Von bereittung des Ofens.

DJeſen Ofen anbelangend / davon doch in Præfatione des erſten Theils dieſes Buchs im geringſten kein meldung oder verheiſſung gedacht worden / wie ich auch nicht willens ge - weſen / deſſelben in dieſem fuͤnf - ten vnnd letzten Theil zu ge - dencken / ſondern hatte mir nur allein von bereittung etlicher jrdenen vnnd glaͤſernen Gefaͤſen / vnnd andern zu den vor-her-gehenden vier Theilen / nothduͤrftigen vnd gehoͤrigen dingen zu han - deln vorgenommen. Weilen ich aber betrachtet vnd gut gefunden / daß ſeine ſtelle in dieſem letzten Theil / (da ich doch zuvorn ein andere darzu erwehlet hatte) vnd ſonderlich darumb / weilen keines andern Ofens hierin gedacht / nicht vbel kommen ſolte. Alſo wil ich dem ſuchenden Kuͤnſtler zur nachrichtung / ſo viel ich thun darf vnd mir zu gelaſſen iſt / ſeine vberauß wunderbahr - liche arth vnd eigenſchaft zu entdecken nicht verſchwei - gen. Wiewohl ich gewiß bin / daß jhrer ſich mehr / als an allen meinen andern Schriften / daran ſtoſſen vnd aͤrgern werden / vnnd ſonderlich die jenigen / welche die Natur noch nicht durchſucht haben; doch kan ich es gleichwol nicht laſſen / weilen ich dargegen auch nicht zweifele / daß es bey etlichen fleiſſigen Nachſuchern der Natur vnnd Kunſt / nicht vnannehmlich ſeyn wer - de. Dann ich mit Warheit betaure / daß vnter allenA ijmeinen4Fuͤnfter Theilmeinen Secreten / da ich hofnung zu etwas gutes in habe / dieſes mir am allerliebſten ſeye / dann ich albereit wunderliche dinge darin geſehen habe / bin auch gaͤntz - licher hoffnung / daß mir Gott der Almaͤchtige weitern Segen darzu verleihen werde.

Was nun dieſes fuͤr ein wunderbahrlicher Ofen ſeye / wie er gemacht vnd gebraucht werde / iſt nicht viel davon zu ſchreiben / dan er nicht wie andere Oefen auf - gebawt wird / ſondern findet ſich allenthalben von der Natur bereitet / vnnd dienet auch nur allein der Natur in jhrem vorhaben / vnd ſonſten zu gantz nichts anders / dann allein ein ſolches Menſtruum, welches nicht allein Golt / Silber vnd alle andere Metallen vnd Minera - lien / ja alle Edel - vnd Vnedel-geſtein / auch das Glaß ſelbſten ohne alle corroſiv vnd ſtrepitu auf-loͤſet / darin gemacht wird / vnnd iſt doch der Ofen ſelber des Men - ſtrui, vnd das Menſtruum des Ofens vrſprung vnd herkommen. Was nun das fuͤr ein wunderbahrlicher Ofen ſey / der auß eigener kraft ein ſolches Koͤnigliches Menſtruum, (der doch zuvor ſelber das Menſtruum geweſen iſt) ohne alle muͤhe vnnd arbeit gar bald vnnd leichtlich herfuͤr bringt / iſt leicht zu erachten / daß es kein gemeiner Ofen ſey / dadurch man andere dinge diſtillire vnd gleichwol ein ſo kraͤftiges / doch nicht corroſiviſches Waſſer dargiebet. Gewißlich muß es kein gemeines / vnd von jederman bekandtes Waſſer ſeyn / dan ſolches das einige iſt / welches mir bekant / das nicht corroſi - viſch / vnd doch mehr thun kan / als alle corroſiven / dan vnter allen corroſiviſchen Waſſern / wie ſie auch moͤ - gen genennet werden / als Aqua Fortis, Aqua Regis, Spiritus Vitrioli, Salis, Aluminis vel Nitri, ſo maͤchtignicht5Philoſophiſcher Oefen. nicht iſt / daß es Golt vnd Silber zu gleich / wil geſchwei - gen alle andere harte / von den ſtaͤrckeſten corroſiven / vnzerſtoͤrliche dinge (wie ſie auch nahmen haben) auf - loͤſe. Welches fuͤrwahr ein groſſes Wunder-werck der Natur iſt / daß ein ſolch gering-ſchaͤtzig / vnachtſamb / allenthalben findlich vñ verwuͤrflich Weſen / ein ſolches vngemeines / viel-geſuchtes vnd wenig erlangtes Werck verrichten kan. Jch weiß nicht was mich ſo kuͤhn ge - macht hat / davon zu ſchreiben / in deme ich wol weiß / daß ich bey den jenigen die es kennen / groſſen vndanck / als wann ich zu offen / vnd bey denen / die nichts davon wiſſen / verlaͤumbdung vnd verachtung / (gleich als wan ich keine Wahrheit geſchrieben haͤtte) erlangen werde. Dieſe vrſach mich billich ſolte von ſolchem ſchreiben ab - gehalten haben / troͤſte mich aber wieder dargegen / wei - len ich ein ſehr nuͤtzlich Werck / das manchen von ſei - nem Jrthumb auf einen guten Weg bringen moͤchte / gethan habe. Dan der mehren-theil vnter den Chymi - cis nicht glauben / daß noch ein anders Menſtruum, als obgedachte ſcharpffe corroſiviſche ſpiritus, die Me - tallen darmit auf zu loͤſen / (weilen jhnen die Natur in jhrem vermoͤgen verdeckt iſt) ſeyn koͤnne. Da doch die Philoſophi einhellig ruffen / daß man durch corroſivi - ſche ſpiritus nichts fruchtbarlichs bey den Metallen verrichten koͤnne / ſondern ſolche nur ein verderben bey jhnen verurſachen / wie auch noch taͤglich die Erfahren - heit genug bezeuget / daß ſolche ſolutiones / die mit Aqua Forti oder Aqua Regis, oder andern ſpiritibus gemacht ſeyn / alzumahl die haͤnde faͤrben / welches ein vera ſolutio Philoſophica aber nicht thut / darauß be - wieſen wird / daß ſolche ſolutiones, die die haͤnde faͤr -A iijben /6Fuͤnfter Theilben / vnter die wahre Philoſophiſche ſolutiones nicht gehoͤren / ſondern als ſchaͤdlich zu verwerffen / vnd als Gifft zu fliehen ſeyn.

Habe derohalben vielen jrrenden zur nachrichtung alhier davon etwas melden wollen. Wolle derohalben jhme niemand einbilden / als wann ein ſolch gering - ſchaͤtzig Weſen nicht mehr als corroſiviſche ſpiritus verrichten ſolte; Jch / fuͤr mein Perſohn / habe mir ſelber von erſt nicht einbilden koͤnnen / daß in eim ſo veraͤcht - lichen Menſtruo ſolche kraͤften verborgen weren / ſo lang vnd viel / biß ich durch die Experientz / die wahrheit vnd moͤglichkeit geſehen vnd erfahren habe / vnnd gehet alhier eben alſo zu / gleich wie es nun in der gantzen Welt her gehet / nemlich / daß von jederman nur das an - ſehnliche geliebet vnd geſucht / hergegen aber das gerin - ge verworffen vnd nicht geacht wird / da doch die Natur al jhr Weſen in ſchlechtheit verrichtet / man muß ſich derowegen nicht daran kehren vnd ein ding gering ach - ten / weilen es nicht bekandt vnd groß iſt.

Die Juden aͤrgerten ſich auch an Chriſto / weilen Er ſo aͤrmlich gebohren vnd gering lebete / welcher doch alles in allem war / ſie ſahen vnd merckten wol / daß Er ſolche Zeichen vnd Wunder thaͤte / welche kein anderer / als der verheiſſene Meſſias thun konte / dannoch blieben ſie bey jhrer halßſtarrigkeit beharlich / nur darumb / weil ſeine geſtalt ſo veraͤchtlich war / vnd ſo Er nicht menſch - liche Natur vnnd eine geringe geſtalt haͤtte an ſich ge - nommen / ſo haͤtte Er vnſer Mittler vnnd Verſuͤhner zwiſchen Gott nicht ſeyn koͤnnen / dann durch den Fall Adams waren wir gantz von Gott geſcheiden / alſo daß wir in Suͤnden verhartet / vnnd der Hoͤllen vnd Todegantz7Philoſophiſcher Oefen. gantz ergeben / weilen der Geiſt Gottes von vns ge - wichen / alzeit hetten verbleiben muͤſſen. Da aber das ſuͤſſe Manna vnd liebliche Thau / von Oben herab auf vnſere truckene Hertzen fiele / ſolche mit ſeinem Gnaden - reichen Wort / vnd vergieſſung ſeines theuren Bluts erquickete vnd befeuchtete / alſo balden wurden wir wie - derumb bequaͤm den Geiſt Gottes zu empfangen / wel - ches vns zuvorn vnmoͤglich war: Alſo ſiehet man klaͤrlich / daß durch der allerverachteſten vnſere verſoͤh - nung geſchehen muſte. Gleich wie nun die vbel-gelehr - te Phariſeer vnd Hohe-prieſter / ſich an dem armen vnd vnachtſamen Zimmermans Sohn ſtieſſen / vnnd Jhn fuͤr den wahren Meſſiam nicht erkennen wolten.

Alſo wuͤrde es auch geſchehen / wan man das Men - ſtruum univerſale mit nahmen nennete / niemand et - was davon halten wuͤrde / weilen es von jederman vn - achtſamb / verworffen vnd allenthalben im Koth ſtecken bleibt / (wil nicht hoffen / weilen ich die verniedrigung Chriſti alhie angezogen / daß es mir vbel auf genommen werden ſolte / dann dieſer mein Diſcurß nicht zu Chriſti verkleinerung / ſondern viel mehr zu ſeiner Ehre gerei - chet / in deme Er / vnter allen Menſchen Kindern / der aller-aͤrmſte vnnd veraͤchtlichſte / dannoch das gantze menſchliche Geſchlaͤcht / welches ſonſt kein anderer thun konte / von allen Banden des Tenfels erloͤſen muſte) al - ſo auch der Mercurius univerſalis, deme an veraͤcht - lichkeit in der gantzen Welt nicht vorgehet / wann er erſt ſelber durch den magern Tod vberwunden iſt / dem Metalliſchen geſchlecht zu gut mit ſeiner herrligkeit wieder auf ſtehet.

Alhier koͤnte ich wol einige Gleichnuͤſſen einfuͤhren /A iiijmeinen8Fuͤnfter Theilmeinen Diſcurß deſto beſſer zu erlaͤutern / wie / nemlich / ein Medium oder Mediator, zwey widerwertigen na - turen vereinigen kan / als wann man / nemlich / vom Wein oder Vrin / ſeinen reinen ſpiritum abſtrahiret / vnnd ſolchen nach der reinigung mit ſeinem eigenen Saltze wiederumb vereinigen wolte / ob ſchon beide / ſo wol der ſpiritus als Saltz / zu vorn eins herkommens / dannoch dieſelbe ohne ein Medium, nemlich Waſſer / nimmermehr koͤnnen conjungiert werden / vnd iſt al - hier das Waſſer loco mediatoris. Vor dem fall A - dams war Gott mit jhme / nach vbertrettung aber ſei - nes Gebotts / wiche die gemeinſchaft Gottes wieder von jhm / vnd bliebe jhme nichts vbriges als Erden vnd Koth / welches vnterworffen iſt jammer vnd noth / zeit - lichem vnd ewigem Tode / ſo lang bis Chriſtus Menſch worden / vnnd ſich als einen Verſoͤhner ins mittel ge - legt / haͤtte nun Chriſtus kein beide naturen gehabt / wie haͤtte Er vns vereinigen koͤnnen?

Gleicher weiſe alhier / bey oberzehlten Exempeln / das Waſſer beider naturen theilhaftig iſt / ohne welches ſon - ſten der ſubtile ſpiritus mit dem fixen Saltze nicht kan vereinigt werden. Wan es mir gezimbte vnd gut were / viel worte davon zu machen / ſo koͤnte ich leichtlich das Philoſophiſche Werck / mit der Empfaͤngnuß / Menſch - werdung / Geburt / Leben / Leiden / Todt vnnd Auffer - ſtehung Chriſti vergleichen / welches aber nicht noͤtig iſt / hab es doch nicht laſſen koͤnnen / etwas davon zu melden / moͤchte wol wuͤndſchen / daß ich die Jrdiſche Wunder - wercke mit den Himliſchen nur ein wenig vergleichen doͤrfte / ich weiß dem vnglaͤubigen Thomas wuͤrden die Augen geoͤffnet / wil ſich aber nicht ſchicken /wie9Philoſophiſcher Oefen. wie wol Moiſes / Daniel / Joſeph / vnd noch etliche an - dere Propheten / der natuͤrlichen Philoſophia vnd Ma - gia, dadurch ſo wol die Himliſche als Jrdiſche Wun - der-wercke erkandt werden / nicht vnerfahren geweſen / vnnd an etlichen orthen ſich darmit haben hoͤren laſſen / welches vnter tauſendten nicht einer / der jhre Buͤcher lieſet / in acht nimbt.

Beſchließlich / daß Gott der Almechtige / nicht nur das Groſſe vnd Anſehnliche liebe / ſondern vielmehr ni - der ſtuͤrtze / vnd das Geringe erhebe / dan Gott traͤgt kein anſehen der Perſohn oder ſeiner Creaturen / davon viel Exempel koͤnten bey - gebracht werden / die Welt / die nur das anſehnliche ſuchet vnd liebet / vrtheilet von al - len dingen falſch / darnach man ſich nicht richten ſoll / ſondern feſtiglich glauben / daß das aller fuͤrnembſte / durch gantz geringe vnnd vnachtſame dinge / verrichtet werde.

Jch haͤtte wol von dieſem Vnachtſamen Menſtruo univerſali ſeinem geringen herkommen / groſſen Kraͤf - ten / vnnd wunderbarlichem Weſen / dadurch alle Me - tallen / Mineralien / vnd Lapides, ſeine ſtrepitu radica - liter ſolvirt, unirt, vnd figiret werden / deren ſolutio die haͤnde nicht faͤrbet / conjunctio vnzertrennlich / fi - xatio vnverbrennlich iſt / ein mehrers ſchreiben koͤn - nen / weilen mir aber nicht vnbewuſt / daß man durch ſchreiben jhme nur ſelber muͤhe vnd arbeit / ja noch wol haß / neid / vnnd feindſchaft auf den halß ladet / iſt es bey dieſem verblieben / dann ſo man nur die moͤglichkeit der Natur vnd Kunſt meint zu entdecken / iſt mancher nicht zu frieden darmit / ſondern meinet / er muͤſſe alſobalden alles wiſſen / haben vnnd bey jederman bekant machen /A vwil10Fuͤnfter Theilwil man aber nicht damit herauß / ſo folget die feind - ſchaft / vnnd ſo ſolche Menſchen nur ein wenig wuͤſten / wie vielmahl einer die haͤnde verbrennen muß / ehe er et - was gutes erlanget / ſie wuͤrden anderſt geſinnet ſeyn / als ſie thun. Wolle ſich derohalben der Kunſt-liebende mit dieſem Diſcurß gnuͤgen laſſen / vnd zu frieden ſeyn / daß jhme angezeigt / was die Kunſt mit der Natur ver - mag / vnnd ſelber in der furcht Gottes fleiſſig ſuchen / ſo zweifele ich nicht / wan es auß guter meinung geſchicht / ſeine muͤhe vnd arbeit werde jhm zu ſeiner zeit reichlich belohnet werden.

Von auff-bawung der Oefen.

WJe man von Steinen vnnd Laimen / die Diſtillir - oͤfen zum erſten vnd andern theil auf bawen ſolle / iſt nicht noͤtig viel davon zu ſchreiben / dan ſolcher Buͤ - cher ſehr viel gefunden werden / die weitlaͤuftig davon handeln / darumb ſolches alhier nicht wiederholet wird / doch iſt / ſo viel zu wiſſen / daß ein vnterſcheid muß gehal - ten werden in auf-bawung der Oefen / dan ſolche Oefen darinnen keine ſtarcke Fewer gemacht werden / keine ſo ſtarcke Mauren von noͤhten haben / als die jenigen / dar - innen mit groſſem Fewer / viel ſublimirt / diſtillirt oder geſchmoltzen wird.

Zum ſublimiren vnnd diſtilliren kan man nur ge - meine Ziegel-ſteine / von Laimen gebrandt / nehmen / ſolche fein dicht mit gutem Luto ſchlieſſend oder bindend auf einander ſetzen / vnd auch die Mauren ziemlich dick machen / auf daß ſolche die waͤrme deſto beſſer vnd laͤn - ger halten vnnd vertragen koͤnne / dann ſo man ſolchesvberſicht /11Philoſophiſcher Oefen. vberſicht / hat man alzeit daran zu flicken / dan die Waͤn - de bekommen leichtlich ſpalten oder riſſe / dadurch die re - girung des Fewers verhindert wird / derowegen man wol thut / wann man eiſerne reiffe oder baͤnder darumb leget / ſo hat man des aufreiſſens des Ofens nicht zu be - ſorgen / vnnd gibt langwerende vnd beſtaͤndige Oefen. So man aber Schmeltz - oͤfen machen wil / dienen dieſe Steine nicht wol darzu / dann ſie in groſſer hitze ſchmel - tzen / vnnd nicht lang beſtehen koͤnnen / derowegen man dieſelbe von guter Fewer-beſtaͤndigen Erden / davon die Schmeltz-tiegel vnd andere gefaͤſe / die viel Fewer ver - tragen muͤſſen / davon hernach zu finden iſt / in dazu ge - machte hoͤlzerne oder blecherne formen bereiten / vnd dar - nach brennen muß / vnnd nach deme der Ofen ſeyn ſol / rund oder viereckicht / muͤſſen auch die formen / darein die Erden gedruckt / geſtaltet ſeyn / alſo / daß deren 6. oder 8. ein lege machen / doch darff der gantze Ofen nicht von ſolchen Steinen auf gemauret werden / ſondern nur ſo weit oder hoch als die kohlen zu liegen kommen / das vbrige kan nur mit gemeinen Steinen vollends auß ge - macht werden.

Wie man den Lutum zurichten ſol / mit welchem die Oefen auf-geſetzt werden.

EJn ſolcher Laimen kan auf viel vnterſcheidliche wei - ſe zugerichtet werden / dan immer einer ſein Lutum anders als der ander zu-bereittet: Etliche miſchen vn - ter geſiebten Laimen / geſchlagen Ochſen / Kuͤhen oder Hirſchen haar / oder auch wol die ſprewer von Gerſten / Agen von Flachs / Scheer-Wolle / Pferden-miſt / vnddergleichen12Fuͤnfter Theildergleichen andere dinge / die den Laimen beyſamen hal - ten daß er nicht reiſſe / darzu thun ſie auch geſiebten Sand / wann der Laimen zu fett iſt / vnnd arbeiten ſolche mixtur mit Waſſer wol vnter einander / auf ſolche haͤr - te / als zum bawen von noͤhten iſt / vnd helt dieſe mixtur ſehr wol vnnd reiſſet nicht / wird aber mit der zeit gantz muͤrb / dann die haar / oder ſprewer verbrennen ſich / da durch der Laimen luͤck vnnd bruͤchig wird / vnnd nicht lang halten kan.

Etliche laſſen ſolche verbrennliche dinge herauß / vnd miſchen oder temperiren den Laimen vnnd Sand nur allein mit Saltz-waſſer / vnd bawen darmit jhre Oefen / helt ſehr wol / verbrennet nicht ſo bald / wie der erſten / vnnd reiſſet gleichwol auch nicht / dann das Saltz bindet vnd verhindert das reiſſen / darzu iſt auch gut die Lacke oder Saltz-waſſer / welches von ein-geſaltzen Fiſch oder Fleiſch vberbleibt / weilen das Blut auch mit binden hilft / ſo man aber das Caput mortuum, wie es genen - net wird / vom Vitriolo oder Aqua forti haben kan / ſol - ches mit Waſſer weich machet vnnd vnter den Laimen vnd Sand miſchet / thut man beſſer / dan dieſes Lutum gantz nicht reiſſet / vñ ſehr wol im Fewer haͤlt / damit man auch Retorten / Kolben von Erden / oder Glaß lutiren oder beſtreichen kan / die man zum diſtilliren gebrauchen wil / auch koͤnnen die fugen des Retorten vnd Recipien - ten damit bewahret werden; helt wol / vnd laͤſſt ſich / nach der diſtillation, mit eim naſſen Tuch / das man darumb leget / wieder gern erweichen vnnd abmachen / wie auch dieſer thut / darein Saltz kommen iſt / andere aber / darin kein Saltz komvt / ſeind vbel zu erweichen / vnd werden bißweilen die Glaͤſer damit zerbrochen / ſo man aberdieſe13Philoſophiſcher Oefen. dieſe oberzehlte dinge nicht haben kan / ſo iſt genug den Laimen vnd Sand / nur mit einem Saltz-waſſer bereit - tet / helt wol die Oefen damit auf zu bawen. Sonſten thun auch etliche Hammer-ſchlag / geſtoſſen Glaß / Kiß - ling / vnd noch andere dergleichen dinge vnter dern Lai - men / in meinung daß er deſto beſſer im Fewer halten ſoll / iſt aber nicht noͤhtig zu den Oefen zu gebrauchen; doch ſo man Glaͤſer / darinn zu ſcheiden oder darauß zu diſtilliren / darmit beſchlagen wil / kan es nicht ſchaden / ſondern iſt gut / dan ſonderlich der Hammerſchlag / wei - len das Saltz daran arbeitet / wol bindet vnnd lang haͤlt.

Wie man weiters die Fugen bewahren ſol / daß die ſubtile ſpiritus nicht durch gehen.

DJeſes ob-beſchriebene Lutum iſt gut genug / die Fu - gen an den diſtillir oder ſublimir gefaͤſen des er - ſten Theils darmit zu verwahren / da die ſpiritus lufft haben vnnd ſteigen koͤnnen / derohalben nicht durch zu gehen ſuchen. Bey den andern Oefen aber / darinnen penetrirliche ſpiritus gemacht werden / iſt er nicht gut gnug / dan er nicht gnug haͤlt / ſondern laͤſſet die volati - liſche ſpiritus durch-gehen / welches ein groſſer Schade ſeyn wuͤrde / wan der beſte Theil verlohren ginge / derent - halben man einen andern darzu haben muß / doch wan ſolcher wol trucken worden iſt / vnd man mit einem pin - ſel / klein gerieben oder gemahlen / vngeloͤſchten Kalck mit Lein-oͤhl daruͤber her ſtreicht / alſo daß der luͤcke Lai - men ſolches wol in ſich ſchlucke / ſo wird das Lutum da - von hart / vnnd laͤſſt keine ſpiritus durch-gehen / iſt aber nach der diſtillation nicht wol wieder ab zu thun / danner14Fuͤnfter Theiler das Waſſer nicht gern annehmen wil / vnnd ſich er - weichen laſſen / welcher aber ſonſten ſehr wohl haͤlt / dero - wegen man nur den Laimen mit Eyer-weiß anmachen kan / auf ein Tuͤchlein ſtreichen vnnd die Fugen damit verbinden; ſo man aber ein ſolche diſtillation thaͤte / daß der Halß des Recipienten vor groſſer hitze ſolte zu heiß werden vnd die tuͤcher verbrennen / ſo muß man ei - nen halß oder roͤhren von guter Erden oder Glaß / zwi - ſchen dem diſtillir-gefaͤß vnnd Recipienten legen / auf daß das Lutum nicht durch die hitze verderbe / vnnd der ſpiritus außgehe vnnd verlohren werde: Auch koͤnnen die Fugen mit Ochſen-blaſen / die in geſchlagen Eyer - weiß genetzet / oder auch nur Steifſel auf Papier ge - ſtrichen / vnnd etlich mahl vber einander gebunden / ver - wahret werden / haͤlt alle ſubtile ſpiritus, doch muͤſſen ſie nicht corroſiviſch ſeyn; zu den corroſiviſchen aber dienet am beſten dieſer / darunter die Remanentz / davon ein Aquafortis diſtilliret iſt / gemiſchet / vnnd wann er trucken / mit Lein-oͤhl vnd Kalck vberſtriechen.

Solcher vnd dergleichen werden viel vnd mancher - ley gebraucht / nach deme man jhrer vonnoͤhten hat.

Ein ander Lutum, auf gebrochene Glaͤſer.

ES kompt bißweilen / daß ein Recipient oder ander Glaß von ſtoſſen / fallẽ / oder hitze einen Riß bekompt / vnd doch ſonſten noch gut iſt; ſolche ritze aber / wann die Glaͤſer hernach wieder in der diſtillation warm wer - den / forth gehen / groͤſſer werden vnnd endlich gar zer - brechen / deme vor zu kommen / mache einen duͤnnenLutum15Philoſophiſcher Oefen. Lutum von Lein-oͤhl / vngeloͤſchten Kalck vnnd Mini / ſtreich jhn auf ein tuͤchlein / leg es daruͤber vnnd laß es truckenen / darnach wieder ein anders darauf / vnd wan der Riß groß iſt / kan es nicht ſchaden / daß deren tuͤchlein 3. oder 4. auf einander kommen / haͤlt deſto ſtaͤrcker vnd laͤſſt nicht weiters einreiſſen / oder man kan Eyer-weiß zu Waſſer klopffen / leinen tuͤchlein darin netzen / vnnd auf den Riß legen / dann alſo bald geſiebten guten vnge - loͤſchten Kalck darauf zetteln / mit der hand hart darauf drucken / vnnd wieder ein ander tuͤchlein / mit Eyer-weiß genetzet / darauf / mit Kalck beſtrewet / alſo laſſen tru - cken werden / haͤlt auch ſehr wohl / doch wird dieſes lie - ber von den corroſiviſchen ſpiritibus angrieffen / als das erſte nb. Man muß den Kalck nicht mit dem Eyer - weiß miſchen vnnd auf tuͤchlein ſtreichen / wie etliche thun / es taug gantz nichts / dann das Eyer-weiß wird hart von dem Kalck / ehe es recht vnter einander ge - miſchet wird / derohalben nicht ankleben oder halten wil / ſondern muß alſo erſt das naſſe tuͤchlein / vnnd her - nach auf das tuͤchlein der Kalck geſtraͤuet werden / wan das tuͤchlein ſchon auf dem Glaß liget / alſo / daß der Kalck nicht auf das Glaß / ſondern zwiſchen die beide tuͤchlein komme.

Wie man die ſubtile ſpiritus bewahren ſol / daß dieſelben / wan ſie bereittet ſind / nicht verriechen.

DJe Glaͤſer darin die ſpiritus gemeinlich behalten werden / pflegt man mit einem Stoͤpffel von Kurck oder Wachß / vnd endlich mit einer Blaſen vber-bun -den /[16]

17Philoſophiſcher Oefen. den / zu bewahren / iſt zwar gut zu etlichen ſpiritibus, die das Kurck oder Wachs nicht angreiffen / dann alle cor - roſiviſche ſpiritus, als Vitrioli, Aluminis, Salis com - munis, Salis nitri, &c. zerfreſſen den Kurck / vnnd alle Urinoſiſche / als Cornucervi, Tartari, Salis-armonia - ci, Urinæ, Vini, &c. erweichen das Wachs vnnd gehen durch / vnnd ob man ſchon noch andere ſtoͤpffel machen koͤnte / die beiderley Spiritus halten koͤnten / ſo iſt es doch muͤhſamb / alzeit ſo viel Werck zu haben / die Glaͤſer auf vnd zu zu machen. Habe derohalben den dingen beſſer nach gedacht / vnnd Glaͤſer machen laſſen / oben mit ei - nem Faltz / darein ſich ein Deckel ſchlieſſe / wie bey-ge - ſetzte Figur außweiſet / [als zum Exempel / A der De - ckel / B das Glaß / C der Heber / damit man die ſpiritus herauß hebe] in welchen Faltz man Mercurium currentem leget / vnd den Deckel darauf ſetzet / ſo laufft alſobald der Mercurius neben dem Deckel in dem Faltz herumb / vnd ſchleuſſt ſo dicht / daß auch das allergering - ſte nicht außriechen kan / dann der ſpiritus gehet nicht durch den Mercurium (nb.) So aber der ſpiritus gar zu corroſiviſch were / wuͤrde er mit der zeit den Mercu - rium in dem Faltz auch zu Waſſer machẽ / welches aber in langer zeit nicht geſchicht / vnnd ſo ſolches geſchaͤhe / kan er einmahl vernewert werden / darzu iſt auch nicht noͤhtig / daß man corroſiviſchen ſpiritibus ſolche Ehr anthue vnd ſo fleiſſig beware / weilen dieſelben ſo koͤſtlich nicht ſeyn / die volatiliſche / welche von den corroſivi - ſchen abſtrahiret ſeyn / greiffen den Mercurium nicht an / vnd noch viel weniger die urinoſiſchen / derent-wil - len mehrentheils dieſe Glaͤſer erfunden ſeyn; koͤnnen alſo auf dieſe weiſe die aller-ſubtileſten ſpiritus, ohne einigeBver -18Fuͤnfter Theilverliehrung jhrer kraͤften / ſo lange man wil / wol vnnd gut behalten werden / vnnd weil man aber auß ſolchen Glaͤſern die ſpiritus, wan man deren vonnoͤhten hat / nicht außgieſſen kan / dann auß dem Ranft der Mercu - rius mit fallen wuͤrde / alſo muß man ein Glaͤßlein darzu machen laſſen / an geſtalt eines Hebers / damit man die Weine auß den Faͤſſern hebet / doch kleiner / mit einem Baͤuchlein vnnd ſehr ſpitzigen Muͤndlein; welches Glaß man in den Spiritum helt / vnnd ſo viel hinein laͤſſt gehen / als man haben oder gebrauchen wil / vnd wan man mit dem Finger das ober-theil des Glaͤß - leins zu haͤlt / ſo laͤufft nichts herauß / vnd kan man auß dem Glaͤßlein den Spiritum in ein beſonder Glaͤßlein lauffen laſſen vnd gebrauchen; den vbrigen Spiritum muß man dan alſobald wieder zu decken / ſo bleibt er al - zeit gut / vnnd ſo oft man etwas davon gebrauchen wil / ſolches mit dem glaͤſern Heberlein herauß nehmen. Dieſes iſt nun der beſte Weg / der mir bewuſt / ſubtile ſpiritus vor exhaliren zu behalten.

Wie wohl dieſes auch nicht boͤß iſt / wann man ſolche in Glaͤſern bewahret / darauf geſchlieffene Staͤmpfel von Glaß gemacht ſeyn; halten auch alle ſpiritus, ko - ſten aber viel mehr als die erſten / weilen das ſchleiffen muͤhſam iſt / vnd geſchicht ſolches alſo.

Wie man die Stoͤpffel von Glaß / in die Glaͤſer ſchleiffen ſol / die ſpiritus darin zu halten.

LAſſe dir in einer Glaß-huͤtten allerhand Flaͤſchen / groß vund klein blaſen / mit einem ſtarcken Halß vndMund /19Philoſophiſcher Oefen. Mund / darzu auch Glaͤſerne Stoͤpffel / die ſich darein ſchicken / vnd wann du die Stoͤpffel dicht machen vnnd ſchleiffen wilt / ſo accommodire dieſelben in ein Holtz ge - faſſt an ein Traͤhe-banck / laß ſolchen vmblauffen / vnnd halte die Flaͤſche mit dem Mund dargegen / alſo daß der Stoͤpffel / der zuvor mit gemahlen Schmirgel vnnd Waſſer angefeuchtet ſey / juſt in der Flaͤſchen Mund gehe vnnd darin herumb lauffe / vnnd muß zum oͤftern die Flaͤſche / die man in den Haͤnden hat / von dem Stoͤpffel / der an der Traͤhe-banck feſt iſt / abgenommen werden; mit einem Pinſel oder Feder mehr angefeuch - ten Schmirgel daran thun / vnnd laſſen vmblauffen / ſo oft wiederholet das anſtreichen des Schmirgels / biß du ſieheſt / daß der Stoͤpfel ſich wol in die Flaͤſche ſchlieſſe / wan ſolches geſchehen / ſo fege den Schmirgel mit ei - nem reinen Tuͤchlein ſchoͤn vnnd ſauber auß der Flaͤ - ſchen Mund vnd Stoͤpfel / vnd ſtreiche geſchabten Trip - pel oder ein ander fein geſchleimte Erden mit Waſſer oder Oel angefeuchtet daran / vnd laß wieder ſo lang ſchleiffen mit oͤfterm anſtreichen des naſſen Trippels / biß der Stoͤpffel gantz glat vnd hel pallirt iſt; wan ſolches geſchehen / ſo binde denſelben mit eim Band an die Flaͤ - ſche / auf daß er nicht verwechſelt werde / damit man die Glaͤſer dicht zu macht / daß kein Spiritus darbey auß - gehen mag.

Auf daß du aber ſo viel von dem Stoͤpffel vnd Flaͤ - ſchen nicht ſchleiffen darfſt / ſo laß dir von Kupffer eine Form machen / darein der Glaͤſern Zapffen / wann er noch weich iſt / vnd erſt auß den Ofen kompt / geſtoſſen / vnd fein rund werde; deßgleichen kan man auch ein ge - gen - huͤlſen von Kupffer machen laſſen / welchen manB ijin20Fuͤnfter Theilin der Flaͤſchen Mund ſtecke / vnd denſelben damit rund mache / weil er noch weich iſt / auf daß man hernach den Stoͤpffel in das Glaß deſto eher vnnd leichter dicht ma -

chen koͤnne: [Als bey Exempel / A der Stoͤpf - fel / B das Glaß] Vnd ſo du wol damit weiſt vmb zu gehen / koͤnnen ſie gar geſchwind behaͤb ge - macht werden: Weilen aber nicht ein jedweder eine Traͤhe-banck hat / daran er den Stoͤpffel auf das Glaß ſchleiffe / ſo kan man nur alſo thun / iſt eben gut / gehet aber etwas laͤngſamer zu / iſt aber dagegen auch wieder ſicherer / als das vorige mit der Banck / daran bißweilen / wann man zu ſehr eilet / die Glaͤſer warm werden vnd ſpringen.

Vnd geſchicht alſo; man macht ein beſonder Jnſtru - ment von Holtz oder Eiſen / darin man die Flaͤſche faſſen kan / ſetzet dieſelbe hinein / ſchraubet das Jnſtru - ment fein lind zuſamen / auf daß die Flaͤſche / welche in Tuͤcher gewickelt / nicht da von zerbreche / vnnd weilen das Jnſtrument auf ein Banck geſchraubet / kan es ſich nicht bewegen / ſondern muß vnverruckt ſtehen bleiben.

Darnach machet man den Zapffen in ein beſonder Holtz [als bey Exempel / A der Treiber mit dem Recip. vnnd B das Glaß mit dem andern Recip. ]

(welches ſich in der mitte von einander thut / vnd wieder zuſchrauben laͤſſt) auch feſt / vnd ſtreiche auf den Zapf - fen Schmiergel / mit Waſſer angefeuchtet / wie oben ge - meldet; nimbt das Jnſtrument / darein der Zapffen ge - faſſt / mit beiden haͤnden / vnnd reibet damit den ZapffenB iijin22Fuͤnfter Theilin der Flaͤſchen Halß ſtaͤtig vmb vnnd vmb / gleich als wie die Kupffer-gieſſer thun / wann ſie die Kranen dicht machen / die man in die Wein - oder Bier-faͤſſer ſtecket / vnd muß ſolches vmbreiben ſo lang geſchehen / biß der Stoͤpffel wol darein ſchlieſſe; darnach aufs new wieder mit Trippel gethan / ſo wird es dicht vnd gut / gleich als wan es an einer Traͤhe-banck gethan were.

Auf dieſe weiſe muͤſſen auch die groſſen Glaͤſernen Recipienten / zu dem erſten Ofen gehoͤrig / in einander geſchlieffen werden / auf daß man dieſelben nicht verlu - tiren darf / wie oben davon gedacht worden. Deßglei - chen werden auch die Stoͤffel in die Phiolen geſchliffen / darin man etwas figiren wil / auf daß man ſolche nicht verlutiren darf / ſondern nur den Stoͤpffel darein ſetzet / vnd ein Bleyern huͤtlein darauf hencket / wofern die ſpi - ritus durch vbel regierung des Fewers zu ſtarck getrie - ben wuͤrden / das Glaß nicht zerſpringe / ſondern den Stoͤpffel etwas aufheben vnnd luft ſchoͤpffen koͤnne / weilen dan ſolcher mit einem Bleyern huͤtlein beſchwe - ret iſt / alſobald wieder darauf ſitzet vnd die Phiol wie - der geſchloſſen iſt / vnnd iſt dieſer modus die Phiolen zu ſtopffen / viel beſſer / als wann ſolches mit Kurck / Wachs / Schwefel oder andern dingen geſchehen were; dann wann ja vberſehen wird / daß das Fewer zu ſtarck gehet / gleichwol das Glaß nicht brechen kan / ſondern ſo oft der ſpiritus zu viel werden / der Stoͤpffel nur ein wenig außlaͤſſt / vnnd das Glaß gantz bleibet: Wiewol nun dieſer modus beſſer als der bekandte iſt / ſo iſt doch noch ein beſſerer / die ſpiritus zu halten / vnnd doch kein Glaß brechen kan. Nemblich dieſer / daß man eine trumme glaͤſerne Roͤhren machen laſſe / nach beygeſetz -ter Fi -23Philoſophiſcher Oefen. ter Figur; in welches Bauch man ein oder zwey loth Mercurii vi - vi leget / vnnd ſetzet dieſe Sack-roͤhren mit dem Mercurio auf die Phiol / darin die materi zu figi - ren iſt / [als zum Exem - pel / A die Sack-roͤhre / B die Phiol / vnnd oben von dem Bleyerne huͤt - lein A, mit der Phiol B vermeldet iſt /] vnnd verlutire ſolche auf die Phiol / darin deine mate - ri zu figiren iſt / ſo kan die Phiol nimmermehr bre - chen.

nb. Dieſe ob erzehlte weiſe / die Glaͤſer vor dem zerbrechen zu be - wahren / ſeind zwar an ſich ſelber gut / bey denen /

die auf keinem rechten Weg ſeind / vnnd ſich mit aller - hand diſtillirten ſpiritibus, der Salien / Mineralien vnd Metallen zu figiren martelen vnd quaͤlen; welche / ſo dieſelbe ſchon durch lange zeit / mit vielem koſten fix gemacht dannoch das jenige nicht thun / was von jhnen verhoffet wird / in dem ſolche fixationes durch gewalt vnd zwang geſchehen ſeyn / die der Natur entgegen; wo man aber etwas nuͤtzliches in figirung derB iiijGeiſter24Fuͤnfter TheilGeiſter zu hoffen hat / muß die Natur gefolgt werden / vnnd nicht alſo plumb darein gedapt / dann nur die vn - weiſen in jhrer vermeinten Tinctur viel Glaͤſer zer - brechen die Philoſophi aber nicht / dan alles das mit ge - walt geſchicht / iſt der Natur entgegen / vnnd alles was mit der Natur gehet / geſchicht auß liebe; derohalben all die jenigen irren / vnnd zu keinem guten Ende nimmer - mehr gelangen werden / die jhre fixationes mit gewalt vermeinen zu verrichten.

Jch kan nicht glaͤuben / wann man halb oder gar ge - toͤdtete corpora zwingen wolte / daß dieſelben ſich mit ein ander vermiſchen vnnd vermehren ſolten / geſchehen wuͤrde; das aber glaub ich wol / wann ein lebendiger ge - ſundter Man mit einem lebendigen geſunden Weib / zuſamen behoͤrlich wol geſpeiſet vñ getraͤncket wuͤrden / daß beider angebohrne Natur die vermiſchung vnnd forth-pflantzung ſelber / ohne zwang / verurſachen. Ja lieb vnd leid bey einander außſtehen / vnnd bey einander leben vnnd ſterben; jene aber die todt ſind / vnnd mit gewalt zuſammen gebracht / alzeit todt bleiben wuͤrden; dann ſehet doch an / wie viel wunderbahrliche Jnſtru - menta von Golt / Silber / Kupffer / Eiſen / Zin vnnd Bley / wie auch von Erden / Glaß / Stein / vnd andern Materialien formirten geſchirren / hat man doch ge - ſucht den armen Mercurium mit gemeinem Gold vnd Silber zu figiren / vnnd Fewer-beſtaͤndig zu machen / aber niemahls hat gluͤcken wollen / weilen beide nicht zu - ſammen gehoͤren / vnd keine angeborne liebe zuſammen tragen; dann ob ſchon der Mercurius den Metallen an - haͤngt / oder die Metallen jhme / ſo geſchicht doch ſolches nicht / als wann dieſelben zuſammen gehoͤrten / vnd einsdem25Philoſophiſcher Oefen. dem andern zur verbeſſerung vnd forthpflantzung helf - fen koͤnte / gantz nicht / weilen gnug bekant iſt / wan ſolche conjunctio das Fewer empfindet / der Mercurius im geringſten bey dem Golt / Silber oder andern Metallen bleiben wil / noch kan / ſondern ſich gaͤntzlich davon ſcheidet / welches genug anzeigt / daß kein angebohrne Liebe zur vermehrung zwiſchen jhnen ſey / vnnd auch nimmermehr werden kan; die jenige Dinge aber / die zuſammen gehoͤren / lieben auch einander / vnd weichen nicht wieder von einander / wann dieſelbe auch noch ſo fluͤchtig weren / gleich wie der Mercurius bey dem Golt vnd Silber communi thut / ſondern halten alſo zu - ſammen / daß auch das Fewer mit al ſeiner macht ſo ſtarck nicht iſt / ſolche wieder zu trennen oder ſcheiden; darumb man wol in acht nehmen muß / wann man et - was figiren wil / ob es auch zuſammen gehoͤre oder nicht / findet man ſolches / ſo darf man ſich nicht vmbſehen wo man Glaͤſer mit langen haͤlſen hernehmen woͤlle / die - ſelben zu figiren / ſie werden ſich ſelber halten vnnd bin - den / weilen eins zum andern gehoͤret; ſo du aber ſolche Dinge nicht kenneſt / ſo bleibſtu beſſer davon / vnnd laſſe dein kochen verbleiben / dan doch nichts gutes auß kom - men wird / wie ich vnnd andere ſolches mit ſchaden ge - nug erfahren haben / vnd noch taͤglich von vnzaͤhlichen erfahren wird; daß du mich aber beſſer verſteheſt was zu - ſammen gehoͤre vnnd ſich im Fewer behalte / ſo mercke dieſes.

Nemlich / ſo jemand gemein regen - oder ander Waſ - ſer auf Golt / Silber oder ein ander Metall gieſſen wolte / in meinung / ſolche beide zuſammen zu figiren; wuͤrde nicht jederman ſeiner ſpotten / vnnd ſagen / daß erB vein26Fuͤnfter Theilein naͤrriſch Werck vor haͤtte? Jch glaub ja / er muͤſte dan ſelber ein Narr ſeyn: Siehe nun / lieber Sucher der Kunſt / wie vnverſtaͤndig doch in dieſen wichtigen Dingen gehandelt wird / dann der mehrentheil Zeit bey den Gelt - geitzigen Al - gemiſten mit ſolchem lumpen werck zugebracht wild / dahero ſie auch einerndten was ſie geſaͤet haben / vnd endlich nach viel erlittener muͤhe / arbeit / geſtaͤnck vnd wachen / das Werck als vntuͤchtig muͤſſen ligen oder ſtehen laſſen. Ob nun ſchon eben kein gemein Waſſer dazu genommen wird / ſo habe ich doch viel mahl geſehen vnnd gehoͤrt / daß etliche den Majen-Taw / Schnee oder Regen / der im Mertzen ge - fallen / Waſſer / welches von den Stern-butzen / etlichen Kraͤutern / Thieren vnd andern zu ſolchem Werck vn - tuͤchtigen dingen gediſtillirt worden / fuͤr jhr Menſtruum gehalten / vnd darin geſudelt: Wie nun dieſe oberzehlte Dinge vnmoͤglich mit einem Metall radicaliter zu conjungiren ſeyn / alſo wird auch in ewigkeit nichts gu - tes darauß koͤnnen gemacht werden / dan ſie ſo weit von einander ſeyn; vnd iſt eben als wolt einer ein hohe oder lange Leiter auf ſteigen / welche viel ſproſſen haͤtte / vnd von der vnterſten auf die oberſte ſchreitten / welches dan nicht geſchehen wuͤrde; alſo iſt auch vnmuͤglich / Dinge zuſammen zu fuͤgen / die weit in jhrer Natur von einan - der ſeyn. Gleich wie man aber algemach ohne gefahr eine ſehr hohe Leiter gantz gemaͤchlich / wan man / nem - lich / von einem ſproſſen auf den andern ſchreittet / auf - ſteigen kan.

Alſo auch geſchicht / wann man ja die extrema, wel - ches doch vnnoͤtig / wolte zuſammen bringen / erſtlich das jenige in eine ſolche materi, die jhme am nechſtenverwandt /27Philoſophiſcher Oefen. verwandt / bringen muͤſte; hernacher ſolche wieder mit einer / die jhme am naͤchſten were / vnd alſo forthan / ſolte es wol geſchehen koͤnnen / aber in einer ſehr langen Zeit / ohne nutzen vnd gewin. Derohalben man ſolche Din - ge zuſammen ſetzen ſolte / die einander nahe verwandt ſeyn / ſo wird ſich eines des andern erfrewen / gern em - pfangen / vberwinden vnd behalten.