Das erst Capittel von dem pferd

Zuͦ dem ersten / bey dem pferd das der rit ter gewaltigklichen soll besyttzen / ist vnß zuͦ versteen geben vnser eygen flei sch vnd leip / das wir dann geweltigkli chen besyttzen Wann wir vnderwerffen die begierde deß fleysches der begierde deß geystes / den leib der selen vnd die synnlichkeyt der vernuͦnfft Wann warumb Wenn die sele vndergewor fen ist dem leyb / der geyst dem fleisch / vnd die vernuͦnfft der synnlichkeit / das ist eben also wer es dz das pfert deß ritters gewaltig were vnd yn wider seynen willen trüge in die gewalt seyner veynde / vnd were auch gli cherweyß zuͦ vertseen also / were es dz das pfert vff dem ritter ritte / das doch gar ein wünderlich ding wer zuͦ sehen / Doch leyder so ist gemeynlich yederman in der gantzen werld der ritter vnderworffen dem pferde in dem das yederman mee lebt noch leiplicher luͦst vnd begyrde des fleysches dann deß geystes oder der selen Do von schreibet der[apostel] also Ir soͤllent wande / len in dem geyst vnd soͤllent die begyrd deß fleysches nit vollbringen Dann ist es das ir leben noch dem fleisch so sterbent ir / aber noch dem geyst so lebent ir also wolt er sprechen ewiglich Wann es doch gar vn / moͤgclich ist / dz der mensch / der allerzeit lebet in wol luͦst seynes leybes vnd begyrd des fleysches / besytzen moͤge das ewig leben / also das er tzwey hyemelreich habe das doch von keynem menschen beschriben steet vnd were es sach / das eyner die gantze geschrifft vber leße Wann alle menschen von anbegynne der werlde die gott dem herren haben wol gefallen / vnd ytzuͦndt mit eyn besytzent das ewig leben in gegangen synt durch betrübnüß / widerwertigkeit / vnd leydung vnd vberwin / dung deß fleysches / vnd darumb so spricht die schrifft dz wir durch vil betruͨbnüß müssen geen in dz reich gottes vnnd nit durch reychtuͦmb vnd trost dyeßer werldeb ij[7v]Do von spricht vnser herre Wee eüch reichen die do alhie haben iren troste Wann die menschen die iren trost alleyn settzen ynn das tzeyttliche guͦt / die wer / den on allen tzwiffell beraübet deß ewigen vnd hym lischen trostes Do von spricht sanctus Gregoriusdas den tzeytlichen freüden vnd wolluͤsten nachuol / gend ewige betrübnüß vnd weynen Wann nyemandt sich volkomelich hie erfreüwen mag in dießer werlde vnd dort / das ist in der zuͦkünfftigen tzeyt sich ewig / lich freüwen mit cristo vnserm herren Vnd eyn yegli cher mensch der sich ewiglich wil frauwen / der sol flye hen die freüde dyeßer werlde vnd abwerffen die freüde oder begyerde seynes eygen fleysches vnd sol ingeen durch die pforten / das ist durch die gebott gottes on die nyemandt mag behalten werden Wann wilt du yngeen spricht der herre so halt die gebott / vnd dar / umb Wee allen menschenn die ynn dyeßer tzeyt also lebenn wyssentlichen wyder die gebott gottes vnnd wyder yre eygene gewyssen Wann soͤlichen menschen were weger sye weren nye geborenn worden / vmb deß willenn das sye soͤlichenn kürtzen freüden vnnd wol luͦsten yn außerwelent vnnd darnoch ewigklichenn die vnbetrachtliche große peyn der hellen vnnd ewi ge verdampnuß darumb müssen leydenn Also synt alle reüber / wuͦcherer / eebrecher / vnkeuscher / vnge / horsamen / hoffertigenn / neydigenn / vnd fresßer vnd die do synt ynn geystlichem stat vnnd weßenn vnnd yren ordenn nit halten die synt alle willkoͤret in dem hymmel Wann warumb / sye kommen gar selten dar vnnd soͤliche menschen yre pferde geystlichenn recht nit besyttzen vnnd gewaltig seyn. Suͦnderbar das pferdt ist ir geweltig vnnd ist sie füren in dyeßer zeyt in die hende yrer veynde / das ist ynn die gewalt deß boͤßen geystes durch die volguͦnge seynes rattes ver /[8r]JJJsuchung vnd inblosung inn die sünde vnd darnoch inn den ewigen todt Sie reiten auch nit das pferdt[sunder] das pfert reytet sie / vnd darwmb so sint soͤlche menschen nit recht geistlich rytter vnsers herren iesu cristi/ vnd werdent auch nit von im gekroͤnet / sunder sie synt ritter des boͤßen geystes der yn zuͦ letzst gibt soͤllichen lon / der dann soͤllichen liebhabern irßs ley / bes vnd der welt zuͦ geneygt ist.

Das[Zweit. ]Ca. wie der geistlich ritter das pfert besittzet.

ABer das der mensch der sich bessern wil sein pfert das ist sein fleisch vnd sein leip oder synnlich / keit geweltiglichen besittzen moͤge / so thuͦt im not dz er an sich neme vor allen dingen drei gey / stlich geritschafft die vns zuͦ uͦerstehen geben werden bey dreyen dingen do mit der weltlich ritter dz pfert gewaltiglichen besittzet. Czum ersten so muß er ha / ben einen[sattel] / sol er anders fest sittzen / wann on den sattel moͤcht er gar leichtigklichen von dem pferd ge worffen oder gestoßen werden Darnach sol er haben zwen sporn do mit er das pfert fürbaß treybet. zum drit ten so muͦß er haben einen zaum do mit er das pferdt hindersich habe / ob es zuͦ sere oder zuͦ vast wolt lauffen vnd auch das er es do mit zwünge zuͦ gehen den weg seines willens / vnd were et sach dz im dießer eines ge brech / so moͤchte er sein pferdt nit ritterlichen besyttzen vnd nach seinem willen. Bey dem sattel moͤgen wir mercken die tugent der gedültigkeit. Bey den sporn das buͦßuertig leben oder penitentz Bey dem zaum die bescheydenheit die do ist ein behelterin aller tugent

Das iij Ca. von dem sattel.

gibt anzeigung was bey dem sattel geystlich zuͦ uer / sten sey / vnd lert vns wie wir die tugent der gedulig keit erfolgen / vnd was nutz wir darauß erlangen moͤ / gen. Sagt auch von der gedult Christi die er vmb vnsern willen inn seinem leiden gehabt hat.

DJe tugent der getültigkeit mag mann des ersten bey dem sattel versteen Wann zuͦ geleicherweyß als der mensch vff dem sattel be / sitzt das pferd / also sint wir vns selber geweltigklich besitzen mit der gedultigkeit Vnd do von sp richt der herre in dem ewangelio In ewer gedultigkeit werdent ir besitzen ewer selen. Do von spricht der weißman / das der getultig man stercker sei dann eyner der do zerbricht mit gewaldt stedt vnd vesten / wann es vil ein hefftiger vnd ritter / licher ding ist das sich der mensch selber überwind / al so das er thuͦt wider seinen eigen willen / vnd streb wi[9r]JJJJ.der sein eygen natur / do von er dann / doch eigentliche nicht anders hat dann die neigung vnnd vngedultig / keit / vnd nochgeen den / die vns übels thuͦnt oder wi / derwirtigkeit zuͦ fuͦgent. Sollich widerwirtigkeyt geschicht in funfferley weiß. zuͦ dem ersten an dem leib zuͦ dem andern an dem leumbd. zuͦ dem dritten an dem zeitlichen guͦt. zuͦ dem fierden an seinen freunden. zu dem funften die betrübung des gemüts / das vnderweylen den menschen zuͦ handen geedt in mancherhand weiß Soͤllich betruͤbniß vmb die widerwirtigkeit soll der mensch mit grossem fleiß außschlagen / wann darauß geet zum ersten der zorn. dar nach der has. vnnd dar nach geet dann die rach Vnd darumb wann die betrüb nis / die do ist ein wurtzel diesser dreier sund / zuͦ eines neides vnd rach abgeschniden wurden / so musten sol lich sund vnd die vngedultigkeit weichen / geleicher weiß als wann mann eynen baum verseret an der wur / tzeln / so wirt der stamm / die eest vnd auch die. frucht ver seret des sollen wir ein beizeychen nemmen ann vn / serm herren Jhesu christo/ der do groß pein leid ann seinem leib / mit stossen / schlahen / verspewen / mit gei seln / mit kroͤnen / vnd do er mit henden vnd mit fus / sen an das creutz genagelt ward / da hat er nit gefluͦ cht oder gescholten /[sunder] er hat mit grosser gedul / tigkeit vnd fleiß seinen hymelischen vatter getrülich gebetten vor sein veinde / vnd die in do peinigten / do er ist mit worten an seinem leumut verschmecht / ver spot vnd gescholten worden / da hat er geschwigen in grosser gedultigkeit als eyn scheflein / vor dem der es doͤten ist / also ist er auch gewest da man im sein kley / der außgezogen hat / vnd sein ausserwelt mutter mariavnd sein iünger von seinen wegen geschmecht wurden vns armen sündern zuͦ einem exempel / dz wir von im lernen soͤltenb iiij[9v]Inn allen soͤlchen widerwertigen dingen gedultigk zuͦ sein vnd nit allein vertzihen / sünderlich wir soͤllen getreulich vor die bitten die vns widerwertigkeit thun wann soͤlich menschen sint vns geben gereitschafft do mit vns die krone der freuden des ewigen lebens ge / schmidet vnd bereit wirt / vnd große peyn die wir mü sten in der helle oder im fegfeüer leyden / wirt vns mit soͤlcher gedultigkeit gen vnsern feinden abgeteylet / Vnd darumb gedencke du armer sünder der du gott deynen schoͤpffer vnd herren mit manchen großen vnd schweren sunden ertzoͤrnet hast dick vil vnd manig mal vnzalichen / das vnser lieber herre Jhesus Christuswar got vnd mensch der do nye keyn sünde gethan hat nach seiner menschlichen natuer / soͤliche große wider wertigkeit so gedültigklich gelitten hat vmb deyner sünd willen das du auch vmb ablas deiner sünden vnd peynen vmb die sünde ein wenig leydest ein kleyne kuͦrtze zeitvmb die freude deß ewigen lebens / wann er doch inn dz elend kommen ist vnd einen scharpfen bit tern todt vmb vnsern willen gelidden hat ime nach zuͦ volgen / in geduͦltigkeit / demütigkeit / vnd in brü derlicher liebe / on die nymant kommen mag zu ewigem leben

Das. iiij. Ca. wie der sattel der gedultigkeit sol gemacht werden von dreyen dingen.

DIeßer sattel der gedültigkeit sol gemachet werden von dreyen dingen nach der eygent schafft des sattels des weltlichen ritters / der eygentlich von dreien[dingen] wirt gemacht das ist auͦß leder holtz vnd leym.

Das funffte Capittel vom holtz

Dye ander materig oder gereitschafft do mit der sattel gemacht wirt / ist das holtz / vnd das sol dürr sein / do bey moͤgen wir versteen den na / tuͤrlichen todt / den wir alltzeit be dencken soͤllen / dann alle die weil dz holtz in der erden stat vnd grün ist vnd sein natuͤrliche krafft hat so ist lustlich vnd grün vnd mag wol frucht bringen / aber Wenn es abgehauwen wirt so durret es / darnach wirt es in das feur geworffen vnd zuͦ eschen gemacht / oder faulet vnd wirt zuͦ gemulle vnd zuͦ staube Also ist es gethan vmb den menschen alle die weil er in leben ist er den seinen lustig vnd lieb vnd mag auch frucht bringen / das ist die guten werck thun / wann er aber abgehauwen wirt durch den na / türlichen tod so wirt er verschmehet von allen seinen frunden vnd verhasset / also dz yderman von im fleü / cht der yn vorhyn lieb gehabt hat Darnach wirt erc j[12v]durre also das holtz / vnd wirt begraben in die erden vnd wir zuͦ gemülle vnd puluer vnd zuͦ erden. vnd ee er eynen monet begraben vnd in der erden gelegen ist so wirt er in ein solliich vngestalt wesen verkert dz in nyemant moͤcht gesehen / angegreiffen oder geschma ken / er müst sich des sere empfallen oder erschrecken / vnd moͤcht es auch nit geleiden / vnnd dar zuͦ müssen wir all kommen / der mensch sei in hohem oder nyderm stadt / vnd er sei keyser / künig hertzog / graff / frey / rit ter oder knecht / sie müssen all werden dem hirten ge / leich. O du armer sundiger mensch wye mag es ymer gesein das du alle dein begird so gar setzt vff zeytlich guͦt / vnd das dick vnd vil wider got vnd recht besitzest vnd gewinest / dar durch du dein arme sele verdamest ewigklich / vnd willicklich gibst in den gewalt des boͤ sen geists. wann du kumest nymer vnd magst nit kom men zuͦ ewigem leben / du gebst dann wider dz du hast mit vnrecht überkommen. Bedenck vnd betracht dz du es kürtzlichen lassen must / wann du nicht sicherers hast dann den tod / vnd nicht vngewissers der stund des todes. betracht wie gar vnuersichtigklich der tod ma nigen menschen ergreifft / dick vnnd vil in todtlichen sunden / dz doch das aller sorgklichst ist Wir sehen dick vnd vil das sich der mensch des nachtes[gesunt] nyder legt / vnd wirt des morgens tod funden / einer felt den hals ab / der ander erdrinckt der drit stirbt gehlingen in maniger hand weiß / wann wir das teglich sichtlichen sehen / über das alles so thuͦst du / als ob du ewigklich woͤllest leben in grosser begird zuͦ dem zeitlichen guͦtte vnd sorgfeltigkeit / vnd gedenckst nit was der prophet [David]spricht Der mensch samelt schetz vnd weyß nit wem / wann es dick geschicht das einer groß guͦt sa melt vnd gibt seyn sel darumb in die ewige verdam / niß vnd bedarff in seynem leben des selbigen guͦttes[13r]VJJJ.sich nit gebrauchen zuͦ seines leibes noturfft von gros ser geytzigkeyt wegen / vnd sorget all zeit das ym ge brest in dießem iamertal an zeitlicher narung / also dz das er das selbig auch nit teylet vnder arm leude / dem nach als er billich solt vnd vermoͤcht. es kumbt auch dick vnd vil dar zuͦ / das sollich guͦt darumb der mensch also leib vnd sele waget mit grosser sorgfeltigkeit vnd das dz selbig guͦt eynem andern zuͦ teyl wirdt / der es vertuͦt in grosser lüstigkeit seins leibs / mit üppigkeit vnd sunden / vnd loͤset seinen fürfar nicht mit dem ze henden teyl / vnd wer es müglich zuͦ thun auß der hel / le. Vnd darumb wer es müglich vnd billich / vnd ey / nez igcklichen gar nütz zuͦ betrachten seyn leste ding die im widerfaren werden / so sündet er nymermer Al so spricht der weyß. Dor zuͦ spricht auch ein namhaf / ter lerer also. O wie gar selig ist der mensch / der alle zeit hat vor seynen augen / der tag der scheidung sey / ner selen von dem leib / vnd schicket sich dar zuͦ wann der herr kom vnd ym ruͦff das er bereit sey O wie gar so mit grosser forcht / schmertzen vnd betrübniß gesch icht diese scheydung der selen von dem leyb. Do kom ment die engel zuͦfüren die sele vor das angesicht des strengen richters / der nit anders vrteilt / dann noch dem als der mensch verdynet hat / da[wirt] die sele erkennen all ir werck dy sie ye gethan hat in grosser angst vnd not. Vnd darumb so soll eyn ygklicher cristen mensch in großer fürsichtigkeit vnd sorgfeltigkeit leben / also das er icht versücht werd inn seyner vngerechtigkeyt in diesem kurtzen zergengklichen leben dar durch er das ewig leben / vnd hymelisch onentlich freud verly re vnd ewigklich beraubt werde Do kuͦmbt auch der boͤse geist in grosser graussamlichkeit also erschroͤcken lich dz do von nicht zuͦ sagen ist / wann er ein soͤlch feint lich gestalt hat in seinem eygentlichen wesen vn natuerc ij.[13v]das der mensch lieber wolt schlieffen in einen backoffen der do feürig were / wann yn ansehen / noch dem also die lerer klerlich an manchen enden der heiligen ge / schrifft vßlegen / vnd legt do dem menschen vor seine boͤßen werck / vnd vndersteet yn zuͦ zyhen von Cristli chem glauben / vnd zuͦ verfellen in zweyffelung / vnd also kompt der mensch in soͤliche große sorg not vnd angst an seinem letzsten ende / besunderlich der sunder das nyemant betrachten / bedencken / oder außgespre / chen kan oder mag Wann der do moͤchte erkennen war zuͦ er kommen muß / vnd was er werden muß on allen zweyffel er wurde ettlicher maßen sich demütigen vnd gedültig in seiner widerwertigkeit / er gehe in dz ker / nerhauß vnd besehe do welcher sey gewesen reich oder arm / iung oder alt / hubsch oder heßlich / edel oder vn edel / herr oder knecht / vnd bedencke vnd betrachte wie die ytzundt sein / das er auch also werden muß / vnnd vberhebe sich nit seines leibes / gutes / geburt / gewalt oder an leyplichen oder an zeytlichen dingen die im got verluhen hat / vnd also mag er vberkommen das holtz zuͦ dem sattel deß geistlichen ritters.

Das sechst Capittel vom leim.

DAs dritt do mit der sattel gemacht wirt ist der leym do mit das holtz vnd leder zesammen wirt gefüget / vnd hebt das also hefftiglichen zuͦsammen das es dick vnd vil anderßwo ee bricht dann do es geleymt ist. Bey dem leym der also[vest ist] vnd zusammenhebt / moͤgen wir versteen die goͤttliche lieb dy die außerwelten menschen also hefftiglich got dem herren zu gefugt hat / das sie sich haben lassen zurzer / ren vmb cristliches glaubens willen / mit eysen kraw len / also Sancta Agathavnd weitter vil heyligen. Et / liche synt gebroten worrden / die dritten versteynet[14r]JX.Die vierden gecrutzigt Die funften enthaubtet vnd sust mangerlei pein vnd marter die sie also gar wil licklich gelitten haben vß der grossen lieb die sie zu dem almechtigen got gehabt hant / die sie an in also ge / haft hat / dz sie niemants durch kein pein oder marter von ein gescheiden moͤcht. Vnnd darumb spricht der Apostel. Wer wirt vns scheiden von der lieb gottes / weder angst / not / hunger oder durst / frost oder hitz be trubniß oder widerwertigkeit / oder nichts nit das man erdencken mag ist vns von im scheiden / wann dye liebe überwindet alle ding / on dye lieb kan oder mag keyn mensch got wolgesallen. Wann der Appostel spricht. vnd were es das ich redt mit den zungen aller menschen vnd der engel / vnd were es das ich hette solchen glauben das ich die berg verdrucket / vnd geb alles das ich han an die speiß der armen / vnd han ich der lieb nit so bin ich nichtes. Dye lieb macht den menschen gedultig de mutig / senftmutig vnd barmhertzig / wann sie anders volkumen in dem menschen ist. Wie sie aber volkum men sei weißt vns der herr in dem ewangelio da er sp richt / das dyer yt gedrucket werd. do bey moͤgen wir versteen die gehorsamkeyt / die do ist ein soͤlche tugent die dem menschen alles dinck leicht macht. Vnd wie wol es ist das diesse tugent forderlich angehoͤret geist lich menschen / so müssen doch die weltlichen auch dye gehorsame halten in vil stücken. Also die kind gehor sam sollen sein vatter und mutter / vnnd sollen sie in grossen eren halten. dann die menschen die mutter vnd vatter vnerent / die ist got der herre in manigen weg straffen. Einem schneidet er sein leben ab. den andern straffet er an seinem leib. den dritten an seinem gute den fierden an seynem leumbde. den funfften mit der ewigen verdamniß / Also sol ein igklicher mensche ge horsam sein seinem geistlichen vatter / vnd yn in gro /c iij.[14v]ßen eren halten / vnd wo das nit geschicht / so wirt der mensch groͤblich gestroffet also auch ob geschriben stat Hie were auch not zuͦsagen von den zehen gebotten vnd wie in großer gehorsamkeit ein yeglicher mensch sie schuldig sey zuͦ halten / vnd auch wie der mensche vor allen dingen seinem beichtuatter sol gehorsam seyn inn der vffsatzung der buͦße vnd in der beycht / vnd die in großer demütigkeit volbringen Dye menschenn die inn der ee synt soͤllen auch einander gehorsam sein in zymlichen sachen. Von der gehorsam spricht San / ctus[Augustinus]. die gehorsam ist ein heyl aller gleubi / gen menschen / eyn gebereryn aller tugent / sie ist den hymmel vffschliessen / vnd die menschen zyhen von ir dischen sachen / sie ist eyn beywonerynne der engel vnd eyn speyß der heiligen / dann kürtzlich der gehorsam mensch ist got dem herren vnd allen den / den er soͤll / ches schuldig ist willigklich volbringen die gehorsam