vberwunne ſie nach mei - nes Hertzen wunſch / nam die Wehr von jhnen /das21das Land aber vnd Koͤnigreich / gab ich dem Koͤnig Porus wiederumb.

Derſelbe ſo bald jm dieſe vnuerhoffte Gnad vnd Ehr wieder fuhr / zeigt mir ſeine Schetze ſelbſt gut - willig / dauon ich zuuor nichts gewuſt hatte. Da - mit er denn mich / mein Kriegsvolck / vnd alle mei - ne gefehrten ſehr reich machet / vnd der Macedonier Freund warde / da er zuuor jhr Feind war. Fuͤhret vns auch an denſelben orth / da Hercules vnd Bac - chus in vorzeiten jhre Siegszeichen auffgerichtet hatten. Am euſſerſten ende vnd Grentze des Mor - genlandes / hatte er dieſen beyden Goͤttern / gantze guͤldene Bildnis geſatzt.

Dieweil ich aber gern wiſſen wolt / ob dieſelben von gantzem tichtem Golt wehren / ließ ich loͤcher hinein bohren / vnd wie ich ſahe / das ſie gantz von Gold waren / lies ich von demſelben Golde die loͤ - cher wiederumb zu fuͤllen. Vnd that daſelbſt dem Gott Baccho vnd Herculi ein Brandopffer.

Jn dem ich nun weiter meiner reyſe nachſatzte / das ich etwas gedenck wirdiges mich erkuͤndigen moͤchte / ward ich gewar / das nichts mehr da ver - handen / denn etliche wuͤſte Lender / ſo mitten in dem See liegen / vnd das in den Wildniſſen vnd in den hohen Bergen die Elephanten vnd Schlangen ſich auffhielten. Nichts deſto weiniger zog ich biß ansD iijMeer /22Meer / damit ich auff der offenbaren See / vmb die Welt rings herumb Schiffen moͤchte.

Dieweil aber die Leut / ſo an dem Seeſtrand wohneten / mich berichteten / das Meer were tun - ckel / vnd an vielen oͤrthern nicht ſo tieff / das man ſicher dadurch ſchiffen koͤnte / dazu were dem Bac - cho vnnd Herculi nicht weiter zu ziehen vergunt worden / wolt ich lieber das die Goͤtter in dem fall mir vorgiengen / denn das ich mit gedult der gefahr vber der Goͤtter Fußſtapffen ſchreiten ſolte.

Das Fuͤnffte Capittel / von der andern Reyß in Jndien.

ALS ich nun den Goͤttern jhre gebuͤhrliche Ehr gethan / ſie angebetet / vnd jhr vorneh - men gelobet hatte / nam ich mich fuͤr / ich wol - te das lincker theil der Jndianiſchen Lande beſehen. Damit mir nicht etwas an vnbekanten vnnd vner - ſuchten oͤrthern / heimlich entwand wuͤrde / welches dem Poro nicht vbel gefiel / das ich nicht meinen ſolte / er wolte mich nicht alle ſeines Landes Guͤter wiſſen laſſen / ſondern noch etwas verhelen. Aber daſelbſt war ein außgetruckneter Sumpff vnd Ge - moͤhr / darinnen viel Rohr vnd Schilff gewachſen war / da wir durch daſſelbig zogen / ſprang vber zu vorſehen / ein newe Meerwunder herfuͤr / war faſteinem23einem Waſſerpferde oder Hippopotamo gleich / hatte einen eingekerbten ſcharffen Ruͤcken / wie eine Sege / vnnd hatte auff demſelben den einen Kopff / geſtalt wie der Mohn / den andern auff der Bruſt / der war einem Crocodil durchaus gleich / hatte auch groſſe ſtarcke Zehne / damit es mit groſſer ge - ſchwindigkeit / zween Kriegsknechte in einem ſtreich danieder hieb. Das Thier koͤnten wir mit groſſen Eyſern Hemmern kaum zerſchmeiffen. Dieweil mans mit keinem Spieß durchſtechen noch tilgen moͤchte. Nach dem wir vns nun zum hoͤchſten vber diß newe Specktakel verwundert hatten / kamen wir in die hohen Jndianiſchen Welder vnnd Wild - nuͤſſen / da wir denn vnſere Laͤger / in die 500. ſtadia in die lenge vnd breite auffſchlugen / zu negſt an dem waſſer Buemar, vnd begunten ein weinig zu ſchlum - mern / weil es eine ſchoͤne helle Nacht war. Fol - gends Tages vmb Eilff vhr / kommen eilend mit ei - nem geſchrey vnd zagen zu vns angelauffen vnnd geritten / die ſo auff die Fuͤtterung gezogen waren / vnd das Volck / ſo nach Holtz zu hawen außgeſchickt war / vnd zeigten vns an / damit wir deſto ehe vns ruͤſten / es kemen eine groſſe macht Elephanten aus den Weldern zuſammen gelauffen / welche das Lager vmb vnd vmb reiſſen / vnd das Volck alle ver - derben wuͤrden.