Do Jheſus innen wardt / das ſie kommen wurden vnd yhnen tzum konig machen / iſt er abermals vffin bergk geflohen / er al - lein. Johan. 6.Mein reich iſt nicht von dißer welt. Joh. 18.Die konnige der welt hirſchen yr / vnd die gewaldt haben / werden gnedige hern genandt / yr aber nicht alßo / ßonder der do groſſer iſt vnther euch / ſall ſich nydern / als der weniger. Luce. 22.
Auß obirkayt die wir ſonder tzweyffell tzumkeyßerthumbhaben /vndauß vnßer gewalt / ſeynt wir des keyßertumbs / ßo ſich das voꝛledigt / ein rechter erbe /Clementinapaſtoꝛalis adfinemdeſententiaet re iudi. Summaſummarum. Nichts anders iſt in des Bapſtsgeyſtlichenrechte tzu finden / dan das es ſeynen abgot vnd Antichꝛiſt vbir alle keyßer / koͤnigvndfurſten irhebet / als Petrus voꝛgeſagt hat. Es werdenkommenvnuoꝛſchambts Biſchoff die die weltlich herſchafft werden voꝛachten. 2. Pet. 2.
A ijDie ſoldner haben geflochten eyne kronen von doͤꝛnen /vndauff ſein heubt gedꝛuckt / darnach mit eynem purper kleydt haben ſie yn bekleydet. Johan. 19.
Der Keyſer Conſtantinus hat vns die keyſerlich krone / getzirde allen andern geſchmuck in maſſen wie yhnderkeyſer tregt / pur - per cleyt alle andere cleydervndſcepter zutragenvndtzubꝛauchen geben
Solche luͤgen haben ſie yre ty - ranney tzu erhalten erticht wyder alle hiſtoꝛienvndkuntſchafft / dan es iſt nit bꝛauchlich geweßen den Romiſchen Keyſern ein ſolche krone tzutragen.
A iijSzo ich ewꝛe fueße habe gewaſchenderich ewir herrvndmeyſter bin / vill mehꝛ ſolt yr einander vnter euch die fuße waschen. Hie - mit habe ich euch einantzeygungvndbeyſpiel geben / wie ich ym than habe / alßo ſolt ir hinfur auch thuen. Warlich warlich ſage ich euch /derknecht iſt nicht mehꝛ dan ſeyn herre / ßo iſt auch nichtdergeſchickte botte mehꝛdanderyn geſandt hat / Wiſt yr das? Selig ſeyt yr ßo yr das thuen werdent. Johan. 13.
Der Babſt maſt ſich an itzlichen Tyrannen vnd heydniſchen furſten / ßo yre fueß den leuten tzu kußen dar gereicht / nach tzu - volgen / damit es waer werde das geſchꝛieben iſt. Wilcher dießer beſtien bilde nicht anbettet / ſall getoͤdt werden
Ditz kuſſens darff ſich der Bapſt ynſeynendecretalen vnuoꝛ - ſchembt ruͤmen. c.cumolimdeprivilegiiscle. Si ſummuspontifexde ſen. excõ.
Gehe hyn tzum mehꝛ /vndlaß yn dynen hamen / dem erſten fiſch der ſich vff wirfft / thue das mauel auff / doꝛinnen wirſtufindeneinen gulden / den gib tzu tzoll voꝛ mich vnd dich. Mat. 17.
Gebt der obirkeyt die das ſchwerdt yn iren henden hat ſeyne ge - buͤre / den tzinß / wem der tzinß tzuſtehet / den tzoll / dez er geburdtPaul. ad Roma. 13.
Wir ſetzen vnd oꝛdnen das den mit nicht getzimen ſall ßo denweltlichengerichtstzwangkhabenſtewirvndſchoßdengeyſtlichenperſonen vfftzulegen ader den tzu foꝛderenvonyren hewßernvndallen andern guttern bey der puß des ſchweren bans vnd inter - dicts / des gleychen ſollen die geyſtlichen dieße alle nicht tzalen ſonder vnßer erleubnis. c. i. de ĩmunit. eccle. li. vi.Alßo hat der Bapſt gots gebott durch ſeyne gebott tzuriſſen / welchs ſeyner vnchꝛiſtlichen decretael eynigs werck iſt.
BChꝛiſtus ab er wol yn der gotlichen foꝛm war / dennoch hat er ſich des geewſert ſich gnydertvndgeberdet wie eyn knecht gleich den andern menſchen antzuſehen vnd befundenn eyn menſch der ſich gedemuͤtiget hat Vnnd iſt gehoꝛſam geweßen biß ynn den todt
Der bapſt meynt es ſey ſeynen ehꝛen tzue nahe das er ſich demuͤ - tige / dann der ſich tzu faſt demuͤtiget gedeyget ym ynn dem regiment tzuuoꝛachtung. c. quando 86. diſtinc.
Alßo ſagt die gloſa. das iſt waer bey denn narꝛenn / das iſt ßo vil mann muß geſtrengt vbir die deutſchenn narꝛen regiren / ßo halten ſie vill von vns.
B ijAls Jheſus iſt ein weytten wegk gangen / iſt er muͤd woꝛden. Johan. 4.Der mir wil nach volgen / der nem ſeyn Creutz vff ſich vnd volge mir. Mathei 16.
Er hatt ym ſeyn Creutze ſelbſt getragen vnd iſt tzu der ſtell die Caluarie gnant wirdt / gangen. 19.
Das capittel Si quis ſuadentevnddergleychen tzeygt gnug an wie gerne[ der] Bapſt das creutz der wyder wertigkeyt duldet / ſo er alle die ihenen / die hand an die pfaffen anlegenvoꝛmaladeyetvnddem teuffel gibt Vnd alßo ouch tregt der Bapſt das creutz das ynnen getauffte Chꝛiſten vff yꝛen achſſelen tragen muͤſſen.
B iijJch muͤß ouch andern ſtetenn pꝛedigen das reych gots dan ich von des wegen geſandt bynvndhab gepꝛedigt yn den Synago - gen durch Gallileam
Es geſchiecht offt das die Biſchoff mit vielen hendelnbeladenſeyn vnnd von wegen Jrer fhedenn / auch tzun tzeytten konnen ſies nit / das dan nit ſeyn ſoll / mogen des[predigens] nitgewartenßonderlich wan yre biſthumb groß ſeint dan mogen ſie ande - re voꝛ ſichbeſtellendie dopꝛedigenc. Jnter cerera de offi. oꝛdina.Das ſeynd die biſchoff die yꝛesoꝛdenlichenampts vergeſſen / ſintwoꝛdenanimaliaventris. 3.vndſpꝛechen/kommetvndlaſt vnsſchlemmenvnd temmen vnd alßo fur vnd fur gut leben haben. Eſai. 56.
Die fuchß haben yre gruͤben / vnnd die fogell der lufft ire neſter / Aber der ſon desmenſchenhat nicht do er ſein heubt legte. Lu. 9Dießer ab er wol reich war / dennoch vmb vnſert willen iſt er arm woꝛden / vnd ſeyn armut hat vns reych gemacht. 2. Coꝛ. 8
Wir loßen auff alle eyde die die geyſtlichen tzu gefengknis gelo - bet haben vnnd gebieten das mann nit allein mit geyſtlichem̃ / ßonder auch mit dem weldtlichem ſchwerdt Jre guͤtter[ be - ſchutzen ſall] ſo lang[ bis] das ſie yr etwandt guͤt widder haben15. q. 6. c. Auctoꝛitatẽvndderynn dießem krieck ſtirbt adir voꝛ - dirbt wirdt erlangen das ewig leben
das heyſt ßeyns guts gewiß ſein das mans ouch voꝛ guͤt acht ab ſchoͤn Chꝛiſtenn bluͤt doꝛubir voꝛgoſſen wirdt.
CSich an / dein konigk kompt dir demuͤtigk vff einemiungeneſelMathei 21. Alßo iſt Chꝛiſtus kommen reyttendt vffinn fremb - den eſell arm vnd ſanfftmuͤtigkvndreydt nicht tzu regiren ßon - der vns allen tzu eynem ſeligen todte
Die geyſtlichen ſeint alle konnige vnnd das betzeygt die platten vffim kopffe. duo 12 q. 1.
Der Bapſt magk gleych wie der keyſſer reyttenvndder keyßer iſt ſeyn thꝛabant vff das biſchofflicherwirdengehalt nicht[gemin - dert] werde
Der Bapſt iſt allen volckern vnd reychen voꝛgeſatzt
Jr ſolt nicht haben golt nach ſilber / nicht gelt an ewirn goꝛteln keyne taſchen ouch nit tzwen roͤck nach ſchueh nach eyn wan - derſtab. Math. 10.
Sanct Peter ſagt / Jch habe wyder golt nach ſilber
Vbi iſt dan Patrimonium Petri?
Keyn Biſchoff ſall vff eyn gering vnd kleyne ſtadt geweyet werden / ßondern tzu eynem erlichen titell geſatzt vnd hoch ge - ehꝛet ſeyn. 80. diſt. c. Epiſcopi.
Wir oꝛdnen das keyne weyhung ane gnugliche voꝛſoꝛgung krefftig ſey. 70. diſt. ſanctoꝛum.
C iijDas reich gots iſt nit / yn ewſſerlichen geberden / ſye hie / aber do iſt Chꝛiſtus / beſonder das reich gots iſt innerlich yn euch. Lu. 17.Warumb habt ir das gebott gots vbirtretten von menſchen geſetz wegen / Alle ehꝛen mich voꝛgeblich / die do menſchen lere vnd gebot halten. Mat. 15.Eſaie. 21.
Des Antichꝛiſts reich iſt gantzlich in ewßerlichem weßen / was ſagt des Bapſts recht anders dan oꝛdnung vonn kaſeln cleydern platten /feyertagen/weyungen/ pfreunden / ſecten /monchenvnd pfaffen /vndnennen ſich / yre habevndgutter geyſtlich guͤt / ſich allein die chꝛiſtlich kirche / die pfaffen das außerwelte volck gots / gleich ſam weren die leyen nicht inderkirchen vnnd gots / Wyder alle ſchꝛifft vbir das voꝛbeut er die ſpeyße / ehe / wie dann Paulus voꝛgeſagt hat. Es werdenkommenvoꝛlougne geyſtvndſolche ding voꝛbieten. 1. Timo. 4.
Er hat funden ymtempellvoꝛkauffer / ſchaff / ochßenvndtawbenvndwechſler ſitzen /vndhat gleich ein geyſſel gemachtvonſtrickenalle ſchaͤff / ochßen /taubenvndwechßler außem tempell trieben / das gelt verſchuͤt / die tzall bꝛedt vmkartvndtzu den die tawben voꝛkaufften geſpꝛochen. Hebt euch hin mit dießen auß meins vatern hauß ſolt ir nit ein kauff haußmachen. Joh. 2.Jr habts vmb ſunſt /darumbgebts vmb ſunſt. Mat. 10.Dein gelt ſey mit dir yn voꝛdamnuß. Act. 8.
Hie ſitzt der Antichꝛiſt ym tempell gotsvndertzeygt ſich alß got wiePaulusvoꝛkundet
voꝛandert alle gotlich oꝛd - nung wie Daniel ſagt vnnd vntherdꝛuckt die heylig ſchꝛifft / voꝛkeufft diſpenſacion / Ablas Pallia Biſthumb lehen / erhebt die ſchetz der erden / Loſt vff die ehe / beſchwerdt die gewiſſenn mit ſeynen geſetzen / Macht recht vnd vmb gelt tzureyſt er das / Erhebt heyligen / Benedeyetvndmaledeyet yns vierde geſchlechtvndgebewt ßeyn ſtym tzuhoꝛen gleych wie gots ſtym
vnd nimants ſall ym eynreden. 17 q. 4. c. nemini.
Jn yꝛen anſehen iſt er auffgehaben vnd die wolcken haben ynn hinwegk genommenvonyꝛen ougen. Dißer Jeſus der von euch yn himmel auffgenommen iſt / wirdt alßo wyderkommenwie yꝛ ynn geſehen habt tzu himmel fharen. Act. 1.Seyn reych hat keyn ende
Wer do mir dient der wird mir nach volgenvndwu ich bin do wirt meyn diener ouch ßeyn
Es iſt ergriffen die Beſtiavndmit yrderfalſch pꝛophet der durch ſie tzeychen than hat do mit er voꝛfurdt hat / die ßo ßeyntzeychenvon yme genommen / vnd ſein bildt angebet ßeynt verſenckt yn die teuffe des fewirs vnd ſchweffels vnd ſeynd getodt mit dem ſchwerdt des der do reydt vffim weyſſen pferdt / das außſeynemmauel gehet. Apocal: 19.Danne wirdt offenbar werden der ſchalckhafftige denn wirdt der herꝛ Jeſus toeten mit dem atem ßeyns mundts vnd wirdt yn ſturtzen durch die gloꝛi ßeyner[ tzu - kunfft. ]2. ad Teſſa. 2.
Sint eyn ichlich ſchandt buͤch vnd famoſus libellus nit mag genendt werden es begreyfft dan yn ſich ſchandtlich laſter vnd vnthate ßo iſt offentlich das ditz buchle nit mag voꝛ einſchandbuchgehaltenwerdennach durch die gebot ßo wyder die ſchand ſchꝛifft außgangen / voꝛbotten ſeyn / dieweyl alles dashirinnenſteht / Jnn dem Bebſtlichem geyſtliche / rechte nit allein alls tzimliche dingk / ſonder ouch als geſetze tzu befinden / vnnd iſt voꝛnemlich außgangen alleyne des geyſtlichenn fleiſchlichenn rechts grundt yn eyner ſumme vnd kurtzlich antzutzeygen / ge - meynem nutz der Chꝛiſtenheyt foꝛderlich tzu guthe.
Oksana TolkachovaNote: Bereitstellung der Texttranskription.Note: Bitte beachten Sie, dass die aktuelle Transkription (und Textauszeichnung) mittlerweile nicht mehr dem Stand zum Zeitpunkt der Übernahme des Werkes in das DTA entsprechen muss.2017-04-26T10:10:50Z Sandra AehneltDominik StoltzNote: Bearbeitung der digitalen Edition.2017-04-26T10:10:50Z CLARIN-DNote: Langfristige Bereitstellung der DTA-Ausgabe
Fraktur
Die Transkription erfolgte nach den unter http://www.deutschestextarchiv.de/doku/basisformat formulierten Richtlinien.Verfahren der Texterfassung: manuell (einfach erfasst).Bogensignaturen: gekennzeichnet; Druckfehler: dokumentiert; fremdsprachliches Material: nicht gekennzeichnet; Geminations-/Abkürzungsstriche: expandiert, markiert; Hervorhebungen (Antiqua, Sperrschrift, Kursive etc.): gekennzeichnet; i/j in Fraktur: wie Vorlage; I/J in Fraktur: wie Vorlage; Kolumnentitel: gekennzeichnet; Kustoden: gekennzeichnet; langes s (ſ): wie Vorlage; Normalisierungen: keine; rundes r (ꝛ): wie Vorlage; Seitenumbrüche markiert: ja; Silbentrennung: wie Vorlage; u/v bzw. U/V: wie Vorlage; Vokale mit übergest. e: wie Vorlage; Vollständigkeit: vollständig erfasst; Zeichensetzung: DTABf-getreu; Zeilenumbrüche markiert: ja; Dieses Werk wurde manuell einfach erfasst, von zweiter und dritter Hand korrigiert und in XML/TEI P5 nach DTA-Basisformat kodiert.
Distributed under the Creative Commons Attribution-ShareAlike 2.0 Generic (German) License.