Paragraphus I.

DJeſes erſte Stuͤck iſt vielen Menſchen gar frembdt vorkommen / in deme zu vor niemahls der gleichen Sachen in Schrifften gedacht worden. Etliche / wel - chen der gemeine Modus deſtillandi bekandt war / mei - neten vnd bildeten jhnen ein / wann etwas (welches Spi - ritus ardentes in ſich haͤtte) in einen Brennkeſſel ge - than wuͤrde / daß es nicht fehlen koͤnte / das Fewer muͤſte ſolche vber-treiben vnd in der Remanentz gantz vnd gar keine Spiritus mehr ſeyn oder bleiben laſſen: Dieſes iſt jhrer Einfalt vnd vnwiſſenheit gar wol zu zugeben / inA vdeme10Annotationes vber den Appendicemdeme ſolche Leute jhres Thuns keine rationes zu geben wiſſen / ſondern alſo bloß vnd ohne Nachdencken / das je - nige / was ſie bey andern geſehen haben / nach thun / vnd auch jhnen im geringſten keine Gedancken machen / daß ein naͤherer Weg ſolche Spiritus zu machen / ſeyn koͤnne / mit welchen ich auch allhier keinen Streit wil anfan - gen / ſondern nur allein kuͤrtzlich erinnern / auff was Weiſe vnd Wege / alles Korn - vnd Baumfruͤchten mehr Spiritus, als auff gemeine vnd bekandte Weiſe geben koͤnnen / oder auffs wenigſte neben dem Spiritu, wan er abgezogen iſt / noch etwas anders aus dem hin - derſtelligen (welches die Materi davon der Spiritus ge - machet / bezahlet / vnd alſo der Brandtewein dardurch gar wenig vnd bißweilen auch gar nichts zuſtehen kom - me / vnd geſchicht auff dieſe Weiſe.

Es iſt bekandt genug daß alle vegetabilien, als Korn / Hecken - vnd Baum-fruͤchten / ja alles Graß vnd Kraͤu - ter / durch vorhergehende præparation vnd fermenta - tion, einen Spiritum ardentem geben / aber jmmer eins mehr vnd beſſer als das ander / nach deme es reiff oder vnreiff / fett oder mager in ſeiner Natur iſt: Dan je fetter oder ſuͤſſer dieſelbe ſeyn / je mehr Spiritus ſie geben / vnd je ſaͤurer / vnreiffer vnd magerer / je weniger Spiritus, vnnd ſolches erſt nach vorhergehender fermentation, durch welche die ſuͤſſigkeit oder fettigkeit dahin gebracht wird / daß ſie hernach in der Diſtillation einen Sp. arden - tem geben koͤnne / welches vor der fermẽtation vnmuͤg - lich were: Weilen dan klar genug iſt / daß die vegetabili - ſche Dinge ohne vorhergehende fermentation keinen ſp - ardentem geben koͤnnen / alſo folget daraus / daß die fer - mentation allein vrſach ſey / daß dieſelbe einen Sp. gebenkoͤn -11des Fünfften Theils / Ph. Oefen. koͤnnen / derohalben das einige Mittel iſt / viel Spiritus zu erlangen / wann man die vegetabilien wol kan jaͤhren machen / dardurch ſie bequaͤm gemacht werden / her nach jhren Spiritum gern in der Deſtillation von ſich zu ge - ben vnd je beſſer dieſelbe fermentiren / je mehr Spiritus ſie auch geben / weilen dann die gemeine Weiſe / ſolche Fruͤchten an zu ſetzen / heben oder ſermentiren zu machen ſo kraͤfftig nicht iſt / daß dadurch aller Spiritus koͤnte er - hoben werden / alſo bleibet der meiſte Theil zuruͤck in dem Keſſel / welches bißhero zu nichts anders hat koͤnnen ge - braucht werden / als die Schweine dar mit zu meſten / iſt aber nicht der rechte Weg / dan aus denſelben zu vorn erſt die Fettigkeit ſolte benommen vnd entweder mehr Spiri - tus, Bier oder Eſſig darvon gemacht / vnd dan die Tre - ber den Schweinen geben werden / ſo vnd auff dieſe Weiſe kan doppelter Nutzen davon kommen / vnd iſt da - bey zu wiſſen / daß ſolche Arbeit in einem gemeinen Brennkeſſel / darinnen die Fruͤchten anbrennen / vnd ei - nen vnlieblichen Geruch vnd Geſchmack erlangen / nicht geſchehen kan / ſondern ſoll vnd muß in einem andern Jnſtrument gethan werden / welches alſo beſchaffen ſey / daß es vnmuͤglich iſt daß etwas (wie dick es auch were) darinn anbrennen koͤnne / durch welches Mittel ein lieb - licher vnd durch die ſecrete fermentation viel Brante - wein erlanget wird: Alſo haſtu nun genug verſtanden / wie es nemblich hergehen muͤſſe / wann man aus Korn oder andern Fruͤchten mehr vnd beſſern Brantenwein / (dardurch doppelter Gewinn kompt) nemblich / durch ein beſondere vnd ſecrete fermentation vnd einen beſon - dern vnd bißhero noch vnbekandten Brennkeſſel erlan - gen koͤnne.

II.

Allhier hat es eine andere Gelegenheit mit dieſem Pa - ragrapho, als mit dem vorhergehenden / dan der vorher - gehende bezeuget / daß mehr vnd beſſere Spiritus aus dem Korn vnd Baumfruͤchten / als auff gemeine Weiſe koͤnnen gebracht werden; Dieſer aber ſaget / daß gute Ge - traͤncke / dem natuͤrlichen Wein gleich / darauß zu machen ſeyen / vnd auch nicht einerley Geſchmacks / Geruchs / Farb vnd Arth / ſondern vnterſchiedlichen / nach deme man will / als gute Tiſch-Weine / dem Reiniſchen oder Frantzoͤſiſchen gleich / oder aber etwas fettere vnd ſuͤſſere / dem Spanniſchen gleich / vnd darzu viel Jahr beſtaͤn - dig / vnd zu allem / darzu ſonſten andere von Trauben ge - machte Weine dienen / auch zu gebrauchen / alſo / daß da - rinnen gar wenig Vnderſcheidt kann geſpuͤret werden / welches fuͤrwahr eine ſehr nuͤtzliche vnnd der gantzen Welt dienſtliche Kunſt iſt; Dan ein klarer Tranck / als Wein / einem truͤben oder laffen Bier weit vor zu ziehen iſt; vnd ob ſchon jemand ſagen moͤchte: Ein ſolcher Tranck / welcher aus dem Korn gemacht iſt / ob er ſchon an Geſchmack vnd Farb einem Wein gleich / gleich - wohl kein rechter Wein iſt / weilen keine Trauben darzu kommen / ſondern nur fuͤr ein gut / geſund / vnnd wohl - ſchmeckend klar Bier kan angenommen werden. Dieſer ſoll wiſſen / daß ich der erſte nicht bin / welcher ſolchen Getraͤncken / die einem Wein am Geſchmack vnd Farbgleich13des Fuͤnfften Theils / Phil. O. gleich ſeyn / einen Wein-Nahmen geben habe / dann bekandt genug iſt / daß jedermann den außgepreſſeten Oepffel oder Biren Safft / Oepffel oder Biren / Moſt / vnd Wein nennet / vnd ſolches nicht vnbillig / dann wan zwey Dinge einander in allen Proben gleich ſeyn / wa - rumb ſolten ſie auch nicht einen Nahmen fuͤhren moͤ - gen. Wird doch allendhalben bey den Brandtenwein - brennern das jenige / was vom Korn gemacht iſt / Korn - wein geneñet / vnd ſo ſie recht damit wuͤſten vmbzugehen (welches jhnen bißhero iſt verborgen geblieben) wuͤrden ſolche Korn-weine / deme / welcher aus Wein / oder Weinmutter gemacht iſt / gar nichts; oder aber gar we - nig in allen Proben bevor geben / welches aber (meines wiſſens) noch von niemand / als von mir iſt practiciret worden: Wolle jhme derohalben niemand einbilden / als wans vnnatuͤrliche Dinge weren / ſondern den Sa - chen fleiſſig nach-dencken / oder ſich bey den jenigen er - kuͤndigen / die davon Erkandtnus haben / ſo werden ſie erfahren / daß es vber die Maaſſen nuͤtzliche vnd noth - wendige / ſchoͤne Wiſſenſchafften ſeyen / damit man nit al - lein ſeinem Naͤchſten dienen ſondern auch ſich vñ die ſei - nigen / ſelber reichlich damit verſorgen kan: Dan was es fuͤr ein annehmlich vnd lieblich Weſen ſeyn wuͤrde / wan in den kalten Laͤndern / da kein Wein / wegen Kaͤlte wach - ſen kan / vnd mit groſſem Vnkoſten von weit abgelegenen Laͤndern muß geholet werden / jemand aus Korn oder Baumfruͤchten einen lieblichen klaren / beſtaͤndigen vnd geſunden-Tranck oder Wein zu machen wuͤſte? Gewiß - lich / wan ſchon die Menſchen lieber ein truͤb Bier / deſſen ſie gewohnet ſeyn / trincken wolten / ſo were es doch fůr die Krancken vnd alte verkalte Manns vnd Weibs per -ſohne /14Annot. vber den Appendicemſohnen eine herrliche Labung vnd Erquickung in jhren alten Tagen / darzu kan auch ein lieblicher vnd klarer Eſ - ſig / einem guten Weineſſig gantz gleich / welcher auch einem truͤben Bier-Eſſig weit vor zu ziehen iſt / aus ſol - chem Wein gemacht werden; vnd ob ſchon jemand ſagen wolte / aus aͤpffeln vnd biern Weine zu machen / iſt nichts fre mbdes / ſondern wiſſens vnd koͤnnens alle Menſchen thun; ſolche aͤpffel vnd biern Weine kommen zwar in et - lichen Dingen mit eim anderm Wein / der aus Trauben gemacht iſt / vberein / aber in etlichen gantz nicht / dann dieſelbigen nicht beſtaͤndig ſeyn / ſondern nur ein halb Jahr oder auffs laͤngſt ein Jahr vnverdorben waͤhren koͤnnen / vnd roth / lang / zaͤh vnd ſchimlicht werden / ver - liehren jhren Geſchmack / vnd ob ſchon Eſſig daraus wird / ſo iſt er doch keinem Wein - Eſſig gleich / ſondern wird mit der Zeit auch roth / lang vnd ſtinckend / derohal - ben bey weitem nicht ſo gut iſt / als von Trauben ge - macht. Dieſes ſtehe ich zu vnd bekenne mit / daß ein Apffel oder Biern-Wein / welcher auff gemeine Weiſe gemacht iſt / einem Wein aus Trauben / nicht gleich ſeyn kann: Dan den aͤpffel / biern vnd andern baum - fruͤchten mangelt etwas / welches die Weintrauben ha - ben / vnd haben auch etwas zu viel / welches die Trauben nicht hahen / derenthalben auch ſolche Weine einander nicht gleich ſeyn koͤnnen; Wer aber ſo viel Verſtand hat / vnd den Baͤumen vnd Hecken-fruͤchten das jenige ge - ben kan / welches jhnen mangelt / vnd auch jhr vbriges / welches den Wein vnlieblich machet / benehmen kann / ſo geben ſie jmmer einen ſo guten / lieblichen / klaren vnd beſtaͤndigen Wein / als die Trauben. Wie dann der - gleichen Weine von Baum - vnd Hecken-fruͤchten ge -macht /15des Fuͤnfften Theils / Phil. O. macht / von vielen Perſohnen / bey mir fuͤr guten Reini - ſchen Wein getruncken ſind / deſſen ich auch allzeit fuͤr meinen taͤglichen Tranck einen Vorraht im Keller ha - be; vnd bekompt vnd ſchmecket ſolcher Wein mir vnd andern die jhn trincken / viel beſſer / als ein geſchwefelter vnd gebuͤtterter Franzoͤſiſcher Wein. Jſt derowegen eine vber die maſſen ſchoͤne vnnd ergaͤtzliche Kunſt vnd Wiſſenſchafft fuͤr alle Menſchen / in allen Laͤndern / es wachſe gleich Wein daſelbſien oder nicht / dann man al - lendhalben Korn haben kan / deßgleichen wachſen auch allendhalben / wie kalt auch die Laͤnder ſeyn / Aepffel vnd Biern / davon man dan einen guten Wein machen kan; vnd ſich daſelbſten an ſtatt eines thewren Weins / wel - cher von weittem mit groſſem Koſten bey gebracht wird / gebrauchen kan; vnd in den beſten Wein-Laͤndern ſelber iſt es ein gute Kunſt / dann der Trauben-Wein viel Muͤhe vnd Koſten erfordert / hergegen aber das Korn nicht halb ſo viel; vnd die Baum - vnd Heckenfruͤchten / beynahe gantz keine / dan man dieſelbe nur ablieſet / wann ſie zeittig worden ſind; vnd koͤnnen ſolche Baum - vnd Heckenfruͤchten an allen vngebaweten vnd vngduͤngten Feldern wachſen / da aber dargegen der Weinſtock einen guten geduͤngten Grund / vnd auch den Sonnen-ſchein neben anderer vieler Arbeit / haben will. Jch bin in einem Wein Land auffgebracht / nemblich im Francken - Land / da immer ſo viel Wein waͤchſet / als ſonſten an kei - nem Orth des gantzen Teutſchlands / vndgleichwohl die Weinziehler oder Haͤcker mehrentheils Waſſer trincken vnd den Wein / der jhnen waͤchſet / verkauffen / vmb an - dere nothduͤrfftige Dinge / als Kleider vnd Koſt darfuͤr ins Hauß einkauffen muͤſſen; vnd dieſes darumb / weilender16Annot. vber den Appendicemder Weinſtock eine vnglaubliche Muͤhe vnd groſſe Be - ſchwerung mit graben / hacken vnd anderer ſtaͤtigen Ar - beit / den gantzen Sommer durch erfordert / vnd wann der Wein das Jahr einen guten warmen Sommer hat / ſo wird er deſto beſſer; vnd gilt jhnen deſto mehr Geld / wan ſie denſelben in die vmbliegende Laͤnder / da keine Weine wachſen / verſchicken vnd verkauffen / vnd faͤllt ſo viel ab / dz ſie auch ein Faͤßlein fuͤr ſich ſelber behalten / damit ſie einander verehren; vnd ſich jhrer ſchweren vnd ſawren Arbeit / welche ſie in Erbawung deſſelben erlit - ten / etlicher maſſen ergoͤtzen: So aber im Mayen ein Froſt einfaͤllt / vnd die junge / zahrte / new-außgeſproſſene Zweiglein erfroͤret / oder die Bluͤte im Junio durch einen Melthaw verderbet wird / oder aber / wann die Trauben bey nahe gantz groß vnd reiff ſind / von einem Ha - gel / (deſſen man ſich in ſolchen bergichten Laͤndern viel zu befoͤrchten hat) verſchlagen wird / ſo haben ſie wenig oder gar nichts daſſelbige Jahr zu erwarten / vnd muͤſſen gleichwohl leben vnd die Weinberge mit aller gebuͤhr - licher Arbeit auffs kuͤnfftige Jahr weitter verſehen / ſol - len ſie nicht verderben / ſie nehmen gleich das Geld / wo - her ſie es wollen / muͤſſen biß weilen einen Weinberg ver - kauffen / daß ſie einen andern damit bawen koͤnnen; oder wan es wohl abgehet / Geld auff Zinſe nehmen / vnd das kuͤnfftige Jahr wan der Wein wohl gerahten / den Moſt fuͤr halb Geld an ſolche Weinſchlaͤuche / die jhnen haben vorgeſtreckt / vberlaſſen vnd darmit bezahlen. Was Raht nun? wan ſolcher. Miß-jahre etliche nach einan - der kommen? darumb ſage ich / daß die jenigen / welche den Wein bawen / gemeiniglich arme Leute ſind / vnd blei - ben / muͤſſen fuͤr andere den Wein ziehlen vnd ſelberWaſſer17des Fuͤnfften Theils / Phil. O. Waſſer trincken / die jenigen aber / welche ſo viel Gelt im voꝛraht haben / daß ſie gleichwol wieder anbawen koͤn - nen / wan ein vngluͤcklich Jahr kompt / haben keine noth / werden bißweilen ſehr reich damit / vnd ſonderlich / wan ſie den armen Haͤckern Geld vorſchieſſen / vnd jhre Wei - ne hergegen fuͤr ein gering Geld zur Bezahlung anneh - men; welches fuͤrwahr ein armſeeliger Handel iſt.

Daß ich nun weitters zu erkennen gebe / daß dieſe Wein-kunſt / davon ich ſchreibe / nicht allein in kalten Laͤndern / da ſonſten kein Wein waͤchſt / ſondern auch in denen Laͤndern / da viel Weins waͤchſet / ſehr gut vnd nuͤtzlich ſeye / will ich alſo beweiſen; Weilen in den be - ſten Weinlaͤndern gemeiniglich gantz kein Bier gebrau - et wird; ſondern der Reiche den Wein vnd die Armen das Waſſer trincken (außgenommen die Laͤuren) wie ſie es heiſſen / wann der Moſt außgepreſſt iſt / ſie Waſſer auff die Treſter ſchuͤtten / vnd noch einmahl außpreſſen vnd jaͤhren laſſen / gibt jhnen einen Tranck / welchen ſie im heiſſen Sommer / wann ſie die Weinberge graben / ge - brauchen; vnd in groſſer vnleidlicher Hitze ſich darmit laben vnd erquicken / dann jhren Wein doͤrffen ſie nicht außtrincken / ſondern muͤſſen denſelben verkauffen / vnd dagegen andere nothduͤrfftigkeiten ins Hauß darfuͤr ver - handeln: So dan nun ſolche Leute einen guten Tranck aus jhren Aepffeln vnd Biern / davon allenthalben in ſelbigen Laͤndern an groſſer Maͤnge in der Wilde wach - ſen vnd gar leichtlich ein groſſe quantitaͤt derſelben / fuͤr ein gar kleines zu erlangen iſt / ſo koͤnten ſie ſich das gan - tze Jahr durch / damit behelffen / vnd den natuͤrlichen ge - wachſenen Wein verkauffen / vnd jhre Nothdurfft damit erſetzen; welches aber nicht geſchicht / muͤſſen ſich derohal -Bben18Annot. vber den Appendicemben wegen jhrer Vnwiſſenheit / mit ſchoͤnem klarem vnd geſundem Quellwaſſer behelffen / welches ſie nicht noͤtig hetten / wan ſie den dingen wolten nach dencken vnd der - gleichen Weine (wie ſie dan wohl thunkoͤnten) zu jhrem taͤglichen Gebrauch macheten: Moͤchte dann jemand ſagen / waͤchſt dan kein Korn in ſolchen Laͤndern / daß ſie Bier darauß brauwen vnd ſich deſſelben an ſtatt Weins gebrauchen koͤnnen? Ja gewißlich / waͤchſt viel vnd gut Korndaſelbſten / wird aber kein Bier darauß gebrauet / dan ſolche Leute / welche mit dem Wein vmbgehen / ſol - ches nicht trincken moͤgen / ſondern ſich viel lieber beim guten Waſſer halten / wann ſie keinen Wein zu bezahlen haben / als einen ſolchen truͤben Tranck (wie ſie ſagen) Pferde-Seich gleich ſicht / ſolten in Leib gieſſen / vnd ſind derohalben nicht naͤrriſch / vnd habens vielleicht von dem alten Sprichwort: Jß was gahr iſt / vnd trincke was klar iſt / ſage was wahr iſt / ſo lebſtu lang. Sey derohalben genug geſagt vnd bewieſen / daß dieſe Kunſt / aus Korn vnd Baumfruͤchten Wein zu machen / in allen Laͤn - dern / ſo wohl da Wein / als da keiner waͤchſet / mit groſ - ſem Nutzen vnd frommen vieler Menſchen moͤge mit Ehren gethan werden.

III.

Dieſer Paragr. bedarff keines ſonderlichen Beweiſ - ſes / dann allbereit in den zween vorhergehenden Paragr. ſo viel geſagt iſt / daß man leichtlich darauß lernen vndver -19des Fůnfften Theils / Phil. O. verſtehen kan / daß dieſes / was allhier geſchrieben / auch wahr ſeyn koͤnne / iſt derohalben im geringſten nichts da - ran zu zweiffeln / ſondern als ein vnverfaͤlſchte Warheit an zu nehmen.

IV.

Wann man die Natur vnd Eigenſchafft des Ho - nigs wol betrachtet / ſo wird man leichtlich glauben vnd begreiffen koͤnnen / daß ſolches muͤglich ſeye; Nemblich Zucker vnd Weinſtein darauß zu machen / dan zwiſchen Honig vnd Zucker ein kleiner Vnderſcheid iſt / welches die gewiſſe vnd ſcharpffe vnfehlbare Probe der Zerle - gung in jhre Principia beweiſet / davon allhier mein In - tent nicht zu ſchreiben iſt; ſondern will nur ſo viel anzei - gen / auff daß man ſehen moͤge / daß es der Kunſt moͤglich ſey / ſolche ob erzehlte Dinge darauß zu machen: Der Zucker iſt ein lieblicher ſuͤſſer Safft / welcher in einem Rohr / als ein Marck / darinnen er in ſehr warmen Laͤn - dern durch die heiſſe Sonne wird außgezeittiget / vnd hernach abgehauwen / durch beſondere Muͤhlen zer - quetſcht vnd klein gebrochen / davon außgepreſſt / einem braunen Honig nicht vngleich / welcher Safft hernach durch beſondere Kunſt / die nun gemein iſt / in groſſen Keſſeln gelaͤuttert / gereinigt vnd clarificiret vnd in eine ſolche Geſtalt (wie er zu vns in Europa gebracht) bereit - tet wird; vnd von anfang keine ſo harte vnd weiſſe Ma -B ijteri20Annot. vber den Appendicemteri geweſen / ſondern hat zuvorn durch vielerhand Ar - beit vnd kunſt muͤſſen darzu gebracht werden. Alſo iſt auch der Honig ein fuͤſſer vegetabiliſcher Safft / wel - chen die Bienen aus den Bluͤſelen der Baͤumen oder andern Blumen / welche auff den Heiden vnd Wieſen wachſen / geſogen oder gezogen / vnd alſo mit groſſem Fleiß vnd Muͤhe zu jhrem Vnterhalt zuſammen getra - gen: Welches mehrentheils einem vnbereitteten Zu - cker gleich iſt / doch etwas vnzeitiger vnd vnreiner / wel - ches durch Probierer gefunden iſt. Jſt deme nun alſo / warumb ſolte man dann auch nicht durch Kunſt / welche jetziger Zeit ſehr hoch kommen iſt / ſolche Vnreinigkeit dem Honig benehmen vnd dem Zucker gleich machen koͤnnen? Es iſt doch bekandt genug / daß der Honig in vieler Arbeit (vnd ſonderlich bey den Apotheckern jhre Sirupos vnd Conſerven zu machen) an ſtatt Zucker / vnd Zucker an ſtatt Honig genommen wird / vnd iſt kein Vnderſcheid; als daß der Zucker von Natur etwas rei - ner vnd wolſchmeckender als der Honig erfunden wird; welcher Vngeſchmack vnd Vnlieblichkeit dem Honig doch mit kleiner Muͤhe kan benommen werden / daß er in allem dem Zucker gantz gleich iſt: Welches ohne zweiffel mit der Zeit dahin kommen wird / (darzu dieſe meine Schrifften keine geringe Vrſach geben) daß man aus Honig in allen Landen guten Zucker machen vnd nicht mehr ſo thewer erkauffen wird.

Anbelangend den Weinſtein / welcher aus dem Ho - nig ſoll koͤnnen gemacht werden / iſt jmmer ſo gewiß vnd thunlich als der Zucker darauß zu machen; Gleichwohl zweiffele ich nicht / daß es nicht weniger ſolte geglaubt ſeyn / als enes / dann Zucker vnd Honig ſind beide ſuͤß /aber21des Fuͤnfften Theils / Phil. O. aber Honig vnnd Weinſtein ſind einander nicht gleich / dan Honig iſt ſuͤß vnd naß / der Weinſtein aber ſauwer vnd hart; die Muͤglichkeit aber kuͤrtzlich zu beweiſen / will ich ein oder etliche Gleichnuͤſſe geben; vnd erſtlich von newem Wein oder Moſt / wann derſelbe aufaͤnglich von der Preſſen kompt vnd noch nicht gejohren hat / in ei - nem Keſſell eingeſotten / derſelbe zu einem dicken Safft / einem Honig oder Zucker am Geſchmack gleich werden wird / welcher / ſo er in guten erdenen oder beſſer glaͤſernen Gefaͤſen hingeſtellet vnd verwahret wird / mit der Zeit das Sal Eſſentiale ſich davon aus eigener krafftſcheidet / vnd ſich gerings herumb in dem Pott oder Glaß als Huͤ - ner - vnd Tauben - Eyer groß ancandeliſiret, in allem gleich einem candeliſirten rohten Zucker / die feces aber bleiben fuͤr ſich ſelber / mit dem vbrigen Zucker / welcher wegen des Schlams nicht hat anſchieſſen koͤnnen / beſon - der / vnd iſt ein ſolcher Zucker jmmer ſo lieblich vnd ſuͤß / als ein Zucker / welcher als Indien zu vns gebracht wird vnd in den Rohren gewachſen iſt / welche Suͤſſigkeit durch die Fermentation alſo verendert / vnd zu einem ſawren Weinſtein werden kan. Da gibt vns die Na - tur ja genug anleittung / den Dingen beſſer nach zu den - cken vnd Muͤglichkeit an die Hand / daß aus dem Moſt von Trauben gemacht / guter Zucker / nach benehmung des Schlammes vnd vberfluͤſſiger Feuchtigkeit / welcher im kochen exhaliret, werden kan.

Deßgleichen ſicht man auch an den Roſinen / welche nichts anders als Weintrauben ſind / denen jhre waͤſſe - rigkeit von der Sonnen außgezogen iſt / wann ſie ein Jahr gelegen / voll gekoͤrnten Zucker inwendig werden / welcher deme / der in dem ein gekochten Moſt geweſen /B iijin22Annot. vber den Appendicemin allem gleich iſt: Deßgleichen ich auch vielmahl ge - ſehen / daß in den Weinlaͤndern gute Haußhalterinnen bißweilen einen Keſſel voll Moſt einkochen vnd in eine Honig dicke bringen / zu dem Ende ſolches hernach das gantze Jahr an ſtatt Zucker in Speiſen vnd Getraͤncken bey Geſunden vnd Krancken zu gebrauchen. Deßglei - chen thun ſie auch mit den ſuͤſſen Kirſchen vnd Biern / preſſen dieſelben auß / kochens auff die Honig-dicke vnd verwahrens viel Jahre / vnd waͤchſt eben ein ſolcher Zu - cker darinnen / als in dem Moſt geſchicht; vnd wann bißweilen ſolche weiber keine gute Potten oder Glaͤſer haben / darinn ſie jhren eingeſottenen Moſt von Wein - trauben / Kirſchen / Biern oder andern ſuͤſſen Fruͤchten gemacht / gieſſen / vnd zu bewahren hinſtellen; ſo ſchwitzet das reineſte Theil / nemblich / das Sal Eſſentiale durch die Poros des Hafens / vnd coaguliret oder criſtalliſi - ret ſich außwendig an den Hafen an / gantz ſchoͤn weiß vnd klar / als der ſchoͤneſte vnd reineſte Zucker / vnd da - rumb / weilen nur das reineſte durch den luͤcken erdenen Hafen gehet / vnd die Feces zuruͤck bleiben.

Da ſichſtu nun klaͤrlich / daß aus allen vegetabili - ſchen ſuͤſſen Fruͤchten vnd Saͤfften / ein ſuͤß Saltz oder Zucker werden kan; Welche ſuͤſſigkeiten alle einen Tar - tarum geben. Warumb wiltu dann nicht glauben? daß es auch von Honig (der viel reiner iſt / als ſolche außgepreſſte Safften) geſchehen koͤnne? Ja / moͤchteſtu ſagen / dieſes will ich noch zu gefallen glauben / daß Zu - cker aus Honig koͤnne gemacht werden / weilen ich ſiehe / datz es mit andern fuͤſſen Saͤfften auch geſchicht / die dem Zucker in einem Theil / nemblich in der Suͤſſe / gleich ſeyn; aber / daß auch Weinſtein darauß werden ſolte / willmir23des Fuͤnfften Theils / Phil. O. mir in den Kopff nicht / dann Weinſtein iſt ein ſawer / vnd Zucker ein ſuͤß Saltz: Wie kan dann beides aus ei - nem Weſen werden? Nun mein lieber / der du die War - heit verlaͤugneſt / wiltu wiſſen was die vrſach ſey / deines Vnglaubens / ſo will ich dirs ſagen; dein grober vnge - ſchickter / harter Kopff iſt Vrſach daran / dann ſo dein Kopff nur halb ſo viel poros hette / als ein ſolcher Ha - fen / dardurch den Weibern der Zucker von Moſt oder Biern-Safft ſchwitzet / ſo wuͤrde dir leichtlich ſo viel Glauben der muͤglichkeit koͤnnen hinein ſchwitzen / als den weibern gegen jhren willen Zucker aus jhren von er - den gemachten hafen herauß ſchwitzet; Siehe nun / wie groß vnd lang deine Ohren / vnd wie kurtz vnd gering dein Verſtand iſt / in natuͤrlichen Dingen / kanſtu nicht die Kappe daruͤber ſetzen vnd ſolche deine Eſels - Ohren darmit bedecket laſſen / wo thut es dir nun gut / oder was hilffts dich / daß du die warheit beſtreitteſt vnd doch ſelber dardurch zu ſchanden wirſt?

Nun will ich dir ſagen / wie daß aus ſuͤſſen Dingen / natuͤrlicher ſawrer Weinſtein werden koͤnne / vnd nicht vmb deinet willen (weilen du zuvorn weiß genug biſt / wie du dir faͤlſchlich einbildeſt vnd andere darmit ableit - teſt /) ſondern vmb derent willen / die ſich nicht ſchaͤmen zu lernen / was ſie nicht wiſſen: Vnd iſt alſo damit be - ſchaffen; ſiehe an / wie ſuͤß der Moſt iſt von zeittigen Trauben / wann er von der Preſſen laufft / vnd wie ein ſuͤſſes Saltz er giebet / wann die waͤſſerig keit davon ab - ſtrahiret iſt / vnd gleichwohl / wan das waſſer darbey blei - bet vnd zu ſammen fermentiret, ein groſſe quantitaͤt ſauren Weinſtein von ſich wirffet; welche Scheidung nur die bloſſe fermentation allein zu wegen bringet /B iiijdurch24Annot. vber den Appendicemdurch welche die reinere Theilen colligiret vnd die vn - reinere vnd groͤbere Theilen ſepariret werden. Nun moͤchteſt du ſagen / kan ſolches durch die fermentation allein geſchehen / daß aus ſuͤſſen Dingen ein natuͤrlicher Tartarus wird / warumb geſchicht es dann auch nicht bey dem Honig oder Zucker-waſſer / wann es zu Meth geſotten / vnd doch niemahlen in ſolchen Faͤſſern Wein - ſtein gefunden wird: Jſt alſo nicht moͤglich / daß es durch eine gemeine fermentation kan geſchehen: Nun redeſtu wol vnd iſt wahr / durch eine gemeine fermenta - tion des Honig-waſſers / kann kein Weinſtein werden / dann in ſolcher Arbeit / kann ſich kein ſawres Saltz oder Weinſtein ſcheiden / derohalben auch ſolche Gekoͤche nit geſund oder lieblich ſind / ſondern allzeit laxirend vnd walgericht ſind vnd bleiben / ob ſie ſchon noch ſo alt wer - den / vnd iſt allein die Vrſach daß dem Honig kein Zu - ſatz geben wird / dardurch eine rechte Scheidung geſche - hen kan. Dann wer aus dem Honig keinen Weinſtein machen kan / der wird gewißlich auch keinen Wein da - rauß machen koͤnnen; was nun eigendlich das Meiſter - ſtuͤck ſey / dardurch ſolches zu wegen gebracht wird / iſt nicht noͤhtig alſo bald gemein zu machen / ſondern ſoll noch etwas vnter den Freunden bleiben / ſo lang / bis die Zeit (durch welche alles geaͤndert wird) einmahl ſolches offenbahren werde: Vnterdeſſen laß dich genuͤgen / daß du weiſt / daß es kan gethan werden. Were mir vor dieſem ſo viel geſagt worden / als ich dir jetzunder ge - ſagt habe / ich hette viel leichter zu dieſer Wiſſenſchafft gelangen koͤnnen; weilen ich aber bey niemanden / ſo wol ſchrifftlich als muͤndlich dergleichen Dinge gefunden / ſo kanſtu leichtlich errahten / was fuͤr Muͤhe vnd Koſtenich25des Fuͤnfften Theils / Phil. O. ich daran gewendet / ſelbe zu erforſchen: Derohalben billig iſt / daß ich auch die Fruͤchte davon genieſſe.

V.

Dieſe Wiſſenſchafft beſtehet allein in einem beſon - dern Niederſchlag / darinn ſich aller Schlamm auff ein - mahl zu boden ſetzet / wann der Weinſtein in waſſer auff - geloͤſet iſt; Derohalben nichts / oder gar wenig davon verlohren gehet / vnd alſo leichtlich in groſſe Cryſtallen kan gebracht werden.

VI.

Dieſes Secretum beſtehet auch in einem Nieder - ſchlag des Schlammes vnd vbelen Geruchs / dardurch der Honig einen lieblichen Geruch vnd Geſchmack er - langet / vnd hernach fuͤglich gute Weine vnd Eſſige da - rauß zu machen / kan gebraucht werden

VII.

Die Roſinen ſeind nur auß-getrucknete / zeittige Weintrauben / welche zu gewiſſer Zeit / wann dieſelben wol zeittig ſind / in Spanien vnd andern warmen Laͤn - dern abgeſchnitten vnd auff der warmen Erden getruͤck - net / in Koͤrben vnnd Faͤſſern ein gepackt / zu vns in Teutſchland gebracht werden / vnd iſt jhre Natur vnd Eigenſchafft anders nichts als ein Safft / ſampt den Huͤlſen von guten Weintrauben / dann die waͤſſerigkeit oder feuchtigkeit im trucknen derſelben / darvon gewi - chen / vnd den ſuͤſſen Safft / Zucker oder Eſſentiam der Wein Trauben allein bey den Huͤlſen gelaſſen hat / der - halben jhnen ſolches / was ſie durch die warme Sonne verlohren / nemblich jhre waͤſſerigkeit oder feuchtigkeit wieder durch ein ander waſſer erſtattet / vnd zu einem gu - ten Wein gebracht werden kan: wie daß ſolches von vie - len verſucht vnd probieret iſt; Nemblich / daß ſie Roſinen genommen / vnd ſolche alſo gantz oder zerhacket / in einem Faß mit warmem waſſer haben vbergoſſen vnd jaͤhren laſſen / in meinung / einen guten Spanniſchen Wein da - von zu erwarten / aber es iſt jhnen nicht nach jhrem wundſch gelungen / ſondern ſie haben zwar einen ſuͤſſen Safft davon erlanget / aber keinen Spanniſchen Wein davon machen koͤnnen / dann die Roſinen zuvoren in jhrem trucknen eine andere Natur erlanget haben / vnd ſolchen Wein / gleich wie er aus den friſchen vnd vnge - truckneten Trauben außgepreſſt wird / mit nichten geben koͤnnen.